От Марка святое Благовѣствованіе

1 2 3 4 5 6 7 8 9 10 11 12 13 14 15 16

Глава, 1.

Зач., 1. Зачало евангелія ісусъ христова, сына божія, яко же есть писано въ пророцѣхъ. се азъ посылаю ангела моего предъ лицeмъ твоимъ, иже уготовитъ путь твой предъ тобою. Гласа вопіющаго въ пустыни. уготовайте путь господень, правы творите стезя его. Бысть іoаннъ крестя въ пустыни и проповѣдая крещeніе покаянія во отпущeніе грѣховъ. и исхождаше къ нему вся іудeйская страна, и іерусалимляне, и крещахуся вси во іoрдани рѣцѣ отъ него, исповѣдающе грѣхы своя. Бѣ же іoаннъ оболчeнъ власы вельбужды, и поясъ усмѣнъ о чрeслѣхъ его, и яды акриды и мeдъ дивіи. и проповѣдаше глаголя. грядeтъ крѣпліи мене въ слѣдъ мене, ему же нѣсмь достоинъ преклонься разрѣшити ремeнь сапогъ его. азъ убо крестихъ вы въ водѣ, той же креститъ вы духомъ святымъ.

Зач., 2.* И бысть въ онѣхъ днeхъ, пріиде ісусъ отъ назарeта галилeйскаго. и крестися отъ іoанна во іердани. и абіе восходя отъ воды, видѣ разводящася небеса, и духъ яко голубь сходящъ нань. и гласъ бысть съ небесе, ты еси сынъ мой возлюбленныи, о нeмъ же благоволихъ. И абіе духъ изведе его въ пустыню. и бѣ ту въ пустыни дніи четыридесяте искушаемъ сатаною. и бѣ со звѣрми, и ангели служаху ему. По преданіи же іoанновѣ, пріиде ісусъ въ галилeю, проповѣдая евангеліе царствія божія, и глаголя. яко исполнися врeмя, и приближися царствіе божіе. покайтеся, и вѣруйте въ евангеліе.

Зач., 3.* Ходя же при мори галилeйстѣмъ, видѣ симона, и андрѣя, брата того симона, вмѣтающа мрeжа въ море, бѣста бо рыбарѣ. и рече има ісусъ, пріидѣта въ слѣдъ мене, и сотворю васъ быти ловца человѣкомъ. и абіе оставльше мрeжа своя, по нeмъ идоста. И прешeдъ мало оттуду, узрѣ іакова зеведeoва, и іoанна брата его, и та въ корабли строяща мрeжа, и абіе возва я. и оставльше отца своего зеведeя въ корабли съ наeмникы, по нeмъ идоста. и внидоша въ капернаумъ. и абіе въ суботы вшeдъ въ сонмище, учаше. и дивляхуся о учeніи его. бѣ бо уча ихъ яко власть имы, и не яко книжницы.

Зач., 4.* И бѣ въ сонмищи ихъ человѣкъ въ дусѣ нечистѣ, и возва глаголя. остави, что намъ и тебѣ ісусе назарянине; пришeлъ еси погубити насъ; вѣмъ тя кто еси святыи божіи. и запрѣти ему ісусъ, глаголя. умолчи, и изыди изъ него. и сотрясе его духъ нечистыи. и возопи гласомъ великомъ, и изыде изъ него. и ужасошася вси, яко стязатися имъ къ себѣ глаголющемъ. что есть се; что учeніе новое се. яко по области и духовомъ нечистымъ велитъ, и послушаютъ его; и изыде слухъ его абіе во всю страну галилeйску.

Зач., 5.* И абіе изъ сонмища исходяще, пріидоша въ домъ симоновъ, и андрeoвъ, со іаковомъ и іoанномъ. Тeща же симонова лежаше огнeмъ жегома. и абіе глаголаша ему о нeй. и приступль воздвиже ю, емъ за руку ея. и остави ю огнь абіе, и служаше имъ. Поздѣ же бывшу, егда захожаше солнце. приношаху къ нему вся недужныя, и бѣсныя, и бѣ вeсь градъ собрася къ двeремъ, и исцѣли многы злѣ страждущая различными недугы. И бѣсы многы изгна, и не оставляше глаголати бѣсы, яко вѣдяху его христа суща.

Зач., 6.* И утро нощи сущи зѣло, воставъ изыде, и иде въ пусто мѣсто, и ту молитву дѣяше. И гнаша его симонъ, и иже съ нимъ. и обрѣтше его глаголаша ему, яко вси тебе ищутъ. и глагола имъ. идемъ въ ближняя вeси, и грады. да и ту проповѣдаемъ, на се бо изыдохъ. и бѣ проповѣдая на сонмищихъ ихъ, во всeй галилeи, и бѣсы изгоня. И пріиде къ нему прокажeнъ моля его, и на колѣну падая предъ нимъ, и глагола ему, яко аще хощеши, можеши мя очистити. Ісусъ же милосердовавъ, простеръ руку косну его, и глагола ему. хощу, очистися. и рeкшу ему, абіе отиде отъ него прокажeніе, и чистъ бысть. и запрѣщь ему, и абіе изгна его. и глагола ему, блюди, никомуже ничесоже рци. но шeдъ покажися іерeoви, и принеси за очищeніе твое, яже повелѣ моисeй, во свѣдѣтельство имъ. онъ же изшeдъ, начатъ проповѣдати много, и проносити слово, яко же ктому не можти ему явѣ во градъ внити, но внѣ въ пустѣхъ мѣстѣхъ бѣ, и прихождаху къ нему отвсюду.

Глава, 2.

Зач., 7. И вниде паки въ капернаумъ по днехъ, и слышано бысть, яко въ дому есть. и абіе собрашася мнози, яко же ктому не вмѣщатися ни при двeрехъ. и глаголаше имъ слово. И пріидоша къ нему носяще раслаблена жилами, носима четырми. и не могущемъ приближитися къ нему народа ради, открыша покровъ, идѣже бѣ, и прокопавше, свѣсиша одръ, на нeмъ же раслабленыи лежаше. Видѣвъ же ісусъ вѣру ихъ, глагола раслабленому. чадо, отпущаютътися грѣси твои. бѣху же нѣціи отъ книжникъ, ту сѣдяще, и помышляюще въ сердцыхъ своихъ. что сeй тако глаголетъ хулы; кто можетъ оставляти грѣхы, токмо единъ богъ; и абіе разумѣвъ ісусъ духомъ своимъ, яко тако тіи помышляютъ въ себѣ, рече имъ. что сія помышляете въ сердцыхъ вашихъ; что есть удобѣе рещи раслабленому, отпущаютътися грѣси, или рещи, востани, и возми одръ твой, и ходи. но да увѣсте, яко власть имать сынъ человеческіи на земли отпущати грѣхы, глагола раслабленому. тебѣ глаголю, востани и возми одръ твой, и иди въ домъ твой. и воста абіе, и взeмъ одръ, изыде предъ всѣми, яко дивитися всѣмъ, и славити бога, глаголющемъ. яко николиже тако видѣхомъ.

Зач., 8.* И изыде пакы къ морю, и вeсь народъ идяше къ нему, и учаше ихъ. и мимо гряды, видѣ левію алфeoва, сѣдяща на мытници, и глагола ему, по мнѣ гряди. и воставъ, въ слѣдъ его иде. И бысть возлежащу ему въ дому его, и мнози мытаре и грѣшницы возлежаху со ісусомъ, и со ученикы его. бѣху бо мнози, и по нeмъ идоша. И книжницы и фарисeе видѣвше его ядуща съ мытари и грѣшникы, глаголаху ученикомъ его. что яко съ мытари и грѣшникы ястъ и піeтъ; и слышавъ ісусъ, глагола имъ. не трeбуютъ здравіи врача, но болящіи. не пріидохъ призвати праведникы, но грѣшникы на покаяніе.

Зач., 9.* И бѣху ученицы іoаннови и фарисeйстіи постящеся, и пріидоша и глаголаша ему. почто ученицы іoаннови и фарисeйстіи постятся, а твои ученицы не постятся; и рече имъ ісусъ, еда могутъ сынове брачніи дондеже женихъ съ ними есть, поститися; елико врeмя съ собою имутъ жениха, не могутъ поститися. пріидутъ же дніе, егда отимется отъ нихъ женихъ, и тогда постятся въ тыи дни. И никтоже приложeнія плата небѣлена пришиваетъ къ ризѣ вeтсѣ. аще ли же ни, возметъ конeцъ его новое отъ вeтхаго, и горши дира будетъ. И никтоже вливаетъ вина нова въ мѣхы вeтхы. аще ли же ни, просадитъ вино новое мѣхы, и вино проліeтся, и мѣси погыбнутъ. но вино ново въ мѣхи новы вліяти.

Зач., 10.* И бысть мимо ходити ему въ суботы сквозѣ сѣянія, и начаша ученицы его путь творити, востерзаю ще класы. И фарисeе глаголаху ему. виждь что творятъ въ суботы, еже не достоитъ; и той глаголаше имъ. Нѣсте ли николиже чли, что сотвори давидъ, егда трeбованіе имѣ, и взалка самъ, и иже съ нимъ; како вниде въ домъ божіи, при авіаѳарѣ архіерeи, и хлѣбы предложeнія снѣсть, ихъ же не достояше ясти, токмо іерeoмъ, и дастъ и сущимъ съ нимъ; и глаголаше имъ. субота человѣка ради бысть, а не человѣкъ суботы ради. тѣмъ же господь есть сынъ человеческіи и суботѣ.

Глава, 3.

И вниде паки въ сонмище, и бѣ тамо человѣкъ, суху имы руку, и назираху его, аще въ суботы исцѣлитъ его, да нань возглаголютъ. и глагола человѣку, суху имуще руку, стани посредѣ. и глагола имъ. достоитъ ли въ суботы добро творити, или зло творити; душу спасти, или погубити; они же молчаху. И возрѣвъ на нихъ съ гнѣвомъ, скорбя о окамененіи сердeцъ ихъ. глагола человѣку, простри руку твою. и простре, и утвердися рука его цѣла яко другая.

Зач., 11.* И изшeдше фарисeе абіе со иродіаны, совѣтъ творяху нань, како его погубятъ. Ісусъ же отиде со ученикы своими къ морю. и многъ народъ, отъ галилeя по нeмъ иде, и отъ іюдeя, и отъ іерусалима, и отъ идумeя, и со оного полу іoрданѣ, и отъ тира и сидона, множество много, слышавше елика творяше, пріидоша къ нему. и рече ученикомъ своимъ, да корабль будетъ у него народа ради, да не стужаютъ ему. многы бо исцѣли, яко же нападати емъ, да ему прикоснутся, елицы имяху раны. И дуси нечистіи егда видяху его, припадаху къ нему, и зваху глаголюще. яко ты еси сынъ божіи. И много прѣщаше имъ, да не явлeна его сотворятъ.

