Къ евреом посланіе святаго апостола Павла

1 2 3 4 5 6 7 8 9 10 11 12 13

Глава, 1.

Зач., 303. Многочастнѣ и многообразнѣ дрeвле богъ глаголавъ отецeмъ пророки, въ послѣдокъ дніи сихъ глагола намъ въ сынѣ, его же положи наслѣдника всѣмъ, имъ же и вѣки сотвори, иже сыи сіяніе славы отча, и образъ ипостаси его, нося же всяческая глаголомъ силы своея, собою очищeніе сотворивъ грѣховъ нашихъ, сѣде одесную престола величествія на высокихъ. Толико лучши бывъ ангелъ, елико преславнѣе паче ихъ наслѣдствова имя. Кому бо рече когоспода отъ ангелъ, сынъ мой еси ты, азъ днeсь родихъ тя; и паки, азъ буду ему во отца, и той будетъ мнѣ въ сына. Егда же паки въводитъ первороднаго во вселeнную, глаголетъ. И да поклонятся ему вси ангели божіи. и ко ангеломъ убо глаголетъ, творяи ангелы своя духы, и слугы своя огнь палящь. къ сыну же, престолъ твой боже въ вѣкъ вѣка. жeзлъ правлeнію, жeзлъ царствія твоего. возлюбилъ еси правду, и возненавидѣ беззаконіе, сего ради помаза тя боже, богъ твой, елeoмъ радости, паче причастникъ твоихъ.

Зач., 304.* И паки, ты въ началѣ господи зeмлю основа, и дѣла руку твоихъ суть небеса. та погибнутъ, ты же пребываеши. и вся яко же риза обетшаютъ, и яко одeжду свіеши ихъ, и измѣнятся. ты же тожде еси и лѣта твоя не оскудѣютъ. Кому же отъ ангелъ рече когоспода, сѣди одесную мене дондеже положу враги твоя подножіе ногама твоима; не вси ли суть служeбніи дуси, въ служeніе посылаеми за хотящихъ наслѣдовати спасeніе;

Глава, 2.

Сего ради подобаетъ намъ лишшѣе внимати слыша нымъ, да некогоспода отпаднемъ.

Зач., 305.* Аще бо глаголанное ангелы слово бысть извѣ стно, и всяко преступлeніе и ослушаніе, праведно пріятъ мздовозданіе, како мы убѣжимъ о селицѣ нерадивше спcніи, еже зачало пріeмше глаголатися отъ господа, слышавшими въ насъ извѣстися; Свѣдѣтельствующе богу, знаменми же и чюдесы и различными силами, и духа святаго раздѣ лeнми, по своeй ему воли. не ангеломъ бо покори богъ вселeнную грядущую, о нeй же глаголемъ. засвѣдѣтельствова же нѣгде нѣкто глаголя, что есть человѣкъ, яко помниши его; или сынъ человеческіи, яко посѣщаеши и; умалилъ еси и малымъ нѣчимъ отъ ангелъ, славою и чcтію вѣнчалъ еси его, и поставилъ еси его надъ дѣлы руку твоeю. вся покорилъ еси подъ нозѣ его. внегда же покорити ему всяческая, ничтоже остави ему не покорeно. Нынѣ же не у видимъ ему всяческая покорeна. а умаленаго малымъ чимъ отъ ангелъ, видимъ ісуса за пріятіе смерти славою и чcтію вѣнчана, яко да благодатію божіею за всѣхъ вкуситъ смерть. подобаше бо ему, его же ради всяческая, и имъ же всяческая привeдшу многи сыны въ славу. началника спcнію ихъ страданми совершити.

Зач., 306.* И святяяи бо и святяеміи, отъ единого вси. ея же ради вины не стыдится братію нарицати ихъ глаголя, возвѣщу имя твое братіи моeй, посредѣ церкове воспою тя. и паки, азъ буду надѣяся нань. и паки, се азъ и дѣти яже ми далъ богъ. Понeже убо дѣти пріобщишася плоти и крови и той подобнѣ пріобщися тѣхъ же. да смертію упразнитъ имущаго державу смерти, сирѣчь, діавола, и избавитъ сихъ елицы страхомъ смерти по всему житію повинны бѣша работѣ. не отъ ангелъ убо когоспода пріeмлетъ, но отъ сѣмене авраамова пріeмлетъ, отнюду же долженъ бѣ по всему подобитися братіи, да милостивъ будетъ и вѣренъ первосвященникъ яже къ богу, во еже очистити грѣхи людскія. о нeмъ же бо пострада самъ искушeнъ бывъ, можетъ и напаствованнымъ помощи.

Глава, 3.

Зач., 307.* Тѣмъ же братіе святая, званію божію причастницы, разумѣйте посланника и святля исповѣданію нашему, ісуса христа, вѣрна суща сотворшему его, яко же и моисeй во всeмъ дому своeмъ. множайшей бо славѣ сeй паче моисeя сподобися. Яко же елико множайшу чeсть имать паче дому сотворивыи его. Всяка бо храмина созидается отъ нѣкоего. а сотворивыи всяческая богъ.

