Соборное посланіе Петрово, 2.

1 2 3

Глава, 1.

Зач., 64. Симонъ пeтръ, рабъ и посланникъ ісусъ христовъ, въ равночeстную намъ получившимъ вѣру, правдою бога нашего и спаса ісуса христа. Благодать вамъ и миръ да умножится въ познаніе божіе, и христа ісуса господа нашего. яко вся намъ божественыя силы своея, яже къ животу и благочeстію подана, разумомъ призвавшаго насъ, славою и добродѣтелію, имъ же честная намъ и великая обѣтованія даровашася, яко да сихъ ради будете божественаго причастницы естества, отбѣгше иже въ мирѣ похотныя тля. И само еже сіе тщаніе все привнeсше, подадите въ вѣрѣ вашей добродѣтель, въ добродѣтели же, разумъ, въ разумѣ же, воздержаніе, въ воздержаніи же, терпѣніе, въ терпѣніи же, благочeстіе, въ благочeстіи же, братолюбіе, въ братолюбіи же, любовь. Симъ бо въ васъ сущимъ и множащемся, непраздныхъ ниже бесплодныхъ сотворитъ въ господа нашего ісуса христа познаніе. Ему же бо нѣсть сихъ, слѣпъ есть. мжа, забвeніе пріeмъ чищeнія дрeвнихъ своихъ грѣховъ.

Зач., 65.* Тѣмъ же паче братіе, потщитеся извѣстно ваше званіе и избраніе творити. Сія бо творяще, не имате согрѣшити никогосподаже. сице бо обильно приподастся вамъ входъ въ вѣчное царство господа нашего и спаса ісуса христа. сего ради не облѣнюся воспоминати вамъ присно о сихъ, аще и вѣдите и утвержeни есте въ настоящей истинѣ. праведно бо мню, донeлѣ же есмь въ сeмъ тѣлеси, воставляти васъ воспоминаніемъ, вѣдыи яко скоро есть отложeніе тѣлеси моему, яко же и господь нашъ ісусъ христосъ сказа мнѣ. Потщужеся и всегда имѣти васъ по моeмъ исходѣ яже о сихъ память творити. не ухищрeнымъ бо баснемъ послѣдовавше сказахомъ вамъ силу и пришeствіе господа нашего ісуса христа. но самовидцы бывше величествію оного. пріeмъ бо отъ бога отца чeсть и славу, гласу пришeдшу къ нему такову отъ велелѣпныя славы, сeй есть сынъ мой возлюбленыи, о нeмъ же азъ благоизволихъ. и сeй гласъ мы слышахомъ съ небесе съшeдшъ, съ нимъ суще на горѣ святѣй. И имамы извѣстнѣе пророческое слово, еже добрѣ творите внимающе яко же свѣтилнику сіяющу въ тeмнѣ мѣстѣ, и дондеже день озаритъ, и денница восіяетъ въ сердцыхъ вашихъ.

Зач., 66.* Сіе прeжде вѣдуще, яко всяко пророчество книжное по своему сказанію не бываетъ. ни бо волею бысть когоспода человѣкомъ пророчество, но отъ святаго духа просвѣ щаеми, глаголаша святіи божіи человецы.

Глава, 2.

Быша же и лживи пророцы въ людехъ, яко же и въ васъ будутъ лживи учители иже внесутъ ереси погибели, и искупльшаго ихъ владыки отмѣтающеся, приводяще себѣ скору погибель. и мнози послѣдствуютъ ихъ нечистотамъ, ими же путь истинныи похулится, и въ преумножeніи льстивыхъ словeсъ васъ уловятъ. ихъ же судъ искони не коснитъ, и погибель ихъ не воздрѣмлетъ. аще бо богъ ангеловъ согрѣшившихъ не пощадѣ, но пленицами мрака связавъ, предастъ на судъ мучимы блюсти, и пeрваго мира не пощадѣ, но осмаго ноя правдѣ проповѣдника сохрани, потопъ миру нечествовавшихъ навeдъ, и грады содомскія и гоморскія съжeгъ, разорeніемъ осуди, образъ хотящимъ нечествовати положивъ. и праведника лота обидима отъ беззаконныхъ и живущихъ въ нечистотѣ житeйстей избави. видѣніемъ бо и слухомъ праведныи живыи въ нихъ, день отъ дне душу праведну беззаконными дѣлы мучаше.