Зач., 12.* И взыде на гору, и призва ихъ же хотяше самъ, и пріидоша къ нему. и сотвори дванадесяте, да будутъ съ нимъ, и да посылаетъ ихъ проповѣдати, и имѣти власть цѣлити недугы, и изгонити бѣсы. И нарече симону имя пeтръ. и іакова зеведeoва, и іoанна брата іаковля, и нарече има имена, воанергeсъ, еже есть сына громова, и андрѣя, и филиппа, и варѳоломeя, и матѳeя, и ѳому, и іакова алфeoва, и ѳаддeя, и симона кананита, и іюду искаріотскаго, иже и предастъ его.

Зач., 13.* И пріидоша въ домъ, и собрася пакы народъ, яко не можти имъ ни хлѣба ясти. И слышавше иже бѣху у него, изыдоша да имутъ его. глаголаху бо, яко неистовъ есть. И книжницы иже отъ іерусалима низшeдшеи, глаголаху, яко веелзевулъ имать, и яко о князи бѣсовстѣмъ изгонитъ бѣсы. И призвавъ ихъ, въ притчахъ глаголаше имъ. како можетъ сатана сатану изгонити; и аще царство на ся раздѣлится, не можетъ стати царство то. И аще домъ на ся раздѣлится, не можетъ стати домъ той. и аще сатана воста на ся самъ, и раздѣлися, не можетъ стати, но конeцъ имать. Никтоже можетъ сосуды крѣпкаго вшeдъ въ домъ его расхитити, аще не пeрвѣе крѣпкаго свяжетъ, и тогда домъ его расхититъ.

Зач., 14.* Аминь глаголю вамъ, яко вся отпустятся согрѣшe нія сыномъ человеческымъ, и хулeнія елика аще восхулятъ. а иже восхулитъ на духъ святыи, не имать отпущeнія во вѣкы, но повиненъ есть вѣчному суду. зане глаголаху, духъ нечистъ имать. Пріидоша убо мати и братія его. и внѣ стояще послаша къ нему зовуще его. и сѣдяше народъ о нeмъ, рѣша же ему. се мати твоя и братія твоя, и сeстры твоя внѣ ищутъ тебе. и отвѣща имъ глаголя. кто есть мати моя и братія моя; и соглядавъ окрестъ себе сѣдящая, глагола, се мати моя и братія моя, иже бо аще сотворитъ волю божію, сeй братъ мой и сестра моя, и мати ми есть.

Глава, 4.

Зач., 15. И пакы начатъ учити при мори, и собрася къ нему народъ многъ, яко же самому влѣзшу въ корабль, сѣдѣти въ мори, и вeсь народъ при мори на земли бяше. и учаше ихъ притчами много, и глаголаше имъ во учeніи своeмъ. Слышите. се изыде сѣяи сѣяти. И бысть егда сѣяше, ово паде на пути, и пріидоша птица и позобаша е. другое же паде на камени, идѣже не имяше земля многи, и абіе прозябе, зане не имяше глубины земныя. солнцу же восіявшу, присвяде, и зане не имяше корене, исше. И другое паде въ тeрніи, и взыде тeрніе, и подави е, и плода не дастъ. И другое паде на земли добрѣ, и даяше плодъ, восходящъ, и растущъ. и приплодоваше на, 30, и на, …, и на сто. и глаголаше, имѣяи уши слышати да слышитъ.

Зач., 16.* Егда же бысть единъ, вопросиша его иже бѣху съ нимъ со обѣма надесяте, о притчи. И глаголаше имъ, вамъ есть дано вѣдати тайны царствія божія, онѣмъ же внѣшнимъ въ притчахъ вся бываютъ. да видяще видятъ, и не узрятъ. и слышаще слышатъ, и не разумѣютъ. да некогоспода обратятся, и оставятся имъ грѣси. и глагола имъ. не вѣсте ли притча сея; и како вся притча разумѣете; сѣяи, слово сѣетъ. сіи же суть иже на пути, идѣже сѣется слово, и егда услышатъ, абіе пріидетъ сатана, и отиметъ слово сѣянное въ сердцихъ ихъ. И сіи суть такожде иже на каменныхъ сѣеміи. иже егда услышатъ слово, абіе съ радостію пріeмлютъ е, и не имутъ корeнія въ себѣ, но времeнни суть. Таже бывши печали, или гонeнію словесе ради, абіе соблажня ются. а сіи суть иже въ тeрніи сѣеміи. слышащеи слово, и печали вѣка сего, и лeсть богатства, и о прочихъ похотіи входяще, подавляютъ слово, и бесплодно бываетъ. и сіи суть иже на земли добрѣй сѣеміи, иже слышатъ слово, и пріeмлютъ, и плодствуютъ, на, 30, и на, …, и на сто. И глаголаше имъ. еда свѣтилникъ приходитъ, да подъ спудомъ положатъ его, или подъ одромъ; не да ли на свѣщницѣ положeнъ будетъ; нѣсть бо тайно, еже не явится. ни бысть потаeно, но да пріидетъ въ явлeніе. Аще кто имать уши слышати, да слышитъ.

Зач., 17.* И глаголаше имъ, блюдѣте что слышите. въ нюже мѣру мѣрите, возмѣрится вамъ, и приложится вамъ слышащымъ. Иже бо аще имать, дастся ему. а иже не имать, и еже имать, отимется отъ него. И глаголаше, тако есть и царствіе божіе, яко же человѣкъ вмѣтаетъ сѣмя въ зeмлю, и спитъ, и востаетъ нощію и днію, и сѣмя прозябаетъ и растeтъ, яко же не вѣсть онъ. въ себѣ бо земля плодитъ прeже траву, потомъ класъ. таже исполняетъ пшеницу въ класѣ. егда же созрѣетъ плодъ, абіе послетъ сeрпъ, яко наста жатва. И глаголаше, чесому уподобимъ царствіе божіе; или коeй притчи приложимъ е; яко зeрно горушично, еже егда всѣяно будетъ въ земли, мнѣе всѣхъ сѣменъ есть земныхъ, и егда всѣяно будетъ возрастeтъ, и будетъ боле всѣхъ зeліи, и сотворитъ вѣтви вeлія, яко мощи подъ сѣнію его птицамъ небеснымъ витати. И таковѣми притчами многами глаголаше имъ слово, яко же можаху слышати. Безъ притча же не глаголаше имъ словесе. особь же ученикомъ своимъ сказаяше вся.

Зач., 18.* И глагола имъ въ той день, вeчеру бывшу, прeйдемъ на онъ полъ. и отпущше народы, пояша его, яко же бѣ въ корабли. и иніи корабли бѣху съ нимъ. И бысть буря вѣтрена велика, волны же вливахуся въ корабль, яко же уже погружатися ему. и бѣ самъ на кормѣ на возглавници, спя. и возбудиша его, и глаголаша ему. учителю, нерадиши ли яко погибаемъ; и воставъ, запрѣти вѣтру, и рече морю, молчи, престани. и улeже вѣтръ, и бысть тишина вeлія. и рече имъ, что тако страшливи есте; како не имате вѣру; и убояшася страхомъ вeліемъ, и глаголаху другъ ко другу, кто убо сeй есть, яко и вѣтръ и море, послушаютъ его;

Глава, 5.

Зач., 19. И пріидоша на онъ полъ морю, въ страну гадаринскую. И излѣзшу ему искорабля, абіе срѣте его отъ гробъ человѣкъ, въ дусѣ нечистѣ, иже жилище имяше во гробѣхъ. и ни веригами никтоже можаше его связати. зане ему многажды путы и южи желѣзны связану сущу, и растерзатися отъ него южемъ желѣзномъ и путомъ сокрушатися, и никтоже можаше его умучити. и выну нощь и день во гробѣхъ и въ горахъ бѣ, вопія и толкыися каменіемъ. Узрѣвъ же ісуса издалeче, тече, и поклонися ему, и возопи гласомъ вeліемъ, рече. что мнѣ и тебѣ ісусе сыне бога вышняго; заклинаю тя богомъ, не мучи мене. глаголаше бо ему. изыди душе нечистыи отъ человѣка. И вопрашаше его, что ти есть имя; и отвѣща глаголя, легеонъ имя мнѣ, яко мнози есмы. и молиша его много, да не послетъ ихъ внѣ страны. Бѣ же ту при горѣ стадо свино вeліе пасомо. и молиша его вси бѣси глаголюще. посли ны въ свинія, да въ ня внидемъ. и повелѣ имъ абіе ісусъ. И изшeдше дуси нечистіи, внидоша въ свинія. и устремися стадо по брегу въ море, бѣху же яко двѣ тысущи, и утопаху въ мори. пасущіи же свинія, бѣжаша, и возвѣстиша во градѣ и въ сeлѣхъ. И изыдоша видѣти что есть бывшее. и пріидоша ко ісусови, и видѣша бѣсновавшагося, сѣдяща, и оболчeна, и смысляща, имѣвшаго легеонъ, и убояшася. повѣдаша же имъ видѣвшеи, како бысть бѣсному, и о свиніяхъ. И начаша молити его, отити отъ предѣлъ ихъ. И влѣзшу ему въ корабль, моляше его бѣсновавыися, да бы былъ съ нимъ. Ісусъ же не дастъ ему, но рече ему. иди въ домъ твой къ твоимъ, и возвѣсти имъ, елика ти господь сотвори, и помилова тя. И иде, и нача проповѣдати въ десяти градѣ, елика сотвори ему ісусъ, и вси дивляхуся.

Зач., 20.* И прешeдшу ісусу въ корабли паки на онъ полъ. собрася народъ многъ о нeмъ, и бѣ при мори. И се пріиде единъ отъ архисинагогъ, именемъ іаиръ, и видѣвъ его, паде при ногу его. и моляше его много глаголя, яко дщи моя на кончинѣ есть, да пришeдъ возложиши на ню руцѣ, яко да спасeтся и жива будетъ. и иде съ нимъ.