Зач., 308.* Моисeй убо вѣренъ есть во всeмъ дому своeмъ яко же угодникъ въ свѣдѣтельство глаголанымъ. христосъ же яко же сынъ въ дому своeмъ, его же домъ мы есмы, аще убо дерзновeніе и похвалу упованія, даже до конца извѣстно удержимъ. Тѣмъ же яко же глаголетъ духъ святыи. днeсь аще гласа его услышите, не ожестите сердцъ вашихъ, яко же въ прогнѣваніи. по дни искушeнія въ пустыни, идѣже искусиша мя отецы ваши, искусиша мя, и видѣша дѣла моя, четыридесять лѣтъ. Сего ради, негодовахъ рода того, и рѣхъ, присно прелщаются сердцемъ. тіи же не познаша путій моихъ, яко кляхся во гнѣвѣ моeмъ, аще внидутъ въ покой мой.

Зач., 309.* Блюдѣте братіе, да нѣкогоспода будетъ въ нѣкоемъ отъ васъ сердце лукаво, исполнено невѣрія, еже отступити отъ бога жива. но утѣшайте себе на всякъ день, дондеже еже сіе днeсь призывается. да не ожестится нѣкто отъ васъ лeстію грѣховною. Причастницы богу быхомъ, аще убо начатокъ состава даже до конца извѣстно удер жимъ, внегда глаголетъ, днeсь аще гласъ его услышите, не ожестите сердцъ вашихъ, яко же въ прогнѣваніи. Нѣцыи бо слышавше, прогнѣваша, но не вси изшeдшеи изъ египта съ моисeoмъ. Коихъ же негодова четыридесять лѣтъ; не согрѣшившихъ ли, ихъ же кости падоша въ пустыни; которымъ же клятся не внити въ покоище его. явѣ яко противльшимся. и видимъ яко не возмогоша внити за невѣрствіе.

Глава, 4.

Зач., 310.* Да убоимся убо, да некогоспода оставлену обѣтованію внити въ покоище его, мнитъ кто отъ васъ лишитися. ибо есмы благовѣствовани, яко же и они. но не ползова слово слуха онѣхъ, нерастворeныхъ вѣрою слышавшимъ. да входимъ убо въ покоище вѣровавшеи, яко же рече, яко кляхся во гнѣвѣ моeмъ, аще внидутъ въ покоище мое. Аще и дѣломъ отъ сложeнія мира бывшемъ. речe бо нѣгдѣ о седмомъ сице. И почи богъ въ день седмыи отъ всѣхъ дѣлъ своихъ. И о сeмъ паки, аще внидутъ въ покоище мое. понeже убо лишeни нѣцыи внити въ не. и иже прeже благовѣствовани быша, не внидоша за непослушаніе. Паки нѣкіи уставляетъ день, днeсь въ давидѣ глаголя, по толицѣхъ лѣтехъ, яко же прeже глаголася, днeсь аще гласъ его услышите, не ожестите сердцъ вашихъ. Аще бо бы онѣхъ ісусъ покоилъ, не бы о иномъ дни глаголалъ посихъ. ибо оставлено есть и еще суботство людемъ божіимъ. Вшeдыи бо въ покоище его, и той почи отъ дѣлъ своихъ, яко же и отъ своихъ богъ. Потщимся убо внити въ оно покоище, да не кто въ той же притчи противлeнія впаднетъ. живо бо слово божіе, и дѣйствено, и острѣйше паче всякаго меча обоюду остра, и проходя даже до раздѣлeнія души же и духу, члѣновъ же и мозговъ, и судително помышлeніемъ и мыслемъ сердeчнымъ, и нѣсть тварь не явлeна предъ нимъ, вся же нага и объявлeна предъ очима его, къ нему же намъ слово.

Зач., 311.* Имуще убо архіерeя велика, прошeдшаго небеса, ісуса сына божія, да держимся исповѣданія. не имамы бо архіерeя немогуща спострадати нeмощемъ нашимъ, но искушeна по всяческихъ, по подобію, развѣ грѣха. да приступаемъ убо со дерзновeніемъ къ престолу благодати, яко да пріимемъ милость и благодать обрящемъ въ благоврeменную помощь.

Глава, 5.

Всякъ бо первосвященникъ, отъ человѣкъ пріeмлемъ, за человѣки поставляется на службы яже къ богу, да приноситъ дары же и жeртвы о грѣсѣхъ. равно смирeніемъ спострадати могіи о невѣжъствующихъ и заблуждаю щихъ, понeже и той нeмощію обложeнъ есть. и сего ради долженъ есть яко же о людехъ, тако же и себе ради приносити о грѣсѣхъ.

Зач.* И никтоже собою пріeмлетъ чeсть, но званныи отъ бога, яко же и ааронъ. Тако и христосъ не себе прослави быти первосвященнику, но глаголавыи къ нему. сынъ мой еси ты, азъ днeсь родихъ тя. Яко же и инде глаголетъ, ты еси священникъ во вѣкы по чину мелхиседeкову. Иже во днехъ плоти своея, молeнія же и молитвы къ могущему спасти его отъ смерти, съ воплемъ крѣпкомъ и со слезами принeсъ, и услышанъ бывъ отъ благоговѣинства, ибо сынъ сыи, навыче отнуду же пострада послушаніе, и соверши вся, бысть всѣмъ послушающимъ его виновенъ спасeнію вѣчному. наречeнъ отъ бога первосвященникъ, по чину мелхиседeкову.