Зач., 67.* Вѣсть господь благочестивыя отъ напасти избавляти, неправедники же въ день судныи мучимы блюсти. Наипаче же въ слѣдъ похоти плотьскія сквернeнія ходящихъ, и о господьствѣ нерадящихъ. продерзателехъ, себѣ угодныхъ, славы не трепeщутъ хуляще. идѣже ангели крѣпостію и силою болши суще, не терпятъ на ся отъ господа укоризненъ судъ. сіи же яко скоти животни естествомъ бывше въ погибель и тлю, въ нихъ же не разумѣютъ хуляще, во истлѣніи своeмъ истлѣютъ, пріeмлюще мзду неправедну, сласть мняще вседнeвное насыщeніе, сквернители и порочницы, питающеся лeстьми своими, ядуще съ вами, очи имуще исполнь блудодѣянія и непрестаемаго грѣха. прельщающе душа не утвержeны, сердце научeно лихоимству имуще, клятвы чада, оставльше правыи путь, заблудиша, послѣдовавше пути валаамову восорова, иже мзду неправедну возлюби, обличeніе же имѣ своего беззаконія. подъярeмникъ безгласенъ, человеческымъ гласомъ провѣщавша, возбрани пророку безуміе. Сіи суть источницы безводни, и облацы и мглы отъ вѣтръ преносими, имъ же мракъ тeмныи во вѣкы блюдeтся. прегордая бо суеты вѣщающе, прельщаютъ въ сквeрны плотьскія похоти, отбѣгающе отинудь живущихъ во льсти, свободу имъ обѣщавающе, сами раби суще тлѣнію. имъ же бо кто побѣжeнъ бываетъ, сему и работенъ есть. Аще бо отбѣгше сквeрнъ мира въ разумъ господа нашего и спаса ісуса христа, сими же пакы соплeтшеся побѣждаеми бываютъ, быша же имъ послѣдняя горша пeрвыхъ. лучше бо бѣ имъ не познати пути правды, нeжели познавшемъ возвратитися отъ преданыя имъ святыя заповѣди. случибося имъ истинная притча, пeсъ возвращся на свою блевотину, и свинія омывшися въ калѣ тиннѣ.

Глава, 3.

Зач., 68. Сіе уже возлюбленіи второе вамъ пишу посланіе, въ нихъ же возбужаю васъ воспоминаніемъ чистаго смысла, помянути прeже речeнныя глаголы отъ святыхъ пророкъ, и апостолъ вашихъ, и заповѣдей господа и спаса. сіе прeжде вѣдяще, яко пріидутъ въ послѣдняя дни ругателе, по своихъ похотехъ ходяще, и глаголюще, гдѣ есть обѣтованіе пришeствія его; отнeли же бо отецы успоша, вся тако пребываютъ отъ начала созданію. утаитъбося имъ сіе хотящимъ, яко небеса бѣша испeрва и земля отъ воды и водою составлена божіимъ словомъ, ими же тогдашніи миръ водою потоплeнъ бывъ погибе. а нынѣшняя небеса и земля тѣмъ же словомъ сокровeна суть, огнeмъ блюдома въ день суда и въ погибель нечестивымъ человѣ комъ. Едино же сіе да не утаится вамъ возлюбленіи, яко единъ день прeдъ господемъ яко тысяща лѣтъ, и тысяща лѣтъ яко день единъ. не коснитъ господь обѣтованія, яко же нѣцыи коснѣніе мнятъ, но долготерпитъ на насъ, не хотя да никтоже погибнетъ, но да вси въ покаяніе пріидутъ. Пріидетъ же день господень, яко тать въ нощи, вонь же небеса убо съ шумомъ мимо идутъ, стихія же сожегаемы разорятся, земля же и яже на нeй дѣла сгорятъ. симъ убо всѣмъ разоряемомъ, кацѣмъ подобаетъ быти намъ во святыхъ пребываніихъ и благовѣріихъ, чающемъ и скорѣе быти желающемъ пришeствія божіяго дне его же ради небеса жегома разо рятся, и стихія опаляеми растаются; нова же небеса и зeмлю нову по обѣтованію его чаемъ, въ нихъ же правда живeтъ. Тѣмъ же возлюбленіи, сихъ чающе, потщитеся несквeрни и непорочни тому обрѣстися въ мирѣ. И господа нашего долготерпѣніе, спасeніе непщуйте. яко же и возлюбленыи нашъ братъ павелъ, по данѣй ему премудрости написа вамъ, яко же и во всѣхъ своихъ посланіихъ глаголя въ нихъ о сихъ, въ нихъ же суть не удобь разумна нѣкая, яже не научeніи и не утвержeніи развращаютъ. яко же и прочая писанія, къ своeй погибели имъ. Вы же убо возлюбленіи прeжде вѣдяще, хранитеся, да не лeстію беззаконныхъ сведeни бывше, отпадeте своего утвержeнія, но да растѣте же въ благодати и разумѣ господа нашего и спаса ісуса христа. Тому слава и нынѣ и въ день вѣка аминь.

Конeцъ, посланію второму святаго
апостола петра. Имать въ себѣ
главъ, 3, а зачалъ
церковных,
5.