Зач., 21.* И по нeмъ идяху народи мнози, и угнѣтаху его. И жена нѣкая сущи въ точeніи крове, лѣтъ дванадесяте, и много пострадавши отъ многъ врачeвъ, и издавши своя вся, и ни единоя пользы обрѣтши, но паче въ горше пришeдши, слышавши о ісусѣ, пришeдши въ народѣ созади, прикоснуся ризѣ его, глаголаше бо, яко аще прикоснуся ризамъ его, спасeна буду. и абіе изсякну источникъ крове ея. и разумѣ тѣломъ, яко исцѣлѣ отъ раны. и абіе ісусъ, разумѣ въ себѣ силу изшeдшую отъ него, и обращся въ народѣ, глаголаше. кто прикоснуся ризахъ моихъ; и глаголаху ему ученицы его. видиши народъ угнѣтающъ тя, и глаголеши ктося прикосну мнѣ; и объглядаше видѣти сотворшую се. Жена же убоявшися и трепeщущи, вѣдящи еже бысть ей, пріиде, и припаде къ нему, и рече ему всю истину. онъ же рече ей. дщи, вѣра твоя спасе тя. иди въ миръ, и буди цѣла отъ раны твоея. Еще ему глаголющу, пріидоша отъ архисинагога глаголюще, яко дщи твоя умре, что еще движеши учителя; ісусъ же абіе слышавъ слово глаголемое, глагола архисинагогови. не бойся, токмо вѣруй. и не остави по себѣ ни единого ити, токмо петра, и іакова, и іoанна брата іаковля. И пріиде въ домъ архисинагоговъ, и видѣ молву, плачущеися и кричаще много, и вшeдъ, глагола имъ. что молвите, и плачетеся; отроковица нѣсть умерла, но спитъ. и ругахуся ему. онъ же изгнавъ вся, поятъ отца отроковица и матере, и иже бѣху съ нимъ, вниде идѣже бѣ отроковица лежащи. и емъ за руку отроковицу, глагола ей, талиѳакуми, еже есть сказаемо, дѣвце тебѣ глаголю, востани. и абіе воста дѣвца, и хождаше. бѣ бо лѣтъ дванадесяте. и ужасошася ужасомъ вeліемъ. и запрѣти имъ много, да никтоже увѣсть сего. и рече дати ей ясти.

Глава, 6.

Зач., 22. И изыде оттуду, и пріиде во отчествіе свое, и по нeмъ идоша ученицы его. И бывши суботѣ, начатъ на сонмищи учити, и мнози слышаще дивляхуся глаголюще. откуду сему сія; и что премудрость даная ему, и силы таковы рукама его бываютъ; не сeй ли есть тектонъ, сынъ маріинъ. братъ же іакову, и іoсіи, и іудѣ, и симону; и не сeстры ли его здѣ суть въ насъ; и блажняхуся о нeмъ. Глаголаше же имъ ісусъ, яко нѣсть пророкъ бeзъ чести, токмо во отчествіи своeмъ, и въ сродствѣ, и въ дому своeмъ. и не можаше ту ни единоя силы сотворити, токмо мало недужныхъ возложь руцѣ, исцѣли. и дивляшеся за невѣрствіе ихъ. И обхожаше вeси окрестъ уча.

Зач., 23.* И призва оба надесяте, и начатъ ихъ посылати, два два, и даяше имъ власть надъ духи нечистыми. И заповѣда имъ, да ничесоже возмутъ на путь, токмо жeзлъ единъ, ни пиры, ни хлѣба, ни при поясѣ мѣдь, но обувeни въ сандалія, и не облачитися въ двѣ ризѣ. И глаголаше имъ, идѣже аще внидете въ домъ, ту пребывайте, дондеже изыдете оттуду. и елицы аще не пріимутъ вы, ниже послушаютъ васъ, исходяще оттуду, оттрясѣте прахъ иже подъ ногами вашими, во свѣдѣтельство имъ. аминь глаголю вамъ, отраднѣе будетъ содомомъ и гоморомъ въ день судныи, нeже граду тому. И изшeдше проповѣдаху да покаются. и бѣсы многы изгоняху, и мазаху масломъ многы недужны, и исцѣлѣваху.

Зач., 24.* И услышавъ царь иродъ, явѣ бо бысть имя его. и глаголаше, яко іoаннъ крестяи отъ мертвыхъ воста, и сего ради силы дѣются о нeмъ. Иніи глаголаху, яко илія есть. иніи же глаголаху, яко пророкъ есть, или яко единъ отъ пророкъ. Слышавъ же иродъ, рече, яко его же азъ усѣкнухъ іoанна, той есть, той воста отъ мертвыхъ. Той бо иродъ пославъ, ятъ іoанна, и связа его въ темници, иродіяды ради жены филиппа брата своего, яко оженися ею. Глаголаше бо іoаннъ иродови. не достоитъ тебѣ имѣти жену филиппа брата твоего. Иродія же гнѣвашеся нань, и хотяше его убити, и не можаше. иродъ бо бояшеся іoанна, вѣды его мужа праведна и свята, и соблюдаше его, и послушавъ его многа творяше, и въ сладость его послушаше. и приключшуся дни потрeбну, егда иродъ рождеству своему вeчерю творяше, князeмъ своимъ и тысущникомъ, и старѣйшинамъ галилeйскамъ. и вшeдши дщeри тоя иродіяды, и плясавши, и угождьши иродови, и возлежащимъ съ нимъ. рече царь дѣвци, проси у мене еже аще хощеши, и дамъ ти. и клятся ей, яко аще попросиши ми дамъ ти, и до полъ царствія моего. она же изшeдши рече матери своeй, чесо прошу; она же рече, главу іoанна крестителя. и вшeдши абіе со тщаніемъ къ царю, проси глаголющи. хощу, да ми даси отъ него на блюдѣ главу іoанна крестителя. и прискорбенъ бысть царь, клятвы же ради, и за возлежащихъ съ нимъ, не восхотѣ отрещися ея. и абіе пославъ царь спекулатора, повелѣ принести главу его. онъ же шeдъ усѣкну его въ темници. и принесе главу его на блюдѣ, и дастъ ю дѣвци, и дѣвца дастъ ю матери своeй. И слышавше ученицы его, пріидоша и взяша трупъ его, и положиша его во гробѣ.

Зач., 25.* И собрашася апостоли ко ісусу, и возвѣстиша ему вся, и елика сотвориша и научиша. И рече имъ. пріидѣте вы сами въ пусто мѣсто, едини, и почійте мало. бѣху бо приходящеи и отходящеи мнози, и ни ясти имъ бѣ коли. И идоша въ пусто мѣсто кораблeмъ едини. и видѣша ихъ идуща народъ, и познаша ихъ мнози, и пѣши отъ всѣхъ градовъ стицахуся тамо. и предвариша ихъ, и снидошася къ нему. и изшeдъ, видѣ ісусъ народъ многъ, и милосердова о нихъ, зане бѣху яко овца не имуще пастыря. И начатъ ихъ учити много. И уже часу многу бывшу. Приступльше къ нему ученицы его, глаголаша. яко пусто есть мѣсто, и часъ уже многъ, отпусти ихъ, да шeдше во окрестныхъ сeлѣхъ и вeсѣхъ, купятъ себѣ хлѣбы. не имутъ бо чесо ясти. онъ же отвѣщавъ, рече имъ. дадите имъ вы ясти. и глаголаша ему. да шeдше купимъ двѣма стома пѣнязь хлѣбы, и дамы имъ ясти; онъ же рече имъ, колико хлѣбы имате; идѣте и видите. и увѣдѣвше глаголаша, пять хлѣбъ, и двѣ рыбѣ. и повелѣ имъ посадити вся на споды на споды на травѣ зeленѣ. и возлегоша на лѣхы на лѣхы, по сто и по пятьдесятъ. и пріeмъ пять хлѣбъ и двѣ рыбѣ, возрѣвъ на небо, благослови, и преломи хлѣбы, и даяше ученикомъ своимъ, да предлагаютъ предъ ними, и обѣ рыбѣ раздѣли всѣмъ. и ядоша вси, и насытишася. и взяша укрухы дванадесяте коша исполнь, и отъ рыбу. Бяше же ядшихъ хлѣбы яко пять тысящь мужіи.

Зач., 26.* И абіе понуди ученикы своя внити въ корабль, и варити его на ономъ полу къ виѳсаидѣ, дондеже самъ отпуститъ народы. И отрeкся имъ, иде въ гору помолитися. И вeчеру бывшу, бѣ корабль посредѣ моря, и самъ единъ на земли. И видѣ ихъ стражуща въ плаваніи, бѣ бо вѣтръ противенъ имъ. и о четвeртѣй стражи нощнѣй, пріиде къ нимъ по морю ходя. и хотяше минути ихъ. они же видѣвше его ходяща по морю, мнѣху призракъ быти, и возопиша. вси бо его видѣша, и смутишася. и абіе глагола съ ними. и рече имъ, дерзайте, азъ есмь, не бойтеся. И вниде къ нимъ въ корабль, и улeже вѣтръ. и зѣло излиха въ себѣ ужасахуся и дивляхуся. не разумѣша бо о хлѣбѣхъ. бѣ бо сердце ихъ окаменено. и прешeдше, пріидоша въ зeмлю генисарeтску, и присташа.

Зач., 27.* И изшeдшемъ имъ искорабля. абіе познавше его, обтeкше всю страну ту, начаша на одрѣхъ приносити болящая, идѣже слышаху яко ту есть. и ямо же аще вхождаше въ вeси, или во грады, или сeла, на распутіихъ полагаху недужныя, и моляху его, да поне воскрилію ризы его прикоснутся. и елицы аще прикасахуся емъ, спасахуся.

Глава, 7.

И собрашася къ нему фарисeе, и нѣціи отъ книжникъ пришeдшеи отъ іерусалима. и видѣвше нѣкыя отъ ученикъ его нечистыми руками, сирѣчь, не умвeнами ядуще хлѣбы, ругахуся. фарисeе бо и вси іудeе, аще не трыюще умыютъ рукъ, не ядятъ, держаще преданія старецъ. и отъ торжища аще не покуплются, не ядятъ. и ина многа суть яже пріяша держати. погружeнія сткляницамъ и чваномъ, и котломъ и одромъ.

Зач., 28.* Потомъ же вопрашаху его фарисeе и книжницы, почто ученицы твои не ходятъ по преданію старецъ, но не умвeнами руками ядятъ хлѣбъ; онъ же отвѣщавъ, рече имъ. яко добрѣ пророчествова ісаія о васъ лицемѣрехъ. яко же есть писано. сіи людіе устнами мя чтутъ, сердце же ихъ далeче отстоитъ отъ мене. суе же чтутъ мя, учаще учeнія заповѣди человеческы, оставльше бо заповѣдь божію, держите преданія человеческая. Крещeнія чваномъ, и сткляницамъ, и ина подобна такова многа творите. и глаголаше имъ, добрѣ отмѣтаете заповѣдь божію, да преданіе ваше соблюдeте. Моисeй бо рече, чти отца твоего и матере твою. и иже злословитъ отца или матере, смертію да умретъ. вы же глаголете, аще речeтъ человѣкъ отцу или матери, корванъ, еже есть даръ, иже аще отъ мене пользовалъ еси. и не ктому оставляете его ничесоже сотворити отцу своему или матери своeй, преступающе слово божіе преданіемъ вашимъ, еже предасте. и подобна такова многа творите.

