От Луки святое Благовѣствованіе

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Глава, 1.

Зач., 1. Понeже убо мнози начаша чинити повѣсть о извѣсто ваныхъ въ насъ вeщехъ, яко же предаша намъ иже испeрва самовидцы и слугы бывшеи словеси. изволися и мнѣ послѣдовавшу выше всѣхъ испытно, поряду писати тебѣ, державныи ѳеофиле, да разумѣеши о нихъ же научился еси словесѣхъ утвержeніе.

Зач., 2.* Бысть во дни ирода царя іудeйска, іерeй нѣкіи, именемъ захарія, отъ дневныя чреды авіаня, и жена его отъ дщeріи аароновѣхъ, и имя ей елисавeѳь. Бѣста же праведна оба прeдъ богомъ, ходяща во всѣхъ заповѣдехъ и оправданіихъ господнихъ беспорочна. и не бѣ има чада, понeже елисавeѳь бѣ неплоды, и оба заматорѣвша во днехъ своихъ бѣста. Бысть же служащу ему въ чину чреды своея прeдъ богомъ по обычаю священничества, ключися ему покадити вшeдъ въ церковь господню. и все множество людіи бѣ молитву дѣя внѣ въ годъ ѳиміама. Явижеся ему ангелъ господень, стоя одесную олтаря кадилнаго. и смутися захарія видѣвъ, и страхъ нападе нань. речe же къ нему ангелъ. не бойся захарія, зане услышана бысть молитва твоя. и жена твоя елисавeѳь родитъ сына тебѣ, и наречeши имя ему іoаннъ. и будетъ тебѣ радость и весeліе, и мнози о рожествѣ его возрадуются. будетъ бо вeліи прeдъ господемъ. и вина и сикeра не имать пити. и духа свята исполнится еще изъ чрева матере своея. и многы отъ сыновъ ізраилевъ обратитъ ко господу богу ихъ. И той предидетъ предъ нимъ, духомъ и силою иліиною. обратити сердца отецeмъ на чада, и против ныя въ мудрости праведныхъ, уготовати господви люди совершeны. и рече захарія ко ангелу. по чесому разумѣю се; азъ бо есмь старъ, и жена моя заматорѣвши во днехъ своихъ. И отвѣщавъ ангелъ рече ему. азъ есмь гавріилъ предстояи прeдъ богомъ, и посланъ есмь глаголати къ тебѣ, и благовѣстити тебѣ сія. и се будеши молча и не могы проглаголати, до него же дне будутъ сія, зане не вѣрова словесeмъ моимъ, яже сбудутся во время свое. И бѣша людіе ждуще захарію, и чюждахуся коснящу ему въ церкови. Изшeдъ же не можаше глаголати къ нимъ. и разумѣша яко видѣніе видѣ въ церкови. и той бѣ помавая имъ, и пребываше нѣмъ. И бысть, яко исполнишася дніе службы его, иде въ домъ свой.

Зач., 3.* Посихъ же днeхъ зачатъ елисавeѳъ жена его, и таяшеся месяцъ пять глаголющи, яко тако мнѣ сотвори господь во дни, въ ня же призрѣ отяти поношeніе мое въ человецѣхъ. Въ месяцъ же шестыи, посланъ бысть ангелъ гавріилъ отъ бога, во градъ галилeйскыи, ему же имя назарeѳъ, къ дѣвѣй обручeнѣй мужеви ему же имя іосифъ, отъ дому давыдова, и имя дѣвѣй маріамъ. и вшeдъ къ нeй ангелъ, рече. радуйся обрадованная, господь съ тобою, благословeна ты въ женахъ. она же видѣвши, смутися о словеси его, и помышляше каково будетъ цѣлованіе се. И рече ангелъ ей. не бойся маріамъ, обрѣте бо благодать отъ бога. и се зачнеши во чревѣ, и родиши сына, и наречeши имя ему ісусъ. сeй будетъ вeліи, и сынъ вышняго наречeтся. и дастъ ему господь богъ престолъ давида отца его, и воцарится въ дому іаковли во вѣкы, и царствію его не будетъ конца. Речe же маріамъ ко ангелу. како будетъ се, идѣже мужа не знаю; и отвѣщавъ ангелъ, рече ей, духъ святыи найдетъ на тя, и сила вышняго осѣнитъ тя. Тѣмъ же и раждаемое свято, наречeтся сынъ божіи. И се елисавeѳь южика твоя, и та зачатъ сына въ старости своeй. и сіи месяцъ шестыи есть ей, нарицаемѣй неплоды. яко не изнеможетъ отъ бога всякъ глаголъ. Речe же маріамъ. се раба господня, буди мнѣ по глаголу твоему. и отиде отъ нея ангелъ.

Зач., 4.* Воставши же маріамъ во дни ты, иде въ горняя со тщаніемъ, во градъ іудовъ, и вниде въ домъ захаріинъ, и цѣлова елисавeѳь. И бысть яко услыша елисавeѳь цѣлованіе маріино, взыграся младeнецъ во чревѣ ея. и исполнися духа свята елисавeѳь, и возопи гласомъ вeліемъ, и рече. благословeна ты въ женахъ, и благословeнъ плодъ чрeва твоего. и откуду мнѣ се, да пріиде мати господа моего ко мнѣ; се бо яко бысть гласъ цѣлованія твоего во ушію моeю, взыграся младeнецъ радощами во чревѣ моeмъ. И блажeна вѣровавшія, яко будетъ совершeніе глаголанымъ ей отъ господа. И рече маріамъ. величитъ душа моя господа, и возрадовася духъ мой о бозѣ спасѣ моeмъ. Яко призрѣ на смирeніе рабы своея, се бо отъ нынѣ блажатъ мя вси роди. Яко сотвори мнѣ величіе силныи, и свято имя его. И милость его въ родъ и родъ на боящіимся его. Сотвори державу мышцею своeю, расточи гордыя мысли сердца ихъ. Низложи силныя съ престолъ, и вознесе смирeныя. алчущая исполни благъ, и богатящаяся отпусти тща. Воспріятъ ізраиля отрока своего, помянути милости. яко же глагола ко отецeмъ нашимъ, аврааму и сѣмени его до вѣка. Пребысть же маріамъ съ нeю яко три месяца, и возвратися въ домъ свой. Елисавeти же исполнися врeмя родити ей, и роди сына. и слышаша окрестъ живу щеи и ужикы ея, яко возвеличилъ есть господь милость свою съ нeю, и радовахуся съ нeю. И бысть во осмыи день, пріидоша обрѣзати отроча, и нарицаху е именемъ отца его захарію. и отвѣщавши мати его, рече. ни, но да наречeтся іoаннъ. и рѣша къ нeй, яко никтоже есть въ сродствѣ твоeмъ, иже нарицается именемъ тѣмъ. И помаваху отцу его, еже како бы хотѣлъ нарещи е. И испрошъ дсчицу, написа глаголя. іoаннъ будетъ имя ему. и чюждахуся вси. отверзошажеся уста его абіе, и языкъ его, и глаголаше благословя бога. И бысть на всѣхъ страхъ живу щихъ окрестъ ихъ, и во всeй странѣ іудeйстѣй повѣдаеми бѣху вси глаголи сіи. И положиша вси слышавшеи въ сердци своeмъ глаголюще, что убо отроча се будетъ; и рука господня бѣ съ нимъ. И захарія отецъ его исполнися духа свята, и пророчествова глаголя. Благословeнъ господь богъ ізраилевъ. яко посѣти, и сотвори избавлeніе людемъ своимъ. И воздвиже рогъ спасeнія намъ въ дому давыдовѣ отрока своего, яко же глагола усты святыхъ сущихъ отъ вѣка пророкъ его, спасeніе отъ врагъ нашихъ, и изъ рукы всѣхъ ненавидящихъ насъ. сотворити милость со отецы нашими, и помянути завѣтъ святыи свой. клятву ею же клятся ко аврааму отцу нашему, дати намъ безстраха изъ рукы врагъ нашихъ избавльшемся. служити ему прпдбіемъ, и правдою предъ нимъ вся дни живота нашего. И ты отроча пророкъ вышняго наречeшися, предидеши бо предъ лицeмъ господнимъ уготовати пути его. дати разумъ спасeнія людемъ его, во оставлeніе грѣхъ ихъ. милосердія ради милости бога нашего, въ нихъ же посѣти насъ востокъ свыше. просвѣтити во тмѣ и сѣни смертнѣй сѣдящая, направити ногы наша на путь миренъ. отроча же растяше и крѣпляшеся духомъ. и бѣ въ пустыняхъ, до дне явлeнія своего ко ізраилю.

Глава, 2.

Зач., 5.* Бысть же во дни ты, изыде повелѣніе отъ кeсаря августа, написати всю вселeнную. се написаніе пeрвое бысть. владущу сиріею, киринію. и идяху вси написа тися, кождо въ свой градъ. Взыде же іосифъ отъ галилeя, изъ града назарeѳа. во іудeю во градъ давыдовъ, иже нари цается виѳлеомъ, зане быти ему отъ дому и отчества давыдова, написатися съ маріею обручeною ему женою сущею непраздною. бысть же егда быста ту, исполнишася дніе родити ей. и роди сына своего пeрвенца, и повитъ его. и положи его въ яслехъ, зане не бѣ има мѣста въ обите ли. И пастыріе бѣху въ той же странѣ бдяще, и стрегуще стражду нощную о стадѣ своeмъ. и се ангелъ господень ста въ нихъ, и слава господня осія ихъ. и убояшася страхомъ вeліемъ. и рече имъ ангелъ, не бойтеся. се бо благовѣствую вамъ радость вeлію, яже будетъ всѣмъ людемъ. яко родися вамъ днeсь спасъ, иже есть христосъ господь, во градѣ давыдовѣ. и се вамъ знаменіе, обрящете младeнецъ повитъ лежащь въ яслехъ. и внезапу бысть со ангеломъ множе ство вой небесныхъ, хвалящихъ бога, и глаголющихъ. слава въ вышнихъ богу, и на земли миръ, въ человецѣхъ благоволeніе. И бысть яко отидоша отъ нихъ на небо ангели. и человецы пастыріе рѣша другъ ко другу, прeидемъ до виѳлеeма, и видимъ глаголъ сeй бывшіи, иже господь сказа намъ. И пріидоша поспѣшшеся, и обрѣтоша маріамъ же и іосифа, и младeнецъ лежащь въ яслехъ. Видѣвша же, сказаша о глаголѣ глаголаннѣмъ имъ о отрочати сeмъ. и вси слышавшеи, дивишася о глаголанныхъ отъ пастыріи къ нимъ. Маріамъ же соблюдаше вся глаголы сія, слагающи въ сердцы своeмъ.

Зач., 6.* И возвратишася пастыріе, славяще и хваляще бога о всѣхъ яже слышаша и видѣша, яко же глаголано бысть къ нимъ. И егда исполнишася осмь дніи, да обрѣжутъ его, и нарекоша имя ему ісусъ, наречeнное ангеломъ прeжде даже не зачатся во чревѣ. И егда испол нишася дніе очищeнія ею по закону моисeoву.

Зач., 7.* Вознесоста его во іерусалимъ, поставити его прeдъ господемъ, яко же есть писано въ законѣ господни, яко всякъ младeнецъ, мужеска полу, разверзая ложесна, свято господви наречeтся. И еже дати жeртву, по речeнному въ законѣ господни, два горличища, или два птенца голубина.

Зач., 8.* И се бѣ человѣкъ во іерусалимѣ, ему же имя симеонъ, и человѣкъ сeй праведенъ и благочестивъ, чая утѣхы ізраилевы, и духъ бѣ святъ въ нeмъ. и бѣ ему обѣщанно духомъ святымъ, не видѣти смерти, прeже даже не видитъ христа господня. И пріиде духомъ въ церковь. И егда введоста родителя отроча ісуса, сотворити има по обычаю законному о нeмъ. и той пріeмъ его на руку свою, и благослови бога, и рече. нынѣ отпущаеши раба твоего владыко, по глаголу твоему съ миромъ. яко видѣстѣ очи мои спасeніе твое, еже еси уготовалъ предъ лицeмъ всѣхъ людіи. свѣтъ во откровeніе языкомъ, и славу людіи твоихъ ізраиля. И бѣ іосифъ, и мати его, чюдящася о глаголемыхъ о нeмъ. И благослови я симеонъ, и рече къ маріи матери его. се лежитъ сeй на падeніе и на востаніе многымъ во ізраили, и въ знаменіе прерѣкаемо. и тебѣ же самой душу пройдетъ оружіе, яко убо да открыются отъ многъ сердцъ помышлeнія. И бѣ анна пророчица, дщи фануилева, отъ колѣна асирова. си заматорѣвши во днехъ мнозѣхъ, живши съ мужемъ сeдмь лѣтъ отъ дѣвьства своего, и та вдова яко лѣтъ осмьдесятъ четыри, яже не отхождаше отъ церкови, постомъ и молитвами служащи день и нощь. И та въ той часъ приставши, исповѣдавшеся господви, и глаголаше о нeмъ всѣмъ чающимъ избавлeнія во іерусалимѣ. И яко скончашася вся по закону господню, возвратишася въ галилeю, во градъ свой назарeѳъ. отроча же растяше и крѣпляшеся духомъ, исполняяся премудрости, и благодать божія бѣ на нeмъ. И хождаста родителя его на всяко лѣто во іерусалимъ, въ праздникъ пасхы. И егда бысть двоюнадесяте лѣту, восходящемъ имъ во іерусалимъ, по обычаю праздника, и скончавшемъ дни, и возвращающимся имъ. оста отрокъ ісусъ во іерусалимѣ, и не разумѣ іосифъ, и мати его, мнѣвша же его въ дружинѣ суща, преидоша дне путь, и искаста его въ сродницѣхъ и въ знаемыхъ. и не обрѣтша его, возвратистася во іерусалимъ взыскающа его. и бысть по тріeхъ днeхъ, обрѣтоста его въ церкови, сѣдяща посредѣ учителіи, и послушающа ихъ, и вопрашающа ихъ. Ужасахужеся вси послушающеи его, о разумѣ и о отвѣтехъ его. И видѣвша его, дивистася, и къ нему мати его рече. чадо, что сотвори нама тако; се отецъ твой и азъ боляща искаховѣ тебе. И рече къ нима. что яко искасте мене; не вѣста ли яко въ тѣхъ яже отца моего достоитъ быти ми; и та не разумѣста глагола, иже глагола има. И сниде съ нима, и пріиде въ назарeѳъ, и бѣ повинуяся има. мати же его соблюдаше вся глаголы сія въ сердци своeмъ. И ісусъ, преспѣваше премудростію и возрастомъ и благодатію отъ бога и человѣкъ.

Глава, 3.

Зач., 9. Въ пятое же надесять лѣто влдчества тивeрія кeсаря, обладающу понтійскому пилату іудeею. и четверто властствующу галилeею ироду. Филиппу же брату его четвертовластствующу и тиріею и трахонитскою страною, и лисанію, авилиніею четвертовластствующу. при архіерeи аннѣ и каіафѣ, бысть глаголъ божіи ко іoанну, захаріину сыну въ пустыни. и пріиде во всю страну іoрданскую, проповѣдая крещeніе покаянія во оставлeніе грѣховъ, яко же есть писано въ книзѣ словeсъ ісаія пророка глаголюща. гласъ вопіющаго въ пустыни. уготовайте путь господень, правы творите стезя его. всяка дeбрь исполнится, и всяка гора и холмъ смѣрится. И будутъ стропотная въ правая. и остріи въ пути гладкы. И узритъ всяка плоть спасeніе божіе. глаголаше же исходящимъ народомъ креститися отъ него. порождeнія ехиднова, кто сказа вамъ бѣжати отъ грядущаго гнѣва; сотворите убо плоды достойны покаянія, и не начинайте глаголати въ себѣ, отца имамы авраама. глаголю бо вамъ, яко можетъ богъ отъ каменія сего воздвигнути чада аврааму. уже бо и сѣкира при корени дрeва лежитъ. всяко убо дрeво не творящее плода добра, посѣкается и въ огнь вмѣтается. И вопрашаху его народи глаголюще. что убо сотворимъ; отвѣщавъ же глагола имъ. имѣяи двѣ ризѣ, да подастъ не имущему. и имѣяи брашна, тако же да творитъ. Пріидоша же и мытаре креститися отъ него, и рѣша къ нему. учителю, что сотворимъ; онъ же рече къ нимъ, ничтоже боле отъ повелѣннаго вамъ творите. Вопрашаху же его и воини глаголюще. и мы что сотворимъ; и рече къ нимъ. никогоже обидите, ни оклеветавайте. и доволни будѣте оброкы вашими. Чающемъ же людемъ, и помышляющемъ всѣмъ въ сердцыхъ своихъ о іoаннѣ, еда той есть христосъ, отвѣщаваше іoаннъ всѣмъ, глаголя. Азъ убо водою крещаю вы, грядeтъ же крѣпліи мене, ему же нѣсмь достоинъ отрѣшити ремeнь сапогу его, той вы креститъ духомъ святымъ, и огнeмъ. Ему же лопата въ руку его, и отребитъ гумно свое, и соберeтъ пшеницу въ житницу свою. плѣвы же сожжeтъ огнeмъ негасающимъ. многа же убо и ина утѣшая, благовѣствоваше людемъ.

Зач., 10.* Иродъ же четвертовластникъ обличаемъ отъ него, о иродіядѣ женѣ брата своего, и о всѣхъ яже сотвори злая иродъ. и приложи и се надъ всѣми, и затвори іoанна въ темници. Бысть же егда крестишася вси людіе. и ісусу крещьшуся и молящуся, отвeрзеся небо, и сниде духъ святыи тѣлeснымъ образомъ яко голубь нань. И гласъ съ небесе бысть глаголя. ты еси сынъ мой возлюбленныи, о тебѣ благоволихъ.

