YouTube — Бесѣды на ​Евангельскія​ и ​Апостольскія​ чтенія 2021/2022

YouTube — Бесѣды на ​Евангельскія​ и ​Апостольскія​ чтенія 2020/2021

YouTube — Бесѣды на ​Евангельскія​ и ​Апостольскія​ чтенія 2019/2020

YouTube — Бесѣды на ​Евангельскія​ и ​Апостольскія​ чтенія 2018/2019

YouTube — Бесѣды на ​Евангельскія​ и ​Апостольскія​ чтенія 2017/2018

Флп.4:4-9

Зач., 247. Брaтіе, радуйтеся о Господѣ всегда, и паки реку радуйтеся. кротость ваша разумна да есть всѣмъ человѣкомъ. Господь близъ, ничтоже печeтеся, но во всeмъ молитвою и молeніемъ съ благодарeніемъ прошeнія ваша да сказуются къ Богу. и миръ Божіи превосходяи всякаго ума, да соблюдаетъ сердца ваша и разумѣнія ваша о Христѣ Ісусѣ. Прочее же братіе моя, елика суть истинна, елика чcтна, елика праведна, елика пречcта и елика прелюбeзна, елика доброхвальна, аще кая добродѣтель, и аще кая похвала, сія помышляйте, яже и научистеся, и пріясте, и слышасте, и видѣсте во мнѣ, сія творите, и Богъ мира да есть съ вами.

Ин.12:1-18

Зач., 41. Прeжде шестихъ дніи Пасхы, пріиде Ісусъ въ Виѳанію, идѣже бѣ Лазарь умeрыи, его же воскреси отъ мертвыхъ. Сотвориша же ему вeчерю ту. и Марѳа служаше. Лазарь же единъ бѣ отъ возлежащихъ съ нимъ. Марія же пріeмши литру мира, нарда пистикы, многоцѣнны, помаза нозѣ Ісусовѣ, и отре власы своими нозѣ его, храмина же исполнися отъ воня масти благовонныя. Глагола же единъ отъ ученикъ его, Іуда Симоновъ Искаріотскіи, иже хотяше его предати. чесо ради миро се не продано бысть на трихъ стѣхъ пѣнязь, и дано нищимъ; Се же рече, не яко о нищихъ печашеся, но яко тать бѣ. и ковчeжецъ имѣяше, и вмѣтаемая ношаше. Речe же Ісусъ, не дѣйте ея, да въ день погребeнія моего соблюдeтъ е. Нищая бо всегда имате съ собою, менe же не всегда имате. Разумѣ же народъ многъ отъ іудей яко ту есть. и пріидоша, не Ісуса ради токмо, но да и Лазаря видятъ, его же воскреси отъ мертвыхъ. Совѣщаша же архіерeе, да и Лазаря убіютъ, яко мнози его ради идяху отъ іудей, и вѣроваху во Ісуса. Во утрѣи же день, народъ многъ пришeдыи въ праздникъ, слышавше яко Ісусъ грядeтъ во Іерусалимъ, пріяша ваіе отъ ф›никъ, и изыдоша въ срѣтеніе ему, и зваху глаголюще. осанна, благословeнъ грядыи во имя Господне, Царь Ізраилевъ. обрѣтъ же Ісусъ осля, всѣде на не, яко же есть писано. не бойся дщи Сіоня, се царь твой грядeтъ, сѣдя на жрѣбяти осли. сихъ же не разумѣша ученицы его прeже, но егда прославися Ісусъ, тогда помянуша, яко сія бѣша о нeмъ писана, и сія сотвориша ему. Свѣдѣтельствоваше же народъ иже бѣ прeже съ нимъ егда Лазаря возгласи отъ гроба, и воскреси его отъ мертвыхъ. Сего ради и срѣте его народъ, яко слышаша его сіе сотворша знаменіе.

Во Святыи и Великіи Понедѣльникъ, вечеръ, на Прежесвященныя Литургіи — Мф.24:3-35

Зач., 98. Во время оно, сѣдящу Ісусу на горѣ Елеонстѣй, къ нему ученицы на единѣ глаголюще. Рци намъ, когда сія будутъ; и что есть знаменіе твоего пришeствія и кончина вѣку; и отвѣщавъ Ісусъ, рече имъ. Блюдѣте, да никтоже васъ прельститъ. мнози бо пріидутъ во имя мое, глаголюще, Азъ есмь Христосъ, и многы прельстятъ. Услышати же имате брани, и слышанія бранемъ. Зрите, не ужасайтеся. подобаетъ бо всѣмъ симъ быти, но не тогда есть кончина. Востанетъ бо языкъ на языкъ, и царство на царство. И будутъ глади и пагубы и труси по мѣста. Вся же сія начало болѣзнемъ. Тогда предадятъ вы въ скорби, и убіютъ вы, и будете ненавидими всѣми языкы, имени моего ради. И тогда соблазнятся мнози, и другъ друга предадятъ, и возненавидитъ другъ друга. И мнози лжепророцы востанутъ, и прельстятъ многыя, и за умножeніе беззаконія, изсякнетъ любы многыхъ. Претерпѣвыи же до конца, той спасeтся. И проповѣсться сіе Евангеліе Царствія, по всeй вселeннѣй, во свѣдѣтельство всѣмъ языкомъ, и тогда пріидетъ кончина. Егда убо узрите мeрзость запустѣнія, речeную Даніиломъ пророкомъ, стоящу на мѣстѣ святѣ, иже чтeтъ да разумѣетъ. Тогда сущіи во Іудeи, да бѣжатъ на горы. И иже на кровѣ, да не сходитъ взяти яже въ дому его. И иже на селѣ, да не возвратится вспять взяти ризъ своихъ. Горе же непразднымъ, и доящимъ въ тыи дни. Молитежеся, да не будетъ бѣжъство ваше зимѣ, ни въ суботу. Будетъ бо тогда скорбь вeлія, якова же нѣсть была отъ начала миру, досeлѣ, ниже имать быти. И аще не быша прекратилися дніе тіи, не бы убо спаслася всяка плоть. Избранныхъ же ради прекратятся дніе тіи. Тогда аще кто речeтъ вамъ, се здѣ Христосъ, или ондѣ, не имѣте вѣры. Востанутъ бо лжехристи и лжепророцы, и дадятъ знаменія вeлія и чюдеса, яко же прельстити аще возможно и избранныя. Се прeже рѣхъ вамъ. Аще убо рекутъ вамъ, се въ пустыни есть, не изыдѣте; се въ сокровищыхъ, не имѣте вѣры. Яко же бо молніи исходитъ отъ востокъ, и является до западъ, тако будетъ и пришeствіе Сына Человеческаго. Идѣже бо аще будетъ трупъ, тамо соберутся орли. Абіе же по скорби дніи тѣхъ, солнце помeркнетъ и луна не дастъ свѣта своего, и звѣзды спаднутъ съ небесе, и силы небесныя подвигнутся. И тогда явится знаменіе Сына Человеческаго на небеси. И тогда восплачются вся колѣна земная, и узрятъ Сына Человеческаго грядуща на облацѣхъ небесныхъ, съ силою и славою многою. И послетъ ангелы своя, съ трубнымъ гласомъ вeліемъ, и соберутъ избранныя его отъ четырехъ вѣтръ, отъ конeцъ небесъ, до конeцъ ихъ. Отъ смоковница же научитеся притчи, егда уже вѣія ея будутъ млада, и листвіе прозябнетъ, вѣдите яко близъ есть жатва. Тако и вы, егда видите сія вся, вѣдите яко близъ есть при двeрехъ. Аминь глаголю вамъ, не мимо идетъ родъ сeй, дондеже вся сія будутъ. Небо и земля мимо идетъ, словеса же моя не мимо идутъ.

Во Святыи и Великіи Вторникъ вечеръ, на Прежесвященныя Литургіи — Мф.24:36-26:2

Зач., 102. Рече Господь своимъ ученикомъ, о дни же томъ, и часѣ, никтоже вѣсть, ни ангели небесніи, токмо Отецъ мой единъ. Яко же бо бысть во дни Ноевы, тако будетъ и пришeствіе Сына Человеческаго. Яко же бо бѣху во дни прeже потопа, ядуще же и піюще. женящеся и посягающе, до него же дне вниде ное въ ковчeгъ, и не увѣдѣша, дондеже пріиде вода, и взятъ вся, тако будетъ и пришeствіе Сына Человеческаго. Тогда два будета на селѣ, единъ поeмлется, а другіи оставляется. двѣ мeлющи въ жeрновахъ, едина поeмлется, и едина оставляется. Бдите убо, яко не вѣсте въ кіи часъ Господь вашъ пріидетъ. Се же вѣдите, яко аще бы вѣдалъ дому владыка, въ кую стражду тать пріидетъ, бдѣлъ убо бы, и не бы далъ подкопати храма своего, сего ради и вы будѣте готови, яко вонь же часъ не мните, Сынъ Человеческіи пріидетъ. Кто убо есть вѣрныи рабъ и мудрыи, его же поставитъ господинъ его надъ домомъ своимъ, еже даяти имъ пищу во время ихъ; блажeнъ рабъ той, его же пришeдъ господинъ его, обрящетъ тако творяща. Аминь глаголю вамъ, яко надъ всѣмъ имѣніемъ своимъ поставитъ его. Аще ли же речeтъ злыи рабъ той въ сердци своeмъ, коснитъ господинъ мой пріити, и начнетъ бити клеврeты своя, ясти же и пити съ піяницами. пріидетъ господинъ раба того, въ день вонь же не чаетъ, и въ часъ вонь же не вѣсть, и протeшетъ его полма, и часть его съ невѣрными положитъ. ту будетъ плачь и скрeжетъ зубомъ. Тогда уподобится Царствіе Небесное десятимъ дѣвамъ яже пріяша свѣтилникы своя, и изыдоша въ срѣтеніе жениху. пять же бѣ отъ нихъ мудры, и пять юродивы. юродивыя же пріeмше свѣтилникы своя, не взяша съ собою елeя. мудрыя же пріяша елeй въ сосудѣхъ со свѣтилникы своими. коснящу же жениху, воздрѣмашася всѣ, и спаху. полунощи же вопль бысть. се женихъ грядeтъ, исходите въ срѣтеніе его. Тогда воставше всѣ дѣвы ты, и украсиша свѣтилникы своя. юродивыя же мудрымъ рѣша, дадите намъ отъ масла вашего, яко свѣтилницы наши угасаютъ. отвѣщаша же мудрыя глаголюще, еда како недостанетъ намъ и вамъ. идѣте же паче къ продающымъ, и купите себѣ. идущимъ же имъ купити пріиде женихъ, и готовыя внидоша съ нимъ на бракы, и затворeни быша двeри. Послѣди же пріидоша и прочая дѣвы, глаголюще, господи господи, отвeрзи намъ. онъ же отвѣ щавъ рече, аминь глаголю вамъ, не вѣмъ васъ. бдите убо, яко не вѣсте дне ни часа, вонь же Сынъ Человеческіи пріидетъ. Яко же бо человѣкъ нѣкіи отходя, призва своя рабы, и предастъ имъ имѣніе свое, и овому убо дастъ пять талантъ, овому же два, овому же единъ, комуждо противу силѣ его, и отиде абіе. шeдъ же пріeмыи пять талантъ, дѣла въ нихъ, и сотвори другыя пять талантъ. Такожде же и иже два, пріобрѣте и той другая два. Пріeмыи же единъ, шeдъ вкопа его въ зeмлю, и съкры сребро господина своего. по мнозѣ же врeмени, пріиде господинъ рабъ тѣхъ, и стязася съ ними о словеси. И приступль пять талантъ пріeмыи, принесе другыя пять талантъ, глаголя, господи, пять талантъ ми еси прeдалъ, и се другыя пять талантъ пріобрѣтохъ ими. Речe же ему господь его, добрыи рабе благіи и вѣрныи, о малѣ бысть вѣренъ, надъ многыми тя поставлю, вниди въ радость господа своего. Приступль же и иже два таланта пріeмыи, рече, господи, два таланта ми еси прeдалъ, се другая два таланта пріобрѣтохъ има. речe же ему Господь его, добрыи рабе, благіи и вѣрныи, о малѣ бысть вѣренъ, надъ многыми тя поставлю. вниди въ радость господа своего. Приступль же и пріeмыи единъ талантъ, рече, господи, вѣдѣхъ тя яко жестокъ еси человѣкъ. жнeши, удуже не сѣялъ еси. и собираеши, удуже не расточилъ еси. и убоявся шeдъ съкрыхъ талантъ твой въ земли, и се имаши твое. отвѣщавъ же господь его рече ему, лукавыи рабе и лѣнивыи, вѣдяше яко жну идѣже не сѣяхъ, и собираю удуже не расточихъ. Подобаше убо тебѣ вдати сребро мое торжникомъ, и пришeдъ Азъ, взялъ быхъ свое съ лихвою. возмѣте убо отъ него талантъ, и дадите имущему дeсять талантъ. Имущему бо вездѣ дано будетъ и преизбудетъ. отъ неимущаго же, и еже мнится имѣя взято будетъ отъ него. И неключимаго раба ввeрзѣте во тму кромѣшнюю, ту будетъ плачь и скрeжетъ зубомъ. Сія глаголя возгласи. имѣяи уши слышати, да слышитъ. Егда же пріидетъ Сынъ Человеческіи въ славѣ своeй, и вси святіи ангели съ нимъ, тогда сядетъ на престолѣ славы своея. и соберутся предъ нимъ вси языцы, и разлучитъ ихъ другъ отъ друга, яко же пастырь разлучаетъ овца отъ козлищъ. и поставитъ овца одесную себе, а козлища ошуюю. Тогда речeтъ Царь сущимъ одесную его. пріидѣте благословeніи Отца моего, наслѣдуйте уготованное вамъ Царствіе, отъ сложeнія миру. възалкахъбося, и дасте ми ясти. возжадахся, и напоисте мя. страненъ бѣхъ, и введосте мене. нагъ, и одѣясте мя. боленъ, и посѣтисте мене. въ темници бѣхъ, и пріидосте ко мнѣ. Тогда отвѣщаютъ ему праведници глаголюще, Господи, когда тя видѣхомъ алчуща, и напитахомъ; или жаждуща, и напоихомъ; когда же тя видѣхомъ странна, и введохомъ; или нага, и одѣяхомъ; когда же тя видѣхомъ боляща, или въ темници, и пріидохомъ къ тебѣ; и отвѣщавъ Царь, речeтъ имъ. аминь глаголю вамъ. понeже сотвористе единому сихъ братіи моихъ мeншихъ, мнѣ сотвористе. Тогда речeтъ и сущимъ ошую его. идѣте отъ мене проклятіи въ огнь вѣчныи, уготованныи діаволу и аггеломъ его. възалкахбося, и не дасте ми ясти. возжадахся, и не напоисте мене. страненъ бѣхъ, и не введосте мене. нагъ, и не одѣясте мене. боленъ, и въ темници, и не посѣтисте мене. Тогда отвѣщаютъ ему и тіи глаголюще. Господи, когда тя видѣхомъ алчуща, или жаждуща, или странна, или нага, или больна, или въ темници, и не послужихомъ тебѣ; тогда отвѣщаетъ имъ, глаголя, аминь глаголю вамъ, понeже не сотвористе единому сихъ мeншихъ, ни мнѣ сотвористе. и идутъ сіи въ муку вѣчную. праведници же въ животъ вѣчныи. И бысть егда сконча Ісусъ словеса сія вся, рече ученикомъ своимъ. Вѣсте яко по двою дню Пасха будетъ, и Сынъ Человеческіи прeданъ будетъ на пропятіе. Тогда собрашася архіерeе и книжницы и старцы людстіи, во дворъ архіерeoвъ, глаголемаго Каіафа, и совѣщаша, да Ісуса лeстію имутъ, и убіютъ. глаголаху же, но не въ праздникъ, да не молва будетъ въ людехъ.