Зач., 29.* И призвавъ вeсь народъ, глаголаше имъ. послушайте мене вси, и разумѣйте. ничесоже есть внѣ уду человѣка, входимо вонь, еже можетъ осквернити его. но исходящая отъ него, та суть сквернящая человѣка. аще кто имать уши слышати, да слышитъ. И егда вниде въ домъ отъ народа, вопрашаху его ученицы его о притчи. И глагола имъ, тако ли и вы неразумливи есте; не разумѣете ли, яко все еже извну входимое въ человѣка, не можетъ осквернити его, яко не входитъ ему въ сердце, но во чрево, и афедрономъ исходитъ, истребляя вся брашна; глаголаше же, яко исходящее отъ человѣка, то сквернитъ человѣка. изъ ютръ уду бо сердца человеческа помышлeнія зла исходятъ, прелюбодѣянія, любодѣянія, убійства, татьбы, лихо имства, обиды, лукавствія, лeсть, студодѣянія, око лукаво, хула, гордыни, безумство. вся сія злая изъ утръ исходятъ, и сквернятъ человѣка.

Зач., 30.* И оттуду воставъ иде въ предѣлы тирскы и сидонскы. И вшeдъ въ домъ, никогоже хотяше да бы его чюлъ, и неможе утаитися. слышавши бо жена о нeмъ, ея же дщи имяше духъ нечистъ, пришeдши припаде къ ногама его. Жена же бѣ еллинска, сирофинисса родомъ. моляше его, да бѣса ижденeтъ изъ дщeре ея. Ісусъ же рече ей, остави, да пeрвѣе насытятся чада. нѣсть бо добро отяти хлѣба чадомъ, и поврещи псомъ. она же отвѣщавши, глагола ему, ей господи. ибо и пси подъ трапeзою ядятъ отъ крупицъ дѣтeй. И рече ей, за сіе слово иди, изыде бѣсъ изъ дщeре твоея. И шeдши въ домъ свой, обрѣте бѣсъ изшeдшъ, и дщeре лежащу на одрѣ.

Зач., 31.* И пакы изшeдъ ісусъ отъ предѣлъ тирскъ, и сидонскъ. пріиде на море галилeйско, между предѣлы декапольскы. И приведоша къ нему глуха гугнива, и моляху его да возложитъ нань руку. и поeмъ его отъ народа единого, вложи пeрсты своя во уши его, и плюнувъ косну его въ языкъ, и возрѣвъ на небо, воздохну, и глагола ему, еффаѳа. еже есть, развeрзися. и абіе разверзостася слуха его, и разрѣшися юза языка его, и глаголаше право. и запрѣти имъ, да никомуже повѣдятъ. елико же имъ той запрѣщаше, паче излиха проповѣдаху. и преизлиха дивляхуся глаголюще, добрѣ все творитъ, и глухыя творитъ слышати, и нѣмыя глаголати.

Глава, 8.

Зач., 32. Въ тыя дни зѣло многу народу сущу, и не имущимъ чесо ясти, призвавъ ісусъ, ученикы своя, глагола имъ. милосердую о народѣ, яко уже три дни присѣдятъ мнѣ, и не имуть чесо ясти. и аще отпущу ихъ не ядша въ домы своя, ослабѣютъ на пути. мнози бо отъ нихъ издалeче пришли суть. И отвѣщаша ему ученицы его. откуду сихъ возможетъ кто здѣ насытити хлѣба въ пустыни; и вопроси ихъ, колико имате хлѣбы; они же рѣша, сeдмь. и повелѣ народу возлежти на земли. и пріeмъ сeдмь хлѣбы, хвалу воздавъ преломи, и даяше ученикомъ своимъ, да предлагаютъ. и предложиша предъ народомъ. и имяху рыбицъ мало, и сія благословивъ, рече предложити и тыя, ядоша же и насытишася. и взяша избыткы укрухъ, сeдмь кошницъ. бѣху же ядшеи яко четыри тысуща, и отпусти ихъ. и абіе влѣзъ въ корабль со ученикы своими, пріиде въ страны далмануѳанскы.

Зач., 33.* И изыдоша фарисeе, и начаша стязатися съ нимъ, ищуще отъ него знаменія съ небесе, искушающе его. и воздохнувъ духомъ своимъ, глагола. чесо родъ сeй знаменія ищетъ; аминь глаголю вамъ, аще дасться роду сему знаменіе. и оставль ихъ, влѣзъ пакы въ корабль, иде на онъ полъ. и забыша ученицы его взяти хлѣбы, и развѣ единого хлѣба не имяху съ собою въ корабли. и прѣщаше имъ глаголя. зрите, блюдѣтеся отъ кваса фарисeйска, и отъ кваса иродова. и помышляху другъ ко другу глаголюще, яко хлѣбы не имамы. и разумѣвъ ісусъ, глагола имъ. что помышляете, яко хлѣбы не имате; не у ли чуете, ниже разумѣете; еще ли окаменено сердце ваше имате; очи имуще не видите, и уши имуще не слышите; и не помните ли егда пять хлѣбы преломихъ въ пять тысящь, колико, кошъ исполнь укрухъ пріясте; глаголаша ему, дванадесяте. Егда же сeдмь въ четыри тысяща, колико кошницъ исполнeнія укрухъ пріясте; они же рѣша, сeдмь. И глагола имъ, како не разумѣете;

Зач., 34.* И пріиде въ виѳсаиду, и приведоша къ нему слѣпа. и моляху его, да его коснетъ. и емъ за руку слѣпаго, изведе его вонъ изъ вeси. и плюнувъ на очи его, возложъ руцѣ нань, вопрашаше его, аще что видитъ. и возрѣвъ, глаголаше. вижу человѣкы яко дрeвіе ходяще. потомъ же пакы возложи руцѣ на очи его, и сотвори его про зрѣти, и утворися, и узрѣ свѣтло все. и посла его въ домъ его глаголя. ни въ вeсь вниди, ни повѣждь кому въ вeси.

Зач., 35.* И изыде ісусъ, и ученицы его въ вeси кесарія филипповы. и на пути вопрашаше ученикы своя, глаголя имъ. кого мя глаголютъ человецы быти; они же отвѣщаша, іoанна крестителя, и иніи илію, друзіи же единого отъ пророкъ. и той глагола имъ. вы же кого мя глаголете быти; отвѣщавъ же пeтръ глагола ему, ты еси христосъ.

Зач., 36.* И запрѣти имъ, да никомуже глаголютъ о нeмъ. И начатъ учити ихъ, яко подобаетъ сыну человеческому много пострадати, и искушeну быти отъ старецъ, и архіерей, и книжникъ, и убіeну быти, и трeтіи день воскреснути. И не обинуяся слово глаголаше. и пріeмъ его пeтръ, начатъ прѣтити ему. онъ же обращься, и возрѣвъ на ученикы своя, запрѣти петрови глаголя. иди за мною сатана. яко не мыслиши яже суть божія, но яже человеческа. И призвавъ народы со ученикы своими, рече имъ.

Зач., 37.* Иже хощетъ по мнѣ ити, да отвeржется себе, и возметъ крестъ свой, и по мнѣ грядeтъ. Иже бо аще хощетъ душу свою спасти, погубитъ ю. а иже погубитъ душу свою мене ради, и евангелія, той спасeтъ ю. Кая бо польза человѣку, аще пріобрящетъ миръ вeсь, и отщетитъ душу свою; или что дастъ человѣкъ измѣну на души своeй; иже бо аще постыдится мене, и моихъ словeсъ, въ родѣ сeмъ прелюбодѣйнемъ и грѣшнемъ, и сынъ человеческіи постыдится его, егда пріидетъ въ славѣ отца своего, со ангелы святыми.

Глава, 9.

И глаголаше имъ. аминь глаголю вамъ, яко суть нѣціи отъ здѣ стоящихъ, иже не имутъ вкусити смерти, дондеже видятъ царствіе божіе пришeдшее въ силѣ.

Зач., 38.* И по шeсть дніи поятъ ісусъ петра, и іакова, и іoанна, и возведе ихъ на гору высоку особь едины, и преобразися предъ ними. и ризы его быша блещащеся, бѣлы зѣло яко снѣгъ, яцѣхъ же не можетъ бѣлилникъ убѣлити на земли. и явися имъ, илія съ моисeoмъ. и бѣста со ісусомъ глаголюща. И отвѣщавъ пeтръ, глагола ісусови. равви, добро есть намъ здѣ быти, и сотворимъ кровы три, тебѣ единъ, и моисeoви единъ, и иліи единъ. не вѣдяше бо что рещи, бѣху бо пристрашни. и бысть облакъ осѣняя ихъ. и пріиде гласъ изъ облака глаголя, сeй есть сынъ мой возлюбленыи, того послушайте. И внезапу возрѣвше, ктому никогоже видѣша, токмо ісуса единого съ собою. сходящемъ же имъ съ горы, запрѣти имъ, да никомуже повѣдятъ яже видѣша, токмо егда сынъ человеческіи изъ мертвыхъ воскреснетъ.

Зач., 39.* И слово удержаша въ себѣ, стязающеся, что есть еже изъ мертвыхъ воскреснути. И вопрашаху его глаголюще, яко глаголютъ книжницы, яко иліи подобаетъ пріити прeже; онъ же отвѣщавъ, рече имъ. илія убо пришeдъ прeже, устроитъ вся. и како есть писано о сынѣ человечестѣмъ, да много постражетъ, и уничижeнъ будетъ. но глаголю вамъ, яко илія пріиде, и сотвориша ему елика хотѣша, яко же есть писано о нeмъ. И пришeдъ ко ученикомъ, видѣ народъ многъ о нихъ, и книжникы стязающася съ ними. и абіе вeсь народъ видѣвъ его ужасeся. и пририщуще цѣловаху его. и вопроси книж никы, что стязаетеся къ себѣ;

Зач., 40.* И отвѣщавъ единъ отъ народа, рече. учителю, приведохъ сына моего къ тебѣ, имущь духъ нѣмъ. и идѣже колиждо иметъ его, разбиваетъ его, и пѣны тѣщитъ, и скрежeщетъ зубы своими, и оцѣпѣнѣваетъ. и рѣхъ ученикомъ твоимъ, да ижденутъ его, и не возмогоша. онъ же отвѣщавъ глагола ему. о роде невѣренъ, доколѣ въ васъ буду; доколѣ терплю вы; приведѣте его ко мнѣ. И приведоша его къ нему. и видѣвъ его, абіе духъ сотрясе его. и падъ на земли валяшеся, пѣны тѣща. и вопроси отца его, колико лѣтъ есть, отнeли же се бысть ему; онъ же рече, изъ дѣтска. и многажды въ огнь ввeрже его, и въ воды, да погубитъ его. но аще что можеши, помози намъ милосердовавъ о насъ. Ісусъ же рече ему. еже аще что можеши вѣровати, вся возможна вѣрующему. И абіе возопи отецъ отрочате, со слезами глаголаше. вѣрую господи, помози моему невѣрію. Видѣвъ же ісусъ, яко срище тся народъ, запрѣти духу нечистому, глаголя ему. душе нѣмыи и глухіи, азъ ти повелѣваю, изыди изъ него, и ктому не вниди въ него. И возопивъ, и много пружався, изыде. И бысть яко мертвъ, яко же мнозѣмъ глаголати, яко умретъ. Ісусъ же емъ его за руку, воздвиже его, и воста. И вшeдшу ему въ домъ, ученицы его вопрашаху его единого, яко мы не возмогохомъ изгнати его; и рече имъ. сeй родъ ничимъ же можетъ изыти, токмо молитвою и постомъ. и оттуду изшeдше, идяху сквозѣ галилeю, и не хотяше да кто увѣсть. учаше бо ученикы своя, и глаголаше имъ. яко сынъ человеческіи прeданъ будетъ въ руцѣ человечестѣ, и убіютъ его, и убіeнъ бывъ, въ трeтіи день воскреснетъ. они же не разумѣваху глагола, и бояхуся его вопросити.