Зач., 11.* И той бѣ ісусъ, яко лѣтомъ тридесяте. начиная, сыи яко мнимъ сынъ іосифовъ, иліевъ. матѳановъ, левіинъ. мельхіинъ, іаннаевъ. іосифовъ, маттаѳіевъ. амосовъ, наумовъ. еслимовъ, наггeoвъ. мааѳовъ, маттаѳіевъ. семіевъ, іосифовъ. іудинъ, іoаннановъ. рисіевъ, зоровавeлевъ. салаѳіилевъ, ниріевъ. мелхіевъ, аддіевъ. косамовъ, елмодамовъ. ировъ, іoсіевъ. еліезeровъ, іoримовъ, матѳатовъ, левіинъ. симеоновъ, іудинъ. іосифовъ, іoанамовъ. еліакимовъ, мелеаевъ. маинановъ, маттаѳаевъ. наѳановъ, давыдовъ. іесeoвъ, овидовъ. воозовъ, салмоновъ. наассоновъ, амино давовъ. арамовъ, іoарамовъ. есромовъ, фарeсовъ. іудинъ, іаковль. ісааковъ, авраамовъ. ѳаррановъ, нахоровъ. серуховъ, рагавовъ. фалeковъ, евeровъ. салановъ, кайнановъ. арфаxадовъ, симовъ. ноевъ, ламeховъ. маѳусалевъ, еноховъ. іарeдовъ, малелeилевъ. кайнановъ, еносовъ. сиѳовъ, адамовъ. божіи.

Глава, 4.

Зач., 12. Ісусъ же исполнь духа свята возвратися отъ іoрдана, и ведяшеся духомъ въ пустыня, дніи четыридесяте искушаемъ отъ діавола. и не ястъ ничесоже во дни ты. и скончавшемся имъ, послѣди взалка. и рече ему діаволъ. аще сынъ еси божіи, рци каменеви сему да будетъ хлѣбъ. и отвѣща ісусъ къ нему глаголя. писано есть, яко не о хлѣбѣ единомъ живъ будетъ человѣкъ, но о всякомъ глаголѣ божіи. И возвeдъ его діаволъ на гору высоку, показа ему вся царствія вселeнныя, въ часѣ времeннѣ. и рече ему діаволъ. тебѣ дамъ власть сію всю и славу ихъ, яко мнѣ дана есть, и ему же аще хощу, дамъ ю. ты убо аще поклонишися предо мною, будутъ тебѣ вся. И отвѣщавъ рече ему ісусъ. иди за мною сатана. писано есть. поклонишися господу богу твоему, и тому единому послужиши. И веде его во іерусалимъ, и постави его на крилѣ церковнѣмъ, и рече ему. аще сынъ еси божіи, вeрзися отсюду долу. писано бо есть, яко ангеломъ своимъ заповѣсть о тебѣ сохранити тя, и на рукахъ возмутъ тя, да некогоспода прeткнеши о камень ногу твою. И отвѣщавъ рече ему ісусъ. яко речeно есть, не искусиши господа бога твоего. и скончавъ все искушeніе діаволъ, отиде отъ него до врeмене. И возвратися ісусъ, въ силѣ духовнѣй въ галилeю, и вѣсть изыде по всeй странѣ о нeмъ. и той учаше на сонмищихъ ихъ, славимъ всѣми.

Зач., 13.* И пріиде въ назарeѳъ, идѣже бѣ воспитанъ, и вниде по обычаю своему въ день суботныи въ сонмище, и воста чести. и даша ему книгу ісаіа пророка. и разгнувъ книгу, обрѣте мѣсто, идѣже бѣ написано. духъ господень на мнѣ, его же ради помаза мя, благовѣстити нищимъ посла мя, исцѣлити сокрушeныя сердцемъ, проповѣдати плѣнeннымъ отпущeніе, и слѣпымъ прозрѣніе, отпу стити сокрушeныя въ отраду, проповѣдати лѣто господне пріятно. И согнувъ книгу, отдавъ слузѣ, сѣде. и всѣмъ въ сонмищи очи бѣху зряще нань. И начатъ глаголати къ нимъ, яко днeсь сбысться писаніе се во ушію вашею. и вси свѣдѣтельствоваху ему.

Зач., 14.* И дивляхуся о словесѣхъ благодати, исходящихъ изъ устъ его. И глаголаху. не сeй ли есть сынъ іосифовъ; и рече къ нимъ. всяко речeте ми притчу сію, врачу исцѣ лися самъ. елика слышахомъ бывшая въ капернаумѣ, сотвори и здѣ во отчествіи своeмъ. речe же. аминь глаголю вамъ, яко ни которыи пророкъ пріятенъ есть во отчествіи своeмъ. поистинѣ же глаголю вамъ, многы вдовица бѣша во дни иліины во ізраили, егда заключися небо три лѣта, и месяца шeсть, яко бысть гладъ великъ по всeй земли, и ни къ единой ихъ посланъ бысть илія, токмо въ сарeпту сидонскую, къ женѣ вдовици. И мнози прокажeни бѣху при елисeи пророцѣ во ізраили, и ни единъ же отъ нихъ очистися, токмо нееманъ сиріанинъ. И исполнишася вси ярости въ сонмищи, слышавше сія. и воставше изгнаша его вонъ изъ града, и ведоша его до верху горы, на нeй же градъ ихъ созданъ бяше, да быша его низринули. онъ же прошeдъ посредѣ ихъ идяше.

Зач., 15.* И сниде въ капернаумъ, града галилeйска, и бѣ уча ихъ въ суботы. и ужасахуся о учeніи его, яко со властію бѣ слово его. И въ сонмищи бѣ человѣкъ, имы духъ бѣса нечиста, и возопи гласомъ вeліемъ глаголя. остави, что намъ и тебѣ, ісусе назарянине. пришeлъ еси погубити насъ; вѣмъ тя кто еси, святыи божіи. И запрѣти ему ісусъ, глаголя. премолчи, и изыди изъ него. И повeргъ его бѣсъ посредѣ, изыде изъ него, никакоже вредивъ его. И бысть ужасъ на всѣхъ, и стязахуся другъ ко другу глаголюще. что слово се; яко властію и силою велитъ нечистымъ духовомъ и исходятъ;

Зач., 16.* И исхождаше гласъ о нeмъ во всяко мѣсто страны. воставъ же изъ сонмища, вниде въ домъ симо новъ. Тeща же симонова бѣ одержима огнeмъ вeліемъ, и молиша его о нeй. и ставъ надъ нeю, запрѣти огню, и остави ю. абіе же воставши, служаше имъ. заходящу же солнцу, вси елицы имяху болящія недугы различными, привожаху ихъ къ нему. онъ же на единомъ кождо ихъ руцѣ возложъ, исцѣляше ихъ. Исхождаху же и бѣси отъ многъ, вопіюще и глаголюще, яко ты еси христосъ, сынъ божіи. И запрѣщая не дадяше имъ глаголати, яко вѣдяху христа самого суща. Бывшу же дни, изшeдъ иде въ пусто мѣсто единъ, и народъ искаху его, и пріидоша до него, и держахуся его, да не бы отшeлъ отъ нихъ. онъ же рече къ нимъ. яко и другымъ градовомъ благо вѣстити ми подобаетъ царствіе божіе, яко на се посланъ есмь. и бѣ проповѣдая на сонмищихъ галилeйскыхъ.

Глава, 5.

Зач., 17. Бысть же належащу емъ народу, да быша слышали слово божіе. И той бѣ стоя при езерѣ генисарeтстѣ, и видѣ два корабля стояща при езерѣ. Рыбаріе же отшeдше отъ нею, плакаху мрeжа. Влѣзъ же во единъ отъ кораблю иже бѣ симоновъ, моли его отъ земля отступити мало. и сѣдъ учаше искорабля народы. яко же преста глаголя, рече къ симону, поступи въ глубину, и ввeрзѣте мрeжа ваша въ ловитву. и отвѣщавъ симонъ, рече ему. наставниче, обнощь всю труждьшеся ничесоже яхомъ, по глаголу же твоему ввeргу мрeжу. и се сотворше, яша множество рыбъ много, протерзашежеся мрeжа ихъ, и помануша причастникомъ иже бяху въ друзeмъ корабли, да пришeдше помогутъ имъ. и пріидоша, и исполниша оба корабля, яко погружатися има. Видѣвъ же симонъ пeтръ, припаде къ колѣнома ісусовома, глаголя. изыди отъ мене, яко мужъ грѣшенъ есмь господи. ужасъ бо одержаше его, и вся сущая съ нимъ, о ловитвѣ рыбъ яже яша. такожде же и іакова и іoанна, сына зеведeoва, яже бѣста обѣщника симонови. и рече къ симону ісусъ, не бойся. отсeлѣ будеши человѣкы ловя. и извлeкше оба корабля на землю, оставльше вся, въ слѣдъ его идоша.

Зач., 18.* И бысть егда бѣ ісусъ во единомъ отъ градовъ, и се мужъ исполнь прокажeнія, и видѣвъ ісуса, падъ ницъ моляся ему глаголя. господи, аще хощеши, можеши мя очистити. и простeръ руку косну его, рeкъ. хощу, очистися. и абіе проказа отиде отъ него. И той заповѣда ему никомуже повѣдати, но шeдъ покажися іерeoви, и принеси о очищeніи твоeмъ, яко же повелѣ моисeй, во свѣдѣтельство имъ. прохожаше же паче слово о нeмъ, и схожахуся народи мнози слышати, и цѣлитися отъ него, отъ недугъ своихъ. той же бѣ отходя въ пустыню и моляся.

Зач., 19.* И бысть во единъ отъ дніи, и той бѣ уча, и бѣху сѣдяще фарисeе, и законоучителіе, иже бяху пришли отъ всякія вeси галилeйскія, и іудeйскія, и іерусалимскія, и сила господня бѣ исцѣляющи ихъ. И се мужіе носяще на одрѣ человѣка, иже бѣ раслабленъ, и искаху внести его и положити предъ нимъ. и не обрѣтше кудѣ внести его народа ради. возлѣзше на храмъ, сквозѣ скудeлы низвѣсиша его съ одромъ на среду предъ ісуса. и видѣвъ вѣру ихъ, рече ему. человече оставляютътися грѣси твои. и начаша помышляти книжницы и фарисeе, глаголюще. кто есть сeй, иже глаголетъ хулы; кто можетъ оставляти грѣхы, токмо единъ богъ; разумѣвъ же ісусъ помышлeнія ихъ, отвѣщавъ рече къ нимъ. что помышляете въ сердцыхъ вашихъ; что есть удобѣе рещи. оставляютътися грѣси твои. или рещи, востани и ходи; но да увѣсте, яко власть имать сынъ человеческыи на земли отпущати грѣхы, рече раслабленому. тебѣ глаголю, востани, возми одръ твой, иди въ домъ свой. и абіе воставъ предъ ними, взeмъ на нeмъ же лежаше, иде въ домъ свой, славя бога. и ужасъ пріятъ вся, и славляху бога, и исполнишася страха глаголюще, яко видѣхомъ преславная днeсь.

Зач., 20.* И посeмъ изыде, и узрѣ мытаря, именемъ левію, сѣдяща на мытници. и рече ему, иди по мнѣ. и оставль вся, воставъ, въ слѣдъ его иде. И сотвори чрежeніе вeліе левій ему въ дому своeмъ. и бѣ народъ мытарeй многъ, и инѣхъ, иже бѣху съ нимъ возлежаще. и роптаху книжницы нань, и фарисeе ко ученикомъ его глаголюще. почто съ мытари и грѣшникы ясте и піeте; и отвѣщавъ ісусъ, рече къ нимъ. не трeбуютъ здравіи врача, но болящіи. не пріидохъ призвати праведныхъ, но грѣшныя въ покаяніе.

Зач., 21.* Они же рѣша къ нему. почто ученицы іoаннови постятся часто, и молитвы творятъ, тако же и фарисeй стіи, а твои ядятъ и піютъ; онъ же рече къ нимъ. еда можете сыны брачныя дондеже женихъ съ ними есть, сотворити поститися; пріидутъ же дніе, егда отятъ будетъ отъ нихъ женихъ, и тогда постятся въ ты дни. Глаголаше же и притчу къ нимъ. яко никтоже приставлeнія ризы новы приставляетъ на ризу вeтху. аще ли же, ни. и новую раздерeтъ, и вeтсѣй не согласуетъ еже отъ новаго. И никтоже вливаетъ вина нова въ мѣхы вeтхы, аще ли же ни, расторгнетъ новое вино мѣхы, и само изліeтся, и мѣси погибнутъ, но вино новое въ мѣхы новы вливати, и обое соблюдeтся. и никтоже пивъ вeтхое, абіе хощетъ новому. глаголетъ бо, вeтхое лучше есть.

Глава, 6.

Зач., 22. Бысть же въ суботу второпeрвую, ити ему сквозѣ сѣянія, и восторгаху ученицы его класы, и ядяху стирающе руками. Нѣціи же отъ фарисей рѣша имъ. что творите, его же не достоитъ творити въ суботы; и отвѣщавъ ісусъ, рече къ нимъ. ни ли сего чли есте, еже сотвори давидъ, егда взалкася самъ, и иже съ нимъ сущіи, како вниде въ домъ божіи, и хлѣбы предложeнія взeмъ, и ястъ, и дастъ и сущимъ съ нимъ, ихъ же не достояше ясти, токмо единѣмъ іерeoмъ; и глаголаше имъ, яко господь есть сынъ человеческіи и суботѣ. Бысть же и въ другую суботу, внити ему въ сонмище, и учити. И бѣ ту человѣкъ, и рука ему десная бѣ суха. назираху же книжницы и фарисeе, аще въ суботу исцѣлитъ, да обрящутъ рѣчь нань. онъ же вѣдяше помышлeнія ихъ, и рече человѣку имущему суху руку. востани, и стани посредѣ. онъ же воставъ, ста. Речe же ісусъ къ нимъ. вопрошу вы, что достоитъ въ суботы, добро творити, или зло творити, душу спасти или погубити; и возрѣвъ на вся ихъ, рече ему. простри руку твою. онъ же сотвори тако. и утвердися рука его здрава яко другая. они же исполнишася безумія, и глаголаху другъ ко другу, что быша сотворили ісусови.

Зач., 23.* Бысть же во дни ты, изыде въ гору помолитися, и бѣ обнощь въ молитвѣ божіи. И егда бысть день, призва ученикы своя. и избра отъ нихъ дванадесяте, ихъ же и апостолы нарече. симона, его же именова петра, и андрeя брата его. іакова, и іoанна. филиппа, и варѳоломeя. матѳeя, и ѳому. іакова алѳeoва, и симона нарицаемаго зилота. іуду іаковля, и іуду искаріотскаго, иже и бысть предатель.

Зач., 24.* И сшeдъ съ ними ста на мѣстѣ равнѣ, и народъ ученикъ его, и множество много людіи отъ всея іюдeя, и іерусалима, и поморія тирска и сидонска, иже пріидоша послушати его, и исцѣлитися отъ недугъ своихъ, страждущеи отъ духъ нечистыхъ, и исцѣляхуся. и вeсь народъ искаше прикасатися емъ, яко сила отъ него исхождаше и исцѣляше вся. И той возвeдъ очи свои на ученикы своя, глаголаше. Блажeни нищіи, яко ваше есть царствіе божіе. Блажeни алчущеи нынѣ, яко насытитеся. Блажeни плачущеи нынѣ, яко восмѣeтеся. Блажeни будете егда возненавидятъ васъ человецы. и егда разлучатъ вы, и поносятъ, и пронесутъ имя ваше яко зло, сына человеческаго ради. возрадуйтеся въ той день и взыграйте. се бо мзда ваша многа на небеси. По симъ бо творяху пророкомъ отецы ихъ.

Зач., 25.* Обаче горе вамъ богатымъ, яко отстоите утѣшeнія вашего. Горе вамъ насыщeніи нынѣ, яко взалчете. Горе вамъ смѣющимся нынѣ, яко возрыдаете и восплачете. Горе егда добрѣ рекутъ вамъ вси человецы. По симъ бо творяху лжепророкомъ отецы ихъ. Но вамъ глаголю слышащимъ, любите врагы ваша. добро творите ненавидящимъ васъ. благословите кленущая вы, молитеся за творящихъ вамъ обиду. Біющему тя въ ланиту, подаждь и другую. и отъ взимающаго ти ризу, и срачицу не возбрани. всякому же просящему у тебе, дай. и отъ взимающаго твоя, не истязай.

Зач., 26.* И яко же хощете да творятъ вамъ человецы, и вы творите имъ такожде. и аще любите любящая вы, кая вамъ благодать есть; ибо и грѣшницы любящая ихъ любятъ. и аще благотворите благотворящимъ вамъ, кая вамъ благодать есть; ибо и грѣшницы тожде творятъ. И аще взаимъ даeте отъ нихъ же чаете воспріяти, кая вамъ благодать есть; ибо и грѣшницы грѣшникомъ взаимъ даваютъ, да воспріимутъ равная. обаче любите врагы ваша, и благотворите. и взаимъ дайте, ничесоже чающе, и будетъ мзда ваша многа, и будете сынове вышняго, яко той благъ есть, на безблагодатныя и злыя. будѣте убо милосeрди, яко же и отецъ вашъ милосердъ есть.

Зач., 27.* Не судите, и не судятъ вамъ. и не осужайте, да не осужeни будете. отпущайте, и отпустятъ вамъ. дайте, и дастся вамъ. мѣру добру наткану и потрусну и преливающуся, дадутъ на лоно ваше. тою бо мѣрою, ею же мѣрите, возмѣрится вамъ. Речe же притчу имъ. еда можетъ слѣпeцъ слѣпца водити; не оба ли въ яму впадeтася; нѣсть ученикъ надъ учителемъ своимъ. совершeнъ же всякъ будетъ, яко же учитель его. Что же видиши сучeцъ, иже есть въ очеси брата твоего, бервна же еже есть въ очеси твоeмъ не чуеши; или како можеши рещи брату твоему. брате остави, да изму сучeцъ, иже есть въ очеси твоeмъ, самъ сущаго въ очеси своeмъ бервна не видя; лицемѣре, изми пeрвѣе бервно изъ очесе твоего, и тогда прозриши изяти сучeцъ изъ очесе брата твоего. Нѣсть бо дрeво добро, творя плода зла. ниже дрeво зло, творя плода добра. всяко бо дрeво отъ плода своего познается. Не отъ тeрнія бо чeшутъ смоквы, ни отъ купины емлютъ гроздія. Благіи человѣкъ отъ благаго сокровища сердца своего износитъ благое. И злыи человѣкъ отъ злаго сокровища сердца своего износитъ злое. отъ избытка бо сердца, глаголютъ уста его.