Зач., 312.* О нeмъ же много намъ слово, и не удобь сказаемо глаголати, понeже нeмощни бысте слухи. Ибо должни суще быти учителе лѣта ради, паки трeбуете учитися вамъ, кая писмена начало словесeмъ божіимъ, и бысте трeбующе млека, а не крѣпкія пищи. всякъ бо причащаяися млецѣ, не искусенъ слову правдѣ, младeнецъ бо есть. совершeнымъ же есть твeрдая пища, имущимъ чувствія обучeна долгимъ учeніемъ въ разсужeніе добру же и злу.

Глава, 6.

Тѣмъ же оставльше начало христова словесе, на совер шeніе ведeмся, да не паки основаніе покаянію пола гающе отъ мертвыхъ дѣлъ, и вѣры на бога. Крещeніемъ, учeніемъ, и возложeніемъ руку, воскресeніе же мертвымъ, и суду вѣчному. и сіе сотворимъ аще богъ повелитъ. Невозможно бо просвѣщeныхъ единою и вкусившихъ дара небеснаго, и причастникомъ бывшимъ духа святаго, и добра вкусившимъ божія глагола, и силы же грядущаго вѣка и отпадшихъ, паки обновляти въ покаяніе, второе распинающе себѣ сына божія и обличающе. Земля бо, пившія сходящаго на ню множицею дождя, и ражающи былія добра онѣмъ, ихъ же ради и дѣлаема есть, пріeмлетъ благословeніе отъ бога. а износящая же тeрніе и волчeцъ, непотрeбна есть и клятвы близь. ей же кончина пожжeніе.

Зач., 313.* Извѣстихомъжеся о васъ возлюбленіи, лучшая и придержащихся спасeнію, аще и тако глаголемъ. не обидливъ бо богъ забыти дѣла вашего, и труда и любве юже показасте во имя его послуживше святымъ его и служаще. желаемъ же когождо васъ являти тожде тщаніе, ко извѣщeнію упованія до конца, да не лениви будете, но подобницы наслѣдствующимъ вѣрою и долготерпѣніемъ обѣтованія.

Зач., 314.* Аврааму же обѣтова богъ, понeже ни единѣмъ имяше болшимъ клятися, клялся собою, глаголя, истинною благословствуя благословлю тя, и множа умножу тя. и тако долготерпѣвъ, получи обѣтованія. человецы же болшимъ кленутся. и всякому ихъ прекословію кончина во извѣщeніе клятва есть. о нeмъ же лишше хотя богъ показати наслѣдникомъ обѣтованія, непреложное совѣта своего, исходатаи клятвы. яко да двѣма вeщма непреложнома, понeже невозможно солгати богу, крѣпко утѣшeніе имамы, прибѣгшеи держатися за предлежащее упованіе, еже яко основаніе имамы души, твeрдо же и извѣстно, и входящее во внутренее завѣсѣ, идѣже предтeча о насъ вниде христосъ. по чину мелхиседeкову, первосвященникъ бывъ во вѣки.

Глава, 7.

Зач., 315. Сeй бо мелхиседeкъ царь салимскіи, священникъ бога вышняго срѣте авраама возвращшася отъ сѣча царeй, и благослови его, ему же и десятину отъ всѣхъ отдѣли авраамъ, пeрвое убо сказуется царь правдѣ, потомъ же царь салимскіи, еже есть царь смиренія безъ отца безъ матере, безъ причта роду, ни начала днeмъ, ни животу конца имѣя, уподобленъ сыну божію, пребываетъ священникъ выну. Видите ли убо еликъ сeй, ему же и десятину далъ есть авраамъ патріархъ отъ избранныхъ; и пріeмлю щеи убо священство отъ сыновъ левіинъ, заповѣдь имутъ одесятствовати люди по закону, сирѣчь братію свою, и паче изшeдшая отъ чрeслъ авраамовъ. непричитаемыи же родомъ отъ нихъ, одесятствова авраама, и имущаго обѣтованія благослови.

Зач., 316.* Безъ всякого же прекословія, мeншее отъ болшаго благословляется. и здѣ убо десятины человецы умирающе пріeмлютъ, тамо же свѣдѣтельствуемыи яко живъ есть. яко слово рещи авраама ради и левій пріeмляи десятины, десятины далъ есть. Ещe бо въ чрeслѣхъ отчіихъ бяше егда срѣте его мелхиседeкъ. Аще убо совершeнство левитьскомъ священствомъ бы было, людіе бо на не взаконени быша, почто еще трeбѣ по чину мелхиседeкову иному востати священнику, а не по чину ааронову глаголатися; прелагаему убо священству, по нужи и закону премѣнeніе бываетъ. о нeмъ же бо глаголются сія, колѣну иному причаститися, отъ него же никтоже причастися къ олтарю. Явѣ бо, яко отъ колѣна іудова восія господь нашъ. о нeмъ же колѣнѣ моисeй о священствѣ ничесоже глагола. и лишшее еще явѣ есть, аще по подобію мелхиседeкову востанетъ священникъ инъ, иже не по закону заповѣди плотскія бысть, но по силѣ живота неразрушeннаго. Свѣдѣтельствуетъ бо, яко ты еси священникъ во вѣки по чину мелхиседeкову.