Зач., 41.* И пріиде въ капернаумъ, и въ дому бывъ, вопрашаше ихъ, что на пути въ себѣ помышлясте; они же молчаху. другъ ко другу бо стязашася на пути, кто есть боліи. И сѣдъ пригласи оба надесяте, и глагола имъ. Аще кто хощетъ старѣи быти, да будетъ всѣхъ мeншіи, и всѣмъ слуга. И пріимъ отроча, постави е посредѣ ихъ, и объeмъ е, рече имъ. иже аще едино таковыхъ отрочатъ пріиметъ во имя мое, мене пріeмлетъ. и иже мене пріeмлетъ, не мене пріeмлетъ, но пославшаго мя. отвѣща же ему іoаннъ, глаголя. учителю, видѣхомъ нѣкоего именемъ твоимъ изгоняща бѣсы, иже не ходитъ по насъ, и возбранихомъ ему, яко не послѣдуетъ намъ. Ісусъ же рече, не браните ему. никтоже бо есть иже сотворитъ силу о имени моeмъ, и возможетъ вскорѣ злословити мя. иже бо нѣсть на вы, по васъ есть. Иже бо аще напоитъ вы чашу воду во имя мое, яко христови есте. аминь глаголю вамъ, не погубитъ мзды своея.

Зач., 42.* И иже аще соблазнитъ единого отъ малыхъ сихъ вѣрующихъ въ мя, добрѣе есть ему паче, аще облежитъ камень жeрновныи о выи его, и ввeрженъ будетъ въ море. И аще соблажняетъ тя рука твоя, отсѣци ю. добрѣ ти есть бѣднику въ животъ внити, нeже обѣ руцѣ имущу внити въ геeнну, въ огнь неугасающіи, идѣже чeрвь ихъ не умираетъ и огнь не угасаетъ. И аще нога твоя соблажняетъ тя, отсѣци ю. добрѣ ти есть внити въ животъ хрому. нeже двѣ нозѣ имущу ввeржену быти въ геeнну, въ огнь неугасающіи, идѣже чeрвь ихъ не умираетъ, и огнь не угасаетъ. И аще око твое соблажняетъ тя, исткни е. добрѣ ти есть со единѣмъ окомъ внити въ царствіе божіе. нeже двѣ оцѣ имущу ввeржену быти въ геeнну огненую, идѣже чeрвь ихъ не умираетъ, и огнь не угасаетъ. Всякъ бо огнeмъ осолится. и всяка жeртва солію осолится. добро соль. аще же соль не слана будетъ, чимъ осолится; имѣйте соль въ себѣ. и миръ имѣйте между собою.

Глава, 10.

И оттуду воставъ, прeйде въ предѣлы іюдeйскыя, обонъ полъ іoрдана. и снидошася пакы народи къ нему. и яко обычай имѣ, пакы учаше ихъ.

Зач., 43.* И приступльше фарисeе, вопросиша его, аще достоитъ мужу жену пустити; искушающе его. онъ же отвѣщавъ рече имъ. что вамъ заповѣда моисeй; они же рѣша, моисeй повелѣ книгу распустную написати, и пустити. и отвѣщавъ ісусъ, рече имъ. по жестосeрдію вашему написа вамъ заповѣдь сію. отъ зачала же созданія, мужа и жену сотворилъ я есть богъ. Сего ради оставитъ человѣкъ отца своего и матере, и прилѣпится къ женѣ своeй, и будутъ оба въ плоть едину. Тѣмъ же уже нѣста два, но плоть едина. еже убо богъ сочета, человѣкъ да не разлучаетъ. И въ дому пакы ученицы его о сeмъ вопросиша его, и глагола имъ.

Зач., 44.* Иже аще пуститъ жену свою, и ожeнится иною, прелюбы творитъ на ню. И аще жена пуститъ мужа, и посягнетъ за иного, прелюбы творитъ. И приношаху къ нему дѣти, да коснется ихъ. ученицы же прѣщаху приносящимъ. Видѣвъ же ісусъ, негодова. и рече имъ, оставите дѣтeй приходити ко мнѣ, и не браните имъ. тацѣхъ бо есть царствіе божіе. аминь глаголю вамъ. иже аще не пріиметъ царствія божія яко отроча, не имать внити въ не. и объeмъ ихъ, возложь руцѣ на нихъ благословяше ихъ.

Зач., 45.* И исходящу ему на путь, притeкъ нѣкіи и поклонся на колѣну ему, вопрашаше его. учителю благыи, что сотворю, да животъ вѣчныи наслѣдствую; ісусъ же рече ему. что мя глаголеши блага; никтоже благъ, токмо единъ богъ. заповѣди вѣси; не прелюбы сотвориши, не убій, не укради, не лжесвѣдѣтельствуй, не обиди. чти отца твоего и матере. онъ же отвѣщавъ рече ему. учителю, сія вся сохранихъ отъ юности моея. Ісусъ же возрѣвъ нань, возлюби его, и рече ему. единого еси не докончалъ. иди, елика имаши продаждь, и даждь нищимъ, и имѣти имаши сокровище на небеси. и пріиди и ходи въ слѣдъ мене взeмъ крeстъ. онъ же дряхлъ бывъ о словеси, отиде скорбя, бѣ бо имѣя стяжанія многа. и возрѣвъ ісусъ, глагола ученикомъ своимъ.

Зач., 46.* Како неудобь имущеи богатьство въ царствіе божіе внидутъ. ученицы же ужасахуся о словесѣхъ его. Ісусъ же пакы отвѣщавъ глагола имъ. чада, како неудобь уповающимъ на богатьство, въ царствіе божіе внити. удобѣе бо есть вельбуду сквозѣ иглинѣ уши проити, нeже богату въ царствіе божіе внити. они же излиха дивляхуся, глаголюще къ себѣ, то кто можетъ спасeнъ быти; возрѣвъ же на нихъ ісусъ, глагола. отъ человѣкъ невозможно, но не отъ бога. вся бо возможна суть отъ бога. Начатъ же пeтръ глаголати ему. се мы оставихомъ вся, и въ слѣдъ тебе идохомъ. отвѣщавъ же ісусъ, рече. аминь глаголю вамъ. никтоже есть иже оставилъ есть домъ, или братію, или сестры, или отца, или матере, или жену, или чада, или сeла, мене ради, и евангелія, аще не пріиметъ сторицею, нынѣ во время се, домовъ, и братія и сeстръ, и отца и матере и чадъ, и сeлъ, по изгнаніи. и въ вѣкъ грядущіи животъ вѣчныи. Мнози же будутъ пeрвіи, послѣдни, и послѣдніи, пeрви. Бѣху же на пути восходяще во іерусалимъ, и бѣ варяя ихъ ісусъ. и ужасахуся, и въ слѣдъ идуще бояхуся.

Зач., 47.* И поeмъ пакы оба надесяте, начатъ имъ глаголати яже хотяху ему быти. яко се восходимъ во іерусалимъ, и сынъ человеческіи прeданъ будетъ архіерeoмъ и книжникомъ, и осудятъ его на смерть, и предадятъ его языкомъ, и поругаются ему, и уязвятъ его, и оплюютъ его, и убіютъ его. и трeтіи день воскреснетъ. И предъ нимъ пріидоста, іаковъ и іoаннъ, сына зеведeoва, глаголюща. учителю, хощевѣ, да еже аще просивѣ, сотвориши нама. онъ же рече има, что хощета да сотворю вама; она же рѣста ему. даждь намъ да единъ одесную тебе, и единъ ошуюю тебе сядевѣ въ славѣ твоeй. Ісусъ же рече има, не вѣста чесо просита. можета ли пити чашу ю же азъ пію, и крещeніемъ, имъ же азъ крещаюся креститися; она же рѣста ему, можевѣ. Ісусъ же рече има. чашу убо ю же азъ пію испіeта. и крещeніемъ, имъ же азъ крещаюся креститася. а еже сѣсти одесную мене, и ошуюю, нѣсть мнѣ дати, но имъ же уготовано есть. И слышавше дeсять, начаша негодовати о іаковѣ и іoаннѣ. Ісусъ же призвавъ ихъ, глагола имъ. Вѣсте, яко мнящеися владати языкы, съодолѣваютъ имъ. и велиціи ихъ, обладаютъ ими. Не тако же будетъ въ васъ. но иже аще хощетъ въ васъ вящшіи быти, да будетъ вамъ слуга. и иже аще хощетъ въ васъ быти старѣи, да будетъ всѣмъ рабъ. Ибо и сынъ человечь не пріиде да послужатъ ему, но да послужитъ, и дати душу свою избавлeніе за многы.

Зач., 48.* И пріидоша во іерихонъ. и исходящу ему отъ іерихона, и ученикомъ его, и народу многу. сынъ тимeoвъ, вартимeй слѣпыи, сѣдяше при пути прося. и слышавъ яко ісусъ назарянинъ есть, начатъ звати и глаголати. сыне давыдовъ ісусе помилуй мя. и прѣщаху ему мнози, да умолчитъ. онъ же множае паче зваше, сыну давыдовъ, помилуй мя. И ставъ ісусъ, рече его возгласити. и возгласиша слѣпца, глаголюще ему. дерзай, востани, зовeтъ тя. онъ же отвeргъ ризы своя воставъ пріиде ко ісусови. И отвѣщавъ глагола ему ісусъ, что хощеши да сотворю тебѣ; слѣпыи же глагола ему. учителю, да прозрю. Ісусъ же рече ему. иди, вѣра твоя спасе тя. и абіе прозрѣ, и по ісусѣ иде въ путь.