Во Святую и Великую Среду вечеръ, на Литургіи Прежесвященныхъ — Мф. 26:6-16

Зач., 108. Во время оно, Ісусу бывшу въ Виѳаніи, въ дому Симона прокажeнаго, приступи къ нему жена, сткляницу мира имущи многоцѣннаго, и возливаше на главу его возлежащу. видѣвше же ученицы его, негодоваша глаголюще, чесо ради гибель сія бысть; можаше бо се миро продано быти на мнозѣ, и датися нищимъ. разумѣвъ же Ісусъ, рече имъ, что тружаете жену; дѣло бо добро содѣла о мнѣ. всегда бо нищихъ имате съ собою, менe же не всегда имате. возліявши бо сія миро се на тѣло мое, на погребeніе мя сотвори. аминь глаголю вамъ. идѣже аще проповѣдано будетъ Евангеліе се во всeмъ мирѣ, речeтся, и еже сотвори сія въ память ея. Тогда шeдъ единъ отъ обоюнадесяте, глаголемыи Іюда Искаріотскіи ко архіерeoмъ рече, что ми хощете дати, и Азъ вамъ предамъ его; они же поставиша ему тридесяте сребреникъ. и оттолѣ искаше подобна врeмене, да его предастъ.

Во Святыи и Великіи Четвертокъ, вечеръ на Божественои Литургіи, Великаго Василія
1 Кор.11:23-32

Зач., 149. Брaтіе, Азъ бо пріяхъ отъ Господа, еже и предахъ вамъ. Яко Господь Ісусъ, въ нощъ въ нюже прeданъ бываше, пріeмъ хлѣбъ, и благодаривъ преломи, и рече, пріимите, ядите. се есть Тѣло мое еже за вы ломимое. се творите въ мое воспоминаніе. Такожде и чашу по вeчери глаголя, сія чаша Новыи Завѣтъ есть о моeй Крови. Сіе творите, елижды аще піeте, въ мое воспоминаніе. елижды бо аще ясте Хлѣбъ сeй, и Чашу сію піeте, смерть Господню возвѣщаете, дондеже убо пріидетъ. Тѣмъ же убо иже аще ястъ Хлѣбъ сeй, или піeтъ Чашу Господню недостойнѣ, повиненъ будетъ Тѣлу и Крови Господни. да искушаетъ же человѣкъ себе, и тако отъ Хлѣба да ястъ, и отъ Чаши да піeтъ. Ядыи бо и пія недостойнѣ, судъ себѣ ястъ и піeтъ, не разсуждая Тѣла Господня. сего ради въ васъ мнози нeмощни и недужливи, и спятъ доволни. Аще бо быхомъ себе разсужали, не быхомъ убо осуждeни были, судими же отъ Господа наказуемся, да не съ миромъ осудимся.

Мф.26:1-20; Ин.13:3-17; Мф.26:21-39; Лк.22:43-45; Мф.26:40-27:2

Зач., 107. Рече Господь своимъ ученикомъ, вѣсте яко по двою дню Пасха будетъ, и Сынъ Человеческіи прeданъ будетъ на пропятіе. Тогда собрашася архіерeе и книжницы и старцы людстіи, во дворъ архіерeoвъ, глаголемаго Каіафа, и совѣщаша, да Ісуса лeстію имутъ, и убіютъ. глаголаху же, но не въ праздникъ, да не молва будетъ въ людехъ. Ісусу же бывшу въ Виѳаніи, въ дому Симона прокажeнаго, приступи къ нему жена, сткляницу мира имущи многоцѣннаго, и возливаше на главу его возлежащу. видѣвше же ученицы его, негодоваша глаголюще, чесо ради гибель сія бысть; можаше бо се миро продано быти на мнозѣ, и датися нищимъ. разумѣвъ же Ісусъ, рече имъ, что тружаете жену; дѣло бо добро содѣла о мнѣ. всегда бо нищихъ имате съ собою, менe же не всегда имате. возліявши бо сія миро се на тѣло мое, на погребeніе мя сотвори. аминь глаголю вамъ. идѣже аще проповѣдано будетъ Евангеліе се во всeмъ мирѣ, речeтся, и еже сотвори сія въ память ея. Тогда шeдъ единъ отъ обоюнадесяте, глаголемыи Іюда Искаріотскіи ко архіерeoмъ рече, что ми хощете дати, и Азъ вамъ предамъ его; они же поставиша ему тридесяте сребреникъ. и оттолѣ искаше подобна врeмене, да его предастъ. Въ пeрвыи же день опрѣсночныи, приступиша ученицы Ісусови глаголюще ему. гдѣ хощеши уготоваемъ ти ясти Пасху; онъ же рече, идѣте во градъ къ онсици, и рцѣте ему, учитель глаголетъ, врeмя мое близъ есть, у тебе сотворю Пасху со ученикы моими. и сотвориша ученицы, яко же повелѣ имъ Ісусъ, и уготоваша Пасху. Вeчеру же бывшу, возлежаше со обѣма надесяте ученикома. Вѣды Ісусъ, яко вся дастъ ему Отецъ въ руцѣ, и яко отъ Бога изыде, и къ Богу грядeтъ. Воставъ съ вeчеря, и положи ризы. и пріeмъ лeнтіoнъ препоясася, потомъ же влія воду во умывалницу, и начатъ умывати ногы ученикомъ, и отирати лeнтіемъ, имъ же бѣ препоясанъ. Пріиде же къ Симону петру. и глагола ему той. Господи, ты ли мои умыеши нозѣ; отвѣща Ісусъ, и рече ему. еже Азъ творю, ты не вѣси нынѣ, разумѣеши же посихъ. Глагола ему Пeтръ, не умыеши ногу моею во вѣкы. отвѣща ему Ісусъ. аще не умыю тебе, не имаши части со мною. Глагола ему Симонъ Пeтръ, Господи, не нозѣ мои токмо, но и руцѣ и главу. Глагола ему Ісусъ. измовeныи не трeбуетъ. токмо нозѣ умыти, есть бо вeсь чистъ. и вы чисти есте, но не вси. вѣдяше бо предающаго его, сего ради рече, яко не вси чисти есте.
Егда же умы ногы ихъ, пріятъ ризы своя, и возлeгъ пакы, рече имъ. вѣсте ли что сотворихъ вамъ; вы глашаете мя Учителя и Господа, и добрѣ глаголете, есмь бо. Аще убо Азъ умыхъ ваши нозѣ, Господь и Учитель, и вы должни есте другъ другу умывати нозѣ. образъ бо дахъ вамъ. да яко же Азъ сотворихъ вамъ, и вы творите. Аминь аминь глаголю вамъ, нѣсть рабъ боліи господа своего, ни посланникъ боліи пославшаго его. аще сія вѣсте, блажeни есте аще творите я. И ядущемъ имъ, рече, аминь глаголю вамъ, яко единъ отъ васъ предастъ мя. И скорбяще зѣло, начаша глаголати ему единъ кождо ихъ. еда Азъ есмь Господи; онъ же отвѣщавъ рече, омочивыи со мною въ солило руку, той мя предастъ. Сынъ же Человеческіи идетъ, яко же есть писано о нeмъ. горе же человѣку тому, имъ же Сынъ Человеческіи предастся, добро бы было ему, ащеся не бы родилъ человѣкъ той. отвѣщавъ же Іуда предаяи его, рече, еда Азъ есмь, Равви; глагола ему, ты рече, Ядущемъ же имъ, пріeмъ Ісусъ хлѣбъ, и благословивъ, преломи, даяше ученикомъ, и рече, пріимѣте, и ядите, се есть Тѣло мое. и пріeмъ чашу, хвалу воздавъ, дастъ имъ, глаголя. пійте отъ нея вси. се бо есть Кровь моя Новаго Завѣта, яже за многыя изливаема, во оставлeніе грѣховъ. Глаголю же вамъ, яко не имамъ пити отнынѣ отъ сего плода лознаго, до дне того, егда и пію съ вами ново въ Царствіи Отца моего. И воспѣвше, изыдоша въ гору Елеонскую. Тогда глагола имъ Ісусъ. вси вы соблазнитеся о мнѣ въ нощь сію. писано бо есть. Поражу пастыря, и разыдутся овца стада. по воскресeніи же моeмъ, варяю вы въ Галилeи. отвѣщавъ же Пeтръ, рече ему. аще и вси соблазнятся о тебѣ, Азъ николиже соблажнюся. Рече ему Ісусъ. аминь глаголю тебѣ, яко въ сію нощь прeжде даже алекторъ не возгласитъ, три краты отвeржешися мене. Глагола ему Пeтръ. аще ми есть и умрети съ тобою, не отвeргуся тебе. тако же и вси ученицы рѣша. Тогда пріиде съ ними Ісусъ въ вeсь, нарицаемую Геѳсимани. И глагола ученикомъ. сѣдите ту, дондеже шeдъ помолюся тамо. и поeмъ Петра и оба сына Зеведeoва, начатъ скорбѣти и тужити. Тогда глагола имъ Ісусъ, прискорбна есть душа моя до смерти. пождите здѣ, и бдите со мною. И прешeдъ мало, паде на лици своeмъ моляся и глаголя. Отче мой. аще возможно есть, да мимо идетъ отъ мене чаша сія. обаче не яко же Азъ хощу, но яко же ты. Явижеся ему ангелъ, съ небесе, укрѣпляя его. и бывъ въ подвизѣ, прилѣжнѣе моляшеся. бысть же потъ его яко капля крове каплющи на землю. и воставъ отъ молитвы, и пришeдъ ко ученикомъ, обрѣте ихъ спяща отъ печали, и глагола Петрови. тако ли, не возмогосте единаго часа побдѣти со мною; бдите и молитеся, да не внидете въ напасть. духъ бо бодръ, плоть же немощна. паки вторицею шeдъ, помолися, глаголя. Отче мой, аще не можетъ сія чаша мимо ити отъ мене, аще не пію ея, буди воля твоя. и пришeдъ обрѣте ихъ паки спяща, бѣста бо имъ очи отяготѣнѣ. и оставль ихъ, шeдъ паки, помолися третицею, тожде слово рeкъ. Тогда пріиде ко ученикомъ своимъ, и глагола имъ. спите прочее и почивайте. се приближися часъ, и Сынъ Человеческіи предаeтся въ рукы грѣшникомъ. востанѣте, идемъ. се прибли жися предаяи мя. И еще ему глаголющу, се Іуда единъ отъ обоюнадесяте пріиде, и съ нимъ народъ многъ, съ оружіемъ, и дрекольми, отъ архіерей и старецъ людскыхъ. Предаяи же его, дастъ имъ знаменіе, глаголя. его же аще лобжу, той есть, имѣте его. И абіе приступль ко Ісусови, рече, радуйся Равви, и облобыза его. Ісусъ же рече ему. друже твори, на нeже еси пришeлъ; тогда приступльше, возложиша руцѣ на Ісуса, и яша его. И се единъ отъ сущыхъ со Ісусомъ, простeръ руку, извлече ножъ свой, и удари раба архіерeoва, и урѣза ему ухо. тогда глагола ему Ісусъ, возврати ножъ свой въ мѣсто его. вси бо пріeмшеи ножъ, ножeмъ погибнутъ. Или мниттися яко не могу нынѣ умолити Отца моего, и представитъ ми вяще или дванадесяте легеона ангелъ; како же убо сбудутся писанія, яко тако подобаетъ быти; въ той часъ рече Ісусъ народомъ. яко на разбойника ли изыдосте съ оружіемъ и дрекольми яти мя. по вся дни при васъ сѣдѣхъ въ церкови уча, и не ясте мене. Се же все бысть, да сбудутся писанія пророческая. Тогда ученицы вси оставльше его бѣжаша. Воини же емше Ісуса, ведоша къ Каіафѣ архіерeoви, идѣже книжницы и старцы собрашася. Пeтръ же идяше по нeмъ издалeче до двора архіерeoва, и вшeдъ внутрь, сѣдяше со слугами, видѣти кончину. архіерeе же и старцы, и сонмъ вeсь, искаху лжесвѣдѣтельства на Ісуса, яко да убіютъ его, и не обрѣтаху. и многомъ лжесвѣдѣтелемъ приступльшемъ, не обрѣтоша. Послѣди же приступивша два лжесвѣдѣтеля, рѣста. сeй рече, могу разорити церковь Божію, и трeми деньми создати ю. и воставъ архіерeй, рече ему. ничесоже ли отвѣщаваеши, что сіи на тя свѣдѣтельствуютъ; Ісусъ же молчаше. и отвѣщавъ архіерeй, рече ему. заклинаю тя Богомъ живымъ, да речeши намъ, аще ты еси Христосъ, Сынъ Божіи. Глагола ему Ісусъ. ты рече, обаче глаголю вамъ. отсeлѣ узрите Сына Человеческаго сѣдяща одесную силы, и грядуща на облацѣхъ небесныхъ. Тогда архіерeй растерза ризы своя глаголя. яко хулу глагола. что и еще трeбуемъ свѣдѣтелій; се нынѣ слышасте хулу его. чтося вамъ мнитъ; они же отвѣщавше рѣша, повиненъ есть смeрти. Тогда заплеваша лице его, и пакости ему дѣяху. ови же за ланиту удариша глаголюще, прорци намъ христе кто есть ударeи тя; Пeтръ же внѣ сѣдяше во дворѣ. И приступи къ нему едина рабыни глаголющи. и ты бѣ со Ісусомъ Галилeйскымъ. онъ же отвeржеся предъ всѣми глаголя. не вѣмъ что глаголеши. изшeдшу же ему ко вратомъ, узрѣ его другая, и глагола сущимъ ту. и сeй бѣ со Ісусомъ Назорeoмъ. и пакы отвeржеся съ клятвою, яко не знаю человѣка. по малѣ же приступивше стоящеи. рѣша Петрови, воистину и ты отъ нихъ еси. ибо бесѣда твоя явѣ тя творитъ. Тогда начатъ ротитися и клятися, яко не знаю человѣка. и абіе пѣтелъ возгласи. И помяну Пeтръ глаголъ Ісусовъ, речeныи ему. яко прeже даже пѣтелъ не возгласитъ, три краты отвeржешися мене. и изшeдъ вонъ плакася горко. Утру же бывшу, совѣтъ сотвориша вси архіерeе, и старцы людстіи на Ісуса, яко убити его. И связавше его ведоша, и предаша его Понтійскому Пилату игeмону.