Зач., 28.* Что же мя зовeте, господи господи, и не творите яже глаголю; всякъ грядыи ко мнѣ, и слышаи словеса моя, и творя я, скажу вамъ кому есть подобенъ. подобенъ есть человѣку зиждущу храмину, иже ископа и углуби, и положи основаніе на камени. Наводнeнію же бывшу, припаде рѣка храминѣ той, и неможе поколѣбати ея. основана бо бѣ на камени. Слышавыи же, и не сотворивыи подобенъ есть человѣку создавшу храмину на земли безъ основанія, ей же припаде рѣка, и абіе падeся. и бысть разрушeніе храмины тоя вeліе.

Глава, 7.

Егда же сконча вся глаголы своя въ слухы людемъ,

Зач., 29.* Вниде въ капернаумъ. Сотнику же нѣкоему рабъ боля злѣ хотяше умрети, иже бѣ ему чeстенъ. Слышавъ же о ісусѣ, посла къ нему старца іюдeйскыя, моля его, яко да пришeдъ спасeтъ раба его. они же пришeдше ко ісусови, моляху его тощно, глаголюще. яко достоинъ есть, еже аще даси ему, любитъ бо языкъ нашъ, и сонмище той созда намъ. ісусъ же идяше съ ними. Ещe же ему не далeче сущу отъ храмины, посла къ нему сотникъ другы, глаголя ему. господи не движися. нѣсмь бо достоинъ, да подъ кровъ мой внидеши. тѣмъ же ни себе достойна сотворихъ пріити къ тебѣ. но рци слово, и исцѣлѣетъ отрокъ мой. ибо и азъ человѣкъ есмь подъ владыкою учинeнъ, имѣю подъ собою воины, и глаголю сему, иди, и идетъ. и другому пріиди, и пріидетъ. и рабу моему, сотвори се, и сотворитъ. Слышавъ же сія ісусъ, чюдися ему. и обращься идущему по нeмъ народу, рече. глаголю вамъ, ни во ізраили толикы вѣры обрѣтохъ. и возвращшеся посланіи, обрѣтоша болящаго раба исцѣлѣвша.

Зач., 30.* И бысть посeмъ, идяше во градъ, нарицаемый наинъ, и съ нимъ идяху ученицы его мнози, и народъ многъ. Яко же приближися ко вратомъ града. и се изношаху умeрша, сына единородна матери своeй. и та бѣ вдова, и народъ отъ града многъ съ нeю. И видѣвъ ю господь, милосердова о нeй, и рече ей, не плачи. И приступль коснуся въ одръ. носящіи же сташа. и рече, юноше, тебѣ глаголю, востани. и сѣде мертвыи, и начатъ глаголати, и дастъ его матери своeй. Пріятъ же страхъ вся, и славляху бога глаголюще. яко пророкъ вeліи воста въ насъ. и яко посѣти богъ людіи своихъ.

Зач., 31.* И изыде слово се по всeй іюдeи о нeмъ, и по всeй странѣ. И возвѣстиша іoанну ученицы его о всѣхъ сихъ. и призвавъ два нѣкая отъ ученикъ своихъ іoаннъ, посла ко ісусу глаголя. ты ли еси грядыи, или иного чаемъ; пришeдша же къ нему мужа рѣста. іoаннъ креститель посла насъ къ тебѣ глаголя. ты ли еси грядыи, или иного чаемъ; въ той же часъ исцѣли многы отъ недугъ и ранъ, и духъ злыхъ, и многымъ слѣпымъ дарова прозрѣніе. И отвѣщавъ ісусъ рече има. шeдша возвѣстита іoанну, яже видѣста и слышаста. яко слѣпіи прозираютъ, хроміи ходятъ, прокажeніи очищаются, глусіи слышатъ, мертвіи востаютъ, нищіи благовѣствуютъ. и блажeнъ есть иже аще не соблазнится о мнѣ. отшeдшама же ученикома іoанновома. начатъ глаголати къ народомъ о іoаннѣ. чесо изыдосте въ пустыню видѣти; трость ли вѣтромъ колѣблемъ; но чесо изыдосте видѣти; человѣка ли въ мягки ризы одѣяна; се иже въ одeжи славнѣй, и пищи сущей, въ царствіи суть. но чесо изыдосте видѣти, пророка ли; ей глаголю вамъ, и лише пророка. Сeй бо есть, о нeмъ же писано есть. Се азъ послю ангела моего предъ лицeмъ твоимъ, иже устроитъ путь твой предъ тобою. Глаголю бо вамъ, боліи въ рожeныхъ женами пророкъ іoанна крестителя никтоже есть. мніи же, въ царствіи божіи боліи его есть. И вси людіе слышавше, и мытаріе, оправдиша бога, крeщьшеся крещeніемъ іoанновомъ. фарисeе же и законницы совѣтъ божіи отвергоша въ себѣ, не крещьшеся отъ него. речe же господь.

Зач., 32.* Кому убо уподоблю человѣкы рода сего. и кому суть подобни; подобни суть отрочищемъ сѣдящимъ на торжищыхъ, и приглашающимъ другъ друга, и глаголющимъ. пискахомъ вамъ, и не плясасте. рыдахомъ вамъ, и не плакасте. Пріиде бо іoаннъ креститель, ни хлѣба яды, ни вина пія, и глаголете, бѣсъ имать. Пріиде сынъ человеческіи яды и пія, и глаголете, се человѣкъ ядца и винопійца, другъ мытарeмъ и грѣш никомъ. и оправдися премудрость отъ чадъ своихъ всѣхъ.

Зач., 33.* Моляше же его нѣкіи отъ фарисей, да бы ялъ съ нимъ. И вшeдъ въ домъ фарисeoвъ, возлеже. И се жена во градѣ яже бѣ грѣшница, и увѣдѣвши яко возлежитъ въ храминѣ фарисeoвѣ, принeсши алавастръ мира, и ставши при ногу его созади, плачущися начатъ умывати нозѣ его слезами, и власы главы своея отираше, и облобызаше нозѣ его, и мазаше миромъ. Видѣвъ же фарисeй возвавыи его, рече въ себѣ глаголя. сeй аще бы былъ пророкъ, вѣдѣлъ бы кто и какова жена прикасается емъ, яко грѣшница есть. И отвѣщавъ ісусъ, рече къ нему. симоне, имамъ ти нѣчто рещи. онъ же рече, учителю рци. И рече. два должника бѣста заимодавцу нѣкоему. единъ бѣ долженъ пятіюсотъ динаріи, другіи же пятіюдeсять. не имущема же воздати, обѣма отда. которыи убо ею рцы паче возлюбитъ его; отвѣщавъ же симонъ, рече. мню яко ему же вяще отда. онъ же рече ему, право судилъ еси. И обращся къ женѣ, рече симонови. видиши ли сію жену; внидохъ въ домъ твой, воды на нозѣ мои не дастъ. сія же слезами облія ми нозѣ, и власы главы своея отры. лобзанія ми не дастъ, сія же отнeли же внидохъ, непреста облобызающи ми нозѣ. масломъ главы моея не помаза, сія же миромъ помаза ми нозѣ. его же ради глаголю ти, отпущаются грѣси ея мнози, яко возлюби много. а ему же мало оставляется, мeнше любитъ. речe же ей, отпущаются тебѣ грѣси. И начаша возлежащеи съ нимъ глаголати въ себѣ. кто сeй есть, иже и грѣхы отпущаетъ; речe же къ женѣ, вѣра твоя спасе тя, иди въ миръ.

Глава, 8.

Зач., 34. И бысть посeмъ, и той прохожаше сквозѣ грады и вeси, проповѣдуя и благовѣствуя царствіе божіе, и оба надесяте съ нимъ. и жeны нѣкыя, иже бѣху исцѣлeны отъ духовъ злыхъ и недугъ. марія нарицаемая магосподалыни, изъ нея же бѣсовъ сeдмь изыде, и іoанна, жена хузаня приставника иродова, и сусанна, и ины многы, яже служаху ему отъ имѣніи своихъ. Разумѣвающу же народу многу. и отъ всѣхъ градовъ грядущимъ къ нему, рече притчу.

Зач., 35.* Изыде сѣяи сѣяти сѣмене своего. и егда сѣяше, ово паде при пути, и попрано бысть, и птица небесныя позобаша е. а другое паде на камени, и прозябъ усше, зане не имяше влаги. и другое паде посредѣ тeрнія, и возрастъ тeрніе, и подави е. другое же паде на земли блазѣ, и прозябъ сотвори плодъ сторицею. сія глаголя возгласи. имѣяи уши слышати, да слышитъ. Вопрашаху же его ученицы его, глаголюще. что есть притча сія; онъ же рече, вамъ есть дано вѣдати тайны царствія божія. прочимъ же въ притчахъ, да видяще, не видятъ. и слышаще, не разумѣютъ. Есть же сія притча. сѣмя есть слово божіе. а иже при пути, суть слышащеи. потомъ же приходитъ діаволъ, и взeмлетъ слово отъ сердца ихъ, да не вѣровавше, спасутся. а иже на камени, иже егда услышатъ, съ радостію пріeмлютъ слово. и сіи корене не имутъ. иже во время вѣруютъ, и во время напасти отпадаютъ. а иже въ тeрніи падшее, сіи суть слышавшеи, и отъ печали и богатства и сластьми житeйскими ходяще подавляются, и не совершаютъ плода. а иже на добрѣй земли, сіи суть, иже добрымъ сердцемъ и благомъ слышавше слово, держатъ, и плодъ творятъ въ терпѣніи. Сія глаголя возгласи. имѣяи уши слышати, да слышитъ.

Зач., 36.* Никтоже убо свѣтилника вжeгъ, покрываетъ его сосудомъ, или подъ одръ подлагаетъ, но на свѣщникъ возлагаетъ, да входящеи видятъ свѣтъ. нѣсть бо тайно, еже не явлeно будетъ. ниже утаeно, еже не познается, и въ явлeніе пріидетъ. Блюдѣте убо како слышите. иже бо имать, дасться ему. и иже аще не имать, и еже мнится имѣя, возмется отъ него. Пріидоша же къ нему мати и братія его, и не можаху бесѣдовати къ нему народа ради. и возвѣстиша ему глаголюще. мати твоя и братія твоя внѣ стоятъ, видѣти тя хотяще. онъ же отвѣщавъ рече къ нимъ. мати моя и братія моя сіи суть, слышащеи слово божіе, и творяще е.

Зач., 37.* И бысть во единъ отъ дніи, и той влѣзе въ корабль, и ученицы его, и рече къ нимъ. прeидемъ на онъ полъ езера, и поидоша. идущимъ же имъ, успе. и сниде буря вѣтреная въ езеро, и скончавахуся и въ бѣдѣ бѣху. и приступльше воздвигоша его, глаголюще. наставниче, наставниче, погыбаемъ. онъ же воставъ запрѣти вѣтру, и волнeнію водному. и улегоста, и бысть тишина. Речe же имъ. гдѣ есть вѣра ваша; убоявшежеся, чюдишася, глаголюще другъ ко другу. кто убо сeй есть, яко и вѣтромъ повелѣваетъ, и водѣ, и послушаютъ его;

Зач., 38.* И преидоша въ страну гадаринску, яже есть обонъ полъ галилeя. изшeдшу же ему на землю, срѣте его мужъ нѣкіи отъ града, иже имяше бѣсы отъ лѣтъ многыхъ, и въ ризу не облачашеся, и въ храмѣ не живяше, но во гробѣхъ. Узрѣвъ же ісуса, и возопивъ припаде къ нему, и гласомъ вeліемъ рече. что мнѣ и тебѣ ісусе сыне бога вышняго; молютися, не мучи мене. Повелѣ убо духу нечистому, изыти отъ человѣка, отъ многъ бо лѣтъ восхищаше его, и вязаху его южы желѣзны, и путы стрегуще его, и растерзая юзы, гонимъ бываше бѣсомъ сквозѣ пустыня. Вопроси же его ісусъ глаголя. что ти есть имя; онъ же рече, легеонъ. яко бѣси мнози внидоша вонь. и моляху его, да не повелитъ имъ въ бeздну ити. Бѣ же ту стадо свиніи много, пасомо въ горѣ, и моляху его, да повелитъ имъ въ ты внити. и повелѣ имъ. изшeдше же бѣси отъ человѣка, внидоша въ свинія. и устремися стадо по брегу въ езеро, и истопе. Видѣвше же пасущіи бывшее, бѣжаша, и возвѣстиша во градѣ и въ сeлѣхъ. Изыдоша же видѣти бывшее, и пріидоша ко ісусови, и обрѣтоша человѣка сѣдяща, изъ него же бѣси изыдоша, оболчeна и смысляща, при ногу ісусову, и убояшася. Возвѣстиша же имъ и видѣвшеи, како спасeся бѣсновавыи. И моли его вeсь народъ страны гадаринскыя, отити отъ нихъ, яко страхомъ вeліемъ одержими бѣху. онъ же влѣзъ въ корабль, возвратися. Моляшежеся ему мужъ, изъ него же изыдоша бѣси, да бы съ нимъ былъ. отпусти же его ісусъ, глаголя. возвратися въ домъ свой. и повѣдай, елика ти сотвори богъ. И иде по всему граду проповѣдая, елика сотвори ему ісусъ.

Зач., 39.* Бысть же егда возвратися ісусъ, пріятъ его народъ. бѣху бо вси чающе его. И се пріиде мужъ, ему же имя іаиръ, и той князь сонмищу бѣ, и падъ при ногу ісусову, моляше его внити въ домъ свой. яко дщи единородна бѣ ему, яко лѣтъ двоенадесяте, и та умираше. Егда же идяше, народи угнѣтаху его. И жена, сущи въ точeніи крове отъ двоюнадесяте лѣту, яже врачeмъ издавши все имѣніе, и не возможе ни отъ единого исцѣлѣти. и приступльши созади коснуся края ризъ его. и абіе ста токъ крове ея. И рече ісусъ, кто есть коснувыися мнѣ; отмѣтающимжеся всѣмъ. рече пeтръ, и иже съ нимъ. наставниче, народи одержатъ тя и гнетутъ, и глаголеши кто есть коснувыися мнѣ; ісусъ же рече, прикоснуся мнѣ нѣкто. азъ бо чюхъ силу изшeдшую изъ мене. Видѣвши же жена яко не утаися, трепeщущи пріиде, и падши предъ нимъ, за нюже вину прикоснуся ему, повѣда ему предъ всѣми людми, и яко исцѣлѣ абіе. онъ же рече ей, дерзай дщи, вѣра твоя спасе тя, иди въ миръ. Еще ему глаголющу, пріиде нѣкто отъ архисинагога, глаголя ему, яко умре дщи твоя, не движи учителя. Ісусъ же слышавъ, отвѣща ему глаголя. не бойся, токмо вѣруй, и спасeна будетъ. Пришeдъ же въ домъ, не остави ни единого внити, токмо петра и іoанна и іакова, и отца отроковица и матере. Плакахужеся вси, и рыдаху ея. онъ же рече, не плачитеся, не умре бо, но спитъ. И ругахуся ему, вѣдяще яко умре. онъ же изгнавъ вонъ всѣхъ, и емъ за руку ея, возгласи глаголя. отроковице востани. И возвратися духъ ея, и воскрeсе абіе. и повелѣ дати ей ясти. и дивистася родителя ея. онъ же повелѣ има, никомуже повѣдати бывшее.

Глава, 9.

Зач., 40. Созвавъ же оба надесяте, дастъ имъ силу и власть на вся бѣсы, и недугы цѣлити. и посла ихъ пропо вѣдати царствіе божіе, и исцѣлити болящая. И рече къ нимъ, ничесоже возмѣте на путь, ни жезла, ни пиры, ни хлѣба, ни сребра. ни по двѣма ризома имѣти. И вонь же домъ внидете, ту пребывайте, и оттуду исходите. И елицы аще не пріeмлютъ васъ, исходяще отъ града того, и прахъ отъ ногъ вашихъ, оттрясѣте, во свѣдѣтельство на ня. Исходяще же прохожаху сквозѣ вeси благовѣствующе, и исцѣляюще всюду.

Зач., 41.* Слышавъ же иродъ четвертовластникъ бываю щая отъ него вся, и недоумѣвашеся, зане глаголемо бѣ отъ нѣкыхъ, яко іoаннъ воста отъ мертвыхъ. отъ инѣхъ же, яко илія явися. отъ другыхъ же, яко пророкъ единъ отъ дрeвнихъ воскресе. И рече иродъ. іoанна азъ усѣкнухъ. кто же есть сeй, о нeмъ же азъ слышу таковая; и искаше видѣти его. И возвращшеся апостоли, повѣдаша ему елика сотвориша. И поимъ ихъ, отиде единъ на мѣсто пусто града нарицаемаго виѳсаида. Народи же разумѣвше, по нeмъ идоша. и пріeмъ ихъ, глаголаше имъ о царствіи божіи. и трeбующая исцѣлeнія цѣляше. день же начатъ прекланятися.

Зач., 42.* Приступльше же оба надесяте, рекоша ему. отпусти народъ, да шeдше въ окрeстныя вeси и сeла, витаютъ, и обрящутъ брашно, яко здѣ въ пустѣ мѣстѣ есмы. Речe же къ нимъ, дадите имъ вы ясти. они же рѣша, нѣсть у насъ вяще, токмо пять хлѣбъ, и рыбѣ двѣ. аще убо не шeдше мы купимъ во вся люди сія брашна. бѣху бо мужіи яко пять тысущь. Речe же ко ученикомъ своимъ, посадите ихъ на купы по пятидесятъ. и сотвориша тако, и посадиша ихъ вся. Пріимъ же пять хлѣбъ и обѣ рыбѣ, возрѣвъ на небо, благослови ихъ, и сломи, и даяше ученикомъ, предложити народу. и ядоша и насытишася вси. и взяша избывшая имъ укрухы, коша дванадесяте.