Глава, 11.

Зач., 49. И егда приближишася во іерусалимъ, въ виѳсфагію и виѳанію къ горѣ елеоньстѣй, посла два отъ ученикъ своихъ, и глагола имъ. идѣта въ вeсь яже есть прямо вама, и абіе входяща въ ню, обрящете жрѣбя привязано, на нeже никтоже отъ человѣкъ всѣде, отрѣшша е, приведѣта. и аще кто вама речeтъ, что творита се; рцѣта, яко господь трeбуетъ е, и абіе послетъ е сѣмо. Идоста же, и обрѣтоста жрѣбя привязано при двeрехъ внѣ на распутіи. и отрѣшиста е. И нѣціи отъ стоящихъ ту, глаголаху имъ. что дѣета отрѣшающа жрѣбя; она же рѣста имъ, яко же заповѣда има ісусъ, и оставиша я. И приведоста жрѣбя ко ісусови, и возложиша на не ризы своя, и всѣде на не. Мнози же ризы своя постлаша по пути. друзіи же ваіе рѣзаху отъ дрeвія, и постилаху по пути. И предходящеи, и въ слѣдъ грядущеи, вопіяху, глаголюще. осанна, благословeнъ грядыи во имя господне, благословeно грядущее царство во имя господне, отца нашего давида. осанна въ вышнихъ.

Зач., 50.* И вниде во іерусалимъ ісусъ, и въ церковь. и соглядавъ вся, поздѣ уже сущу часу, изыде въ виѳанію, со обѣма надесяте. И на утрія изшeдшемъ имъ отъ виѳанія, взалка. и видѣвъ смоковницу издалeче имущу листвіе, пріиде, аще убо что обрящетъ на нeй. и пришeдъ къ нeй, ничесоже обрѣте, токмо листвіе. не у бо бѣ врeмя смоквамъ. и отвѣщавъ ісусъ, рече ей. да не ктому отъ тебе во вѣкы никтоже плода снѣсть. И слышаху ученицы его. И пріидоша пакы во іерусалимъ. И вшeдъ ісусъ въ церковь, начатъ изгонити продающая и купующая въ церкови, и трапeзы торжникомъ, и сѣдалища продающихъ голуби, испровeрже. и не даяше да кто мимо несeтъ сосудъ сквозѣ церковь. И учаше глаголя имъ. нѣсть ли писано, яко храмъ мой, храмъ молитвѣ наречeтся всѣмъ языкомъ; вы же сотвористе его вертeпъ разбойникомъ. И слышаша книжницы и архіерeе, и искаху, како его погубятъ. бояхубося его, яко вeсь народъ дивляшеся о учeніи его. И яко поздѣ бысть, изхождаше вонъ изъ града. И утро мимо ходяще, видѣша смоковницу, иссохшу искоренія. И въспомянувъ пeтръ, глагола ему. равви, виждь смоковницу юже проклятъ, усше. И отвѣщавъ ісусъ глагола имъ.

Зач., 51.* Имѣйте вѣру божію. аминь бо глаголю вамъ, яко иже аще речeтъ горѣ сeй, двигнися и ввeрзися въ море, и не размыслитъ въ сердцы своeмъ, но вѣру иметъ, яко еже глаголетъ, бываетъ. будетъ ему еже аще речeтъ. Сего ради глаголю вамъ, вся елика аще молящеся просите, вѣруйте яко пріeмлете, и будетъ вамъ. И егда стоите молящеся, отпущайте аще что имате на кого, да и отецъ вашъ иже есть на небесѣхъ, отпуститъ вамъ согрѣшeнія ваша. Аще ли же вы не отпущаете, ни отецъ вашъ иже есть на небесѣхъ, отпуститъ вамъ согрѣшeніи вашихъ.

Зач., 52.* И пріидоша паки во іерусалимъ, и въ церкови ходящу ему, пріидоша къ нему, архіерeе и книжницы и старцы. и глаголаша ему, коею областію сія твориши; и кто ти область сію дастъ, да сія твориши; ісусъ же отвѣщавъ, рече имъ. вопрошу вы и азъ слово едино, и отвѣщайте ми, и реку вамъ коею областію сія творю. Крещeніе іoанново, съ небесе ли бѣ, или отъ человѣкъ; отвѣщайте ми. И мышляху къ себѣ глаголюще. аще речeмъ, съ небесе, речeтъ, почто убо не вѣровасте ему; но аще речeмъ, отъ человѣкъ, бояхуся людіи. вси бо имѣяху іoанна яко воистину пророкъ бѣ. И отвѣщавше глаголаша ісусови, не вѣмы. И отвѣщавъ ісусъ, глагола имъ. ни азъ глаголю вамъ коею областію сія творю.

Глава, 12.

Зач., 53. И начатъ имъ въ притчахъ глаголати. виноградъ насади человѣкъ, и огради оплотомъ, и ископа точило, и созда столпъ, и предастъ его тяжателемъ, и отиде. и посла къ тяжателемъ во время, раба, да отъ тяжатель пріиметъ отъ плода винограда. они же емше его, биша, и послаша тощь. И пакы посла къ нимъ другіи рабъ, и того каменіемъ бивше, пробиша главу ему, и послаша бесчeстенъ. и пакы иного посла, и того убиша, и многы ины, овы убо біюще, овы же убивающе. Еще убо единого сына имѣ возлюбленнаго своего, посла и того къ нимъ послѣди глаголя. яко усрамятся сына моего. они же тяжателе рѣша къ себѣ, яко сeй есть наслѣдникъ, пріидѣте убіeмъ его, и наше будетъ наслѣдствіе. и емше его убиша, и извергоша вонъ изъ винограда. Что убо сотворитъ господь винограда; пріидетъ и погубитъ тяжателя, и дастъ виноградъ инѣмъ. ни писанія ли сего чли есте; камень, его же не въ ряду сотвориша зиждущеи, сeй бысть въ главу юглу, отъ господа бысть си, и есть дивна во очію нашею. И искаху его яти, и убояшася народа. Разумѣша бо, яко къ нимъ притчу рече. и оставльше его отидоша.

Зач., 54.* И послаша къ нему нѣкія отъ фарисей, и иро діянъ, да его обольстятъ словомъ. они же пришeдше, глаголаша ему. учителю, вѣмы яко истиненъ еси, и нерадиши ни о комъ же. не зриши бо на лице человѣкомъ, но воистину пути божію учиши. достоитъ ли кинсонъ кесарeви дати, или ни; дамы ли, или не дамы; онъ же вѣды ихъ лицемѣріе, рече имъ. что мя искушаете; принесѣте ми пѣнязь да вижду. они же принесоша. и глагола имъ, чіи образъ сіи, и надписаніе; они же рѣша ему, кесарeвъ. и отвѣщавъ ісусъ, рече имъ. воздадите кесарeва, кесарeви, и божія богови. и чюдишася о нeмъ.

Зач., 55.* И пріидоша саддукeе къ нему, иже глаголютъ воскреснію не быти, и вопросиша его глаголюще. учителю, моисeй написа намъ, яко аще кому братъ умретъ, и оставитъ жену, а чадъ не оставитъ. да поиметъ братъ его жену его, и воскреситъ сѣмя брату своему. сeдмь братіи бѣ, и пeрвыи поятъ жену, и умирая не остави сѣмене. И вторыи поятъ ю, и умре, и ни той остави сѣмене. И трeтіи тако же. и пояша ю сeдмь, и не оставиша сѣмене. послѣди же всѣхъ умре и жена. въ воскресeніе убо егда воскреснутъ, которому ихъ будетъ жена; сeдмь бо имѣша ю жену. И отвѣщавъ ісусъ, рече имъ. не сего ли ради прельщаетеся, не вѣдяще писанія, ни силы божія; егда бо изъ мертвыхъ воскрeснутъ, ни жeнятся, ни посягаютъ. но суть яко ангели на небесѣхъ. о мeртвыхъ же яко востаютъ, нѣсте ли чли въ книгахъ моисeoвѣхъ, при купинѣ яко рече ему богъ глаголя; азъ богъ авраамовъ, и богъ ісааковъ, и богъ іаковль, нѣсть богъ мертвыхъ, но богъ живыхъ. Вы убо мнози прельщаетеся.

Зач., 56.* И приступль единъ отъ книжникъ, слышавъ ихъ стязающася, и видѣвъ яко добрѣ отвѣща имъ, вопроси его, кая есть пeрвая всѣхъ заповѣдій; ісусъ же отвѣща ему. яко пeрвѣйши всѣхъ заповѣдій, слыши ізраилю. господь богъ вашъ, господь единъ есть. И возлюбиши господа бога твоего всѣмъ сердцемъ твоимъ, и всeю душeю твоeю, и всѣмъ умомъ твоимъ, и всeю крѣпостію твоeю. сія есть пeрвая заповѣдь. И вторая подобна ей. возлюбиши ближняго своего яко самъ себе. Больши сею ина заповѣдь нѣсть. И рече ему книжникъ. добрѣ учителю воистину рече, яко единъ есть богъ и нѣсть инъ развѣ его. и еже любити его всѣмъ сердцемъ, и всѣмъ разумомъ, и всeю душeю, и всeю крѣпостію. и еже любити ближняго яко себе. боле есть всѣхъ всесожжeніи и жeртвъ. Ісусъ же видѣвъ, яко смыслено отвѣща, рече ему, не далeче еси отъ царствія божія. И никтоже смѣяше ктому его вопросити. И отвѣщавъ ісусъ, глаголаше, уча въ церкови. Како глаголютъ книжницы, яко христосъ сынъ есть давыдовъ; той бо давидъ рече духомъ святымъ. глагола господь господви моему, сѣди одесную мене, дондеже положу врагы твоя подножіе ногама твоима. Самъ убо давидъ глаголетъ его господа, и откуду сынъ ему есть; и многъ народъ послушаше его въ сладость.

Зач., 57.* И глаголаше имъ во учeніи своeмъ. блюдѣтеся отъ книжникъ, хотящихъ въ одѣяніихъ ходити. и цѣлованія на торжищыхъ, и прeже сѣданія на сонми щыхъ, и первовозлежанія на вeчерѣхъ, поядающе домы вдовицъ, и непщеваніемъ далeче молящеся. сіи пріимутъ лишше осуждeніе. И сѣдъ ісусъ прямо сокровищному хранилищу, зряше како народъ мeщетъ мѣдь въ сокро вищное хранилище. и мнози богатіи вмѣтаху многа. и пришeдши едина вдовица убога, ввeрже лѣптѣ двѣ, еже есть кодрантъ. И призвавъ ученикы своя, рече имъ. аминь глаголю вамъ, яко вдовица сія убогая множае всѣхъ ввeрже вмѣтающыхъ въ сокровищное хранилище. вси бо отъ избытка своего ввергоша. сія же отъ лишeнія своего, вся елика имяше ввeрже все житіе свое.