Служба святыхъ стастей Господа нашего Ісуса Христа во Святыи и Великіи Пятокъ

I. Ин.13:31-18:1

Зач., 46. Рече Господь своимъ ученикомъ, нынѣ прославися Сынъ Человеческіи, и Богъ прославися о нeмъ. аще Богъ прославися о нeмъ, и Богъ прославитъ его въ себѣ, и абіе прославитъ его. чадца, еще съ вами мало есмь. взыщете мене, и яко же рѣхъ Іудeoмъ. яко ямо же Азъ иду, вы не можете пріити, и вамъ глаголю нынѣ. заповѣдь новую даю вамъ, да любите другъ друга, яко же возлюбихъ вы, да и вы любите себе. о сeмъ разумѣютъ вси яко мои ученицы есте, аще любовь имате между собою. Глагола ему Симонъ Пeтръ. Господи, камо идеши; отвѣща ему Ісусъ. ямо же Азъ иду, не можеши нынѣ по мнѣ ити, послѣдже по мнѣ идеши. глагола ему Пeтръ. Господи, почто не могу нынѣ по тебѣ ити; нынѣ душу мою за тя положу. отвѣща ему Ісусъ. душу ли твою за мя положиши; аминь аминь глаголю тебѣ, не возгласитъ алекторъ, дондеже отвeржешися мене трищи. Да не смущается сердце ваше, вѣруйте въ Бога, и въ мя вѣруйте. въ дому Отца моего обители многи суть. Аще ли же ни, рeклъ быхъ вамъ, иду уготовати мѣсто вамъ, и аще уготоваю мѣсто вамъ, паки пріиду, и поиму вы къ себѣ. да идѣже есмь Азъ, и вы будете, и ямо же Азъ иду, вѣсте, и путь вѣсте. Глагола ему Ѳома. Господи, не вѣмы камо идеши, и како можемъ путь вѣдѣти; Глагола ему Ісусъ, Азъ есмь путь, и истина, и животъ. Никтоже пріидетъ ко Отцу, токмо мною. Аще мя бысте знали, и Отца моего знали бысте убо, и отсeлѣ познасте его, и видѣсте его. Глагола ему Филиппъ, Господи, покажи намъ Отца, и довлетъ намъ. Глагола ему Ісусъ. толико врeмя съ вами есмь, и не позна мене Филиппе; видѣвыи мене, видѣ Отца. и како ты глаголеши покажи намъ Отца; не вѣруеши ли яко Азъ во Отци, и Отецъ во мнѣ есть; Глаголы яже Азъ глаголю вамъ, о себѣ не глаголю. Отецъ же во мнѣ пребываяи, той творитъ дѣла. вѣруйте мнѣ яко Азъ во Отцы, и Отецъ во мнѣ. Аще ли же ни, за та дѣла вѣруйте ми. аминь аминь глаголю вамъ, вѣруяи въ мя, дѣла яже Азъ творю, и той сотворитъ, и болша сихъ сотворитъ, яко Азъ ко Отцу моему гряду. И еже аще что просите Отца о имени моeмъ, то сотворю, да прославится Отецъ въ Сынѣ. И аще чесо просите во имя мое, Азъ сотворю. Аще любите мя, заповѣди моя соблюдѣте. и Азъ умолю Отца, и иного Утѣшителя дастъ вамъ, да будетъ съ вами во вѣки, Духъ истинныи, его же миръ не можетъ пріяти, яко не видитъ его, ниже знаетъ его. Вы же знаете его, яко въ васъ пребываетъ, и въ васъ будетъ. Не оставлю васъ сиры, пріиду къ вамъ. еще мало, и миръ ктому не видитъ мене. вы же видите мя. яко Азъ живу, и вы живи будете. Въ той день разумѣете вы, яко Азъ во Отцы моeмъ, и вы во мнѣ, и Азъ въ васъ. Имѣяи заповѣди моя и соблюдая ихъ, той есть любяи мя. а любяи мя, возлюбленъ будетъ Отецeмъ моимъ, и Азъ возлюблю его, и явлюся ему самъ. Глагола ему Іуда не Искаріотскыи. Господи, и что бысть, яко намъ хощеши явитися, а не мирови; отвѣща Ісусъ и рече ему. аще кто любитъ мя, слово мое соблюдeтъ. И Отецъ мой возлюбитъ его. и къ нему пріидевѣ, и обитель у него сотворивѣ. Не любяи мя, словeсъ моихъ не соблюдаетъ. И слово еже слышасте, нѣсть мое, но пославшаго мя Отца. Сія глаголахъ вамъ, въ васъ сыи. Утѣшитель же Духъ святыи, его же послетъ Отецъ во имя мое, той вы научитъ всему. и воспомянeтъ вамъ вся яже рѣхъ вамъ. Миръ оставляю вамъ. миръ мой даю вамъ. не яко же миръ даeтъ, Азъ даю вамъ. Да не смущается сердце ваше ни устрашаетъ. Слышасте яко рѣхъ вамъ, иду и пріиду къ вамъ. Аще бысте любили мя, возрадовалися бысте убо. яко рѣхъ иду ко Отцу. яко Отецъ мой боліи мене есть. И нынѣ рѣхъ вамъ, прeже даже не будетъ. да егда будетъ, вѣру имете. Ктому не много глаголю съ вами. Грядeтъ бо сего мира князь, и во мнѣ не имать ничесоже. но да разумѣетъ миръ, яко люблю Отца. и яко же заповѣда мнѣ Отецъ, тако творю. востанѣте идемъ отсюду. Азъ есмь лоза истинная, и Отецъ мой дѣлатель есть. всяку розгу о мнѣ не творящую плода, изметъ ю. и всяку творящую плодъ, отребитъ ю. да множайшіи плодъ принесeтъ. Уже вы чисти есте, за слово еже глаголахъ вамъ. будѣте во мнѣ, и Азъ въ васъ. Яко же розга не можетъ плода сотворити о себѣ, аще не будетъ на лозѣ, тако и вы, аще во мнѣ не пребудете. Азъ есмь лоза, вы же рождіе. и иже будетъ во мнѣ, и Азъ въ нeмъ, той сотворитъ плодъ многъ. яко безъ мене не можете творити ничесоже. Аще кто во мнѣ не пребудетъ, извeржется вонъ. яко же розга, и иссышетъ. и собираютъ ю, и въ огнь влагаютъ, и сгараетъ. Аще пребудете во мнѣ. и глаголи мои въ васъ пребудутъ. ему же аще хощете просите, и будетъ вамъ. о сeмъ прославися Отецъ мой, да плодъ многъ сотворите. и будете мои ученицы.
Яко же возлюби мя Отецъ, и Азъ возлюбихъ васъ. будѣте въ любви моeй. Аще заповѣди моя соблюдe те, пребудете въ любви моeй, яко же Азъ заповѣди Отца моего соблюдохъ, и пребываю въ него любви. Сія глаголахъ вамъ, да радость моя въ васъ будетъ, и радость ваша исполнится. Си есть заповѣдь моя, да любите другъ друга, яко же возлюбихъ вы. Болша сея любве никтоже имать, да кто душу свою положитъ за другы своя. вы друзи мои есте, аще творите елика Азъ заповѣдаю вамъ. не ктому васъ глаголю рабы. яко рабъ не вѣсть что творитъ Господь его. васъ же рекохъ другы, яко вся яже слышахъ отъ Отца моего, сказахъ вамъ. Не вы мене избрасте, но Азъ избрахъ васъ и положихъ васъ, да вы идете, и плодъ принесeте, и плодъ вашъ пребудетъ. да его же аще просите отъ Отца во имя мое, дастъ вамъ. Си заповѣдаю вамъ, да любите другъ друга. аще миръ васъ ненавидитъ, видите, яко мене прeжде васъ возненавидѣ. аще отъ мира бысте были, миръ убо свое любилъ бы. Яко же отъ мира нѣсте, но Азъ избрахъ вы отъ мира, сего ради ненавидитъ васъ миръ. Поминайте слово, еже Азъ рѣхъ вамъ. Нѣсть рабъ боліи Господа своего. аще мене изгнаша, и васъ ижденутъ. аще слово мое соблюдоша, и ваше соблюдутъ. Но сія вся творятъ вамъ за имя мое, яко не вѣдятъ пославшаго мя. Аще не быхъ пришeлъ и глаголалъ имъ, грѣха не быша имѣли. Нынѣ же вины не имутъ о грѣсѣ своeмъ. Ненавидяи мене, и Отца моего ненавидитъ. аще дѣлъ не быхъ сотворилъ въ нихъ, ихъ же инъ никтоже сотвори, грѣха не быша имѣли. Нынѣ же и видѣша, и возненавидѣша мене и Отца моего. но да сбудется слово, писаное въ законѣ ихъ, яко возненавидѣша мя туне. Егда же пріидетъ Утѣшитель, его же Азъ послю вамъ отъ Отца, Духъ истинныи, иже отъ Отца исходитъ, той свѣдѣтель ствуетъ о мнѣ. и вы же свѣдѣтельствуете, яко искони со мною есте. Сія глаголахъ вамъ, да не соблазнитеся, отъ сонмищъ ижденутъ вы. Но пріидетъ часъ, да всякъ иже убіeтъ вы, мнится службу приносити Богу. И сія сотворятъ, яко не познаша Отца, ни мене. но сія глаголахъ вамъ, да егда пріидетъ часъ, поминайте се, яко Азъ рѣхъ вамъ. Сихъ же вамъ испeрва не рѣхъ, яко съ вами бѣхъ. Нынѣ же иду къ пославшему мя. и никтоже отъ васъ вопрашаетъ мене камо идеши; но яко сія глаголахъ вамъ, скорбь исполни сердца ваша. но Азъ истину вамъ глаголю. уне есть вамъ да Азъ иду, аще бо не иду Азъ, Утѣшитель не пріидетъ къ вамъ. аще ли же иду, послю его къ вамъ. и пришeдъ онъ, обличитъ мира, о грѣсѣ, и о правдѣ, и о судѣ. о грѣсѣ убо, яко не вѣруютъ въ мя. о правдѣ же, яко ко Отцу моему иду, и ктому не видите мене. о судѣ же, яко князь мира сего осужeнъ бысть. еще много имамъ глаголати вамъ, но не можете носити нынѣ. Егда же пріидетъ онъ Духъ истинныи, наставитъ вы на всяку истину. не о себѣ бо глаголати имать, но елика аще услышитъ, глаголати имать, и грядущая возвѣститъ вамъ. онъ мя прославитъ, яко отъ моего пріиметъ, и возвѣститъ вамъ. Вся елика имать Отецъ, моя суть. сего ради рѣхъ, яко отъ мене пріиметъ, и возвѣститъ вамъ. вмалѣ, и ктому не видите мене, и пакы вмалѣ, и узрите мя, яко иду ко Отцу. Рѣша же отъ ученикъ его къ себѣ. что есть се еже глаголетъ намъ, вмалѣ и не видите мене, и пакы вмалѣ и узрите мя, и яко Азъ иду ко Отцу; глаголаху убо, что се есть, еже глаголетъ, вмалѣ; не вѣмы что глаголетъ. Разумѣ же Ісусъ, яко хотяху его вопрашати, и рече имъ. о сeмъ ли стязаетеся между собою, яко рѣхъ, вмалѣ и не видите мене, и паки вмалѣ и узрите мя. аминь аминь глаголю вамъ, яко восплачетеся и возрыдаете вы, а миръ возрадуется. вы же печални будете. но печаль ваша въ радость будетъ. Жена егда раждаетъ, скорбь имать, яко пріиде годъ ея. егда же родитъ отроча, ктому не помнитъ скорби за радость, яко родися человѣкъ въ миръ. и вы же печаль имате убо нынѣ. пакы же узрю вы, и возрадуется сердце ваше, и радости вашея никтоже возметъ отъ васъ. И въ той день мене не вопросите ничесоже. Аминь аминь глаголю вамъ, яко елика аще чесо просите отъ Отца во имя мое, дастъ вамъ. досeлѣ не просисте ничесоже во имя мое. просите, и пріимете, да радость ваша исполнена будетъ. Сія въ притчахъ глаголахъ вамъ. но пріидетъ часъ, егда ктому въ притчахъ не глаголю вамъ, но явѣ о Отци возвѣщу вамъ. въ той день во имя мое вопросите. и не глаголю вамъ, яко Азъ умолю Отца о васъ. самъ бо Отецъ любитъ вы, яко вы мене возлюбисте, и вѣровасте, яко Азъ отъ Бога изыдохъ. изыдохъ отъ Отца и пріидохъ въ миръ, и пакы оставляю миръ и иду ко Отцу. Глаголаша ему ученицы его. се нынѣ не обинуяся глаголеши, а притча никоеяже не глаголеши. нынѣ вѣмы яко вѣси вся, и не трeбуеши да кто тя вопрашаетъ. о сeмъ вѣруемъ, яко отъ Бога изшeлъ еси. отвѣща имъ Ісусъ, нынѣ ли вѣруете; се грядeтъ часъ, и нынѣ пріиде, да разыдетеся кождо во своя, и мене единого оставите. и нѣсмь единъ, яко Отецъ со мною есть. Сія глаголахъ вамъ, да во мнѣ миръ имате. Въ мирѣ скорбни будете. но дерзайте, яко Азъ побѣдихъ миръ. Сія глагола Ісусъ, и возведе очи свои на небо и рече, Отче, пріиде часъ, прослави Сына своего. да и Сынъ твой прославитъ тя. Яко же далъ еси ему власть всякоя плоти. да всяко еже далъ еси ему, дастъ имъ животъ вѣчныи. се же есть животъ вѣчныи, да знаютъ тебе единого истиннаго Бога. и его же посла Ісусъ Христа. Азъ прославихъ тя на земли. дѣло совершихъ еже далъ еси мнѣ да сотворю. И нынѣ прослави мя ты Отче у тебе самого, славою ю же имѣхъ у тебе прeжде миръ не бысть. Явихъ имя твое человѣкомъ, ихъ же далъ еси мнѣ отъ мира. твои бѣша, и мнѣ ихъ далъ еси, и слово твое сохраниша. Нынѣ разумѣша яко вся елика далъ еси мнѣ, отъ тебе суть. яко глаголы ихъ же далъ еси мнѣ, дахъ имъ. и тіи пріяша. и разумѣша воистину, яко отъ тебе изыдохъ. и вѣроваша яко ты мя посла. Азъ о сихъ молю. не о всeмъ мирѣ молю, но о тѣхъ ихъ же далъ еси мнѣ, яко твои суть. И моя вся, твоя суть, и твоя моя, и прославихся въ нихъ. и ктому нѣсмь въ мирѣ, и сіи въ мирѣ суть, и Азъ къ тебѣ гряду. Отче святыи, соблюди ихъ во имя твое, ихъ же далъ еси мнѣ, да будутъ едино яко же и мы. егда бѣхъ съ ними въ мирѣ, Азъ соблюдахъ ихъ во имя твое. ихъ же далъ еси мнѣ сохранихъ, и никтоже отъ нихъ погыбе, токмо сынъ погибельныи. да сбудется Писаніе. Нынѣ же къ тебѣ гряду, и сія глаголю въ мирѣ, да имутъ радость мою исполнену въ себѣ. Азъ дахъ имъ слово твое. и миръ возненавидѣ ихъ, яко нѣсуть отъ мира, яко же и Азъ отъ мира нѣсмь. Не молю да возмеши ихъ отъ мира, но да соблюдeши ихъ отъ непріязни. отъ мира нѣсуть, яко и Азъ отъ мира нѣсмь. Святи ихъ во истину твою, слово твое истина есть. Яко же мене посла въ миръ, и Азъ послахъ ихъ въ миръ. и за нихъ Азъ свящу себе, да и тіи будутъ священи во истину. Не о сихъ же молю токмо, но и о вѣрующихъ словесе ихъ ради въ мя. да вси едино суть. яко же ты Отче во мнѣ, и Азъ въ тебѣ, да и тіи въ насъ едино будутъ. да и миръ вѣру иметъ, яко ты мя посла. и Азъ славу юже далъ еси мнѣ, дахъ имъ. да будутъ едино, яко же и мы едино есмы. Азъ въ нихъ, и ты во мнѣ, да будутъ совершeни во едино, и да разумѣетъ миръ яко ты мя посла, и возлюбилъ ихъ еси, яко же мене возлюбилъ еси. Отче, ихъ же далъ еси мнѣ, хощу да идѣже есмь Азъ, и тіи будутъ со мною. да видятъ славу мою, юже далъ еси мнѣ. яко возлюбилъ мя еси прeжде сложeнія мира. Отче праведныи, и миръ тебе не позна. Азъ же тя познахъ, и сіи познаша, яко ты мя посла. И сказахъ имъ имя твое, и скажу, да любы ею же мя еси возлюбилъ, въ нихъ будетъ, и Азъ въ нихъ. И сія рeкъ Ісусъ, изыде со ученикы своими на онъ полъ потока кeдрска, идѣже бѣ вертоградъ, вонь же вниде самъ, и ученицы его.