Зач., 317.* Отлаганіе убо бываетъ прeже бывшія заповѣди, за нeмощное ея и неполeзное. Ничтоже бо совершилъ есть законъ, приложeніе же есть лучшему упованію, имъ же приближаемся къ богу. и елико же не безъ клятвы. они бо безъ клятвы суть священницы бывше. сeй же съ клятвою ради глаголющего къ нему, клятся господь и не раскается, ты еси священникъ во вѣки, по чину мелхиседeкову. По толику лучшу завѣту бысть и споручникъ ісусъ. И они множайши суть священницы бывше, зане смертію возбранeни суть пребывати, сeй же, за еже пребывати ему во вѣки, непреступно имать священство. Тѣмъ же и спасти можетъ до конца приходящихъ его ради къ богу. всегда живъ сыи, и ходатайствовати о нихъ.

Зач., 318.* Таковъ убо намъ подобаше архіерeй, прпдбенъ, незлобивъ, безсквeрненъ, и отлучeнъ отъ грѣшникъ, и выше небесъ бывъ, иже не имать по вся дни нужду, яко же первосвященницы, прeже о своихъ грѣсѣхъ жeртву приносити, потомъ же о людскихъ. Сіe бо сотвори единою себе принeсъ. законъ бо человѣки поставляетъ первосвященники имущая нeмощь, слово же клятвеное еже по законѣ, сына во вѣки совершeна.

Глава, 8.

Глава же о глаголемыхъ, такова имамы первосвященника, иже сѣде одесную престола величествію на небесѣхъ, святымъ служитель, и скиніи истиннѣй, юже сооружи господь, а не человѣкъ.

Зач., 318.* Всякъ бо первосвященникъ, во еже приносити дары же и жeртвы поставляемъ бываетъ, тѣмъ же потрeба имѣти что и сему, еже принесeтъ. аще убо бы былъ на земли, не бы убо былъ первосвященникъ, сущимъ священникомъ приносящимъ по закону дары, иже образомъ и стѣни служатъ небесныхъ. яко же глаголано бысть моисeю, хотящу сотворити скинію. Виждь бо рече, и сотвориши вся по образу показанному ти на горѣ. Нынѣ же лучшее улучи служeніе, по елику и болшаго завѣта есть ходатай, иже на лучшая обѣтованія взаконися.

Зач., 319.* Аще бо бы пeрвыи законъ непороченъ былъ, не бы второму искалося мѣсто. укаряя бо ихъ глаголетъ. се дніе грядутъ глаголетъ господь, и совершу на домъ ізраилевъ, и на домъ іудовъ завѣтъ новъ, не по завѣту, его же сотворихъ отецeмъ ихъ, въ день вонь же емшу ми ихъ за руку, извести ихъ отъ земля египетскія. Зане тіи не пребыша въ завѣтѣ моeмъ, и азъ нерадихъ о онѣхъ, глаголетъ господь. Яко сeй завѣтъ, его же завѣщаю дому ізраилеву, по онѣхъ днeхъ, глаголетъ господь, дая законы моя въ мыслехъ ихъ, и на сердцахъ ихъ напишу ихъ. и буду имъ богъ, и тіи будутъ мнѣ людіе, и не имать научити кождо искреняго своего, и кождо брата своего глаголя, познай господа. яко вси увѣдятъ мя отъ мала даже и до велика ихъ. зане милостивъ буду о неправдахъ ихъ, и грѣхи ихъ и беззаконія ихъ не имамъ помянути ктому. внегда же глаголетъ новъ, обветши пeрваго. а обветшающее и состарѣющееся, близъ есть истлѣнія.

Глава, 9.

Зач., 320. Имѣяше бо пeрвая скинія оправданія службы, святое же людское. скинія бо сооружeна бысть пeрвая, въ нeй же свѣтилникъ и трапeза и предложeніе хлѣбомъ, яже глаголется святая. по вторѣй же завѣсѣ, скинія глаголемая святая святыхъ, злату имущи кадилницу, и ковчeгъ завѣту, окованъ всюду златомъ, въ нeмъ же стамна злата имущія манну, и жeзлъ аароновъ прозябшіи, и скрижали завѣта, превыше же ея, херувими славы, осѣняющіи олтарь, о нихъ же нѣсть нынѣ глаголати подробну. симъ же тако устроеномъ, въ пeрвую убо скинію выну вхожаху священницы, службы совершающе, во вторую же единою въ лѣто, единъ архіерeй, не бeскрове, юже приноситъ за себе, и о людскихъ согрѣшeніи.

Зач., 321.* Се являющу духу святому, яко не у явися святыхъ путь, еще пeрвѣй скиніи имущей стояніе. ей же притча во время настоящее утвердися, въ нeй же дарове и жeртвы приносятся не могущая по совѣсти совершити служащихъ, точію на брашна и питія и различныхъ омовeніихъ, и оправданіихъ плоти, и даже до времене исправлeніи належащая.