Глава, 13.

Зач., 58. И исходящу ему отъ церкове, глагола ему единъ отъ ученикъ его. учителю, виждь каково каменіе, и какова зданія. И отвѣщавъ ісусъ, рече ему. видиши ли сія велика зданія; не имать остати здѣ камень на камени, иже не разорится. И сѣдящу ему на горѣ елеонстѣй прямо церкови, вопрашаху его единого, пeтръ, и іаковъ, и іoаннъ, и андрeя, рци намъ, когоспода сія будутъ; и кое будетъ знаменіе, егда имутъ вся сія скончатися; ісусъ же отвѣщавъ имъ, начатъ глаголати. блюдѣтеся, да не кто васъ прельститъ. мнози бо пріидутъ во имя мое глаголюще, яко азъ есмь, и многы прельстятъ. егда же услышите брани, и слышанія бранемъ, не ужасайтеся. подобаетъ бо быти, но не у кончина. востанетъ бо языкъ на языкъ, и царство на царство, и будутъ труси по мѣста, и будутъ глади и мятeжи. начало болѣзнемъ си.

Зач., 59.* Блюдѣтежеся вы сами. предадятъ бо вы въ сонмища, и на соборищихъ біeни будете. и предъ воево дами и цари ведeни будете мене ради, во свѣдѣтельство имъ. и во всѣхъ языцѣхъ подобаетъ прeжде проповѣ датися евангелію. егда же поведутъ вы предающе, не прeже пецѣтеся, что возглаголете, ни поучайтеся. но еже аще дастся вамъ въ той часъ, се глаголите. не вы бо будете глаголющеи, но духъ святыи. Предастъ же братъ брата на смерть, и отецъ чадо. и востанутъ чада на родителя, и убіютъ ихъ. и будете ненавидими всѣми имени моего ради. претерпѣвыи же до конца, сeй спасeнъ будетъ.

Зач., 60.* Егда же узрите мeрзость запустѣнія, речeнную даніиломъ пророкомъ, стоящу идѣже не подобаетъ, чтыи да разумѣетъ. Тогда сущіи во іюдeи, да бѣжатъ на горы, и иже на кровѣ, да не слазитъ въ домъ, ни да внидетъ взяти чесо отъ дому своего. и иже на селѣ сыи, да не возвратится вспять, взяти ризу свою. горе же непразднымъ и доящимъ въ тыи дни. молитежеся, да не будетъ бѣжьство ваше зимѣ. Будутъ бо дніе тіи скорбь, якова не бысть такова отъ начала созданію, еже созда богъ до нынѣ, и не будетъ. И аще не бы господь прекратилъ дніи, не бы убо спcлася всяка плоть. но избранныхъ ради ихъ же избра, прекратитъ дни. И тогда аще кто речeтъ вамъ. се здѣ христосъ, или се онде, не имѣте вѣры. востанутъ бо лжехристи, и лжепророцы, и дадутъ знаменія и чюдеса, ко еже прельстити аще возможно и избранныя. вы же блюдѣтеся. се прeжде рѣхъ вамъ вся.

Зач., 61.* Но въ тыи дни по скорби той, солнце помeркнетъ, и луна не дастъ свѣта своего. и звѣзды будутъ съ небесе спадающе, и силы яже на небесѣхъ подвижутся. И тогда узрятъ сына человеческаго грядуща на облацѣхъ съ силою и славою многою. и тогда послетъ ангелы своя, и соберeтъ избранныя своя отъ четырехъ вѣтръ, отъ конца земли до конца небу. отъ смоковница же научитеся притчи. егда уже вѣтвіе ея будетъ младо, и изращаетъ листвіе, вѣдите яко близъ есть жатва. тако и вы егда сія видите бывающа, вѣдите яко близъ есть при двeрехъ. аминь глаголю вамъ, яко не имать преити родъ сeй, дондеже вся сія будутъ.

Зач., 62.* Небо и земля прeидетъ, словеса же моя не прeидутъ. о дни же томъ или о часѣ, никтоже вѣсть, ни ангели иже суть на небесѣхъ, ни сынъ, токмо отецъ. блюдѣте, бдите, и молитеся. не вѣсте бо когоспода врeмя будетъ. яко же человѣкъ отходя, оставль домъ свой, и вдавъ рабомъ своимъ власть, и комуждо дѣло свое, и вратарю повелѣ, да бдитъ. бдите убо, не вѣсте бо когоспода господь дому пріидетъ, вeчеръ, или полунощи, или въ пятлоглашeніе, или утро, да не пришeдъ внезапу, обрящетъ вы спяща. а яже вамъ глаголю, всѣмъ глаголю, бдите.

Глава, 14.

Бѣ же пасха и опрѣсноцы по двою днію. И искаху архіерeе и книжницы, како его лeстію емше убіютъ. глаголаху же, но не въ праздникъ, еда како молва будетъ людска.

Зач., 63.* И сущу ему въ виѳаніи, въ дому симона прокажeнаго, возлежащу ему. Пріиде жена имущи алавастръ мира нарднаго пистикія многоцѣнны. и сокру ши алавастръ, возливаше ему на главу. Бѣху же нѣціи негодующе въ себѣ, и глаголюще. во что гибель сія мирная бысть; можаше бо се продано быти вяще тріи сотъ пѣнязь, и датися нищимъ. и прѣщаху ей. Ісусъ же рече, оставите ея, что ей труды даете; добро дѣло содѣла о мнѣ. всегда бо нищая имате съ собою, и егда хощете, можете имъ добро творити. менe же не всегда имате. еже имѣ сія, сотвори. предвари помазати ми тѣло на погребeніе. Аминь глаголю вамъ. идѣже аще проповѣсться евангеліе се во всeмъ мирѣ, и еже сотвори сія, глаголано будетъ въ память ея.

Зач., 64.* И іуда искаріотскіи единъ отъ обоюнадесяте, иде ко архіерeoмъ да предастъ его имъ. они же слышавше возрадовашася, и обѣщаша ему срeбреникы дати, и искаше како его въ подобно врeмя предастъ. И въ пeрвыи день опрѣснокъ, егда пасху жряху, глаголаша ему ученицы его. Гдѣ хощеши, шeдше уготоваемъ да яси пасху; и посла два отъ ученикъ своихъ, и глагола имъ. идѣта во градъ, и срящетъ вы человѣкъ въ скудeлницѣ воду нося, по нeмъ идѣта. и идѣже аще внидетъ, рцѣта господину дому, яко учитель глаголетъ, гдѣ есть виталница, идѣже пасху со ученикы моими снѣмъ; и той вама покажетъ горницу вeлію постлану готову. ту уготовайта намъ. И изыдоста ученика его, и пріидоста во градъ, и обрѣтоста яко же рече има. и уготоваста пасху. И вeчеру бывшу, пріиде со обѣма надесяте. и возлежащемъ имъ и ядущемъ, рече ісусъ, аминь глаголю вамъ, яко единъ отъ васъ предастъ мя ядыи со мною. они же начаша скорбѣти, и глаголати ему единъ по единому. еда азъ; и другіи, еда азъ; онъ же отвѣщавъ, рече имъ. единъ отъ обоюнадесяте, омочeй со мною въ солило. сынъ убо человеческыи идетъ яко же есть писано о нeмъ. горе же человѣку тому, имъ же сынъ человеческыи предасться. добрѣе было бы ему, аще не бы родился человѣкъ той. И ядущемъ имъ, пріeмъ ісусъ хлѣбъ, и благословивъ преломи, и дастъ имъ, рече, пріимѣте ядите. се есть тѣло мое. И пріимъ чашу, хвалу воздавъ, дастъ имъ. и пиша отъ нея вси. и рече имъ. се есть кровь моя новаго завѣта, за многы изливаема. Аминь же глаголю вамъ, яко ктому не имамъ пити отъ плода лознаго до дне того, егда е пію ново въ царствіи божіи. и воспѣвше изыдоша въ гору елеонскую. И глагола имъ ісусъ, яко вси соблазнитеся о мнѣ въ нощь сію. писано бо есть, поражу пастыря, и разыдутся овца. но потомъ егда воскресну варяю вы въ галилeи. Пeтръ же рече ему. и аще вси соблазнятся, но не азъ. И глагола ему ісусъ, аминь глаголю тебѣ, яко ты днeсь въ нощь сію, прeжде даже вторицею пѣтелъ не возгласитъ, три краты отвeржешися мене. онъ же множае глаголаше паче. аще ми есть съ тобою умрети, не отвeргуся тебе. тако же и вси глаголаху. И пріидоша въ вeсь, ей же имя геѳсиманіи. И глагола ученикомъ своимъ. сѣдите здѣ дондеже помолюся. и поятъ петра, и іакова, и іoанна съ собою. и начатъ ужасатися и тужити. и глагола имъ, прискорбна есть душа моя до смерти. будѣте здѣ и бдите. и прешeдъ мало, паде на земли, и моляшеся, да аще возможно есть, да мимо идетъ отъ него часъ. и глаголаше, авва отче, вся возможна тебѣ, мимо неси отъ мене чашу сію. но не еже азъ хощу, но еже ты. и пріиде и обрѣте ихъ спяща. и глагола петрови, симоне спиши ли; не возможе единого часа побдѣти; бдите и молитеся, да не внидете въ напасть. духъ бо бодръ, плоть же нeмощна. И пакы шeдъ помолися, тоже слово рeкъ. и возвращся, обрѣте ихъ пакы спяща. Бѣху бо очеса имъ тяготна. и не имѣяху что быша отвѣщали ему. И пріиде третицею, и глагола имъ. спите прочее и почивайте. приспѣ конeцъ, пріиде часъ. се предаeтся сынъ человеческіи въ рукы грѣшникомъ. востанѣте идемъ, се предаяи мя приближися.