Зач., 43.* И бысть егда моляшеся единъ, съ нимъ бѣху ученицы. И вопроси ихъ глаголя. кого мя глаголютъ народи быти; они же отвѣщавше, рѣша. іoанна крестителя. иніи же, илію. друзіи же, яко пророкъ нѣкіи отъ дрeвнихъ воскресе. Речe же имъ. вы же кого мя глаголете быти; отвѣщавъ же пeтръ, рече. христа божія. онъ же запрѣщь имъ, повелѣ никомуже глаголати сего, рeкъ, яко подобаетъ сыну человеческому много пострадати, и искушeну быти отъ старецъ, и архіерей и книжникъ, и убіeну быти, и трeтіи день востати.

Зач., 44.* Глаголаше же ко всѣмъ. аще кто хощетъ по мнѣ ити, да отвeржется себе, и возметъ крестъ свой на кіиждо день, и послѣдуетъ ми. Иже бо аще хощетъ душу свою спасти, погубитъ ю. иже бо погубитъ душу свою мене ради, сeй спасeтъ ю. Что бо пользуетъ человѣкъ, пріобрѣтъ миръ вeсь, себe же погубивъ, или отщетивъ; иже бо аще посты дится мене, и моихъ словeсъ, сего сынъ человеческіи постыдится, егда пріидетъ въ славѣ своeй, и отчей, и святыхъ ангелъ. Глаголю же вамъ воистину, суть нѣціи отъ здѣ стоящихъ, иже не имутъ вкусити смерти, дондеже видятъ царствіе божіе.

Зач., 45.* Бысть же по словесѣхъ сихъ яко дніи осмь. И поeмъ петра, и іoанна, и іакова, взыде на гору помолитися. и бысть егда моляшеся, видѣніе лица его ино, и одѣяніе его бѣло блистаяся. И се мужа два съ нимъ глаголюща, яже бѣста моисeй и илія, явльшася въ славѣ. глаголаста же исходъ его, иже хотяше скончати во іерусалимѣ. Пeтръ же и сущая съ нимъ бѣху отягчeни сномъ. Убуждьшежеся видѣша славу его, и оба мужа стояща съ нимъ. И бысть егда разлучистася отъ него, рече пeтръ ко ісусу, наставниче, добро есть намъ здѣ быти. и сотворимъ сѣни три, едину тебѣ, и едину моисeoви, и едину иліи. не вѣды еже глаголаше. се же ему глаголющу, бысть облакъ свѣтелъ и осѣни ихъ. убояшажеся вшeдшемъ имъ въ облакъ, и гласъ бысть изъ облака, глаголя. сeй есть сынъ мой возлюбленыи, того послушайте. и егда бысть гласъ, обрѣтеся ісусъ единъ. и тіи умолчаша, и никомуже возвѣстиша въ ты дни ничесоже отъ тѣхъ яже видѣша.

Зач., 46.* Бысть же въ прочіи день, съшeдшемъ имъ съ горы, срѣте его народъ многъ. и се мужъ изъ народа возопи глаголя. учителю, молютися, призри на сына моего, яко единороденъ ми есть, и се духъ емлетъ его, и внезапу вопіeтъ, и пружается съ пѣнами, и едва отходитъ отъ него сокрушая его. и молихся ученикомъ твоимъ, да ижденутъ его, и не возмогоша. отвѣщавъ же ісусъ, рече. о роде невѣрный и развращeнъ, доколѣ буду въ васъ, и терплю вы; приведи ми сына твоего сѣмо. ещe же грядущу ему, повeрже его бѣсъ, и сотрясе. запрѣти же ісусъ духови нечистому, и исцѣли отрока, и вдастъ его отцу его. дивляхужеся вси о величіи божіи.

Зач., 47.* Всѣмъ же чудящемся о всѣхъ яже творяше ісусъ, рече ко ученикомъ своимъ. вложите вы во уши ваши словеса сія. сынъ бо человеческіи имать предатися въ руцѣ человечестѣ. они же не разумѣша глагола сего, бѣ бо прикровeнъ отъ нихъ, да не ощутятъ его. и бояхуся вопросити его о глаголѣ сeмъ. Вниде же помышлeніе въ нихъ, кто ихъ вящшіи бы былъ. Ісусъ же вѣды помышлeніе сердца ихъ, пріeмъ отроча, постави е у себе, и рече имъ. иже аще пріиметъ отроча се во имя мое, мене пріeмлетъ. и иже аще мене пріeмлетъ, пріeмлетъ пославшаго мя. иже бо мeншіи есть въ васъ, сeй есть великъ.

Зач., 48.* Отвѣщавъ же іoаннъ, рече, наставниче, видѣ хомъ нѣкоего о имени твоeмъ изгоняща бѣсы, и возбранихомъ ему, яко въ слѣдъ не ходитъ съ нами. И рече къ нему ісусъ, не браните. иже бо нѣсть на вы, по васъ есть.

Зач.* Бысть же егда скончавахуся дніе восхожeнію его, и той утверди лице свое ити во іерусалимъ. и посла вѣстникы предъ лицeмъ своимъ. и изшeдше внидоша въ вeсь самарянску, яко да уготовятъ ему. и не пріяша его, яко лице его бѣ гряды во іерусалимъ. Видѣвша же ученика его, іаковъ и іoаннъ, рѣста. господи, хощеши ли речeвѣ да огнь снидетъ съ небесе, и потребитъ ихъ, яко же илія сотвори; обращьжеся ісусъ запрѣти има, и рече. не вѣста коего духа еста вы. сынъ бо человеческыи не пріиде душъ человеческыхъ погубити, но спасти. и идоша во ину вeсь.

Зач., 49.* Бысть же идущемъ имъ по пути, рече нѣкіи къ нему, иду по тебѣ ямо же аще идеши господи. И рече ему ісусъ. лиси язвины имуть, и птица небесныя гнѣзда, сынъ же человеческіи не имать гдѣ главу подклонити. Речe же къ другому. ходи въ слѣдъ мене. онъ же рече, господи, повели ми шeдше прeжде погребсти отца моего. Речe же ему ісусъ. остави мертвыя погребсти своя мертвеца, ты же шeдъ возвѣщай царствіе божіе. Речe же и другіи. иду по тебѣ господи. прeжде же повели ми отвѣщатимися, иже суть въ дому моeмъ. Речe же къ нему ісусъ. никтоже возложъ руку свою на рало, и зря вспять, управленъ есть въ царствіи божіи.

Глава, 10.

Зач., 50. Посихъ же яви господь и инѣхъ сeдмьдесятъ, и посла ихъ по двѣма предъ лицeмъ своимъ, во всякъ градъ и мѣсто, ямо же хотяше самъ ити. Глаголаше же къ нимъ. жатва убо многа, дѣлателіи же мало. молитеся убо господину жатвѣ, да изведeтъ дѣлателя на жатву свою. Идѣте, се азъ посылаю вы яко агньца, посредѣ волковъ. Не носите влагалища, ни пиры, ни сапоги. и никогоже на пути цѣлуйте. Вонь же аще домъ внидете, пeрвѣе глаголите, миръ дому сему. и аще убо будетъ ту сынъ мира, почіетъ на нeмъ миръ вашъ. аще ли же, ни, къ вамъ возвратится. Въ томъ же дому пребывайте, ядуще и піюще яже суть у нихъ. достоинъ бо есть дѣлатель мзды своея. Не преходите изъ дому въ домъ. И вонь же аще градъ входите, и пріeмлютъ вы, ядите предлагаемая вамъ, и исцѣлите недужныя иже суть въ нeмъ, и глаголите имъ. приближися на вы царствіе божіе. Вонь же аще градъ входите, и не пріeмлютъ васъ, изшeдше на распутія его рцѣте, и прахъ прилѣпшіи насъ отъ града вашего оттрясаемъ вамъ. обаче се вѣдите, яко приближися на вы царствіе божіе. Глаголю вамъ, яко содомляномъ въ день той отраднѣе будетъ, нeже граду тому. Горе тебѣ хоразинъ. горе тебѣ виѳсаида. яко аще въ тирѣ и сидонѣ быша силы были бывшая въ ваю, дрeвле убо во врeтищи и пeпелѣ сѣдяще покаялися быша. обаче тиру и сидону отраднѣе будетъ на судѣ, нeже вама. И ты капернауме, иже до небесъ вознесыися, до ада низведeшися.

Зач., 51.* Слушаяи васъ, мене слушаетъ. и отмѣтаяися васъ, мене отмѣтается. отмѣтаяижеся мене, отмѣтается пославшаго мя. Возвратишажеся сeдмьдесятъ съ радостію глаголюще, господи, и бѣси повинуются намъ о имени твоeмъ. Речe же имъ. видѣхъ сатану яко молнію съ небесе спадша.

Зач.* Се даю вамъ власть наступати на змію и на скорпію, и на всю силу вражію. ничесоже васъ вредитъ. обаче о сeмъ не радуйтеся, яко дуси вамъ повинуются. радуйте жеся яко имена ваша написана суть на небесѣхъ. Въ той часъ возрадовася духомъ ісусъ, и рече. исповѣдаютися отче, господи небеси и земли, яко утаилъ еси сія отъ премудрыхъ и разумныхъ, и открылъ еси та младeнцемъ. ей отче, яко тако бысть благоволeніе предъ тобою.

Зач., 52.* И обращся ко ученикомъ, рече. вся мнѣ предана быша отъ отца моего. и никтоже вѣсть кто есть сынъ, токмо отецъ. и кто есть отецъ, токмо сынъ. и ему же аще хощетъ сынъ открыти. и обращся ко ученикомъ единъ рече. Блажeнѣ очи видящеи яже видите. глаголю бо вамъ, яко мнози пророцы и царіе восхотѣша видѣти, яже вы видите, и не видѣша. и слышати, яже слышите, и не слышаша.

Зач., 53.* И се законникъ нѣкіи воста, искушая его и глаголя. учителю, что сотворивъ животъ вѣчныи наслѣдую; онъ же рече къ нему. въ законѣ что писано есть; како чтeши; онъ же отвѣщавъ рече. возлюбиши господа бога твоего отъ всего сердца твоего, и отъ всея душа твоея, и всeю крѣпостію твоeю, и всѣмъ помышлeніемъ твоимъ. и ближняго своего яко самъ себе. Речe же ему. право отвѣща, се сотвори, и живъ будеши. онъ же хотя оправдитися самъ, рече ко ісусу. и кто есть ближніи мой; отвѣщавъ же ісусъ, рече. Человѣкъ нѣкіи схождаше отъ іерусалима во іерихонъ, и въ разбойникы впаде, иже совлeкше его, и язвы возложивше отидоша, оставльше елѣ жива суща. по случаю же священникъ нѣкіи схождаше путeмъ тѣмъ, и видѣвъ его, мимо иде. Такожде же и левитъ бывъ на томъ мѣстѣ, пришeдъ и видѣвъ, мимо иде. Самарянинъ же нѣкто грядыи пріиде надъ него, и видѣвъ его милосердова. и приступль обяза струпы его, возливая масло и вино. всадивъ же его на свой скотъ, приведе его въ гостинницу, и прилежа емъ. И на утрія изшeдъ, изeмъ два срeбреника дастъ гостиннику. и рече ему, прилежи емъ, и еже аще пріиждивeши, азъ егда возвращуся воздамъ ти. Кто убо отъ тѣхъ тріeхъ ближніи мнитътися быти впадшему въ разбойникы; онъ же рече, сотворивыи милость съ нимъ. Речe же ему ісусъ. иди и ты твори такожде.

Зач., 54.* Бысть же ходящемъ имъ, и самъ вниде въ вeсь нѣкую. жена же нѣкая именемъ марѳа пріятъ его въ домъ свой. и сестра ей бѣ нарицаемая марія, яже и сѣдши при ногу ісусову, слышаше слово его. Марѳа же молвяше о мнозѣ службѣ. ставши же рече. господи, небрежeши ли, яко сестра моя едину мя остави служити; рцы убо ей, да ми поможетъ. отвѣщавъ же ісусъ, рече ей. марѳа марѳа печeшися, и молвиши о мнозѣ. едино же есть на потрeбу. марія же благую часть избра, яже не отимется отъ нея.

Глава, 11.

Зач., 55. И бысть внегда быти ему на мѣстѣ нѣкоемъ молящу ся, и яко преста, рече нѣкіи отъ ученикъ его къ нему. господи, научи ны молитися, яко же и іoаннъ научи ученикы своя. Речe же имъ. егда молитеся, глаголите. отче нашъ, иже на небесѣхъ, да святится имя твое. да пріидетъ царствіе твое. да будетъ воля твоя, яко на небеси и на земли. хлѣбъ нашъ насущныи подавай намъ на всякъ день. и остави намъ грѣхы наша. ибо и сами оставляемъ всякому должнику нашему. и не введи насъ во искушeніе, но избави насъ отъ лукаваго. И рече къ нимъ. кто отъ васъ имать друга, и идетъ къ нему полунощи, и речeтъ ему, друже, даждь ми възаимъ три хлѣбы. понeже другъ пріиде съ пути ко мнѣ, и не имамъ чесо предложити ему. И той изъ утрь уду отвѣщавъ речeтъ. не твори ми труды, уже двeри затворeны суть, и дѣти моя со мною на ложи суть, не могу воставъ дати тебѣ. Глаголю же вамъ, аще и не дастъ ему воставъ, зане другъ ему есть, но за безъ очьство его воставъ, дастъ ему елика трeбуетъ.

Зач., 56.* И азъ глаголю вамъ. просите, и дастся вамъ. ищате, и обрящете. толцѣте, и отвeрзется вамъ. Всякъ бо просяи, пріeмлетъ. и ищаи, обрѣтаетъ. и толкущему отвeрзется. Котораго же васъ отца воспроситъ сынъ хлѣба, еда камень подастъ ему; или рыбы, еда въ рыбы мѣсто змію подастъ ему; или аще проситъ яица, еда подастъ ему скорпію; аще убо вы зли суще, умѣете даянія блага даяти чадомъ вашимъ. колми паче отецъ иже съ небесе дастъ духъ святъ просящимъ у него;

Зач., 57.* И бѣ изгоня бѣса, и той бѣ нѣмъ. бысть же бѣсу изшeдшу, проглагола нѣмыи, и дивишася народы. Нѣцыи же отъ нихъ рѣша, о веелзевулѣ князи бѣсов стѣмъ изгонитъ бѣсы. друзіи же искушающе, знаменія отъ него искаху съ небесе. онъ же вѣды помышлeнія ихъ, рече имъ. всяко царство само въ себѣ раздѣляяся, запустѣетъ. и домъ на домъ, падаетъ. аще же и сатана самъ въ себѣ раздѣлися. како станетъ царство его; яко глаголете, о веелзевулѣ изгоняща мя бѣсы; аще же азъ о веелзевулѣ изгоню бѣсы, сынове ваши о комъ изгонятъ; сего ради тіи будутъ вамъ судія. Аще ли же о пeрстѣ божіи изгоню бѣсы, убо постиже на васъ царствіе божіе. Егда крѣпкіи вооружився хранитъ свой дворъ, въ смирeніи суть имѣнія его. Егда же крѣпліи нашeдъ по бѣдитъ его, все оружіе его возметъ на нeже уповаше, и корысть его раздаeтъ.

Зач., 58.* Иже нѣсть со мною, на мя есть. и иже не собираетъ со мною, растачаетъ. Егда же нечистыи духъ изыдетъ отъ человѣка, преходитъ сквозѣ безводная мѣста, ища покоя, и не обрѣтая, глаголетъ. возвращуся въ домъ мой отнуду же изыдохъ. и пришeдъ обрящетъ и пометeнъ и украшенъ. тогда идетъ и поиметъ сeдмь другыхъ духовъ, горшихъ себе, и вшeдше живутъ ту. и бываютъ послѣдняя человѣку тому горша пeрвыхъ. Бысть же егда глаголаше сія. воздвигши нѣкая жена гласъ отъ народа, рече ему. блажeно чрeво носившее тя, и сосца, яже еси ссалъ. онъ же рече. тѣмъ же убо блажeни слышащеи слово божіе, и храняще е.

Зач., 59.* Народомъ же собирающимся, начатъ глаголати. родъ сeй лукавъ есть, знаменія ищетъ и знаменіе не дастся ему, токмо знаменіе іоны пророка. Яко же бо бысть іона знаменіе ниневитомъ, тако будетъ и сынъ человеческіи роду сему. Царца южская востанетъ на судъ съ мужи рода сего, и осудитъ ихъ. яко пріиде отъ конeцъ земля слыша ти премудрость соломонову. и се множае соломона здѣ. Мужіе ниневитьстіи востанутъ на судъ съ родомъ симъ, и осудятъ и, яко покаяшася проповѣдію іониною. и се множае іоны здѣ. Никтоже убо свѣтилника вжeгъ, въ скровѣ полагаетъ, ни подъ спудомъ, но на свѣтилницѣ, да входящеи свѣтъ видятъ.

Зач., 60.* Свѣтилникъ тѣлу есть око. егда убо око твое просто будетъ, все тѣло твое свѣтло будетъ. егда же лукаво будетъ, и тѣло твое тeмно. блюди убо, еда свѣтъ иже въ тебѣ, тма есть. аще бо тѣло твое все свѣтло, не имы нѣкія части тeмны, будетъ свѣтло все, яко се егда свѣтилникъ блистаніемъ просвѣщаетъ тя. Егда же глаголаше, моляше его фарисeй нѣкіи, да обѣдуетъ у него. вшeдъ же, возлeже. фарисeй же видѣвъ дивися, яко не прeжде крестися пeрвѣе обѣда. Речe же господь къ нему. нынѣ вы фарисeе внѣшнее сткляници и блюду очищаете, внутреннее же ваше, полно граблeнія есть и лукавства. Безумніи, не иже ли сотвори внѣшнее, и внутренее сотворилъ есть; обаче въ сущихъ дадите милостыня, и се вся чиста вамъ будутъ.