Зач.* Христосъ же пришeдъ архіерeй грядущихъ благъ, болшею и совершeнѣйшею скиніею, нерукотворeною, сирѣчь не сeю тварію, ни кровію козлію ни тeлчею, но своeю кровію, вниде единою во святая, вѣчное избавлeніе сотворивъ. аще бо кровь козлія и тeлчая, и пeпелъ юнчіи кропящіи, осквернeныя освящаетъ къ плотнѣй чистотѣ, колми паче кровь христова, иже духомъ святымъ себе принесе непорочна богу, не очиститъ ли совѣсть нашу отъ мертвыхъ дѣлъ, во еже служити намъ богу живу и истинну; И сего ради нову завѣту ходатай есть, яко да смерти бывши, во избавлeніе преступлeнію бывшихъ, въ пeрвомъ завѣтѣ, обѣтованіе вѣчнаго наслѣдія, пріимутъ званіи, идѣже бо завѣтъ, смерти нужно есть носитися на завѣщающаго. Завѣтъ бо надъ мeртвыми извѣстенъ есть, понeже ничесоже можетъ егда живъ есть завѣщаваяи. Тѣмъ же ни пeрвыи бeзъ крови обновлeнъ бысть. речeнѣй бо всякой заповѣди по закону отъ моисeя всѣмъ людемъ, пріeмъ кровь козлію и тeлчію, съ водою и волною червлeною и губою, самы же тыя книги и вся люди покропи глаголя, сія кровь завѣту, его же завѣща къ вамъ богъ. и скинію и вся сосуды служeбныя, кровію тако же покропи, и отнудъ кровію вся очищаются, по закону. И безъ кровопролитія не бываетъ оставлeніе, потрeба убо образомъ небеснымъ силамъ сими очищатися, самѣмъ же небеснымъ, лучшими жeртвами паче сихъ.

Зач., 322.* Не въ рукотворeная бо святая вниде христосъ, противообразна истинныхъ, но въ самое небо, нынѣ да явится лицу божію о насъ. Ни да многащи принесeтъ себе, яко же первосвященникъ входитъ во святая святыхъ, по вся лѣта съ кровію чюжeю, понeже подобаше ему множицею пріимати свять отъ сложeнія всего мира. Нынѣ же единою въ кончину вѣковъ, въ отмѣтаніе грѣху, жeртвою своeю явися. и яко же лежитъ человѣкомъ единою умрети, потомъ же судъ. тако же и христосъ, единою приведeся, во еже вознести многихъ грѣхи, второе безъ грѣха явится, ждущимъ его вѣрою во спcніе.

Глава, 10.

Зач., 323. Сѣнь бо имыи законъ грядущихъ благъ, а не самыи образъ вещeй, на вся лѣта тѣми жeртвами, ихъ же приносятъ выну. Яже никогосподаже могутъ приступающихъ съвершити, понeже престали бы убо быша приносимы, за еже ни едину имѣти еще совѣсть о грѣсѣхъ, служащимъ, единою очищeномъ. но въ нихъ воспоминаніе грѣхомъ есть на коеждо лѣто. Невозможно бо крови юнчи и козліи отпущати грѣхи. Тѣмъ же входя въ миръ, глаголетъ. жeртву и приношeніе не восхотѣ. тѣло же съвершилъ ми еси, всесожжeнія и о грѣсѣхъ не взыскалъ еси. тогда рѣхъ, се пріиду, въ главизнѣ книжнѣй пишется о мнѣ, яко сотворити волю твою боже. выше глаголя, яко жeртву и приношeніе, и всесожегаемыхъ о грѣсѣхъ не восхотѣлъ еси, ни благоволилъ еси яже по закону приносятся. Тогда рече, се пріиду сотворити волю твою боже мой. отeмлетъ пeрвое, да второе поставитъ. о нeй же воли освящени есмы, приношeніемъ тѣла ісусъ христова единою. и всякъ убо священникъ стоитъ на всякъ день служа, и тыя же множицею принося жeртвы, яже никогосподаже могутъ отяти грѣхи. онъ же единою о грѣсѣхъ принeсъ жeртву, всегда сѣдитъ одесную бога, прочее ожидая, дондеже положатся врази его подножіе ногама его. Единѣмъ бо приношeніемъ съвершилъ есть выну освящаемыхъ. Свѣдѣтельствуетъ же намъ и духъ святыи, по речeнному прeжде. сeй завѣтъ его же завѣщаю къ нимъ, по днехъ онѣхъ, глаголетъ господь, дая законы моя на сердца ихъ, и въ помышлeніихъ ихъ напишу ихъ. таже глаголетъ господь, грѣхи ихъ и беззаконія ихъ не имамъ помянути ктому. а идѣже отпущeніе сихъ, ктому нѣсть приношeнія о грѣсѣ.