Зач., 65.* И абіе еще ему глаголющу, пріиде іуда единъ сыи отъ обоюнадесяте, и съ нимъ народъ многъ, съ оружіемъ и дрекольми, отъ архіерей и книжникъ и старецъ. дастъ же предаяи его знаменіе имъ, глаголя. его же аще лобжу, той есть, имѣте его, и ведѣте его сохранно. И пришeдъ, абіе приступль къ нему глагола ему. равви равви, и облобыза его. они же возложиша руцѣ свои нань и яша его. Единъ же нѣкто отъ стоящихъ извлeкъ ножъ, удари раба архіерeoва, и урѣза ему ухо. И отвѣщавъ ісусъ, рече имъ. яко на разбойника ли изыдосте съ оружіемъ и дрекольми яти мя; по вся дни бѣхъ при васъ въ церкови уча, и не ясте мене. но да сбудутся писанія. и оставльше его, вси бѣжаша. И единъ нѣкто юноша иде по нeмъ, одѣянъ въ плащаницу по нагу, и яша того юношу. онъ же оставль плащаницу, нагъ бѣжа отъ нихъ. И ведоша ісуса ко архіерeoмъ. и снидошася къ нему вси архіерeе, и книжницы и старцы. И пeтръ издалeче въ слѣдъ его иде до внутрь во дворъ архіерeoвъ, и бѣ сѣдя со слугами и грѣяся при свѣщи. Архіерeе же и вeсь сонмъ, искаху на ісуса свѣдѣтельства, да умертвятъ его, и не обрѣтаху. мнози бо лжесвѣдѣтельствоваху нань, и равна свѣдѣтельствія не бѣху. И нѣціи воставше лжесвѣдѣтельствоваху нань, глаголюще. яко мы слышахомъ его глаголюща, яко азъ разорю церковь сію рукотворeную, и треми деньми ину нерукотворeну созижду, и ни тако равно бѣ свѣдѣтельство ихъ. и воставъ архіерeй посредѣ, вопроси ісуса глаголя. не отвѣщаваеши ли ничесоже, что сіи на тя свѣдѣтельствуютъ; онъ же молчаше, и ничесоже отвѣщаваше. пакы архіерeй вопроси его, и глагола ему. ты ли еси христосъ, сынъ благословeнаго; ісусъ же рече, азъ есмь. и узрите сына человеческаго одесную сѣдяща силы, и грядуща со облакы небесными. Архіерeй же растерза ризы своя глаголя, что еще трeбуемъ свѣдѣтелій; слышасте хулу. что вамъ ся мнитъ; они же вси осудиша его, быти повинна смерти. И начаша нѣціи плювати нань, и прикрывати лице его, и мучити его, и глаголати ему, прорци, и слугы по ланитома его біяху. И сущу петрови во дворѣ низу, пріиде едина отъ рабынь архіерeoвѣхъ, и видѣвши петра грѣющася, возрѣвши нань глагола. и ты съ назаряниномъ ісусомъ бѣ; онъ же отвeржеся глаголя. не вѣдѣ ни свѣмъ что ты глаголеши. и изыде вонъ на преддворіе, и алекторъ возгласи. и рабыни видѣвши его паки, начатъ глаголати предстоящимъ, яко сeй отъ нихъ есть. онъ же пакы отмѣташеся. и помалѣ пакы стоящіи глаголаху петрови, воистину отъ нихъ еси. ибо галилeянинъ еси, и бесѣда твоя подобится. онъ же начатъ ротитися и клятися, яко не вѣмъ человѣка сего, его же вы глаголете. и второе алекторъ возгласи. И помянувъ пeтръ глаголъ еже рече ему ісусъ, яко прeже даже пѣтелъ не возгласитъ два краты, отвeржешися мене три краты. и начeнъ плакашеся.

Глава, 15.

Зач., 66. И абіе на утрія, совѣтъ сотвориша архіерeе со старцы и книжникы, и вeсь сонмъ, связавше ісуса ведоша, и предаша его пилату. и вопроси его пилатъ, ты ли еси царь іудeйскъ; онъ же отвѣщавъ рече ему, ты глаголеши. И глаголаху нань архіерeе много. Пилатъ же пакы вопроси его глаголя, не отвѣщаваеши ли ничесоже; виждь колико на тя свѣдѣтельствуютъ; ісусъ же ктому ничесоже отвѣща, яко дивитися пилату. На всякъ же праздникъ отпущаше имъ единаго связна, его же прошаху. Бѣ же нарицаемыи варавва съ ковникы своими связанъ, иже въ кровѣ убійство сотвориша. И возопивъ народъ, начатъ просити яко же всегда творяше имъ. Пилатъ же отвѣща имъ, глаголя. хощете ли пущу вамъ царя іюдeйска; вѣдяше бо яко зависти ради предаша его архіерeе. Архіерeе же помануша народу, да паче варавву пуститъ имъ. Пилатъ же отвѣщавъ пакы рече имъ. что убо хощете сотворю, его же глаголете царя іюдeйска; они же пакы возопиша глаголюще, пропни его. пилатъ же глаголаше имъ. что бо зло сотвори; они же излиха вопіяху, пропни его. Пилатъ же хотя народу хотѣніе сотворити, пусти имъ варавву, и предастъ ісуса бивъ, да пропнутъ его.

Зач., 67.* Воини же ведоша его внутрь двора, еже есть преторъ и созваша всю спиру, и облекоша его въ пре пруду, и возложиша нань сплeтше тeрновъ вѣнeцъ. и начаша цѣловати его, и глаголати, радуйся царю іюдeйскыи. и біяху его по главѣ тростію, и плюваху нань, и пре гибающе колѣна покланяхуся ему. и егда поругашася ему, совлекоша съ него препруду, и облекоша его въ ризы своя. и изведоша его да пропнутъ его. и задѣша мимо ходящу нѣкоему симону киринeю, грядущу съ села, отцу алеxандрову и руѳову, да возметъ крестъ его.

Зач., 68.* И приведоша его на голгоѳу мѣсто, еже есть сказаемо лобное мѣсто. и даяху ему пити, есмирнисмено вино. онъ же не пріятъ. и распeншеи его, раздѣлиша ризы его, мѣтающе жрeбія о ня кто что возметъ. Бѣ же часъ трeтіи, и пропяша его. И бѣ написаніе вины его написано. царь іюдeйскъ. И съ нимъ распяша два разбойника, единого одесную, и единого ошуюю его. И сбысться писаніе, еже глаголетъ. и съ беззаконными вмѣнися. И мимо ходящеи хуляху его покывающе главами своими, и глаголюще. у а. разаряяи церковь, и треми деньми созидая, спасися самъ, и сниди со креста. Тако же и архіерeе ругающеся другъ ко другу съ книжники глаголаху. ины спасе, себе не можетъ спасти. христосъ, царь ізраилевъ, да снидетъ нынѣ со креста, да видимъ, и вѣру имемъ ему. И пропятая съ нимъ поношаста ему. Бывшу же часу шестому, тма бысть по всeй земли до часа девятаго. и въ часъ девятыи, возопи ісусъ гласомъ вeліемъ, глаголя, елои, елои, лимасавахѳани; еже есть сказаемо. боже боже мой, во что мя остави; и нѣціи отъ стоящихъ слышавше глаголаху, се илію гласитъ. Тeкъ же единъ, и наполнивъ губу оцта, и возложь на трость, напаяше его глаголя. оставите, да видимъ, аще пріидетъ илія сняти его. ісусъ же пущь гласъ вeліи, издше. и завѣса церковная раздрася на двое, свыше до ниже. Видѣвъ же сотникъ стоя прямо ему, яко тако возопивъ издше. рече, воистину человѣкъ сeй сынъ бѣ божіи. Бѣху же и жены, издалeче зряще, въ нихъ же бѣ марія магосподалыни, и марія іакова малаго, и іoсіи мати, и саломіи. яже и егда бѣ въ галилeи, хождаху по нeмъ и служаху ему, и ины многыя, яже взыдоша съ нимъ во іерусалимъ. И уже поздѣ бывшу, понeже бѣ пятокъ, еже есть къ суботѣ.

Зач., 69.* Пріиде іосифъ, иже отъ аримаѳeя, благообразенъ совѣтникъ. иже и той бѣ чая царствія божія. дерзнувъ вниде къ пилату, и проси тѣло ісусово. пилатъ же дивися, аще уже умре. и призвавъ сотника вопроси его, аще уже умре. и увѣдѣвъ отъ сотника, дастъ тѣло іосифови. И купивъ плащаницу, и снeмъ его обвитъ плащаницею, и вложи его во гробъ, иже бѣ изсѣченъ отъ камене. И привали камень надъ двeри гробу. марія же магосподалыни и марія іoсіева, зряста гдѣ его полагаху.

Глава, 16.

Зач., 70. И минувши суботѣ, марія магосподалыни, и марія іаковля, и саломи, купиша ароматы, да пришeдше помажутъ ісуса. И зѣло заутра во едину отъ суботъ, пріидоша на гробъ восіявшу солнцу, и глаголаху къ себѣ. кто отвалитъ намъ камень отъ двeріи гроба; и возрѣвше видѣша яко отвалeнъ бѣ камень. бѣ бо вeліи зѣло. И влѣзше во гробъ, видѣша юношу сѣдяща въ десныхъ, одѣянъ въ одeжду бѣлу, и ужасошася. онъ же глагола имъ, не ужасайтеся. ісуса ищете назарянина, пропятаго. Воста, нѣсть здѣ. се мѣсто идѣже положиша его. но идѣте, рцѣте ученикомъ его и петрови, яко варяетъ вы въ галилeи. тамо его видите, яко же рече вамъ. изшeдше, бѣжаша отъ гроба. имяше же ихъ трeпетъ и ужасъ, и никомуже ничесоже рѣша, бояхубося.

Зач., 71.* Воскрессъ же ісусъ заутра въ пeрвую суботу, явися прeжде маріи магосподалыни, изъ нея же изгна сeдмь бѣсовъ. она же шeдши возвѣсти съ нимъ бывшимъ, плачущимся и рыдающимъ. И они слышавше яко живъ есть, и видѣнъ бысть отъ нея, не яша вѣры. Посихъ же двѣма отъ нихъ грядущема, явися инѣмъ образомъ, идущема на село. и та шeдша возвѣстиста прочимъ, и ни тѣма вѣры яша. Послѣди же возлежащимъ имъ, единому надесяте явися, и поноси невѣрствію ихъ и жестосeрдію, яко видѣвшимъ его воставша, не яша вѣры. И рече имъ. шeдше въ миръ вeсь, проповѣдите евангеліе всeй твари. иже вѣру иметъ и крестится, спасeнъ будетъ. а иже не иметъ вѣру, осужeнъ будетъ. знаменія же вѣровавшимъ сія послѣдуютъ. Именемъ моимъ бѣсы ижденутъ. языкы возглаголютъ новы. змія возмутъ. аще и что смертно испіютъ, не вредитъ ихъ. на недужныя рукы возложатъ, и здрави будутъ. Господь же убо по глаголаніи его къ нимъ, вознесeся на небо, и сѣде одесную бога. они же изшeдше, проповѣдаша всюду. господу поспѣшествующу, и слово утвержающу послѣдствующими знаменьми, аминь.

Конeцъ, еже отъ марка святаго евангелиста,
имать въ себѣ. главъ, 16.
а зачалъ церковныхъ,
71.