Зач., 61.* Но горе вамъ фарисeoмъ, яко одесятствуете отъ мятвы и пигана, и всякого зeлія, и мимо ходите судъ и любве божія. сія же подобаше творити, и онѣхъ не оставляти. Горе вамъ фарисeoмъ, яко любите пред сѣданія на сонмищыхъ. и цѣлованія на торжищыхъ. Горе вамъ книжницы и фарисeе лицемѣри, яко есте яко гроби невѣдоми. и человецы ходящеи верху не вѣдятъ. отвѣщавъ же нѣкіи отъ законникъ, рече ему. учителю, сія глаголя, и намъ досаждаеши. онъ же рече, и вамъ законникомъ горе, яко накладаете на человѣкы бремена не удобь носима, и сами единѣмъ пeрстомъ вашимъ не прикасаетеся бременeмъ.

Зач., 62.* Горе вамъ, яко зиждете гробы пророкъ. отецы же ваши избиша ихъ, убо свѣдѣтельствуете и соблаго волите дѣломъ отецъ вашихъ. яко тіи убо избиша ихъ, вы же зиждете ихъ гробы. Сего ради и премудрость божія рече. послю въ нихъ пророкы, и апостолы, и отъ нихъ убіютъ и ижденутъ, да взыщется кровь всѣхъ пророкъ, проливаемая отъ сложeнія миру, отъ рода сего, отъ крове авеля, до крове захарія, погибшаго между олтарeмъ и храмомъ. ей глаголю вамъ, взыщется отъ рода сего. Горе вамъ законникомъ. яко взясте ключь разумѣнія. сами не внидосте, и входящымъ возбранисте. Глаголющу же ему сія къ нимъ, начаша книжницы и фарисeе бѣднѣ гнѣватися нань, и престаяти его о мнозѣ, лающе его, ищуще уловити нѣчто отъ устъ его, да нань возглаголютъ.

Глава, 12.

О нихъ же собравшемся тмамъ народа, яко попирати другъ друга, начатъ глаголати ученикомъ своимъ пeрвѣе. внемлѣте себѣ отъ кваса фарисeйска, еже есть лицемѣріе.

Зач., 63.* Ничтоже бо покровeно есть, еже не открыется. и тайно, еже не разумѣется. зане елика во тмѣ рѣсте, во свѣтѣ услышится. и еже ко уху глаголасте въ храмѣхъ, проповѣсться на кровѣхъ. Глаголю же вамъ другомъ своимъ, не убойтеся отъ убивающихъ тѣло, и потомъ не могущихъ лишше что сотворити. сказаю же вамъ, кого убойтеся, убойтеся имущаго власть по убіeніи воврещи въ дeбрь огненую. ей глаголю вамъ, того убойтеся. Не пять ли птицъ цѣнится пѣнязема двѣма, и ни едина отъ нихъ нѣсть забвeна прeдъ богомъ. но и власи главы вашея вси изочтeни суть. не убойтеся убо, мнозѣхъ птицъ унши есте вы.

Зач., 64.* Глаголю же вамъ. всякъ иже аще исповѣсть мя предъ человѣкы, и сынъ человеческіи исповѣсть его предъ ангелы божіими. а отвергійся мене предъ человѣкы, отвeрженъ будетъ предъ ангелы божіими. И всякъ иже речeтъ слово на сына человеческаго, оставится ему. а на святаго духа хулившему, не оставится. Егда же приведутъ вы на соборища, и власти и влдчества, не пецѣтеся, како, или что отвѣщаете, или что речeте. святыи бо духъ научитъ вы въ той часъ, яже подобаетъ рещи.

Зач., 65.* Речe же ему нѣкіи отъ народа, учителю, рци брату моему раздѣлити со мною достояніе. онъ же рече ему. человече, кто мя постави судію, или дѣлителя надъ вами; речe же къ нимъ. блюдѣте и хранитеся отъ лихо имства. яко не отъ избытка кому животъ его есть отъ имѣнія его.

Зач., 66.* Речe же притчу къ нимъ глаголя. человѣку нѣкоему богату угобзися нива, и мышляше въ себѣ глаголя. что сотворю, яко не имамъ гдѣ собрати плодовъ моихъ; и рече, се сотворю. разорю житница моя, и болша созижду. и соберу ту вся жита моя и благая моя. и реку души моeй. душе, имаши многа блага, лежаща на лѣта многа. почивай, яждь, пій, веселися. Речe же ему богъ. безумне, въ сію нощь душу твою истяжутъ отъ тебе. а яже уготова, кому будетъ; тако собираяй себѣ, а не въ бога богатѣя. речe же ко ученикомъ своимъ. Сего ради глаголю вамъ, не пецѣтеся душeю вашею, что ясте. ни тѣломъ, во что облечeтеся, душа, болши есть пища, и тѣло одeжда. Смотрите вранъ, яко ни сѣютъ ни жнутъ, имъ же нѣсть сокровища, ни житница, и богъ питаетъ ихъ. колми паче вы есте лучши птицъ; кто же отъ васъ пекійся можетъ приложити возрасту своему лакоть единъ; аще убо ни мало чесо можете, что о прочихъ печeтеся; смотрите крины, како растутъ, не труждаются, ни прядутъ. глаголю же вамъ, яко ни соломонъ во всeй славѣ своeй облечeся яко единъ отъ сихъ. Аще же траву на селѣ днeсь сущу, и утрѣ въ пeщь вмeщему, богъ тако одѣетъ, кольми паче васъ маловѣри; и вы не ищите что ясте, или что піeте, и не возноситеся. всѣхъ бо сихъ языцы мира сего ищутъ. вашъ же отецъ вѣсть, яко трeбуете сихъ. обаче ищите царствія божія, и сія вся приложатся вамъ.

Зач., 67.* Не бойся малое стадо, яко благоизволи отецъ вашъ дати вамъ царство. Продадите имѣнія ваша, и дадите милостыня. Сотворите себѣ влагалища не ветшающа, сокровище неоскудѣемо на небесѣхъ, идѣже тать не приближается, ни моль растлѣваетъ. идѣже бо есть сокровище ваше, ту и сердце ваше будетъ. да будутъ чресла ваша препоясана, и свѣтилници горяще, и вы подобни человѣкомъ чающимъ господа своего, когоспода возвратится отъ бракъ, да пришeдшу и толкнувшу, абіе отвeрзутъ ему. Блажeни раби тіи, ихъ же пришeдъ господь обрящетъ бдяща. аминь глаголю вамъ, яко препояшется, и посадитъ ихъ, и минувъ послужитъ имъ. и аще пріидетъ во вторую стражу, любо въ трeтію стражу пріидетъ, и обрящетъ ихъ тако, блажeни суть раби тіи. Се же вѣдите, яко аще бы вѣдалъ господинъ храмины, въ кіи часъ тать пріидетъ, бдѣлъ убо бы, и не бы далъ подкопати дому своего. и вы убо будѣте готови. яко вонь же часъ не мните, сынъ человечъ пріидетъ. Речe же ему пeтръ. господи, къ намъ ли притчу сію глаголеши. или ко всѣмъ; речe же господь.

Зач., 68.* Кто убо есть вѣрныи строитель и мудрыи, его же поставитъ господь надъ чeлядію своeю, даяти во время житомѣреніе; блажeнъ рабъ той его же пришeдъ господь его, обрящетъ творяща тако. воистину глаголю вамъ, яко надъ всѣмъ имѣніемъ своимъ поставитъ его. Аще ли же речeтъ рабъ той въ сердцы своeмъ, коснитъ господинъ мой пріити, и начнетъ бити рабы и рабыня, ясти же и пити, и упиватися. пріидетъ господинъ раба того, въ день вонь же не чаетъ, и въ часъ вонь же не вѣсть, и протeшетъ его, и часть его съ невѣрными положитъ. Той же рабъ вѣдѣвыи волю господина своего, и не уготовавъ, ниже сотворивъ по воли его, біeнъ будетъ много. Не вѣдѣвыи же, сотворивъ же достойная ранамъ, біeнъ будетъ малы.

Зач., 69.* Всякому же ему же дано будетъ много, много взыщется отъ него. и ему же предаша множайше, множайше просятъ отъ него. огня пріидохъ воврещи на землю, и что хощу, аще уже возгорѣся; крещeніе же имамъ креститися, и како удержуся дондеже скончаются; мните ли яко мира пріидохъ дати на землю; ни глаголю вамъ, но раздѣлeнія. будутъ бо отсeлѣ пять во единомъ дому раздѣлeны, тріе на два, и два на три. раздѣлится отецъ на сына, и сынъ на отца. мати на дщeре, и дщи на матере, свекры на невѣсту свою, и невѣста на свекровь свою. Глаголаше же народомъ, егда узрите облакъ восходящь отъ запада, абіе глаголете, туча грядeтъ, и бываетъ тако. и егда югъ вѣющъ, глаголете, зной будетъ, и бываетъ. Лицемѣри, лице небу и земли вѣсте искушати. врeмени же сего како не искушаете; что и о себѣ не судите праведное; егда бо грядeши съ сопeрникомъ своимъ ко князю, на пути даждь дѣланіе избыти отъ него. да не како привлечeтъ тебе къ судіи, и судія тя предастъ слузѣ, и слуга всадитъ тя въ темницу. Глаголю тебѣ, не изыдеши оттуду, дондеже послѣднюю мѣдницу воздаси.

Глава, 13.

Зач., 70. Пріидоша же нѣціи въ то врeмя повѣдающе ему о галилeихъ, ихъ же кровь пилатъ смѣси съ жeртвами ихъ. и отвѣщавъ ісусъ, рече имъ. мните ли яко галилeяне сіи грѣшнѣйши паче всѣхъ галилeянъ бяху, яко тако пострадаша; ни глаголю вамъ, но аще не покаетеся, вси тако же погыбнете. Или они осмьнадесяте на нихъ же паде столпъ силоамскіи, и поби ихъ. мните ли яко тіи должнѣйши бѣху паче всѣхъ живущихъ во іерусалимѣ; ни глаголю вамъ, но аще не покаетеся, вси такожде погыбнете. Глаголаше же сію притчу. Смоковницу имяше нѣкіи въ виноградѣ своeмъ всаждeну. и пріиде ища плода на нeй, и не обрѣте. Речe же къ винарeви, се трeтіе лѣто отнeли же прихожду ища плода на смоковници сeй, и не обрѣтаю. посѣци ю убо, вскую и зeмлю упражняетъ; онъ же отвѣщавъ, рече ему. господи, остави ю и се лѣто, дондеже окопаю окрестъ ея, и осыплю гноемъ, и аще убо сотворитъ плодъ, аще ли же ни, въ грядущее посѣчeши ю.

Зач., 71.* Бяше же уча на единомъ отъ сонмищъ въ суботы. И се жена бѣ имущи духъ недуженъ, лѣтъ осмьнадесять, и бѣ сляка. и не могущися восклонити отнудъ. Видѣвъ же ю ісусъ, пригласи, и рече ей, жeно отпущeна еси отъ недуга твоего. и возложи на ню руцѣ, и абіе простреся, и славляше бога. отвѣщавъ же старѣйшина събору, негодуя, зане въ суботу исцѣли ю ісусъ, глаголаше народу. шeсть дніи есть, въ ня же достоитъ дѣлати, въ ты убо приходяще цѣлитеся, а не въ день суботныи. отвѣщавъ же убо ему господь, и рече. лицемѣре, кождо васъ въ суботу не отрѣшаетъ ли своего вола или осла отъ ясліи, и вeдъ напаяетъ; сію же дщeре авраамлю сущу, ю же связа сатана, се осмое надесяте лѣто, не достояше ли разрѣшитися ей отъ юзы сея въ день суботныи; и си ему глаголющу, стыдяхуся вси противляющеися ему. и вси людіе радовахуся, о всѣхъ славныхъ бывающихъ отъ него.

Зач., 72.* Глаголаше же, кому подобно есть царствіе божіе. и кому уподоблю е; подобно есть зерну горушну, еже пріeмъ человѣкъ, ввeрже въ виноградъ свой, и возрасте, и бысть дрeво вeліе, и птица небесныя вселишася въ вѣтвіе его. И пакы рече. кому уподоблю царствіе божіе; подобно есть квасу, еже пріeмши жена, съкры въ муцѣ сата три, дондеже вскисе все. И прохождаше сквозѣ грады и вeси, уча, и шeствіе творя во іерусалимъ. Речe же нѣкіи ему. господи, аще мало есть спасающихся; онъ же рече къ нимъ. подвизайтеся внити сквозѣ тѣсная врата. яко мнози глаголю вамъ взыщутъ внити, и не возмогутъ. отнeли же въстанетъ дому владыка, и затворитъ двeри, и начнете внѣ стояти и ударяти въ двeри глаголюще. господи, господи отвeрзи намъ. и отвѣщавъ речeтъ вамъ. не вѣдѣ васъ откуду есте. Тогда начнете глаголати. ядохомъ предъ тобою и пихомъ, и на распутіихъ нашихъ училъ еси. И речeтъ, глаголю вамъ, не вѣмъ васъ откуду есте, отступите отъ мене вси дѣлателіе неправдѣ. ту будетъ плачъ и скрeжетъ зубомъ. Егда узрите авраама, и ісаака, и іакова, и вся пророкы въ царствіи божіи, васъ же изгонимыхъ вонъ. и пріидутъ отъ востокъ и западъ, и сѣвера и юга, и возлягутъ въ царствіи божіи. И се суть послѣдніи, иже будутъ пeрви. и суть пeрвіи, иже будутъ послѣдни.

Зач., 73.* Въ той день приступиша нѣціи отъ фарисей, глаголюще ему. изыди и иди отсюду, яко иродъ хощетъ тя убити. И рече имъ. шeдше рцѣте лису тому. се изгоню бѣсы, и исцѣлeнія творю днeсь и утрѣ, и въ трeтіи скончаю. обаче подобаетъ ми днeсь, и утрѣ и въ ближніи ити, яко невозможно есть пророку погыбнути кромѣ іерусали ма. Іерусалимъ, іерусалимъ, избивыи пророкы, и каменіемъ побивая посланыя къ нему. коль краты восхотѣхъ собрати чада твоя, яко же кокошъ гнѣздо свое подъ крилѣ, и не восхотѣсте; се оставляется вамъ домъ вашъ пустъ. Глаголю же вамъ, яко не имате мене видѣти, дондеже пріидетъ, егда речeте, благословeнъ грядыи во имя господне.

Глава, 14.

Зач., 74. И бысть егда внити ему въ домъ нѣкоего князя фарисeйска въ суботу хлѣбъ ясти, и тіи бѣху назирающе его. И се человѣкъ нѣкіи имыи водныи трудъ, бѣ предъ нимъ. И отвѣщавъ ісусъ, рече къ законникомъ, и фарисeoмъ глаголя. аще достоитъ въ суботу цѣлити; они же умолчаша. и пріeмъ исцѣли его, и отпусти. И отвѣщавъ къ нимъ рече. котораго отъ васъ осeлъ, или волъ, въ студенeцъ впадeтъ. не абіе ли исторгнетъ его въ день суботныи; и не возмогоша отвѣщати ему къ симъ. Глаголаше же къ званнымъ притчу. обдержа како предсѣданія избираху глаголя къ нимъ. егда званъ будеши кимъ на бракъ, не сяди на прeднемъ мѣстѣ, еда кто чcтнѣе тебе будетъ званыхъ. и пришeдъ иже тебе звавыи и оного, речeтъ. ты даждь сему мѣсто, и тогда начнeши со студомъ послѣднее мѣсто держати. но егда званъ будеши, шeдъ сяди на послѣднемъ мѣстѣ, да егда пріидетъ звавыи тя, речeтъ ти, друже, посяди выше. тогда будетъ ти слава предъ званными съ тобою. Яко всякъ возносяися, смѣрится. и смиряяися, вознесeтся.

Зач., 75.* Глаголаше же и къ звавшему его. егда сотвориши обѣдъ или вeчерю, не зови другъ своихъ ни братія твоя, ни сродникъ твоихъ, ни сосѣдъ богатыхъ. еда коли и тіи тя тако же воззовутъ, и будетъ ти воздаяніе. но егда твориши пиръ зови нищая, маломощи, хромыя, слѣпыя, и блажeнъ будеши. яко не имутъ ти что воздати. воздастъжетися въ воскресeніе праведныхъ. Слышавъ же нѣкіи отъ возлежащихъ съ нимъ сія, рече ему. блажeнъ иже снѣсть обѣдъ въ царствіи божіи.

Зач., 76.* Онъ же рече ему. Человѣкъ нѣкіи сотвори вeчерю вeлію, и зва многы. и посла рабъ свой въ годъ вeчеря, рещи званнымъ, грядѣте, яко уже готова суть вся. и начаша вкупѣ отрицатися вси. Пeрвыи рече ему. село купихъ, и имамъ нужду изыти и видѣти е. молютися имѣй мя отречeна. И другіи рече. супругъ воловныхъ купихъ пять, и гряду искусити ихъ. молю тя имѣй мя отречeна. И другіи рече. жену пояхъ, и сего ради не могу пріити. И пришeдъ рабъ той, повѣда господину своему сія. Тогда разгнѣвався дому владыка, рече рабу своему. изыди скоро на распутія, и стогны града и нищая, и бѣдныя и слѣпыя и хромыя введи сѣмо. и рече рабъ. господи, бысть яко же повелѣ, и еще мѣсто есть. и рече господинъ къ рабу. изыди на пути и халугы, и убѣди внити, да наполнится домъ мой. Глаголю бо вамъ, яко ни единъ мужіи тѣхъ званыхъ вкуситъ моя вeчеря. мнози бо суть звани, мало же избранныхъ.

Зач., 77.* Идяху же съ нимъ народи мнози. и обращься рече къ нимъ. аще кто грядeтъ ко мнѣ, и не вознена видитъ отца своего и матере, и жену и чадъ, и братія и сeстръ, ещe же и душу свою, не можетъ мой быти ученикъ. И иже не носитъ креста своего и въ слѣдъ мене грядeтъ, не можетъ мой быти ученикъ. Кто бо отъ васъ хотяи столпъ создати, не прeжде ли сѣдъ разочтeтъ имѣніе, аще имать еже есть на совершeніе; да некогоспода положитъ основаніе, и не возможетъ совершити. вси видящеи начнутъ ругатися ему глаголюще, яко сeй человѣкъ начатъ здати, и не можетъ совершити; или кіи царь иды ко иному царю, снитися съ нимъ на брань, не сѣдъ ли прeже совѣщаваетъ, аще силенъ есть срѣстися съ десятію тысящъ, грядущаго со двѣмадесятьма тысящама нань; аще ли же ни, еще далeче ему сущу, молeніе пославъ, молится о смирeніи. Тако убо всякъ отъ васъ. иже не отречeтся всего своего имѣнія. не можетъ быти мой ученикъ. добро есть соль. аще же соль обуяетъ, въ чeмъ осолится; ни въ земли ни въ гнои трeбуетъ. вонъ изсыпятъ ю. Имѣяи уши слышати, да слышитъ.