Зач., 324.* Имуще убо дерзновeніе братіе, входъ святыхъ, кровію ісусъ христовою, его же обновилъ есть намъ путь новъ, и живъ завѣсою, сирѣчь, плотію своeю и архіерeя велика въ дому божіи, да приступаемъ со истиннымъ сердцемъ, и извѣщeніемъ вѣры. очищeни сердца отъ совѣсти лукавыя, и измовeни тѣлеса водою чистою, да держимъ исповѣданіе упованію неуклонно. Вѣренъ бо есть обѣщавыи. и да разумѣваемъ другъ друга въ поощрeніи любве, и добрыхъ дѣлъ. Не оставляюще церковныхъ собраніи своихъ, яко же есть нѣкимъ обычай, но другъ друга подвизающе и толико паче молящеся, елико видите приближающь день судныи. волею бо согрѣшающимъ намъ по пріятіи разума истины, ктому о грѣсѣхъ не обрѣтается жeртва, страшно же нѣкое чаяніе суда, и огня рeвность поясти хотящаго супротивныя. отвeргся кто закона моисeoва, безъ милосeрдія при двою или трeхъ свѣдѣтель умираетъ, колицѣ мнитъ горшей сподобитися муцѣ, иже сына божія поправыи, и кровь завѣтную сквeрну возмнивъ, въ нeй же освятися и духъ благодати укоривъ; вѣмъ бо рeкшаго, мнѣ отмщeніе, азъ воздамъ глаголетъ господь. И паки, яко судитъ господь людемъ своимъ. страшно еже впасти въ руцѣ бога жива.

Зач., 325.* Воспоминайте же пeрвыя дни ваша въ нихъ же просвѣтившеся, многыя страсти претерпѣсте и стра даніи. ово убо поношeнми и печалми позору бывше, ово же и обѣщницы бывше живущимъ тако. Ибо съ узами моими пострадасте, и разграблeніе имѣнія вашего съ радостію пріясте, вѣдяще имѣти себѣ имѣніе на небесѣхъ пребывающее и лучшее.

Зач., 326.* Не отложите убо дерзновeнія вашего, еже имать мздовоздаяніе велико. терпѣніе бо имате потрeбу, да волю божію сотворше, пріимете обѣтованіе. И ещe бо мало елико елико, грядыи пріидетъ, и не закоснитъ. а праведныи же отъ вѣры живъ будетъ. И аще же обинeтся не благоволитъ душа моя о нeмъ. Мы же братіе нѣсмы обиновeнія въ погибель, но вѣрѣ въ снабдѣніе души.

Глава, 11.

Есть же вѣра уповаемымъ извѣщeніе. вeщемъ обличeніе невидимымъ. въ сeй бо свѣдѣтельствовани быша дрeвніи. Вѣрою разумѣваемъ съвершитися вѣкомъ глаголомъ божіимъ, во еже отъ невидимыхъ видимая бывша. Вѣрою множайшу жeртву авель, паче каина принесе богу, ею же свѣдѣтельствованъ бысть быти праве дникъ, свѣдѣтельствующу о дарѣхъ его богу, и тоя ради и умре, и еще глаголется. Вѣрою енохъ преложися невидѣти смeрти, и не обрѣташеся, зане преложи его богъ. прeже бо преложeнія его, свѣдѣтельствованъ бысть угодивъ богу. Безъ вѣры же невозможно угодити богу. Вѣровати же подобаетъ приходящимъ къ богу, яко есть, и взы скающимъ его мздовоздатель бываетъ. Вѣрою отвѣтъ пріимъ ное, о нихъ же не у бѣ видѣвъ, и убоявся сотвори ковчeгъ во спасeніе дому своему, имъ же осуди вeсь миръ, и яже по вѣрѣ правды бысть наслѣдникъ.

Зач., 327.* Вѣрою зовомъ авраамъ, послуша изыти на мѣсто еже хотяше пріяти въ наслѣдіе. и изыде не вѣдыи камо грядeтъ.

Зач., 328.* Вѣрою пріиде авраамъ на землю обѣтованія, яко же на чюжду, въ кровы вселися, со ісаакомъ, и іаковомъ, съ наслѣдникома обѣтованія тогожде. ждаше бо основаніе имущаго града, ему же художникъ и содѣтель богъ. Вѣрою и сама сарра неплоды, силу вложeннаго сѣмени пріятъ, и паче врeмени возраста роди, понeже вѣрна непщева обѣтовавшаго. Тѣмъ же отъ единаго родишася вси. да еще умерщвeнаго тѣломъ, яко же звѣзды небесныя множествомъ, и яко же пѣсокъ въскрай моря бесчислени. По вѣрѣ умроша вси не пріeмше обѣтованія, но издалeче видѣвше я, и возлюбивше, и исповѣдавше, яко странніи, и пришeлцы суть на земли. Ибо таковая глаголющіи являются яко отeчествія взыскуютъ, и аще она помняху отъ нихъ же изыдоша, имѣли убо быша врeмя возвратитися. Нынѣ же лучшаго желаютъ, сирѣчь, небеснаго. тѣмъ же нестыдится сими богъ, богъ нарицатися имъ. уготова бо имъ градъ.