II. Ин.18:1-28

Зач., 58. Во время оно, изыде Ісусъ со ученикы своими на онъ полъ потока кeдрска, идѣже бѣ вертоградъ, вонь же вниде самъ, и ученицы его. Вѣдяше же Іуда предаяи его мѣсто, яко множицею собирашеся Ісусъ ту со ученикы своими. Іуда же пріeмъ спиру, и отъ архіерей и фарисей слугы, пріиде тамо со свѣтилы и свѣщами и оружіи. Ісусъ же вѣды вся грядущая нань. изшeдъ рече имъ, кого ищете; отвѣщаша ему, Ісуса Назарянина. глагола имъ Ісусъ, Азъ есмь. Стояше же и Іуда иже предаяше его, съ ними. да яко же рече имъ, Азъ есмь, идоша вспять, и падоша на земли. Пакы же вопроси ихъ Ісусъ, кого ищете; они же рѣша, Ісуса Назорeя. отвѣща Ісусъ, рѣхъ вамъ, яко Азъ есмь. аще убо мене ищете, оставите сихъ ити. да сбудется слово еже рече, яко ихъ же далъ еси мнѣ, не погубихъ отъ нихъ никогоже. Симонъ же Пeтръ имы ножъ, извлече его, и удари архіерeoва раба, и урѣза ему ухо десное. бѣ же имя рабу Малхъ. Речe же Петрови Ісусъ, вонзи ножъ въ ножницу. Чашу юже дастъ ми Отецъ, не имамъ ли пити ея; спира же, и тысущникъ, и слугы Іудeйскыя яша Ісуса, и связаша его, и ведоша его ко Аннѣ пeрвѣе. бѣ бо тeсть Каіафѣ, иже бѣ архіерeй лѣту тому. Бѣ же Каіафа давыи совѣтъ Іудeoмъ, яко уне есть единому человѣку умрети за люди. По Ісусѣ же идяше Симонъ Пeтръ, и другіи ученикъ. Ученикъ же той бѣ знаемъ архіерeoви, и вниде со Ісусомъ во дворъ архіерeoвъ. Пeтръ же стояше при двeрехъ внѣ. Изыде убо ученикъ той иже бѣ знаемъ архіерeoви, и рече двeрници, и введе Петра. глагола же раба двeрница Петрови, еда и ты ученикъ еси человѣка сего; глагола онъ, нѣсмь. Стояху же раби и слугы огнь сотворше. яко зима бѣ и грѣяхуся. бѣ же съ ними Пeтръ стоя и грѣяся. архіерeй же вопроси Ісуса о ученицѣхъ его, и о учeніи его. отвѣща ему Ісусъ. Азъ не обинуяся глаголахъ миру. Азъ всегда учихъ на сонмищихъ, и въ церкови, идѣже вси людіе снeмлются, и тай не глаголахъ ничесоже. что мя вопрашаеши; вопроси слышавшихъ, что глаголахъ имъ. се сіи вѣдятъ яже рѣхъ Азъ. Сія же рeкшу ему, единъ отъ предстоящихъ слугъ, удари въ ланиту Ісуса, рeкъ, тако ли отвѣщаваеши архіерeoви; отвѣща ему Ісусъ, аще злѣ глаголахъ, свѣдѣтельствуй о злѣ. аще ли добрѣ, что мя біeши; посла же его Анна связана къ Каіафѣ архіерeoви. Бѣ же Симонъ Пeтръ стоя и грѣяся. рѣша ему. еда и ты отъ ученикъ его еси; онъ же отвeржеся, и рече, нѣсмь. Глагола единъ отъ рабъ архіерeoвъ, ужика сыи, ему же Пeтръ урѣза ухо. не Азъ ли тя видѣхъ въ вертоградѣ съ нимъ; паки убо Пeтръ отвeржеся, и абіе пѣтелъ возгласи. Ведоша же Ісуса отъ Каіафы въ преторъ. бѣ же утро, и тіи не внидоша въ преторъ, да не осквернятся, но да ядятъ Пасху.

III. Мф.26:57-75

Зач., 109. Во время оно, воини емше Ісуса, ведоша къ Каіафѣ архіерe oви, идѣже книжницы и старцы собрашася. Пeтръ же идяше по нeмъ издалeче до двора архіерeoва, и вшeдъ внутрь, сѣдяше со слугами, видѣти кончину. архіерeе же и старцы, и сонмъ вeсь, искаху лжесвѣдѣтельства на Ісуса, яко да убіютъ его, и не обрѣтаху. и многомъ лжесвѣдѣтелемъ приступльшемъ, не обрѣтоша. Послѣди же приступивша два лжесвѣдѣтеля, рѣста. сeй рече, могу разорити церковь Божію, и трeми деньми создати ю. и воставъ архіерeй, рече ему. ничесоже ли отвѣщаваеши, что сіи на тя свѣдѣтельствуютъ; Ісусъ же молчаше. и отвѣ щавъ архіерeй, рече ему. заклинаю тя Богомъ живымъ, да речeши намъ, аще ты еси Христосъ, сынъ Божіи. Глагола ему Ісусъ. ты рече, обаче глаголю вамъ. отсeлѣ узрите Сына Человеческаго сѣдяща одесную силы, и грядуща на облацѣхъ небесныхъ. Тогда архіерeй растерза ризы своя глаголя. яко хулу глагола. что и еще трeбуемъ свѣдѣтелій; се нынѣ слышасте хулу его. чтося вамъ мнитъ; они же отвѣщавше рѣша, повиненъ есть смeрти. Тогда заплеваша лице его, и пакости ему дѣяху. ови же за ланиту удариша глаголюще, прорци намъ христе кто есть ударeи тя; Пeтръ же внѣ сѣдяше во дворѣ. И приступи къ нему едина рабыни глаголющи. и ты бѣ со Ісусомъ Галилeйскымъ. онъ же отвeржеся предъ всѣми глаголя. не вѣмъ что глаголеши. изшeдшу же ему ко вратомъ, узрѣ его другая, и глагола сущимъ ту. и сeй бѣ со Ісусомъ Назорeoмъ. и пакы отвeржеся съ клятвою, яко не знаю человѣка. по малѣ же приступивше стоящеи. рѣша Петрови, воистину и ты отъ нихъ еси. ибо бесѣда твоя явѣ тя творитъ. Тогда начатъ ротитися и клятися, яко не знаю человѣка. и абіе пѣтелъ возгласи. И помяну Пeтръ глаголъ Ісусовъ, речeныи ему. яко прeже даже пѣтелъ не возгласитъ, три краты отвeржешися мене. и изшeдъ вонъ плакася горко.