Глава, 15.

Зач., 78. Бѣху же приближающеся ему вси мытаріе и грѣшницы послушати его. И роптаху фарисeе и книжницы глаголюще. яко сeй грѣшникы пріeмлетъ, и съ ними ястъ. Речe же къ нимъ притчу сію глаголя. кіи человѣкъ отъ васъ имы сто овeцъ, и погубль едину отъ нихъ. не оставитъ ли девятьдесятъ и дeвять въ пустыни, и идетъ въ слѣдъ погибшая дондеже обрящетъ ю; и обрѣтъ возлагаетъ на рамѣ свои радуяся. И пришeдъ въ домъ созываетъ другы и сосѣды глаголя имъ. радуйтеся со мною, яко обрѣтохъ овцу мою погибшую. Глаголю вамъ, яко тако радость будетъ на небеси. о единомъ грѣшницѣ кающемся, нeжели о девятьдесятихъ и дeвять праведникъ, иже не трeбуютъ покаянія. Или кая жена имущи дeсять драхмъ, аще погубитъ едину драхму. не вжизаетъ ли свѣтилника, и пометeтъ храмину, и ищетъ прилѣжно, дондеже обрящетъ; и обрѣтши созываетъ другыня и сосѣды глаголющи. радуйтеся со мною, яко обрѣтохъ драхму погибшую. Тако глаголю вамъ, радость бываетъ предъ ангелы божіи, о единомъ грѣшницѣ кающимся.

Зач., 79.* Речe же. человѣкъ нѣкіи имѣ два сына. и рече юнѣй шіи ею отцу. отче, даждь ми достойную часть имѣнія. и раздѣли има имѣніе. и не по мнозѣхъ днeхъ собравъ все мніи сынъ, отиде на страну далeче, и ту расточи имѣніе свое, живы блудно. иждившу же ему все, бысть гладъ крѣпокъ на странѣ той, и той начатъ лишатися. и шeдъ прилѣпися единому отъ житель тоя страны. и посла его на сeла своя пасти свинія. и желаше насытити чрeво свое отъ рожeцъ, яже ядяху свинія. и никтоже даяше ему. въ себe же пришeдъ, рече. колико наeмникомъ отца моего избываютъ хлѣбы, азъ же гладомъ гиблю; воставъ иду ко отцу моему, и реку ему. отче, согрѣшихъ на небо и предъ тобою, и уже нѣсмь достоинъ нарещися сынъ твой, сотвори мя яко единого отъ наемникъ твоихъ. и воставъ иде ко отцу своему. Ещe же ему далeче сущу, узрѣ его отецъ его, и милъ ему бысть. и тeкъ нападе на выю его, и облобыза его. Речe же ему сынъ. отче, согрѣшихъ на небо и предъ тобою, и уже нѣсмь достоинъ нарещися сынъ твой. Речe же отецъ къ рабомъ своимъ. изнесѣте одeжду пeрвую, и облецѣте его, и дадите пeрстень на руку его, и сапогы на нозѣ. и привeдше телeцъ упитанныи, заколите, и ядше веселимся, яко сынъ мой сeй мертвъ бѣ, и оживе. и изгиблъ бѣ, и обрѣтеся. и начаша веселитися. Бѣ же сынъ его старѣи на селѣ. и яко гряды приближися къ дому, слыша пѣнія и ликы. и призвавъ единого отъ отрокъ, вопрашаше, что убо сія суть. онъ же рече ему. яко братъ твой пріиде, и закла отецъ твой телeцъ упитанныи, яко здрава его пріятъ. Разгнѣвавъжеся, и не хотяше внити. отецъ же его изшeдъ моляше его. онъ же отвѣщавъ, рече отцу. се толико лѣтъ работаю тебѣ, и николиже заповѣди твоя преступихъ, и мнѣ николиже далъ еси козляте, да съ другы своими возвеселилъся быхъ. Егда же сынъ твой сeй, изѣдыи твое имѣніе съ любодѣйцами, пріиде, закла ему телeцъ питомыи. онъ же рече ему, чадо, ты всегда со мною еси, и вся моя, твоя суть. возвеселитижеся и возрадовати подобаше, яко братъ твой сeй мертвъ бѣ, и оживе. и изгиблъ бѣ, и обрѣтеся.

Глава, 16.

Зач., 80. Глаголаше же и ко ученикомъ своимъ. человѣкъ нѣкіи бѣ богатъ, иже имяше приставника, и той оклеветанъ бысть къ нему, яко расточаетъ имѣніе его, и при гласивъ его, рече ему. что се слышу о тебѣ; воздаждь отвѣтъ о приставлeніи домовнѣмъ. не возможеши бо ктому дому строити. Речe же въ себѣ приставникъ дому. что сотворю, яко господь мой отeмлетъ строeніе дому отъ мене; копати не могу, просити стыждуся. разумѣхъ что сотворю. да егда отставленъ буду отъ строeнія дому, пріимутъ мя въ домы своя. И призвавъ единого когождо должникъ господина своего. глаголаше пeрвому, колицѣмъ долженъ еси господину моему; онъ же рече. сто мѣръ масла. И рече ему, пріими писаніе твое, и сѣдъ скоро, напиши, пятьдесятъ. Потомъ же рече другому. ты же колицѣмъ долженъ еси; онъ же рече, сто мѣръ пшеница. И глагола ему. пріими писаніе твое, и напиши, осмьдесятъ. И похвали господь дому строителя неправеднаго, яко мудрѣ сотвори. яко сынове вѣка сего мудрѣйши паче сыновъ свѣта въ родѣ своeмъ суть. И азъ вамъ глаголю, сотворите себѣ другы отъ мамоны неправды, да егда оскудѣете, пріимутъ вы въ вѣчныя кровы.

Зач., 81.* Вѣрныи въ малѣ, и во мнозѣ вѣренъ есть. и неправедныи въ малѣ, и во мнозѣ неправеденъ есть. Аще убо въ неправеднѣмъ имѣніи вѣрни не бысте, во истиннѣмъ кто вамъ вѣру иметъ; и аще въ чюжeмъ вѣрни не бысте, ваше кто вамъ дастъ; ни кіи же рабъ можетъ двѣма господинома работати. либо единого возненавидитъ, а другаго возлюбитъ. Или единого держится, о друзѣмъ же нерадити начнетъ. не можете богу работати и мамонѣ. Слышаху же сія вся и фарисeе, сребролюбцы суще, и ругахуся ему. И рече имъ.

Зач., 82.* Вы есте оправдающеи себе предъ человѣкы, богъ же вѣсть сердца ваша. яко еже есть въ человецѣхъ высоко, мeрзость есть прeдъ богомъ. Законъ и пророцы до іoанна, оттолѣ царствіе божіе благовѣствуется, и всякъ въ не нудится. Удобѣе же есть небу и земли преити, нeже отъ закона единой чертѣ погибнути. Всякъ пущаяи жену свою, и приводя ину, прелюбы дѣетъ. и женяися пущeною отъ мужа, прелюбы творитъ.

Зач., 83.* Человѣкъ же нѣкіи бѣ богатъ, и облачашеся въ порфиру и виссонъ, веселяся на вся дни свѣтло. Нищъ же бѣ нѣкто именемъ лазарь, иже лежаше предъ враты его гноинъ, и желаше насытитися отъ крупицъ падающихъ отъ трапeзы богатаго. но и пси приходяще облизаху гной его. Бысть же умрети нищему, и несeну быти ангелы на лоно авраамле. Умретъ же и богатыи, и погребоша его. И во адѣ возвeдъ очи свои сыи въ мукахъ, узрѣ авраама издалeче, и лазаря на лонѣ его. И той возглашъ, рече. отче аврааме, помилуй мя, и посли лазаря, да омочитъ конeцъ пeрста своего въ водѣ, и устудитъ языкъ мой, яко стражду въ пламени сeмъ. Речe же авраамъ. чадо помяни яко воспріялъ еси благая твоя въ животѣ твоeмъ, и лазарь тако же злая. нынѣ же здѣ утѣшается, ты же страждеши. И надъ всѣми сими, между нами и вами пропасть велика утвердися, яко да хотящеи преити отсюду къ вамъ, не возмогутъ, ниже оттуду къ намъ преходятъ. Речe же, молю тя убо отче, да послеши его въ домъ отца моего. имамъ бо пять братія, яко да засвѣдѣтельствуетъ имъ, да не и тіи пріидутъ на мѣсто се мучное. Глагола ему авраамъ, имутъ моисeя и пророкы, да послушаютъ ихъ. онъ же рече, ни отче аврааме, но аще кто отъ мертвыхъ идетъ къ нимъ, покаются. Речe же ему, аще моисeя и пророкы не послушаютъ, ни аще кто отъ мертвыхъ воскреснетъ, не имутъ вѣры.

Глава, 17.

Речe же ко ученикомъ своимъ. невозможно есть не пріити соблазномъ. горе же, его же ради приходитъ. уне ему было бы, аще жeрновъ осeльскіи облежалъ бы о выи его, и ввeрженъ въ море, нeже да соблазнитъ малыхъ сихъ единого.

Зач., 84.* Внемлѣте себѣ. аще согрѣшитъ тебѣ братъ твой, запрѣти ему. и аще покается, остави ему. И аще седмищи на день согрѣшитъ къ тебѣ, и седмищи на день обратится глаголя каюся, остави ему. И рекоша апостоли господви. приложи намъ вѣру. Речe же господь. аще бысте имѣли вѣру яко зeрно горушно, глаголали бысте ягодичинѣ сeй, восторгнися и всадися въ море, и послушала бы васъ. Которыи же отъ васъ рабъ имѣя, орущь, или пасущь, иже пришeдшу ему съ села, речeтъ абіе, минувъ возлязи, но не речeтъ ли ему, уготовай что вечеряю, и препоясався служи ми, дондеже ямъ и пію, и потомъ яси и піeши ты; еда имать хвалу рабу тому, яко сотвори повелѣнная; не мню. тако и вы, егда сотворите вся повелѣнная вамъ, глаголите, яко раби не потрeбни есмы, яко еже должни бѣхомъ сотворити, сотворихомъ. И бысть идущу ему во іерусалимъ, и той прохождаше между самаріею и галилeею.

Зач., 85.* Входящу же ему въ нѣкую вeсь, срѣтоша его дeсять прокажeнѣхъ мужіи, иже сташа издалeче, и тіи вознесоша гласъ глаголюще. ісусе наставниче помилуй ны. И видѣвъ, рече имъ. шeдше покажитеся священникомъ. И бысть идущемъ имъ, очcтишася. единъ же отъ нихъ видѣвъ яко исцѣлѣ, возвратися со гласомъ вeліемъ славя бога, и паде ницъ при ногу его хвалу ему воздая, и той бѣ самарянинъ. отвѣщавъ же ісусъ, рече. не дeсять ли очcтишася. да дeвять гдѣ; како не обрѣтошася возвращьшеся дати славу богу, токмо иноплемeнникъ сeй. и рече ему, воставъ иди, вѣра твоя спасе тя.

Зач., 86.* Вопрошeнъ же бывъ отъ фарисей, когоспода пріидетъ царствіе божіе. отвѣщавъ имъ рече. не пріидетъ царствіе божіе съ соблюдeніемъ. ниже рекутъ, се здѣ или се онде. се бо царствіе божіе внутрь васъ есть. Речe же ко ученикомъ своимъ. пріидутъ дніе, егда вожделѣете единого дне сына человеческаго видѣти, и не узрите. и рекутъ вамъ, се здѣ, се онде. не изыдѣте, ни поженѣте. Яко бо молніи блистающися отъ поднебесныя, на поднебеснѣй свѣтится, тако будетъ сынъ человеческіи въ день свой. Прeжде же подобаетъ ему много пострадати, и искушeну быти отъ рода сего.

Зач., 87.* И яко же бысть во дни ноевы, тако будетъ и во дне сына человеческа, ядяху, піяху, женяхуся, посягаху, до него же дне вниде ное въ ковчeгъ, и пріиде потопъ, и погуби вся. Тако же и яко же бысть во дни лотовы, ядяху, піяху, куповаху, продаяху, саждаху здаху. вонь же день изыде лотъ отъ содомлянъ, одожди камыкъ горящь, и огнь съ небесе, и погуби вся. потому же будетъ и въ день, вонь же сынъ человеческіи явится. въ той день иже будетъ на кровѣ, и сосуды его въ дому, да не слазитъ взяти ихъ. и иже на селѣ, такожде да не возвратится вспять. поминайте жену лотову. Иже аще взыщетъ душу свою спасти, погубитъ ю. а иже аще погубитъ ю, живитъ ю. Глаголю вамъ, въ ту нощь будета два на одрѣ единомъ, единъ поeмлется, а другіи оставляется. Будетѣ двѣ вкупѣ мeлющи, едина поeмлется, а другая оставляется. два будета на селѣ, единъ поeмлется, а другіи оставляется. И отвѣщавше глаголаша ему, гдѣ господи; онъ же рече имъ, идѣже тѣло, тамо соберутся и орли.

Глава, 18.

Глаголаше же и притчу къ нимъ, како подобаетъ всегда молитися, и не стужати си, глаголя.

Зач., 88.* Судія бѣ нѣкіи въ нѣкоемъ градѣ, бога не бояся, и человѣкъ не срамляяся. Вдова же нѣкая бѣ во градѣ томъ, и прихождаше къ нему глаголющи, отмсти мене отъ сопeрника моего. и не хотяше на долзѣ врeмени. Послѣди же рече въ себѣ. аще и бога не боюся, и человѣкъ не срамляюся, но зане творитъ ми труды вдовица сія, отмщу ея, да не до конца приходящи застоитъ мене. Речe же господь. слышите, что судіи неправдѣ глаголетъ. богъ же не имать ли сотворити отмщeніе избранныхъ своихъ, вопіющихъ къ нему день и нощь, и долготерпитъ о нихъ; глаголю вамъ. яко сотворитъ отмщeніе ихъ вскорѣ. обаче сынъ человеческіи пришeдъ, убо обрящетъ ли си вѣру на земли; речe же и къ другымъ уповающимъ собою, яко суть праведници, и уничижающихъ прочихъ, притчу сію.

Зач., 89.* Человѣка два внидоста въ церковь помолитися. единъ фарисeй, а другіи мытарь. фарисeй же ставъ, сице въ себѣ моляшеся, боже хвалу тебѣ воздаю, яко нѣсмь яко же прочіи человецы. хищницы неправедницы, прелюбодѣе, или яко же сeй мытарь. пощуся два краты въ суботу, десятину даю всего елика притяжу. Мытарь же издалeче стоя, не хотя ни очію возвести на небо, но біяше пeрси своя глаголя, боже милостивъ буди мнѣ грѣшному. Глаголю вамъ, яко сниде сeй оправданъ въ домъ свой, паче оного. Яко всякъ возносяися смирится. смиряяи же себе, вознесeтся.

Зач., 90.* Приношаху же къ нему и младeнца, да ихъ коснется. видѣвше же ученицы запрѣтиша имъ. ісусъ же призвавъ ихъ, глагола. оставите дѣтeй приходити ко мнѣ, и не браните имъ. таковыхъ бо есть царствіе божіе. Аминь бо глаголю вамъ. иже аще не пріиметъ царствія божія яко отроча, не имать внити въ не.

Зач., 91.* И вопроси его нѣкіи князь, глаголя. учителю благіи, что сотворивъ животъ вѣчныи наслѣдствую; Речe же ему ісусъ. что мя глаголеши блага; никтоже благъ, токмо единъ богъ. заповѣди вѣси; не прелюбы твори. не убій. не укради. не лжесвѣдѣтельствуй. чти отца твоего и матере твою. онъ же рече, вся сія сохранихъ отъ юности моея. Слышавъ же сія ісусъ, рече ему. еще единого не докончалъ еси. вся елика имаши продаждь, и раздай нищимъ, и имѣти имаши сокровище на небеси. и гряди въ слѣдъ мене. онъ же слышавъ се, прискорбенъ бысть, бѣ бо богатъ зѣло. видѣвъ же его ісусъ прискорбна бывша, рече. како не удобь имущеи богатство, въ царствіе божіе внидутъ. Удобѣе бо есть велбуду сквозѣ иглинѣ уши проити, нeже богату въ царствіе божіе внити. Рѣша же слышавшеи, то кто можетъ спасeнъ быти; онъ же рече. невозможная отъ человѣкъ, возможна суть отъ бога. Речe же пeтръ. се мы оставихомъ вся, и по тебѣ идохомъ. онъ же рече имъ. аминь глаголю вамъ, яко никтоже есть иже оставитъ домъ, или родителя, или братію, или сестры, или жену, или чада, царствія ради божія, иже не пріиметъ множицею во время се, и въ вѣкъ грядущіи животъ вѣчныи.

Зач., 92.* Поeмъ же оба надесяте, рече къ нимъ. се восходимъ во іерусалимъ, и скончаются вся писанная пророкы о сынѣ человечестѣ. предадятъ бо его языкомъ, и поругаются ему, и укорятъ его, и оплюютъ его, и бивше убіютъ его, и въ трeтіи день воскреснетъ. И тіи ничесоже отъ сихъ разумѣша. и бѣ глаголъ сeй сокровeнъ отъ нихъ, и не разумѣваху глаголемыхъ.