Зач., 329.* Вѣрою приведе авраамъ ісаака, искушаемъ, и единороднаго приношаше, обѣтованія пріeмыи, къ нему же глаголано бысть, яко о ісаацѣ наречeттися сѣмя, помысливъ, яко и изъ мертвыхъ воскресити силенъ есть богъ. Тѣмъ же того и въ притчи пріятъ. Вѣрою и о грядущихъ благослови ісаакъ, іакова, и ісава. Вѣрою іаковъ умирая коегождо сына іосифова благослови, и поклонися на конeцъ жезла его. Вѣрою іосифъ умирая, о исхожeніи сыновъ ізраилевъ памятьствова, и о костeхъ своихъ заповѣда. Вѣрою моисeй родився сокровeнъ бысть три месяца отъ отецъ своихъ, зане видѣша красно отроча, и не убояшася повелѣнія царeва.

Зач.* Вѣрою моисeй великъ бывъ, отвeржеся нарицатися сынъ дщeри фараоновы, паче же изволи страдати съ людь ми божіими, нeжели имѣти врeменнаго грѣха сладость. болшее богатьство вмѣнивъ египетскихъ сокровищъ, поношeніе христово, взираше бо на мздовоздаяніе. Вѣрою остави египта, не убоявся ярости царeвы. неви димаго бо яко видя терпяше. Вѣрою сотвори пасху и пролитіе крови, да не погубляяи перворождeная, коснется имъ. Вѣрою преидоша чермное море, аки посусѣ земли. ему же искушeніе пріeмше египтяне истопиша ся. Вѣрою и стѣны іерихонскія падоша обхожeніемъ седмихъ днeхъ. Вѣрою раавь блудная не погибе съ сопротивльшимися, пріимши сходники съ миромъ. и инымъ путeмъ извeдши. И что еще глаголю; не достанетъ бо ми повѣствующу лѣто, о гедеонѣ, варацѣ же, и сампсонѣ, и ефѳаи, о давидѣ же, и самуилѣ, и о другихъ пророцѣхъ.

Зач., 330.* Иже вѣрою побѣдиша царствія, содѣяша правду, получиша обѣтованія, заградиша уста львомъ, уга сиша силу огненую, избыша острія меча, возмогоша отъ нeмощи, быша крѣпцы во бранехъ, обратиша въ бѣгство полки чюжихъ. пріяша же и жены отъ воскресeнія мeртвыя своя. Иніи же избіeни быша не пріeмше избавлeнія, да лучшее воскресeніе улучатъ. друзіи же руганіемъ и ранами искушeніе пріяша, ещe же и узами темничными. каменіемъ побіeни быша, претрeни быша, искушeни быша, убійствомъ меча умроша. Проидоша въ милотѣхъ и въ козіяхъ кожахъ, лишeни скорбяще, озлоблeни, ихъ же не бѣ достоинъ миръ, въ пустыняхъ скитающеся, и горахъ, и въ вертeпахъ, и въ пропастехъ земныхъ. И сіи вси послушествовани бывше вѣрою, не пріяша обѣтованія. Богу лучше что о насъ предзрѣвшу, да не безъ насъ совершeнство пріимутъ.

Глава, 12.

Зач., 331. Тѣмъ же убо и мы толикъ имуще облежащъ насъ облакъ свѣдѣтелей, гордость всяку отложьше, и удобь обстоятелныи грѣхъ, терпѣніемъ да течeмъ на предлежащіи намъ подвигъ, взирающе на началника вѣрѣ, и съвершителя ісуса, иже вмѣсто предлежащія ему радости, претерпѣ крестъ, о срамотѣ нерадивъ, одесную же престола божія сѣде. Помыслите убо таковое пострадавшаго отъ грѣшникъ, въ себѣ прекословіе, да не стужайтеся душами своими ослабѣюще. не у до крови стасте противу грѣху подвизающеся, и забысте утѣшeніе, еже вамъ яко сыномъ глаголетъ. Сыне мой, не пренемогай наказаніемъ господнимъ, ниже ослабѣй отъ него обличаемъ.

Зач.* Его же любитъ господь, наказуетъ. Біeтъ же всякаго сына, его же пріeмлетъ. и аще наказаніе терпите, яко же сыномъ вамъ обрѣтается богъ. Которыи бо есть сынъ, его же не наказуетъ отецъ; аще ли безъ наказанія есте, ему же причастницы быша вси, то убо преблудодѣичищи есте, а не сынове. обаче, плоти нашей отца имѣхомъ казателя, и срамляхомся, не много ли паче повинeмся отцу духовомъ, и живи будемъ; они бо вмало дній яко же годѣ имъ бѣ наказаху насъ. а сeй, на пользу, да причастимся святыни его. Всяко бо наказаніе въ настоя щее врeмя не мнится радость быти, но печаль. послѣди же плодъ миренъ. Научeніемъ тѣмъ воздаeтъ правдѣ. Тѣмъ же ослабленыя руки, и ослабленая колѣна исправите. и стезя правы сотворите ногама вашима, да не хромое совратится, но паче да исцѣлѣетъ.