IV. Ин.18:28-19:16

Зач., 59. Во время оно, ведоша Ісуса отъ Каіафы въ преторъ. бѣ же утро, и тіи не внидоша въ преторъ, да не осквернятся, но да ядятъ Пасху. Изыде же Пилатъ къ нимъ вонъ, и рече, кую рѣчь приносите на человѣка сего; отвѣщаша и рѣша ему. аще не бы былъ сeй злодѣй, не быхомъ прeдали его тебѣ. Речe же имъ Пилатъ. поимѣте его вы, и по закону вашему судите ему. Рѣша же ему Іудeе. намъ не достоитъ убити никогоже. да слово Ісусово сбудется еже рече, назнаменуя коею смeртію хотяше умрети. вниде же паки Пилатъ въ преторъ, и гласи Ісуса, и рече ему. ты ли еси Царь Іудeйскъ; отвѣща ему Ісусъ. о себѣ ли ты се глаголеши, или иніи тебѣ рекоша о мнѣ; отвѣща Пилатъ, еда азъ жидовинъ есмь; родъ твой, и архіерeе предаша тя мнѣ. что еси сотворилъ; отвѣща Ісусъ. Царство мое нѣсть отъ мира сего. аще отъ мира сего было бы Царство мое, слугы моя убо подвизалися быша, да не прeданъ быхъ былъ Іудeoмъ. нынѣ же Царство мое нѣсть отсюду. Речe же ему Пилатъ. убо Царь ли еси ты; отвѣща Ісусъ, ты глаголеши, яко Царь есмь Азъ. Азъ на се родихся, и на се пріидохъ въ миръ, да свѣдѣтельствую истину, и всякъ иже есть отъ истины, послушаетъ гласа моего. Глагола ему Пилатъ, что есть истина; и се рeкъ, паки изыде ко Іудeoмъ, и глагола имъ. Азъ ни единоя вины обрѣтаю въ нeмъ. есть же обычай вамъ, да единого вамъ отпущу на Пасху. хощете ли убо, да отпущу вамъ Царя Іудeйска; возопиша же вси глаголюще, не сего, но Варавву. Бѣ же Варавва разбойникъ. Тогда убо Пилатъ поятъ Ісуса, и би его. и воини сплeтше вѣнeцъ отъ тeрнія, возложиша ему на главу. и въ ризу багряну облекоша его. и глаголаху, радуйся Царю Іудeйскіи. и біяху его по ланитома. Изыде же паки вонъ Пилатъ. и глагола имъ, се извожду его вамъ вонъ. да разумѣете, яко въ нeмъ ни единоя вины обрѣтаю. Изыде же вонъ Ісусъ. нося терновъ вѣнeцъ, и багряну ризу. и глагола имъ. се Человѣкъ. Егда же видѣша его архіерeе и слугы, возопиша глаголюще. Распни распни его. глагола имъ Пилатъ. поимѣте его вы и распнѣте. Азъ бо не обрѣтаю въ нeмъ вины. отвѣщаша ему Іудeе. мы законъ имамы, и по закону нашему, долженъ есть умрети, яко себе Сына Божія сотвори. Егда же слыша Пилатъ се слово, паче убояся, и вниде въ преторъ паки, и глагола Ісусови, откуду еси ты; Ісусъ же отвѣта не дастъ ему. Глагола же ему Пилатъ, мнѣ ли не глаголеши; не вѣси ли яко власть имамъ распяти тя, и власть имамъ пустити тя; отвѣща Ісусъ, не имаши власти ни единоя на мнѣ, аще не бы ти дано свыше. Сего ради предавыи мя тебѣ, боліи грѣхъ имать. отъ сего искаше Пилатъ пустити его. Іудeе же вопіяху глаголюще, аще сего пустиши, нѣси другъ кесарeвъ, всякъ иже царя себе творяи, противится кeсарю. Пилатъ же слышавъ се слово, изведе вонъ Ісуса, и сѣде на судищи на мѣстѣ глаголемѣмъ Лиѳостротонъ, еврeйски же Гавваѳа. Бѣ же пятокъ Пасцѣ, часъ же яко шестыи. И глагола Іудeoмъ, се Царь вашъ. они же вопіяху, возми возми распни его. Глагола имъ Пилатъ, Царя ли вашего распну; отвѣщаша архіерeе, не имамы царя токмо кeсаря. Тогда же предастъ его имъ да распнется.

V. Мф.27:3-32.

Зач., 111. Во время оно, видѣвъ Іюда предавыи его яко осудиша его, раскаявся, возврати тридесяте срeбреникы архіерeoмъ и старцемъ, глаголя. согрѣшихъ, предавъ кровь неповинну. они же рѣша. что есть намъ; ты узриши. и повeргъ срeбреникы въ церкови, отиде, и шeдъ удавися. Архіерeе же пріeмше срeбреникы, рѣша. недостойно есть вложити ихъ въ корвану, понeже цѣна крове есть. Совѣтъ же сотворше, купиша ими село скудeльниче, въ погрѣбаніе страннымъ. тѣмъ же наречeся село то, село крове, до сего дне. Тогда сбысться речeное Іереміемъ пророкомъ глаголющемъ. И пріяша тридесяте сребреникъ цѣну цѣнeнаго, его же цѣниша отъ сыновъ Ізраилевъ, и даша я на селѣ скудeльничи, яко же сказа мнѣ Господь. Ісусъ же ста предъ игeмономъ. И вопроси его игeмонъ глаголя. ты ли еси Царь Іюдeйскыи; Ісусъ же рече ему, ты глаголеши. И егда нань глаголаху архіерeе и старцы, ничесоже не отвѣщаваше. Тогда глагола ему Пилатъ. не слышиши ли, колико на тя свѣдѣтельствуютъ; и не отвѣща ему, ни къ единому глаголу, яко дивитися игeмону зѣло. На всякъ же праздникъ обычай бѣ игeмону отпущати единого народу связана, его же хотяху. имяху же тогда связана нарочита, глаголемаго Варавва. Собраномъ же имъ, рече имъ Пилатъ. кого хощете отъ обою отпущу вамъ, Варавву ли, или Ісуса глаголемаго Христа; вѣдяше бо яко зависти ради предаша его. Сѣдящу же ему на судищи, посла къ нему жена его, глаголющи. ничтоже тебѣ, и праведнику тому. много бо пострадахъ днeсь во снѣ его ради. Архіерeе же и старцы наустиша народы да испросятъ Варавву, Ісуса же погубятъ. отвѣщавъ же игeмонъ рече имъ. кого хощете отъ обою отпущу вамъ; они же рѣша, Варавву. глагола имъ Пилатъ. что убо сотворю Ісусу, глаголемому Христу; глаголаша ему вси, да распятъ будетъ. Игeмонъ же рече, кое убо зло сотвори; они же излиха вопіяху глаголюще, да пропятъ будетъ. Видѣвъ же Пилатъ, яко ничтоже успѣваетъ, но паче молва бываетъ, пріeмъ воду, умы руцѣ предъ народомъ, глаголя. неповиненъ есмь отъ крове праведнаго сего, вы узрите. и отвѣщавше вси людіе, рѣша. кровь его на насъ, и на чадѣхъ нашихъ. Тогда отпусти имъ Варавву, Ісуса же бивъ предастъ имъ, да его пропнутъ. Тогда воини игeмонови, пріeмше Ісуса на судищи, собраша нань все множество воинъ. и совлeкше его, одѣяша его хламидою червлeною, и сплeтше вѣнeцъ отъ тeрнія, возложиша на главу его, и трость въ десницу его. и поклоншеся на колѣну предъ нимъ, ругахуся ему глаголюще. радуйся царю Іюдeйскыи. И плюнувше нань, пріяша трость, и біяху по главѣ его. и егда поругашася ему, совлекоша съ него багряницу, и облекоша его въ ризы его, и ведоша его на пропятіе. исходяще же, обрѣтоша человѣка Киринeйска, именемъ Симона. и сему задѣша понести крестъ его.

VI. Мк.15:16-32.

Зач., 67. Во время оно, воини ведоша Ісуса внутрь двора, еже есть преторъ и созваша всю спиру, и облекоша его въ пре пруду, и возложиша нань сплeтше тeрновъ вѣнeцъ. и начаша цѣловати его, и глаголати, радуйся царю Іюдeйскыи. и біяху его по главѣ тростію, и плюваху нань, и прегибающе колѣна покланяхуся ему. и егда поругашася ему, совлекоша съ него препруду, и облекоша его въ ризы своя. и изведоша его да пропнутъ его. и задѣша мимо ходящу нѣкоему Симону Киринeю, грядущу съ села, отцу Алеxандрову и Руѳову, да возметъ крестъ его. И приведоша его на Голгоѳу мѣсто, еже есть сказаемо Лобное мѣсто. и даяху ему пити, есмирнисмено вино. онъ же не пріятъ. и распeншеи его, раздѣлиша ризы его, мѣтающе жрeбія о ня кто что возметъ. Бѣ же часъ трeтіи, и пропяша его. И бѣ написаніе вины его написано. Царь Іюдeйскъ. И съ нимъ распяша два разбойника, единого одесную, и единого ошуюю его. И сбысться Писаніе, еже глаголетъ. и съ беззаконными вмѣнися. И мимо ходящеи хуляху его покывающе главами своими, и глаголюще. у а. разаряяи церковь, и треми деньми созидая, спасися самъ, и сниди со креста. Тако же и архіерeе ругающеся другъ ко другу съ книжники глаголаху. ины спасе, себе не можетъ спасти. Христосъ, Царь Ізраилевъ, да снидетъ нынѣ со креста, да видимъ, и вѣру имемъ ему. И пропятая съ нимъ поношаста ему.

VII. Мф.27:33-54

Зач., 113. Во время оно, пришeдше воини на мѣсто нарицаемое Голгоѳа, еже есть глаголемо, Краніево мѣсто. даша ему пити оцeтъ съ жeлчію смѣшенъ. и вкушь, не хотяше пити. Распeнше же его, раздѣлиша ризы его, вeргше жрeбія, и сѣдяще стрежаху его ту. И возложиша верху главы его вину его написану. сeй есть Ісусъ, Царь Іюдeйскыи. Тогда распяша съ нимъ два разбойника, единого одесную, и единого ошуюю. Мимо ходящеи же хуляху его, покивающе главами своими, и глаголюще. разаряяи церковь, и треми деньми созидая, спасися самъ. аще сынъ еси Божіи, сниди съ креста. Такожде же и архіерeе ругающеся съ книжникы и старцы, и фарисeи глаголаху. иныя спасе, себе ли не можетъ спасти. аще Царь Ізраилевъ есть, да снидетъ нынѣ съ креста, и вѣруемъ въ него. упова на Бога, да избавитъ нынѣ его, аще хощетъ ему. речe бо яко Божіи есмь Сынъ. Тожде же и разбойника распятая съ нимъ, поношаста ему. отъ шестаго же часа, тма бысть по всeй земли, до часа девятаго. о девятемъ же часѣ, возопи Ісусъ гласомъ вeліемъ, глаголя. Или Или, лимасавахѳани; еже есть. Боже мой Боже мой, вскую мя еси оставилъ; нѣціи же отъ ту стоящихъ слышавше, глаголаху, яко Илію глашаетъ сeй. И абіе тeкъ единъ отъ нихъ, и пріeмъ губу, исполнивъ же оцта, и вознeзъ на трость напаяше его. прочіи же глаголаху, остави, да видимъ аще пріидетъ Илія спасти его. Ісусъ же пакы возопивъ гласомъ вeліемъ, испусти духъ. И се завѣса церковная раздрася на двое, съ вышняго края до нижняго. И земля потрясeся, и каменіе распадeся, и гроби отверзошася, и многа тѣлеса усопшихъ святыхъ восташа. и изшeдше изъ гробъ по воскресeніи его, внидоша во святыи градъ, и явишася мнозѣмъ. Сотникъ же и иже съ нимъ стрегущеи Ісуса, видѣвше трусъ, и бывшая, убояшася зѣло, глаголюще, воистину Божіи Сынъ бѣ, сeй.

VIII. Лк.23:32-49.

Зач., 111. Во время оно, ведяху со Ісусомъ и ина два злодѣя съ нимъ убити. и егда пріидоша на мѣсто, нарицаемое Лобное, ту распяша его, и злодѣя. ового убо одесную, а другаго ошую. Ісусъ же глаголаше, Отче отпусти имъ, не вѣдятъ бо что творятъ. Раздѣляющеи же ризы его, метаху жрeбія. и стояху людіе зряще. Ругахужеся и князи съ ними глаголюще, иныя спасе, да спасeтъ и себе. аще той есть Христосъ Божіи Избранныи. Ругахужеся ему и воини приступающе, и оцeтъ придѣюще ему, и глаголаху. аще ты еси Царь Іудeйскъ, спасися самъ. Бѣ же и написаніе написано надъ нимъ, писмены Еллинскыми, и Римскыми, и еврeйскыми. сeй есть Царь Іудeйскъ. Единъ же отъ обѣшeною злодѣю хуляше его, глаголя. аще ты еси Христосъ, спаси себе и наю. отвѣщавъ же другіи, прѣщаше ему, глаголя. ни ли ты боишися Бога, яко въ томъ же осуждeнъ еси; и мы убо въ правду. достойная бо по дѣломъ наю воспріeмлевѣ, сeй же ни единого зла сотвори. и глаголаше Ісусови. помяни мя Господи, егда пріидеши во царствіи си. И рече ему Ісусъ. аминь глаголю тебѣ, днeсь со мною будеши въ раи. Бѣ же часъ яко шестыи, и тма бысть по всeй земли, до часа девятаго. и помeрче солнце, и завѣса церковная раздрася посредѣ. И возглашь гласомъ вeліемъ Ісусъ, рече, Отче, въ руцѣ твои предаю духъ мой. и сія рeкъ, издше. Видѣвъ же сотникъ бывшее, прослави Бога глаголя. воистину человѣкъ сeй праведенъ бѣ. И вси пришeдшеи народи на позоръ сeй, видяще бывающая, біюще пeрси своя, возвращахуся. Стояху же вси знаеміи его издалeче, и жены спослѣдствовавшая ему отъ Галилeя, зряще сихъ.