Зач., 93.* Бысть же егда приближишася во іерихонъ, слѣпeцъ нѣкіи сѣдяше при пути, прося. слышавъ же народъ мимо ходящъ, вопрашаше что убо есть се. Повѣдаша же ему, яко ісусъ назарянинъ мимо ходитъ. И возопи глаголя. ісусе сыне давыдовъ помилуй мя. И предидущеи прещаху ему, да умолчитъ. онъ же паче множае вопіяше, сыне давыдовъ, помилуй мя. Ставъ же ісусъ, повелѣ привести его къ себѣ. Приближшужеся ему къ нему. вопроси его глаголя. что хощеши да ти сотворю; онъ же рече. господи, да прозрю. ісусъ же рече ему, прозри, вѣра твоя спасе тя. и абіе прозрѣ. и въ слѣдъ его идяше, славля бога. И вси людіе видѣвше, воздаша хвалу богови.

Глава, 19.

Зач., 94. И вшeдъ прохождаше во іерихонъ. и се мужъ, нарицае мыи закхeй, и сeй бѣ старѣи мытарeмъ, и той бѣ богатъ, и искаше видѣти ісуса, кто есть, и не можаше отъ народа, яко возрастомъ малъ бѣ. И преди тeкъ, возлѣзе на ягодичину, да видитъ его, яко тудѣ хотяше минути. и яко пріиде на мѣсто, возрѣвъ ісусъ, видѣ его, и рече къ нему, закхeе, потщався слѣзи. днeсь бо въ дому твоeмъ подобаетъ ми быти. И потщався слѣзе, и пріятъ его радуяся. И видѣвше вси, роптаху глаголюще, яко къ грѣшному мужу вниде витати. Ставъ же закхeй рече ко господу. се полъ имѣнія моего господи дамъ нищимъ. и аще кого чимъ обидѣхъ, возвращу четверицею. Речe же къ нему ісусъ. яко днeсь спасeніе дому сему бысть, зане и сeй сынъ авраамль есть. пріиде бо сынъ человечь взыскати и спасти погибшаго. Слышащимъ же имъ сія, приложи притчу, зане близъ ему быти іерусалима, и мняху яко абіе царство божіе хощетъ явитися, и рече убо.

Зач., 95.* Человѣкъ нѣкіи добра рода, иде на страну далeче, пріяти себѣ царство, и возвратитися. Призвавъ же дeсять рабъ своихъ, дастъ имъ дeсять мнасъ, и рече къ нимъ. куплю дѣйте дондеже пріиду. И гражане его ненавидяху его, и послаша молитву въ слѣдъ его глаголюще, не хощемъ сему да царствуетъ надъ нами. И бысть егда возвратися пріимъ царство, рече пригласити рабы тіи, имъ же дастъ сребро, да увѣсть какову куплю суть сотворили. Пріиде же пeрвыи глаголя. господи, мнасъ твоя придѣла дeсять мнасъ. И рече ему. благіи рабе, и добрыи. яко о малѣ вѣренъ бысть, буди область имѣя надъ десятію градовъ. И пріиде вторыи глаголя. господи, мнасъ твоя сотвори пять мнасъ. Речe же и тому, и ты буди надъ пятію градовъ. И другіи пріиде глаголя. господи, се мнасъ твоя, ю же имѣхъ положeну во убрусѣ, бояхъбося тебе, яко человѣкъ яръ еси. взeмлеши его же не положи, и жнeши его же не сѣявъ. Глагола же ему, отъ устъ твоихъ сужду ти лукавыи рабе. вѣдяше яко азъ человѣкъ яръ есмь, взeмлю его же не положивъ, и жну его же не сѣявъ. и почто не вдастъ моего сребра купцeмъ. и азъ пришeдъ съ лихвою истязалъ быхъ е. и предстоящимъ рече. возмѣте отъ него мнасъ, и дадите имущему дeсять мнасъ. и рѣша ему. господи, имать дeсять мнасъ. глаголю бо вамъ, яко всякому имущему дастся, а отъ неимущаго, и еже имать отимется отъ него. обаче врагы моя оны, не хотѣвшая мнѣ да царь быхъ былъ надъ ними, приведѣте сѣмо, и иссѣцѣте предо мною. И сія рeкъ, идяше преди восходя во іерусалимъ.

Зач., 96.* И бысть яко приближися въ виѳсфагію и виѳанію, къ горѣ нарицаемѣй елеонъ, посла два ученикъ своихъ глаголя, идѣте въ прямную вeсь, въ нюже входяща обрящета жрѣбя привязано, на нeже никтоже николиже отъ человѣкъ всѣде. отрѣшша е приведѣта. и аще кто вы вопрашаетъ, почто отрѣшаета, сице рцѣта ему, яко господь его трeбуетъ. шeдша же посланная, обрѣтоста яко же рече има. отрѣшающема же има жрѣбя, рекоша господіе его къ нима. что отрѣшаета жрѣбя; она же рекоста, яко господь его трeбуетъ. и приведоста е ко ісусови. И возвeргше ризы своя на жрѣбя, всадиша ісуса. идущу же ему, постилаху ризы своя по пути.

Зач., 97.* Приближающужеся ему уже абіе къ нисхожe нію горѣ елеоньстѣй, начаша все множество ученикъ, радующеся хвалити бога гласомъ вeліемъ, о всѣхъ силахъ яже видѣша, глаголюще. благословeнъ грядыи царь во имя господне. миръ на небеси, и слава въ вышнихъ. И нѣціи фарисeе отъ народа рѣша къ нему. учителю, запрѣти ученикомъ своимъ. и отвѣщавъ, рече имъ. глаголю вамъ, яко аще сіи умолчатъ, каменіе возопіeтъ. И яко приближися, видѣвъ градъ, плакася о нeмъ глаголя. яко аще бы разумѣлъ и ты въ день сeй твой, еже къ смирeнію твоему. нынѣ же скрыся отъ очію твоeю. яко пріидутъ дніе на тя, и обложатъ врази твой острогъ о тебѣ, и обыдутъ тя, и объ имутъ тя всюду, и разбіютъ тя, и чада твоя въ тебѣ. и не оставятъ камень на камени въ тебѣ, понeже не разумѣ врeмене посѣщeнія твоего.

Зач., 98.* И вшeдъ въ церковь, начатъ изгонити про дающая въ нeй, и купующая, глаголя имъ. писано есть. домъ мой домъ молитвы есть. вы же сотвористе его пещeру разбойникомъ. и бѣ уча по вся дни въ церкови. Архіерeе же и книжницы искаху его погубити, и старѣйшины людемъ. и не обрѣтаху что сотворятъ ему. людіе бо вси держахуся его послушающе его.

Глава, 20.

Зач., 99. И бысть во единъ отъ дніи онѣхъ учащу ему люди въ церкови, и благовѣствующу. Пріидоша священницы и книжницы со старцы, и рѣша къ нему глаголюще. рцы намъ коею областію сія твориши; или кто есть давыи тебѣ власть сію; отвѣщавъ же рече къ нимъ. вопрошу вы и азъ единого словесе, и рцѣте ми. крещeніе іoанново, съ небесе ли бѣ, или отъ человѣкъ; они же помышляху къ себѣ глаголюще. яко аще речeмъ съ небесе. речeтъ, почто убо не вѣровасте ему; аще ли же речeмъ отъ человѣкъ, вси людіе каменіемъ побіютъ ны. Извѣстно бо есть о іoаннѣ, яко пророкъ бѣ. И отвѣщаша, не вѣмы откуду. Ісусъ же рече имъ. ни азъ глаголю вамъ, коею областію сія творю.

Зач., 100.* Начатъ же къ людемъ глаголати притчу сію. человѣкъ нѣкіи насади виноградъ, и вдастъ его дѣлателемъ, и отиде на лѣта многа. И во время посла къ дѣлателемъ, рабъ, да отъ плода винограда дадятъ ему. дѣлателе же бивше его, послаша тощь. и приложи послати другіи рабъ. они же и того бивше, и досаждьше ему, послаша тощь. И приложи послати трeтіи. они же и того уязвльше, изгнаша. Речe же господинъ винограда. что сотворю; послю сына моего возлюбленнаго, еда како сего видѣвше, усрамляются. Видѣвше же его дѣлателе, мышляху къ себѣ глаголюще, сeй есть наслѣдникъ, пріидѣте убіeмъ его, да наше будетъ достояніе. И извeдше его вонъ изъ винограда, убиша. что убо сотворитъ имъ господинъ винограда; пріидетъ и погубитъ дѣлателя сія, и вдастъ виноградъ инѣмъ. Слышавше же, рекоша, да не будетъ. онъ же возрѣвъ на нихъ, рече. что убо писаное се; Камень, его же небрегоша зиждущеи, сeй бысть въ главу юглу. Всякъ падыи на камени томъ, сокрушится. а на нeмъ же падeтъ, сотрыетъ его.

Зач., 101.* И взыскаша архіерeе и книжницы возложити нань руцѣ въ той часъ, и убояшася народа. разумѣша бо, яко къ нимъ притчу сію рече. И соблюдше, послаша лаятеля, творяще себе праведники быти, да имутъ его въ словеси, во еже предати его начальству и области игeмонови. И вопросиша его глаголюще. учителю. вѣмы яко право глаголеши и учиши, и не на лица зриши, но воистину пути божію учиши. достоитъ ли намъ кесарeви дань даяти, или ни; Разумѣвъ же ихъ лукавство, рече къ нимъ. что мя искушаете; покажите ми цату. чіи имать образъ и надписаніе; отвѣщавше же рекоша, кесарeвъ. онъ же рече имъ. воздадите убо, яже кесарeва, кесарeви. и яже божія, богови. И немогоша зазрѣти глагола его предъ людми. и дивившеся о отвѣтѣ его, умолчаша.

Зач., 102.* Приступиша же нѣцыи отъ саддукей, глаголющеи воскресeнію не быти. вопрашаху его глаголюще. учителю, моисeй написа намъ. аще кому братъ умретъ, имы жену. и той бесчаденъ умретъ, да братъ его, пойметъ жену, и воставитъ сѣмя брату своему. Сeдмь убо братія бѣ, и пeрвыи поятъ жену, умре бесчаденъ. и поятъ вторыи жену, и той умре бесчаденъ. и трeтіи поятъ ю. такожде же и вси сeдмь. И не оставиша чадъ, и умроша. послѣжде же всѣхъ, умре и жена. въ воскрешeніе убо, котораго ихъ будетъ жена; сeдмь бо имѣша ю жену. И отвѣщавъ рече имъ ісусъ. сынове вѣка сего, жeнятся и посягаютъ. а сподобльшеися вѣкъ онъ улучити, и воскресeніе еже отъ мертвыхъ, ни жeнятся ни посягаютъ, ни умрети бо ктому могутъ. равни бо суть ангеломъ, и сынове суть божіи, воскресeнія сынове суще. а яко же востаютъ мертвіи, и моисeй сказа при купинѣ, яко же глаголетъ господа бога авраамля, и бога ісаакова, и бога іаковля. богъ же нѣсть мертвыхъ, но живыхъ. вси бо тому живи суть. отвѣщавше же нѣцыи отъ книжникъ, рекоша. учителю, добрѣ рече. Ктому же не смѣяху его вопросити ничесоже. Речe же къ нимъ. како глаголютъ христа сына давыдова быти; самъ бо давидъ глаголетъ въ книзѣ псалом стѣй. рече господь господви моему, сѣди одесную мене, дондеже положу врагы твоя подножіе ногама твоима; давидъ убо господа его нарицаетъ, и како сынъ ему есть;

Зач., 103.* Слышащимъ же всѣмъ людемъ, рече ученикомъ своимъ. внемлѣте себѣ отъ книжникъ, хотящихъ ходити въ одeждахъ, и любящихъ цѣлованія на торжищихъ, и предсѣданія на сонмищихъ, и прeжде званія на вeчеряхъ. Иже снѣдаютъ домы вдовицъ, и виною далeче молятся. сіи пріимутъ лишше осуждeніе.

Глава, 21.

Возрѣвъ же видѣ вмѣтающая, въ храмъ набдящіи имѣнія, дары своя богатыя. Видѣвъ же и нѣкую вдовицу убогу вмѣтающу ту двѣ лѣптѣ. и рече, воистину глаголю вамъ, яко вдовица сія убогая множае всѣхъ ввeрже. вси бо сіи отъ избытка своего ввергоша въ дары богови. сія же отъ лишeнія своего, все житіе еже имѣ ввeрже.

Зач., 104.* И нѣкоимъ глаголющемъ о церкови, яко каменіемъ добрымъ и сосуды украшeна, рече. сія яже видите, пріидутъ дніе, въ ня же не останетъ камень на камени, иже не разорится. Вопросиша же его глаголюще. учителю, когоспода убо сія будутъ, и что есть знаменіе егда хотятъ сія быти;

Зач., 105.* Онъ же рече, блюдѣте, да не прельщeни будете. мнози бо пріидутъ во имя мое глаголюще, яко азъ есмь. и врeмя приближися. не изыдѣте убо въ слѣдъ ихъ. Егда же услышите брани и нестроeнія, не убойтеся. подобаетъ бо симъ быти прeжде, но не у абіе кончина. Тогда глаголаше имъ. востанетъ бо языкъ на языкъ, и царство на царство. труси же велици по мѣста, и глади и пагубы будутъ, страхованія же и знаменія вeлія съ небесе будутъ.

Зач., 106.* Прeжде же сихъ всѣхъ, возложатъ на вы рукы своя, и ижденутъ, предающе на сонмища и темница, ведоми къ царeмъ, и владыкамъ, имени моего ради. Прилучитжеся вамъ во свѣдѣтельство. Положите убо на сердцѣхъ вашихъ, не прeже поучатися отвѣщавати. азъ бо вамъ дамъ уста и премудрость, ей же не возмогутъ противитися, или отвѣщати вси противляющеися вамъ. Прeдани же будете и родители и братіею и родомъ и другы, и умертвятъ отъ васъ. и будете ненавидими отъ всѣхъ имени моего ради. и власъ главы вашея не погиб нетъ. въ терпѣніи вашемъ, стяжите душа ваша. Егда же узрите обстоимъ іерусалимъ вои, тогда разумѣете, яко приближися запустѣніе ему. Тогда сущіи во іудeи, да бѣгаютъ въ горы. и иже посредѣ его, да исходятъ. и иже въ странахъ, да не входятъ вонь, яко дніе отмщeнію сіи суть, яко исполнитися всему писаному. Горе же имущимъ во утробѣ, и доящимъ въ тыи дни. Будетъ бо бѣда вeлія на земли, и гнѣвъ на людехъ сихъ. и падутъ въ остріи меча, и плѣнeни будутъ во вся языкы, и іерусалимъ будетъ попираемъ языкы. дондеже скончаются времена языкъ. И будутъ знаменія въ солнци и лунѣ и звѣздахъ, и на земли туга языкомъ, отъ нечаянія шума морскаго и возмущeнія, издыхающемъ человѣкомъ отъ страха и чаянія грядущихъ на вселeнную. силы бо небесныя подвигнутся. И тогда узрятъ сына человеческа грядуща на облацѣхъ, съ силою и славою многою.

Зач., 107.* Начинающимъ же симъ бывати, восклонитеся и воздвигнѣте главы ваша, зане приближается избав лeніе ваше. И рече притчу имъ. видите смоковницу, и вся дрeва, егда прошибаются, уже видяще сами вѣсте, яко близъ жатва есть. тако и вы, егда узрите сія бывающа, вѣдите яко близъ есть царствіе божіе. аминь глаголю вамъ, яко не имать преити родъ сeй, дондеже вся сія будутъ. Небо и земля мимо идетъ. а словеса моя не имутъ преити. Внемлѣте же себѣ, да некогоспода отягчаютъ сердца ваша обьядeніемъ и піянствомъ, и печальми житeйскыми, и найдетъ на вы внезапу день той. яко сѣть бо пріидетъ на вся живущая на лици всея земля. Бдите убо на всяко врeмя молящеся, да сподобитеся убѣжати всѣхъ сихъ хотящихъ быти, и стати предъ сыномъ человеческымъ.

Зач., 108.* Бѣ же во дне въ церкови уча, нощію же исходя водворяшеся въ горѣ нарицаемѣй елеонъ. И вси людіе изъ утра прихождаху къ нему въ церковь, послушати его.

Глава, 22.

Приближашежеся праздникъ опрѣснокъ, глаголемыи пасха. И искаху архіерeе и книжницы, како быша убили его, бояхубося людіи. Вниде же сатана во іуду, нарицаемаго искаріотъ, сущу отъ числа обоюнадесяте. И шeдъ глагола архіерeoмъ и воеводамъ како его предастъ имъ. и возрадовашася, и совѣщаша ему срeбреникы дати, и исповѣда. и искаше подобна врeмени, да предастъ его имъ безъ народа. Пріиде же день опрѣснокъ, вонь же подобно бѣ врeмя жрѣти пасху. и посла петра и іoанна, рeкъ. шeдше уготовайте намъ пасху, да ямы. она же рекоста ему. гдѣ хощеши уготоваемъ; онъ же рече имъ. се восходящема вама во градъ, срящетъ вы человѣкъ въ скудeльницѣ воду нося, по нeмъ идѣта въ домъ вонь же входитъ. и рцѣта дому владыцѣ. глаголетъ тебѣ учитель, гдѣ есть обитель, идѣже пасху со ученикы моими снѣмъ; и той вама покажетъ горницу вeлію постлану, ту уготовайта. шeдша же обрѣтоста яко же рече има, и уготоваста пасху. И егда бысть часъ, возлеже, и оба надесяте апостола съ нимъ. и рече къ нимъ, желаніемъ вожделѣхъ сію пасху ясти съ вами, прeжде даже не пріиму мукъ. Глаголю бо вамъ, яко отсeлѣ не имамъ ясти отъ него, дондеже скончаются въ царствіи божіи. И пріимъ чашу, хвалу воздавъ рече. пріимѣте се и раздѣлите себѣ. глаголю бо вамъ, яко не имамъ пити отъ плода лознаго, дондеже царствіе божіе пріидетъ. И пріимъ хлѣбъ, хвалу воздавъ преломи, и дастъ имъ, глаголя. се есть тѣло мое, еже за вы даeмо, се творите въ мое воспоминаніе. Такожде же и чашу по вeчери глаголя. сія чаша новыи завѣтъ моeю кровію, яже за вы проливается. обаче се рука предающаго мя, со мною есть на трапeзѣ. И сынъ убо человеческіи идетъ по речeнному. обаче горе человѣку тому, имъ же предастся. И тіи начаша искати въ себѣ, которыи убо отъ нихъ хотяи се сотворити. Бысть же и пря въ нихъ, кіи мнится ихъ быти боліи. онъ же рече имъ. царіе языкъ, господствуютъ имъ, и обладающеи ими, благодателе нарицаются. вы же не тако. но боліи васъ, да будетъ яко мніи. и старѣи яко служаи. кто бо боліи, возлежаи ли, или служаи. не возлежаи ли; азъ же посредѣ васъ есмь, яко служаи. вы же есте пребывше со мною въ напастехъ моихъ. и азъ завѣщаваю вамъ, яко же завѣща мнѣ отецъ мой царство, да ясте и піeте на трапeзѣ моeй въ царствіи моeмъ, и сядете на престолѣхъ, судяще обѣма надесяте колѣнома ізраилевома. Речe же господь, симоне симоне, се сатана проситъ васъ, да бы сѣялъ яко пшеницу. азъ же молихся о тебѣ, да не оскудѣетъ вѣра твоя. и ты нѣкогоспода обращся, утверди братію твою. онъ же рече ему. господи, съ тобою готовъ есмь и въ темницу и въ смерть ити. онъ же рече. глаголю ти пeтре, не возгласитъ пѣтелъ днeсь, дондеже три краты отвeржешися мене не вѣдѣти. И рече имъ, егда послахъ вы безъ влагалища, и безъ мѣха, и безъ сапогъ. еда что лишeни бысте; они же рѣша, ничесоже. речe же имъ, но нынѣ иже имать влагалище, да возметъ, такожде же и мѣхъ. а иже не имать, да продастъ ризу свою, и ку питъ ножъ. глаголю бо вамъ, яко еще писаное се подобаетъ да скончается о мнѣ, еже и съ беззаконными вмѣнися. ибо еже о мнѣ кончину имать. они же рѣша. господи, се ножа здѣ два. онъ же рече имъ, доволно есть.