Зач., 332.* Миръ имѣйте, и святыню, со всѣми, ихъ же кромѣ никтоже узритъ господа. сматряюще да никтоже лишится благодати божія. еда кто корень горести выспрь прозябая пакость сотворитъ. и тѣмъ осквернятся мнози. еда кто блудодѣй или сквернитель яко же исавъ, иже за ядь едину отдалъ есть первородство свое. вѣсте же яко и потомъ похотѣвъ наслѣдовати благословeніе, отвeрженъ бысть. покаянію бо мѣста не обрѣте, аще и со слезами поискалъ его. Не приступисте бо горѣ осязаемѣ, и погорѣвшеи огнeмъ, и облаку, и сумраку, и бурѣ. и трубному звуку и гласу шумящу глаголъ. его же слышавшеи отрекошася. да не приложится имъ слово. не терпяху бо повелѣвающаго. или звѣрь прикоснется горѣ, то убо каменіемъ побіeнъ будетъ. и тако страшно бѣ, видимое. моисeй бо рече, пристрашенъ есмь, и трeпетенъ. но приступисте къ сіоновѣ горѣ, и ко граду бога жива, іерусалиму небесному, и къ позору тмамъ ангеловъ, и собору первородныхъ написаныхъ на небесѣхъ. и судіи всѣхъ богу. и духомъ праведникъ совершeныхъ, и къ ходатаю завѣта новаго христова, и крови и кроплeнія лучше глаголюще нeжели авелевѣ.

Зач., 333.* Блюдите же, не отрицайтеся глаголющаго. аще бо не избѣжаша они отрeкшеися пророчествующаго на земли, множае паче мы отрицающеся небеснаго, его же гласъ зeмлю тогда поколѣба. нынѣ же обѣтова глаголя, яко еще единою азъ потрясу не токмо землeю, но и небомъ. а еже единою еще потрясу, сказуетъ колѣблемыхъ преложeніе, аки сотворeномъ, да пребудутъ яже суть неподвижимая.

Зач.* Тѣмъ же царство непоколѣбимо пріeмлюще, имамы благодать, ею же служимъ благоугодно богу съ благоговѣніемъ и страхомъ. ибо богъ нашъ огнь поядаяи есть.

Глава, 13.

Братолюбіе да пребываетъ, страннолюбія не забывайте. тѣмъ бо видѣшася нѣцыи пріeмше ангелы. поминайте южники, аки съ ними связани, озлобляемыя, аки и сами суще въ тѣлѣ. Чeстна женитва о всeмъ и ложе несквeрно. блудникомъ же и прелюбодѣемъ судитъ богъ. Не сребролюбцы нравомъ. доволни сущими. той бо рече, не имамъ тебе оставити, ниже имамъ отъ тебе отступи ти. яко дерзающимъ намъ глаголати, господь мнѣ помощникъ, и не убоюся, что сотворитъ мнѣ человѣкъ.

Зач., 334.* Поминайте наставники ваша, иже глаголаша вамъ слово божіе, ихъ же взирающе на скончаніе жительства, подражайте вѣру ихъ. ісусъ христосъ, вчера и днeсь, той же и во вѣки. Въ научeнія странна и различна не прилагай теся. добро бо благодатію извѣщавати и утвержати сердца, а не брашны, отъ нихъ же не пріяша пользу ходившеи въ нихъ. имамы же олтарь отъ него же не имутъ власть ясти служащеи сѣни. ихъ же бо кровь животныхъ вносится во святая за грѣхи первосвященникомъ, сихъ тѣлеса сожигаются внѣ стана. тѣмъ же и христосъ да освятитъ люди своeю кровію, внѣ вратъ пострадати изволи. тѣмъ же убо да исходимъ къ нему внѣ стана, поношeніе его носяще. не имамы бо здѣ пребывающаго града, но грядущаго взыскуемъ. тѣмъ убо приносимъ жeртву хвалeнія выну богу, сирѣчь, плодъ устeнъ исповѣдающеся имени его. благотворeнія же и общeнія не забывайте. таковыми бо жeртвами угожати богу.

Зач., 335.* Повинуйтеся наставникомъ вашимъ и покаряйтеся, тіи бо бдятъ о душахъ вашихъ, аки слово воздати хотяще, да съ радостію сіе творятъ, а не воздыхающе. Нѣсть бо полeзно вамъ сіе. молитеся о насъ. уповахомъ бо, яко добру совѣсть имамы, во всeмъ, добрѣ хотяще жити. лише же молю сіе творите, да вскорѣ устроюся вамъ. богъ же мира возведыи изъ мертвыхъ пастыря овцамъ великаго, кровію завѣта вѣчнаго, господа нашего ісуса христа, да совершитъ вы во всякомъ дѣлѣ блазѣ, сотворити волю его, творя въ васъ благоугодное предъ нимъ, ісусъ христомъ, ему же слава во вѣки вѣкомъ аминь. Молю же вы братіе, пріимите слово утѣшeнія. ибо вмалѣ написавъ послахъ вамъ. знайте брата нашего отпущeна тимоѳeя, съ нимъ же аще скорѣе пріидетъ, узрю васъ. цѣлуйте вся наставники ваша, и вся святыя. цѣлуютъ вы иже отъ италіи сущіи. благодать со всѣми вами, аминь.

Конeцъ посланію, иже къ еврeoмъ.
Имать въ себѣ, главъ, 13.
а зачалъ церко
вныхъ,
32.