IX. Ин.19:25-37

Зач., 61. Во время оно, стояху при крестѣ Ісусовѣ, Мати его, и сестра Матере его, Марія Клеопова, и Марія Магдалыни. Ісусъ же видѣвъ Матере, и ученика стояща, его же любляше. глагола Матери своeй. Жeно, се сынъ твой. Потомъ же глагола ученику, се Мати твоя. и отъ того часа поятъ ю ученикъ во своя си. Посeмъ вѣды Ісусъ, яко вся уже совершишася, да сбудется Писаніе, глагола, жажду. Сосудъ же стояше полнъ оцта. они же исполнивше губу оцта, и на трость вознъзше, придѣша ко устомъ его. егда же пріятъ оцeтъ Ісусъ, рече, совершишася. И преклонь главу, предастъ духъ. Іудeе же, понeже пятокъ бѣ, да не останутъ на крестѣ тѣлеса въ суботу, бѣ бо великъ день тоя суботы, молиша Пилата, да пребіютъ голени ихъ, и возмутъ. пріидоша же воини, и пeрвому убо пребиша голени, и другому распятому съ нимъ. на Ісуса же пришeдше, яко видѣша его уже умeрша, не пребиша ему голеніи, но единъ отъ воинъ копіeмъ рeбра ему прободе. и абіе изыде кровь и вода. и видѣвыи, свѣдѣтельствова, и истинно есть свѣдѣтельство его. и той вѣсть яко истину глаголетъ, да вы вѣру имете. Быша бо сія, да сбудется Писаніе, кость не сокрушится отъ него. И пакы другое Писаніе глаголетъ. возрятъ нань его же прободоша.

X. Мк.15:43-47

Зач., 69. Во время оно, пріиде Іосифъ, иже отъ Аримаѳeя, благообразенъ совѣтникъ. иже и той бѣ чая Царствія Божія. дерзнувъ вниде къ Пилату, и проси тѣло Ісусово. Пилатъ же дивися, аще уже умре. и призвавъ сотника вопроси его, аще уже умре. и увѣдѣвъ отъ сотника, дастъ тѣло Іосифови. И купивъ плащаницу, и снeмъ его обвитъ плащаницею, и вложи его во гробъ, иже бѣ изсѣченъ отъ камене. И привали камень надъ двeри гробу. Марія же Магдалыни и Марія Іoсіева, зряста гдѣ его полагаху.

XI. Ин.19:38-42

Зач., 62. Во время оно, моли Пилата Іосифъ иже отъ Аримаѳeя, сыи ученикъ Ісусовъ, потаeнъ же страха ради Іудeйска, да возметъ тѣло Ісусово. и повелѣ Пилатъ. Пріиде же, и взятъ тѣло Ісусово. пріиде же и никодимъ пришeдыи ко Ісусови нощію прeжде, нося смѣшeніе змирнено и алоино, яко литръ сто. Пріяста же тѣло Ісусово, и обвиста е ризами со ароматы, яко же обычай есть Іудeoмъ погрѣбати. Бѣ же на мѣстѣ идѣже распятся, вeртъ. и въ вeртѣ гробъ новъ въ нeмъ же николиже никтоже положeнъ бѣ. ту убо пятка ради Іудeйска, яко близъ бяше гробъ, положиста Ісуса.

XII. Мф.27:62-66

Зач., 114. Во утрѣи день, иже есть по пятцѣ, собрашася архіерeе и фарисeе къ Пилату глаголюще, Господи, помянухомъ, яко льстeцъ онъ рече еще сыи живъ, по тріeхъ днeхъ востану. повели убо утвердити гробъ до трeтіяго дне. да не како пришeдше ученицы его, нощію украдутъ его, и рекутъ людемъ, воста отъ мертвыхъ. и будетъ послѣдняя лeсть горша пeрвыя. речe же имъ Пилатъ, имате кустодію, идѣте утвердите яко же вѣсте. они же шeдше, утвердиша гробъ, знаменавше камень съ кустодіею.

На часѣхъ во Святыи и Великіи Пятокъ

На 1-омъ часѣ

Гал.6:14-18

Зач., 215. Братіе, мнѣ да небу́детъ хвалитися, токмо о крестѣ Господа нашего Ісуса Христа имже мнѣ ве́сь миръ распяся, и Азъ всему миру. о Христѣ бо Ісуе, ни обрѣзаніе что можетъ, ни не обрѣзаніе, но нова́ тварь. и елицы правиломъ симъ жительствуютъ, миръ на нихъ и милость, на Израили Божіи. прочее же труды да никтоже ми дае́тъ, Азъ бо язвы Господа Ісуса на тѣлѣ мое́мъ ношу. благодать Господа нашего Ісуса Христа съ духомъ вашимъ братіе, аминь.

Мф.27:1-56

Зач., 110. Во время оно, утру бывшу, совѣтъ сотвориша вси архіере́е и старцы людстіи на Ісуса, яко убити его. и связавше его ведоша, и предаша его Понтійскому Пилату иге́мону. Тогда видѣвъ Іу́да предавыи его, яко осудиша его, раскаявся, возъврати тридесяте сре́бреники архіере́омъ и старце́мъ , глаголя, согрѣшихъ, предавъ кровь неповинную. ониже рѣша, что есть намъ, ты узриши. и пове́ргъ сре́бреники въ церкви, отиде, и ше́дъ удавися. архіере́е же пріе́мше сре́бреники, рѣша, недостойно есть вложити ихъ въ корвану, поне́же цѣна крове есть. совѣтъ же сотворше, купиша ими село скуде́льниче, въ погребаніе страннымъ. тѣмже нарече́ся село то, село крове, до сего дне. тогда сбыстся рече́ное Іереміемъ пророкомъ глаголющемъ. и пріяша тридесяте сре́бреникъ, цѣну цѣне́наго, егоже цѣниша от cыновъ Ізраилевъ, и даша я на селѣ скуде́льничи, якоже сказа мнѣ Господь. Ісуъ же ста предъ иге́мономъ, и вопроси его иге́монъ глаголя, тыли еси Царь Іуде́йскіи; Ісуъ же рече ему, ты глаголеши. и егда нань глаголаху архіере́е и старцы, ничесоже отвѣщаваше. тогда глагола ему Пилатъ, неслышиши ли, колико натя свидѣтельствуютъ; и не отвѣща ему ни къ единому глаголу, яко дивитися иге́мону зѣло. на всякъ же праздникъ обычай бѣ иге́мону отпущати единого народу связня, егоже хотяху. имяху же тогда связана нарочита, глаголемаго Варавва. собраномъ же имъ, рече имъ Пилатъ, кого хощете от обою отпущу вамъ, Вараввули, или Ісуса глаголемаго Христа; вѣдяше бо яко зависти ради предаша его. сѣдящу же ему на судищи, посла къ нему жена его, глаголющи, ничтоже тебѣ, и праведнику тому, много бо пострадахъ дне́сь во снѣ его ради. архіере́е же и старцы, наустиша народы, да испросятъ Варавву, Ісуса же погубятъ. отвѣщавъ же иге́монъ, рече имъ, кого хощете от обою отпущу вамъ; ониже рѣша, Варавву. глагола имъ Пилатъ, что убо сотворю Ісусу глаголемому Христу́. глаголаша ему вси, да распятъ бу́детъ. иге́монъ же рече, кое убо зло сотвори; ониже излиха вопіяху глаголюще, да пропятъ бу́детъ. видѣвъ же Пилатъ, яко ничтоже успѣваетъ, но паче молва бываетъ, пріе́мъ воду, умы ру́цѣ предъ народомъ, глаголя, неповиненъ есмь от крове праведнаго сего, вы узрите. и отвѣщавше вси людіе, рѣша, кровь его на насъ, и на чадѣхъ нашихъ. тогда отпусти имъ Варавву. Ісуса же бивъ предастъ имъ, да его пропнутъ. Тогда воини игѣмонови, пріе́мше Ісуса на судищи, собраша нань все множество воинъ. и совле́кше его, одѣяша его хламидою червле́ною. и спле́тше вѣне́цъ от те́рнія, возложиша на главу его. и трость въ десницу его. и поклоньшеся на колѣну предъ нимъ, ругахуся ему, глаголюще, радуися Царю Іуде́йскіи. и плюнувше нань, пріяша трость, и біяху по главѣ его. и егда поругашася ему, совлекоша съ него багряницу, и облекоша его въ ризы его, и ведоша его на пропятіе. исходяще же, обрѣтоша чловека Кирине́йска, именемъ Симона, и сему задѣша понести кре́стъ его. И прише́дше на мѣсто нарицаемое Голгофа, еже есть глаголемо Краніево мѣсто, даша ему, пити оце́тъ съ же́лчію смѣшенъ. и вку́шь, нехотяше пити. распе́нше же его, разъдѣлиша ризы его, ве́ргше жре́бія. и сѣдяще стрежаху его ту. и возъложиша верху главы его вину его написану, се́й есть Ісуъ Царь Іуде́йскіи. тогда распяша съ нимъ два разбойника, единого одесну́ю, и единого ошу́юю. Мимо ходящіи же ху́ляху его, покивающе главами своими, и глаголюще, разоряяи церковь и треми деньми созидая, спасися самъ. аще Сынъ еси Божіи, сниди съ креста; такожде же и архіере́е ругающеся съ книжники и старцы и фарисе́и, глаголаху, иныя спасе, себе́ ли неможетъ спасти; аще Царь Ізраилевъ есть, да сни́детъ нынѣ съ креста, и вѣруемъ въ него. упова на Бога, да избавитъ нынѣ его, аще хощетъ ему. рече́ бо, яко Божіи есмь Сынъ. тожде же и разбойника распятая съ нимъ, поношаста ему. от шестаго же часа, тма бысть по все́й земли, до часа девятаго. о девятомъ же часѣ, возопи Ісуъ гласомъ ве́ліемъ, глаголя, Или Или, лима савахфани; еже есть Боже мой Боже мой, вску́ю мя еси оставилъ; нѣцыи же от ту стоящихъ; слышавше, глаголаху, яко Илію глашаетъ се́й. и абіе те́къ единъ от нихъ, и пріе́мъ гу́бу исполнивъ же оцта, и вонзе на трость, напаяше его. прочіи же глаголаху, остави, да видимъ, аще пріидетъ Илія спасти его. Ісуъ же паки возопивъ гласомъ ве́ліемъ, испусти Духъ. и се завѣса церковная раздрася на двое, съ вышняго края до нижняго. и земля потрясе́ся, и каменіе распаде́ся, и гроби отверзошася, и многа тѣлеса усопшихъ святыхъ восташа. и изъше́дше изъ гробъ по воскресе́ніи его, внидоша во святы́и градъ, и явишася мнозѣмъ. сотникъ же и иже съ нимъ стрегу́щіи Ісуса, видѣвше тру́съ, и бывшая, убояшася зѣло, глаголюще, воистину Божіи Сынъ бѣ се́й. Бяхуже ту и жены многи изъдале́че зряще, иже идоша по Ісуѣ от Галиле́я, служаще ему. въ нихже бѣ и Марія Магдалыни, и Марія Іаковля, и Іосіи Мати. и Мати сыну Зеведе́ову.

На 3-мъ часѣ

Рим.5:6-11

Зач., 88. Братіе, Христосъ су́щимъ намъ немощнымъ, на время за нечестивыхъ умре. едва бо за праведника кто умретъ, за благаго же не́гли кто и де́рзнетъ умрети; составляетъ же свою любовь въ насъ Богъ, яко и еще грѣшникомъ су́щемъ намъ Христосъ заны умре. много же убо паче оправдани бывше нынѣ кровію его, спасе́мся имъ от гнѣва. аще бо врази бывше, примирихомся къ Богу сме́ртію Сына его, множае паче примирившеся спасе́мся въ животѣ его.

Мк.15:16-41

Зач., 67. Во время оно, воини ведоша Ісуса на дворъ Каіафинъ, еже есть преторъ. и созваша всю спиру, и облекоша его въ препряду. и возъложиша нань съпле́тше те́рновъ вѣне́цъ. и начаша цѣловати его, и глаголати, радуися царю Іуде́йскіи. и біяху его по главѣ тростію, и плюваху нань. и прегибающе колѣна, покланяхуся ему. и егда поругашася ему, совлекоша съ него препряду, и облекоша его въ ризы своя. и изъведоша его, да пропнутъ его. и задѣша мимо ходящу нѣкоему Симону Кирине́ю, гряду́щу съ села, о́тцу Александрову и Ру́фову, да возметъ кре́стъ его. и приведоша его на Голгофу мѣсто. еже есть сказаемо Лобное мѣсто. и даяху ему пити, есмирнисме́но вино. онъ же непріятъ. и распе́ншіи его, разъдѣлиша ризы его, метающе жре́бія оня кто что возметъ. бѣже часъ тре́тіи, и пропяша его. и бѣ написаніе вины его написано, Царь Іуде́йскъ. и съ нимъ распяша два разъбойника, единого одесну́ю, и единого ошу́юю его. и събысться Писаніе, еже глаголетъ. и со безъзаконными вмѣнися. и мимо ходящіи ху́ляху его покивающе главами своими, и глаголюще, уа, разоряяи церквь, и треми де́ньми созидая, спасися самъ, и сниди съ креста. такоже и архіере́е ругающеся дру́гъ ко другу съ книжники глаголаху. ины спасе, себе́ ли неможетъ спасти. Христосъ, Царь Израилевъ, да сни́детъ нынѣ съ креста, да видимъ и вѣру имемъ ему. и пропятая съ нимъ поношаста ему. бывшу же часу шестому, тма бысть по все́й земли, до часа девятаго. и въ часъ девятыи, возопи Ісуъ гласомъ ве́ліемъ, глаголя, Елой Елой, лимасавахфани. еже есть сказаемо, Боже Боже мой, во что мя остави; и нѣцыи от стоящихъ, слышавше глаголаху, се Илію гласитъ. те́къ же единъ, и наполнивъ гу́бу оцта, и возложь натрость, напаяше его, глаголя, оставите да видимъ, аще пріидетъ Илія сняти его. Ісуъ же пу́щь гласъ ве́ліи, изъдше. и завѣса церковная разъдрася на двое, съвыше дониже. видѣвъ же сотникъ стоя прямо ему, яко тако возопивъ изъдше, рече, воистину чловекъ се́й, Сынъ бѣ Божіи. бяху же и жены, изъ дале́ча зряще. въ нихже бѣ Марія Магдалыни, и Марія Іакова малаго, и Іосіи Мати, и Саломія. яже и егда бѣ въ Галиле́и хождаху по не́мъ, и служаху ему, и ины многія, яже взыдоша съ нимъ во іеrлимъ.