Зач., 109.* И изшeдъ иде по обычаю въ гору елеонскую, по нeмъ же идоша ученицы его. Бывъ же на мѣстѣ, рече имъ. молитеся, да не внидете въ напасть. И самъ отступи отъ нихъ яко вeрженіемъ камени. и поклонь колѣнѣ, моляшеся глаголя. отче аще волиши, мимо нести чашу сію отъ мене. обаче не моя воля, но твоя да будетъ. Явижеся ему ангелъ, съ небесе, укрѣпляя его. и бывъ въ подвизѣ, прилѣжнѣе моляшеся. бысть же потъ его яко капля крове каплющи на землю. и воставъ отъ молитвы, и пришeдъ ко ученикомъ, обрѣте ихъ спяща отъ печали, и рече имъ, что спите; воставше молитеся, да не внидете въ напасть. Ещe же ему глаголющу, се народъ, и нарицаемыи іуда, единъ отъ обоюнадесяте, идяше предъ ними, и приступи ко ісусови цѣловати его. се бо бѣ знаменіе далъ имъ. его же аще лобжу той есть. Ісусъ же рече ему. іудо, лобзаніемъ ли сына человеческаго предаeши; видѣвше же иже бѣху о нeмъ бываемое рѣша ему. господи, аще уда римъ ножeмъ; и удари единъ нѣкіи отъ нихъ архіерeoва раба, и урѣза ему ухо десное. отвѣщавъ же ісусъ, рече, оставите до сего. и коснувъ въ ухо его, исцѣли его. Речe же ісусъ ко пришeдшимъ нань архіерeoмъ, и воеводамъ церковнымъ, и старцемъ. яко на разбойника ли изыдосте съ оружіемъ и дрекольми яти мя; по вся дни сущу ми съ вами въ церкови, не простросте рукъ на мя. но се есть ваша година и область тeмная. Емше же его ведоша, и введоша его во дворъ архіерeoвъ. Пeтръ же въ слѣдъ идяше издалeче. Возгнѣщшемъ же огнь посредѣ двора, и вкупѣ сѣдящимъ имъ, сѣдяше пeтръ посредѣ ихъ. Узрѣвши же его рабыни нѣкая сѣдящь при свѣтѣ, и возрѣвши нань рече. и сeй съ нимъ бѣ. онъ же отвeржеся его, глаголя. жeно, не знаю его. И по малѣ другіи видѣвъ его, рече. и ты отъ нихъ еси. пeтръ же рече, человече нѣсмь. И мимо шeдшу яко часу единому, инъ нѣкіи крѣпляшеся глаголя. воистину и сeй съ нимъ бѣ, ибо галилeянинъ есть. Речe же пeтръ, человече, не вѣмъ еже глаголеши. И абіе еще глаголющу ему, возгласи пѣтелъ. И обращься господь возрѣ на петра. и помяну пeтръ слово господне, яко же рече ему, яко прeжде даже пѣтелъ не возгласитъ, отвeржешися мене три краты. и изшeдъ вонъ, плакася горко. И мужіе держащеи ісуса, ругахуся ему біюще. и закрывше его, біяху его по лицу, и вопрашаху его глаголюще. прорци, кто есть ударeи тя; и ина многа хуляще глаголаху нань. И яко бысть день, собрашася старцы людстіи, и архіерeе и книжницы, и ведоша его на сонмъ свой глаголюще, аще ты еси христосъ; рци намъ. Речe же имъ. аще вамъ реку, не имете вѣры. аще же и вопрошу вы, не отвѣщаете ми, ни отпустите. отсeлѣ, будетъ сынъ человеческыи сѣдяи одесную силы божія. Рѣша же вси, ты ли убо еси сынъ божіи; онъ же къ нимъ рече, вы глаголете, яко азъ есмь. они же рѣша, что еще трeбуемъ свѣдѣтельства; сами бо слышахомъ отъ устъ его.

Глава, 23.

И воставше все множество ихъ.

Зач., 110.* Ведоша его къ пилату. Начаша же нань вадити глаголюще. сего обрѣтохомъ развращающа языкъ нашъ, и возбраняюща кесарeви дань даяти, глаголюща себе христа царя быти. Пилатъ же вопроси его глаголя. Ты ли еси царь іудeoмъ; онъ же отвѣщавъ рече ему, ты глаголеши. Пилатъ же рече ко архіерeoмъ и народу. ни коея же обрѣтаю вины въ человецѣ сeмъ. oни же крѣпляхуся глаголюще, яко развращаетъ люди, уча по всeй іудeи. начeнъ отъ галилeя, до здѣ. Пилатъ же слышавъ галилeю, вопроси, аще человѣкъ галилeянинъ есть. разумѣвъ яко отъ области иродовы есть, посла его ко ироду, сущу и тому во іерусалимѣ въ тыи дни. Иродъ же видѣвъ ісуса, радъ бысть зѣло. бѣ бо желая отъ многа врeмене видѣти его, зане слышаше многа о нeмъ, и надѣяшеся знаменіе нѣкое видѣти отъ него бываемо. вопрашаше же его словесы многы, онъ же ничесоже отвѣщаваше ему. Стояху же архіерeе и книжницы прилѣжно вадяще нань. Укоривъ же его иродъ съ вои своими, и поругався, оболкъ его въ ризу свѣтлу, возврати его къ пилату. Быста же си друга иродъ же и пилатъ въ той день съ собою, прeжде бо бѣста вражду имуща между собою. Пилатъ же созва архіерeя и князя и люди, рече къ нимъ. приведосте ми человѣка сего, яко развращающа люди. и се азъ предъ вами истязавъ, ни единоя обрѣтаю въ человецѣ сeмъ вины, яже нань вадите. но ни иродъ. послахъ бо его къ нему, и се ничтоже смерти достойно сотворeно есть о нeмъ. Показавъ убо его отпущу. Нужду же имяше на вся праздникы отпущати имъ единого. Возопиша же вси народи, глаголюще. возми сего, отпусти же намъ варавву. иже бѣ за нѣкую крамолу бывшую во градѣ и убій ство, ввeрженъ въ темницу. Паки же пилатъ возгласи, хотя отпустити ісуса. они же возглашаху глаголюще, распни распни его. онъ же третицею рече къ нимъ, что бо зло сотвори сeй; ничесоже достойна смерти обрѣтохъ о нeмъ. показавъ убо его отпущу. они же прилежаху гласы великими, просяще его на распятіе. и устояху гласи ихъ, и архіерeйстіи. Пилатъ же посуди быти прошeнію ихъ. отпусти же иже за крамолу и убійство всаждeнаго въ темницу, его же прошаху, ісуса же предавъ воли ихъ. и яко поведоша его, емше симона нѣкоего киринeя грядуща съ села, возложиша нань крестъ носити по ісусѣ. Идяше же въ слѣдъ его народъ многъ людіи, и жены, яже и плакахуся и рыдаху его. обращьжеся къ нимъ ісусъ, рече. дщeря іерусалимскы, не плачите о мнѣ, обаче себе плачите, и чадъ вашихъ. яко се дніе грядутъ, въ ня же рекутъ. блажeны неплоды, и утробы яже не родиша, и сосци, иже не доиша. тогда начнутъ глаголати горамъ, падѣте на ны. и холмомъ, покрыйте ны. зане аще въ суровѣ дрeвѣ сія творятъ, въ сусѣ что будетъ;

Зач., 111.* Ведяху же и ина два злодѣя съ нимъ убити. и егда пріидоша на мѣсто, нарицаемое лобное, ту распяша его, и злодѣя. ового убо одесную, а другаго ошую. Ісусъ же глаголаше, отче отпусти имъ, не вѣдятъ бо что творятъ. Раздѣляющеи же ризы его, метаху жрeбія. и стояху людіе зряще. Ругахужеся и князи съ ними глаголюще, иныя спасе, да спасeтъ и себе. аще той есть христосъ божіи избранныи. Ругахужеся ему и воини при ступающе, и оцeтъ придѣюще ему, и глаголаху. аще ты еси царь іудeйскъ, спасися самъ. Бѣ же и написаніе написано надъ нимъ, писмены еллинскыми, и римскыми, и еврeй скыми. сeй есть царь іудeйскъ. Единъ же отъ обѣшeною злодѣю хуляше его, глаголя. аще ты еси христосъ, спаси себе и наю. отвѣщавъ же другіи, прѣщаше ему, глаголя. ни ли ты боишися бога, яко въ томъ же осуждeнъ еси; и мы убо въ правду. достойная бо по дѣломъ наю воспріeмлевѣ, сeй же ни единого зла сотвори. и глаголаше ісусови. помяни мя господи, егда пріидеши во царствіи си. И рече ему ісусъ. аминь глаголю тебѣ, днeсь со мною будеши въ раи. Бѣ же часъ яко шестыи, и тма бысть по всeй земли, до часа девятаго. и помeрче солнце, и завѣса церковная раздрася посредѣ. И возглашь гласомъ вeліемъ ісусъ, рече. отче, въ руцѣ твои предаю духъ мой. и сія рeкъ, издше. Видѣвъ же сотникъ бывшее, прослави бога глаголя. воистину человѣкъ сeй праведенъ бѣ. И вси пришeдшеи народи на позоръ сeй, видяще бывающая, біюще пeрси своя, возвращахуся. Стояху же вси знаеміи его издалeче, и жены спослѣдствовавшая ему отъ галилeя, зряще сихъ. И се мужъ, именемъ іосифъ, совѣтникъ сыи, мужъ благъ и праведенъ, сeй не бѣ присталъ совѣту и дѣлу ихъ, отъ аримаѳeя града іудeйска, иже чаяше и той царствія божія. сeй приступль къ пилату проси тѣло ісусово. и снeмъ е обвитъ плащаницею, и положи е во гробѣ изсѣченѣ, въ нeмъ же не бѣ никтоже никогосподаже положeнъ. И день бѣ пятокъ, и субота свиташе. въ слѣдъ же шeдшая жены, яже бѣху пришли съ нимъ отъ галилeя, видѣша гробъ, и яко положeно бысть тѣло его. Возвращьшежеся уготоваша ароматы и миро, и въ суботу убо умолчаша по заповѣди.

Глава, 24.

Зач., 112. Во едину же отъ суботъ, зѣло рано, пріидоша на гробъ. носяще яже уготоваша ароматы. И другыя съ ними. обрѣтоша же камень отвалeнъ отъ гроба. и вшeдше не обрѣтоша тѣлесе господа ісуса. И бысть недомысля щимся имъ о сeмъ. И се мужа два стаста въ нихъ, въ ризахъ блищащихся. Пристрашнамъ же бывшамъ имъ, и поклоншимъ лица на землю. рекоста къ нимъ. Что ищете живаго съ мертвыми; нѣсть здѣ, но воста. помянѣте яко же глагола вамъ еще сыи въ галилeи, глаголя. яко подобаетъ сыну человеческому прeдану быти въ руцѣ человѣкъ грѣшникъ, и пропяту быти, и трeтіи день воскреснути. и помянуша глаголы его. И возвращшеся отъ гроба, возвѣ стиша вся сія единому надесяте, и всѣмъ прочимъ. Бѣше же магосподалыни марія, и іoанна, и марія іаковля, и прочая съ ними, яже глаголаху ко апостоломъ сія. и явишася предъ ними яко лжа глаголи ихъ, и не вѣроваху имъ.

Зач., 113.* Пeтръ же воставъ тече ко гробу. и приникъ, видѣ ризы едины лежаща. отиде въ себѣ дивяся бывшему. И се два отъ нихъ бѣста идуща въ той же день, въ вeсь, отстоящу стадіи шестьдесятъ отъ іерусалима, ей же имя еммаусъ. и та бесѣдоваста къ себѣ о всѣхъ сихъ приключшихся. и бысть бесѣдующема има и совопро щающимася. И самъ ісусъ приближися идяше съ нима, очи же ею держастася да его не познаета. речe же къ нима. что суть словеса сія, о нихъ же стязаетася къ себѣ идуща, и еста дряхла; отвѣщавъ же единъ, ему же имя клеопа, рече къ нему. ты ли единъ пришeлецъ еси во іерусалимъ, и не увѣдѣ бывшихъ въ нeмъ во дни сія; и рече има. кыихъ; она же рѣста ему, яже о ісусѣ назарянинѣ, иже бысть мужъ пророкъ, силенъ дѣломъ и словомъ, прeдъ богомъ, и всѣми людми. Како предаша его архіерeе и князи наши на осуждeніе смeрти, и распяша его. мы же надѣяхомся, яко сeй есть хотя избавити ізраиля. Но и надъ всѣми сими, трeтіи се день имать днeсь, отнeли же сія быша. Но и жены нѣкыя отъ насъ ужасиша ны, бывшая рано у гроба, и не обрѣтше тѣлесе его, пріидоша глаголюще. и явлeніе ангелъ видѣвша, иже глаголютъ его жива. и идоша нѣціи отъ насъ ко гробу, и обрѣтоша тако, яко же и жены рѣша, самого же не видѣша. и той рече къ нимъ. о несмысленая, и косная сердцемъ, еже вѣровати о всѣхъ, яже глаголаша пророцы. не сія ли подобаше пострадати христу, и внити въ славу свою; и начeнъ отъ моисeя, и отъ всѣхъ пророкъ, сказаяше има, отъ всѣхъ писаніи яже о нeмъ. и приближишася въ вeсь, въ нюже идяста. и той творяшеся далечайше ити. и нужаста его глаголюще. облязи съ нама. яко къ вeчеру есть, и преклонился есть день. и вниде съ нима облежти. и бысть яко возлеже съ нима. пріимъ хлѣбъ, благослови, и преломивъ даяше има. онѣма же отверзостася очи, и познаста его. и той невидимъ бысть има. и рекоста къ себѣ, не сердце ли наю горя бѣ въ наю. егда глаголаше нама на пути, и яко сказоваше нама писанія; и воставша въ той часъ, возвратистася во іерусалимъ. и обрѣтоста съвокуплены единого надесяте, и иже бяху съ ними. глаголющихъ, яко воистину воста господь, и явися симону. и та повѣдаста яже быша на пути, и яко познася има въ преломлeніи хлѣба.

Зач., 114.* Сія же имъ глаголющемъ, самъ ісусъ ста посредѣ ихъ, и глагола имъ, миръ вамъ. убоявшежеся и пристрашни бывше, мняху духъ видяще. И рече имъ, что смущeни есте, и почто помышлeнія входятъ въ сердца ваша; Видите руцѣ мои и нозѣ мои, яко самъ азъ есмь. осяжите мя и видите, яко духъ плоти и кости не имать, яко же мене видите имуща. И се рeкъ, показа имъ руцѣ и нозѣ. ещe же не вѣрующемъ имъ, отъ радости и чюдящемся, рече имъ, имате ли что снѣдно здѣ; они же даша ему рыбы печeны часть, и отъ пчeлъ сотъ. и взeмъ предъ ними ястъ. Речe же имъ. си суть словеса, яже глаголахъ вамъ еще сыи съ вами. яко подобаетъ скон чатися всѣмъ написанымъ, въ законѣ моисeoвѣ, и пророцѣхъ, и псалмѣхъ о мнѣ. Тогда отвeрзе имъ умъ, разумѣти писанія, и рече имъ. яко тако писано есть, и тако подобаше пострадати христу, и воскреснути отъ мертвыхъ трeтіи день. и проповѣдатися во имя его покаянію, и отпущeнію грѣхомъ, во всѣхъ языцѣхъ, начeнше отъ іерусалима. вы же есте свѣдѣтеліе симъ. И се азъ послю обѣтованіе отца моего на вы. вы же сядѣте во градѣ іерусалимстѣ, дондеже облечeтеся силою свыше. Извeдъ же ихъ вонъ, до виѳанія. и воздвигъ руцѣ свои, благослови ихъ. и бысть егда благословяше ихъ, отступи отъ нихъ, и возношашеся на небо. и тіи поклонившася ему, и возвратишася во іерусалимъ съ радостію великою. и бѣху выну въ церкови, хваляще и благословяще бога. аминь.

Еже отъ луки святаго евангелиста,
имать въ себѣ, 24,
главы, а зачалъ
церковных,
114.