На 6-мъ часѣ

Евр.2:11-18

Зач., 306. Братіе, святяи и святяеміи, от единого вси, еяже ради вины нестыдится братію нарицати ихъ глаголя. возъвѣщу имя твое братіи мое́й. посредѣ церкве воспою тя. и паки, Азъ бу́ду надѣяся нань. и паки, се Азъ и дѣти яже ми далъ есть Богъ. поне́же убо дѣти пріобщишася плоти и крови, и той подобнѣ пріобщися тѣхже, да сме́ртію упразднитъ иму́щаго державу сме́рти, сирѣчь діявола. и избавитъ сихъ елицы страхомъ сме́рти по всему житію повинны бѣша работѣ. не от ангелъ убо когда пріе́млетъ, но от сѣмене Авраамова пріе́млетъ, от нюду же долженъ бѣ по всему подобитися братіи, да милостивъ бу́детъ и вѣренъ первосвященникъ яже къ Богу, во еже очистити грѣхи людьскія. о не́мже бо пострада самъ искуше́нъ бывъ, можетъ и напаствованнымъ помощи.

Лк.23:32-49

Зач., 111. Во время оно, ведяху со Ісуомъ, и ина два злодѣя съ нимъ убити. и егда пріидоша на мѣсто, нарицаемое Лобное, ту распяша его, и злодѣя, ового убо одесну́ю, а другаго ошу́юю. Ісуъ же глаголаше, О́тче, отпусти имъ, невѣдятъ бо что творятъ. разъдѣляюще же ризы его, метаху жре́бія. и стояху людіе зряще. ругахужеся и князи съ ними, глаголюще, иныя спасе, да спасе́тъ и себе, аще той есть Христосъ, Божіи Избранныи. ругахужеся ему и воини приступающе, и оце́тъ придѣюще ему, и глаголаху, аще ты еси Царь Іуде́йскъ, спасися самъ. бѣ же и написаніе написано надъ нимъ, писмены еллинскими, и Римскими, и евре́йскими, се́й есть Царь Іуде́йскъ. единъ же от обѣшеною злодѣю, ху́ляше его, глаголя, аще ты еси Христосъ, спаси себе и наю. отвѣщавъ же другіи, прещаше ему, глаголя, нили ты боишися Бога, яко въ томже осужде́нъ еси; и мы убо въ правду, достойная бо по дѣломъ наю воспріе́млева, се́й же ни единого зла сотвори. и глаголаше Ісуови, помяни мя Господи, егда пріидеши во Царствіи си. и рече ему Ісуъ, аминь глаголю тебѣ, дне́сь со мною бу́деши въ раи. бѣ же часъ яко шестыи, и тма бысть по все́й земли, до часа девятаго. и поме́рче солнце, и завѣса церковная раздрася посредѣ. и возъглашь гласомъ ве́ліемъ Ісуъ, рече, Отче, въ ру́цѣ твои предаю Духъ мой. и сія ре́къ, изъдше. видѣвъ же сотникъ бывшее, прослави Бога, глаголя, воистину чловекъ се́й, праведенъ бѣ. и вси прише́дшіи народи на позоръ се́й, видяще бывающая, біюще пе́рси своя, возъвращахуся. стояху же вси знаеміи его изъдале́че. и жены спослѣдствовавшія ему от Галиле́и, зряще сихъ.

На 9-мъ часѣ

Евр.10:19-31

Зач., 324. Братіе, иму́ще дерзнове́ніе, входъ святыхъ кровію Ісуъ Христовою, егоже обновилъ есть намъ пу́ть новъ и живъ, завѣсою; сирѣчь, плотію свое́ю, и архіере́я велика въ дому Божіи. да приступаемъ со истиннымъ сердцемъ, и изъвѣще́ніемъ вѣры, очище́ни сердца от совѣсти лукавыя, и измове́ни тѣлеса водою чистою, да держимъ исповѣданіе упованію неуклонно, вѣренъ бо есть обѣщавыи. и да разумѣваемъ дру́гъ дру́га въ поощре́ніи любве, и добрыхъ дѣлъ, не оставляюще церковныхъ собраніи своихъ, якоже есть нѣкимъ обычай, но дру́гъ дру́га подъвизающе. и толико паче молящеся, елико видите приближающься де́нь су́дныи. волею бо согрѣшающимъ намъ по пріятіи разума истины, къ тому о грѣсѣхъ не обрѣтается же́ртва. страшно же нѣкое чаяніе суда, и огня ре́вность, поясти хотящаго сопротивныя. отве́ргъся кто закона Моисе́ова, безъ милосе́рдія придвою или тре́хъ свидѣтель умираетъ. колицѣ мнитъ горшей сподобитися му́цѣ, иже Сына Божія поправыи, и Кровь завѣтную скве́рну возъмнивъ, въ не́йже освятися, и Духъ благодати укоривъ. вѣмъ бо ре́кшаго, мнѣ отмще́ніе, Азъ воздамъ глаголетъ Господь. и паки, яко су́дитъ Господь людемъ своимъ. страшно еже впасти въ ру́цѣ Бога живаго.

Ин.18:28-19:37

Зач., 59. Во время оно, ведоша Ісуса от Каіафы въ преторъ, бѣ же утро. и тіи невнидоша въ преторъ, да неосквернятся, но да ядятъ Паску. изыде же Пилатъ къ нимъ вонъ, и рече, ку́ю рѣчь приносите на чловека сего; отвѣщаша и рѣша ему, аще небы былъ се́й злодѣй, небыхомъ пре́дали его тебѣ. рече́ же имъ Пилатъ, поимѣте его вы, и позакону вашему судите ему. рѣша же ему Іуде́е, намъ недостоитъ убити никогоже. да слово Ісуово сбу́дется еже рече, назнаменуя коею сме́ртію хотяше умрети. вниде же паки Пилатъ въ преторъ, и гласи Ісуса, и рече ему, ты ли еси Царь Іуде́йскъ; отвѣща ему Ісуъ, о себѣ ли ты се глаголеши, или иніи тебѣ рекоша о мнѣ. отвѣща Пилатъ, еда азъ жидовинъ есмь; родъ твой и архіере́е предаша тя мнѣ, что еси сотворилъ; отвѣща Ісуъ, Царство мое, нѣсть от мира сего. аще от мира сего было бы Царство мое, слуги моя убо подвизалися быша, да непре́данъ быхъ былъ Іуде́омъ. нынѣ же Царство мое, нѣсть от сюду. рече́ же ему Пилатъ, убо Царь ли еси ты; отвѣща Ісуъ. ты глаголеши, яко Царь есмь Азъ. Азъ на се родихся, и на се пріидохъ въ миръ, да свидѣтельствую истину. и всякъ иже есть от истины, послу́шаетъ гласа моего. глагола ему Пилатъ, что есть истина; и се ре́къ, паки изыде ко Іуде́омъ, и глагола имъ, Азъ ни единыя вины обрѣтаю въ не́мъ. есть же обычай вамъ, да единаго вамъ отпущу на Пасху. хощете ли убо да отпущу вамъ царя Іуде́йска; возопиша же вси глаголюще, несего, но Варавву, бѣ же Варавва разбойникъ. тогда убо Пилатъ поятъ Ісуса, и би его. и воини спле́тше вѣне́цъ от те́рнія, возложиша ему на главу, и въ ризу багряну облекоша его, и глаголаху, радуися царю Іуде́йскіи, и біяху его по ланитама. изыде же паки вонъ Пилатъ, и глагола имъ, се извожу его вамъ вонъ, да разумѣете, яко въ не́мъ ни единыя вины обрѣтаю. изыде же вонъ Ісуъ, нося терновенъ вѣне́цъ, и багряну ризу. и глагола имъ, се чловекъ егда же видѣша его архіере́е и слуги, возопиша глаголюще. распни распни его. глагола имъ Пилатъ, поймите его вы и распните, Азъ бо не обрѣтаю въ не́мъ вины. отвѣщаша ему Іуде́е, мы законъ имамы, и по закону нашему, долженъ есть умрети, яко себе Сына Божія сотвори. егда же слыша Пилатъ се слово, паче убояся. и вниде въ преторъ паки, и глагола Ісуови, от ку́ду еси ты. Ісуъ же отвѣта недастъ ему. глагола же ему Пилатъ, мнѣ ли неглаголеши. невѣси ли яко власть имамъ распяти тя, и власть имамъ пустити тя; отвѣща Ісуъ, не имаши власти ни единыя на мнѣ, аще небы ти дано свыше. сего ради предавыи мя тебѣ, боліи грѣхъ имать. от сего искаше Пилатъ пустити его. Іуде́е же вопіяху глаголюще, аще сего пу́стиши, нѣси дру́гъ кесаре́въ. всякъ иже царя себе творяи, противится кесарю. Пилатъ же слышавъ се слово, изведе вонъ Ісуса, и сѣде на судищи, на мѣстѣ глаголемѣмъ Лифостротонъ, евре́йски же Гаввафа, бѣ же пятокъ пасцѣ, часъ же яко шестыи, и глагола Іуде́омъ, се Царь вашъ. они же вопіяху, возми возми распни его. глагола имъ Пилатъ, царя ли вашего распну; отвѣщаша архіере́е, не имамы царя, токмо кесаря. тогда же предастъ его имъ, да распнется. пое́мше же Ісуса, и ведоша. и нося кре́стъ свой, изыде въ глаголемое Лобное мѣсто, еже глаголется евре́йски, Голгофа, идѣже пропяша его. и съ нимъ ина два, сюду и сюду, посредѣ же Ісуса. написа же и титла Пилатъ, и положи на крестѣ. бѣ же написано, Ісуъ назарянинъ, Царь Іуде́йскіи. сего же титла мнози чтоша от Іуде́й. яко близъ бѣ мѣсто града, идѣже пропяша Ісуса. и бѣ написано, евре́йски, гре́чески, Римски. глаголаху же Пилату архіере́е Іуде́йстіи, непиши, Царь Іуде́йскіи, но яко самъ рече, Царь есмь Іуде́йскіи. отвѣща Пилатъ, еже писахъ, писахъ. воини же егда пропяша Ісуса, пріяша ризы его и сотвориша четыри части, кому́ждо воину часть, и хитонъ. бѣ же хитонъ нешве́нъ, свыше истканъ ве́сь. рѣша же къ себѣ, непредере́мъ его, но ме́тнемъ жре́бія о не́мъ, кому бу́детъ. да сбу́дется Писаніе глаголющее, раздѣлиша ризы моя себѣ, и о матисмѣ мое́й меташа жре́бія. воини же убо сія сотвориша. стояху же при крестѣ Ісуовѣ, Мати его, и сестра Матере его, Марія Клеопова, и Марія Магдалыни. Ісуъ же видѣвъ Матерь и ученика стояща, егоже любляше, глагола Матери свое́й, Же́но се Сынъ твой. потомъ же глагола ученику, се Мати твоя. и от того часа поятъ ю ученикъ во своя си. посе́мъ вѣдыи Ісуъ, яко вся уже совершишася. да сбу́дется Писаніе, глагола, жажду. сосу́дъ же стояше полнъ оцта. они же исполнивше гу́бу оцта, и на трость вонзше, придѣша ко устомъ его. егда же пріятъ оце́тъ Ісуъ, рече, совершишася. и преклонь главу, предастъ Духъ. Іуде́е же, поне́же пятокъ бѣ, да не останутъ на крестѣ тѣлеса въ суботу. бѣ бо великъ де́нь тоя суботы, молиша Пилата, да пребіютъ голени ихъ, и возмутъ. пріидоша же воини, и пе́рвому убо пребиша голени, и другому распятому съ нимъ. на Ісуса же прише́дше, яко видѣша его уже уме́рша, непребиша ему голеніи, но единъ от воинъ копіе́мъ ре́бра ему прободе, и абіе изыде кровь и вода. и видѣвыи, свидѣтельствова, и истинно есть свидѣтельство его. и той вѣсть яко истину глаголетъ, да вы вѣру имете. быша бо сія, да сбу́дется Писаніе, кость несокрушится от него. и паки другое Писаніе глаголетъ, возъзрятъ нань егоже прободоша.

1 Кор.1:18–2,2

Зач., 125. Бра́тіе, слово крестное, погиба́ющимъ убо, юродство есть, а спаса́емымъ на́мъ, сила Божія есть. писано бо есть. Погублю прему́дрость прему́дрыхъ, и ра́зумъ разу́мныхъ отве́ргуся. гдѣ прему́дръ; гдѣ книжникъ; гдѣ совопросникъ вѣка сего; не обуяли Богъ прему́дрость міра сего; поне́же бо въ прему́дрости Божіи, неразумѣ міръ прему́дростію Бога, благоизволилъ Богъ бу́йствомъ проповѣди спасти вѣрующихъ. поне́же и Іуде́е зна́менія просятъ, и Еллини прему́дрости ищутъ. мыже проповѣдуемъ Христа ра́спята, Іуде́омъ убо собла́знъ, Еллиномъ же безу́міе. самѣмъ же зва́ннымъ, Іуде́омъ же и Еллиномъ, Христа Божію силу, и Божію прему́дрость. зане бу́ее Божіе, прему́дрѣе человѣкъ есть, и немощное Божіе, крѣпча́е человѣкъ есть. Видите бо зва́ніе ва́ше бра́тіе, яко не мнози ли прему́дріи по плоти, не мнози ли сильни, не мнози ли благородни; но бу́яя міра избра Богъ, да прему́дрыя посрамитъ. и не́мощная міра избра Богъ, да посрамитъ крѣпкая. и худородная міра и уничиже́нная избра Богъ, и несу́щая, да су́щая упразднитъ. яко да непохва́лится всяка плоть пре́дъ Богомъ. Изъ негоже вы есте о Христе́ Ісусе, иже бысть на́мъ прему́дрость от Бога, пра́вда же и освященіе и избавле́ніе. да якоже пишетъ, хваляися о Господѣ да хва́лится. и Азъ прише́дъ къ ва́мъ бра́тіе, пріидохъ, не по превосходному словеси или прему́дрости, возвѣща́я са́мъ свидѣтельство Божіе. не судихъ бо вѣдѣти что въ ва́съ, точію Ісуса Христа, и сего ра́спята.

Мф.27:1b–38; Лк 23, 39–43; Мф.27:39–54; Ин.19:31–37; Мф.27:55–61

Зач., 110. Во вре́мя оно. совѣтъ сотвориша вси архіере́е, и ста́рцы людстіи на Ісуса, яко убити его. И связа́вше его ведоша, и преда́ша его Понтійскому Пила́ту иге́мону. Тогда видѣвъ Іюда преда́выи его яко осудиша его, раска́явся, возврати тридесяте сре́бреникы архіере́oмъ и ста́рцемъ , глагоя. согрѣшихъ, преда́въ кровь неповинну. они же рѣша. что есть на́мъ; ты узриши. и пове́ргъ сре́бреникы въ церкви, отиде, и ше́дъ удавися. архіере́е же пріе́мше сре́бреникы, рѣша. недостойно есть вложити ихъ въ корва́ну, поне́же цѣна крове есть. Совѣтъ же сотворше, купиша ими село скуде́льниче, въ погрѣба́ніе стра́ннымъ. тѣмъ же нарече́ся село то, село крове, до сего дне. Тогда сбысться рече́ное Іереміемъ пророкомъ глагоющемъ. И пріяша тридесяте сребреникъ цѣну цѣне́наго, его же цѣниша от сыновъ Ізраилевъ, и да́ша я на селѣ скуде́льничи, яко же сказа мнѣ Господь. Ісусъ же ста предъ иге́мономъ. И вопроси его иге́монъ глагоя. ты ли еси царь Іюде́йскыи; Ісусъ же рече ему, ты глаголеши. И егда на́нь глаголаху архіере́е и ста́рцы, ничесоже не отвѣщава́ше. Тогда глагола ему Пила́тъ. не слышиши ли, колико на тя свѣдѣтельствуютъ; и не отвѣща ему, ни къ единому глагоу, яко дивитися иге́мону зѣло. На всякъ же пра́здникъ обычай бѣ иге́мону отпуща́ти единого народу связана, его же хотяху. имяху же тогда связана нарочита, глаголемаго Вара́вва. Собраномъ же имъ, рече имъ Пила́тъ. кого хощете от обою отпущу ва́мъ, Вара́вву ли, или Ісуса глаголемаго Христа; вѣдяше бо яко за́висти ра́ди преда́ша его. Сѣдящу же ему на судищи, посла къ нему жена его, глагоющи. ничтоже тебѣ, и пра́веднику тому. много бо пострада́хъ дне́сь во снѣ его ра́ди. архіере́е же и ста́рцы наустиша народы да испросятъ Вара́вву, Ісуса же погубятъ. отвѣща́въ же иге́монъ рече имъ. кого хощете от обою отпущу ва́мъ; они же рѣша, Вара́вву. глагола имъ Пила́тъ. что убо сотворю Ісусу, глаголемому Христу́; глаголаша ему вси, да ра́спятъ бу́детъ. Иге́монъ же рече. кое убо зло сотвори; они же излиха вопіяху глагоюще, да пропятъ бу́детъ. Видѣвъ же Пила́тъ, яко ничтоже успѣва́етъ, но па́че молва быва́етъ, пріе́мъ воду, умы ру́цѣ предъ народомъ, глагоя. неповиненъ есмь от крове пра́веднаго сего, вы узрите. и отвѣща́вше вси людіе, рѣша. кровь его на на́съ, и на ча́дѣхъ на́шихъ. Тогда отпусти имъ Вара́вву, Ісуса же бивъ преда́стъ имъ, да его пропнутъ. Тогда воини иге́монови, пріе́мше Ісуса на судищи, собра́ша на́нь все множество воинъ. и совле́кше его, одѣяша его хламидою червле́ною, и спле́тше вѣне́цъ от те́рнія, возложиша на главу его, и трость въ десницу его. и поклоншеся на колѣну предъ нимъ, руга́хуся ему глагоюще. ра́дуйся царю Іюде́йскыи. И плюнувше на́нь, пріяша трость, и біяху по главѣ его. и егда поруга́шася ему, совлекоша съ него багряницу, и облекоша его въ ризы его, и ведоша его на пропятіе. исходяще же, обрѣтоша человѣка Кирине́йска, именемъ Симона. и сему задѣша понести кре́стъ его. И прише́дше на мѣсто нарица́емое Голгофа. еже есть глаголемо, кра́ніево мѣсто. да́ша ему пити оце́тъ съ же́лчію смѣшенъ. и вку́шь, не хотяше пити. Распе́нше же его, раздѣлиша ризы его, ве́ргше жре́бія, и сѣдяще стрежа́ху его ту. И возложиша верху главы его вину его написану. се́й есть Ісусъ, царь Іюде́йскыи. Тогда распяша съ нимъ два разбойника, единого одесну́ю, и единого ошу́юю. е́динъ же от обѣше́ною злодѣю ху́ляше его, глагоя. аще ты еси Христосъ, спаси себе и на́ю. отвѣща́въ же другіи, прѣща́ше ему, глагоя. ни ли ты боишися Бога, яко въ томъ же осужде́нъ еси; и мы убо въ пра́вду. достойная бо по дѣломъ на́ю воспріе́млевѣ, се́й же ни единого зла сотвори. и глаголаше Ісусови. помяни мя Господи, егда пріидеши во царствіи си. И рече ему Ісусъ. аминь глагою тебѣ, дне́сь со мною бу́деши въ раи. Мимо ходящеи же ху́ляху его, покива́юще глава́ми своими, и глагоюще. разаряяи церковь, и треми деньми созида́я, спасися са́мъ. аще Сынъ еси Божіи, сниди съ креста. Та́кожде же и архіере́е руга́ющеся съ книжникы и ста́рцы, и фарисе́и глаголаху. иныя спасе, себе ли не можетъ спасти. аще царь Ізраилевъ есть, да сни́детъ нынѣ съ креста, и вѣруемъ въ него. упова на́ Бога, да изба́витъ нынѣ его, аще хощетъ ему. рече́ бо яко Божіи есмь Сынъ. Тожде же и разбойника распятая съ нимъ, поноша́ста ему. от шеста́го же часа, тма бысть по все́й земли, до часа девятаго. о девятемъ же часѣ, возопи Ісусъ гла́сомъ ве́ліемъ, глагоя. Или Или, лимасавахфа́ни; еже есть. Боже мой Боже мой, вску́ю мя еси оста́вилъ; нѣціи же от ту стоящихъ слышавше, глаголаху, яко Илію глаша́етъ се́й. И абіе те́къ единъ от нихъ, и пріе́мъ гу́бу, исполнивъ же оцта, и возне́зъ на трость напаяше его. прочіи же глаголаху, оста́ви, да видимъ аще пріидетъ Илія спасти его. Ісусъ же па́кы возопивъ гла́сомъ ве́ліемъ, испусти духъ. И се завѣса церковная раздра́ся на́ двое, съ вышняго кра́я до нижняго. И земля потрясе́ся, и ка́меніе распаде́ся, и гроби отверзошася, и многа тѣлеса усопшихъ святыхъ воста́ша. и изше́дше изъ гробъ по воскресе́ніи его, внидоша во святы́и гра́дъ, и явишася мнозѣмъ. Сотникъ же и иже съ нимъ стрегу́щеи Ісуса, видѣвше тру́съ, и бывшая, убояшася зѣло, глагоюще, воистину Божіи Сынъ бѣ се́й. Іуде́е же, поне́же пятокъ бѣ, да не оста́нутъ на крестѣ тѣлеса въ суботу, бѣ бо великъ день тоя суботы, молиша Пила́та, да пребіютъ голени ихъ, и возмутъ. пріидоша же воини, и пе́рвому убо пребиша голени, и другому распятому съ нимъ. на Ісуса же прише́дше, яко видѣша его уже уме́рша, не пребиша ему голеніи, но единъ от воинъ копіе́мъ ре́бра ему прободе. и абіе изыде кровь и вода. и видѣвыи, свѣдѣтельствова, и истинно есть свѣдѣтельство его. и той вѣсть яко истину глаголетъ, да вы вѣру имете. Быша бо сія, да сбу́дется писа́ніе, кость не сокрушится от него. И па́кы другое писа́ніе глаголетъ. возрятъ на́нь его же прободоша. Бѣху же ту и жены многы издале́че зряще, иже идоша по Ісусѣ от Галиле́я, служа́ще ему. въ нихъ же бѣ Ма́рія Магдалыни, и Ма́рія Іа́ковля и Іoсіи ма́ти. и ма́ти сыну Зеведе́oву. Поздѣ же бывшу, пріиде человѣкъ бога́тъ, от Аримафе́я, именемъ Іoсифъ, иже и той учися у Ісуса. се́й присту́пль къ Пила́ту, проси тѣлесе Ісусова. Тогда Пила́тъ повелѣ да́ти тѣло. и пріе́мъ тѣло Іoсифъ, обвитъ е плащаницею чистою, и положи е въ новѣмъ свое́мъ гробѣ, иже исъсѣче въ ка́мени. и възвали ка́мень ве́ліи надъ две́ріи гроба, и отиде. Бѣ же ту Ма́рія Магдалыни, и друга́я Ма́рія, сѣдящи прямо гробу.

Во Святую и Великую Суботу, вечеръ, на Божественои Литургіи, Великаго Василія
Рим.6:3-11

Зач., 91. Или неразумѣете яко елицы во Христа Ісуса крестихомся, въ смерть его крестихомся; спогребохомся убо съ нимъ крещeніемъ въ смерть, да яко же воста Христосъ отъ мертвыхъ, славою Отчею. тако и мы во обновлeніи жизни ходити начнемъ. Аще бо сообразны быхомъ подобію смерти его, но и воскреснію будемъ причастницы. Сіе вѣдяще яко вeтхіи нашъ человѣкъ съ нимъ сраспятся, да упразнится тѣло грѣховное, яко ктому не работати намъ грѣху. умeрыи бо оправдися отъ грѣха. Аще ли умрохомъ со Христомъ, вѣруемъ, яко и живи будемъ съ нимъ, вѣдяще яко Христосъ воста отъ мертвыхъ, ктому уже не умретъ, смерть нань ктому не обладаетъ. еже бо умре, грѣху умре единою, а еже живeтъ, Богови живeтъ. Тако же и вы помышляйте себе, мeртвымъ убо быти грѣху, живымъ же Богови о Христѣ Ісусѣ Господѣ нашемъ.

Мф.28:1-20

Зач., 115. Въ вeчеръ же суботныи, свитающи во едину отъ суботъ, пріиде Марія Магдалыни, и другая Марія, видѣти гробъ. и се трусъ бысть вeліи. ангелъ бо Господень съшeдъ съ небесе, приступль отвали камень отъ двeріи гроба, и сѣдяше на нeмъ. бѣ же зракъ его яко молніи, и одѣяніе его бѣло яко снѣгъ. отъ страха же его сотрясошася стрегущеи, и быша яко мeртви. отвѣщавъ же ангелъ, рече женамъ. не бойтеся вы. вѣмъ бо, яко Ісуса распятаго ищете. нѣсть здѣ. воста бо, яко же рече, пріидѣте. видите мѣсто, идѣже лежа Господь. и скоро шeдше, рцѣте ученикомъ его, яко воста отъ мертвыхъ, и се варяетъ вы въ Галилeи, тамо его узрите. се рѣхъ вамъ. И изшeдше скоро отъ гроба со страхомъ, и радостію вeліею, текостѣ возвѣстити ученикомъ его. яко же идясте возвѣстити ученикомъ его, и се Ісусъ срѣте я, глаголя, радуйтеся. онѣ же приступльши, ястеся за нозѣ его, и поклонистеся ему. Тогда глагола имъ Ісусъ, не бойтеся. идѣте, возвѣстите братіи моeй, да идутъ въ Галилeю, и ту мя видятъ. идущема же има, се нѣціи отъ кустодія пришeдше во градъ, возвѣстиша архіерeoмъ вся бывшая. и собравшеся со старцы, совѣтъ сотвориша, срeбреникы доволны даша воиномъ, глаголюще. рцѣте, яко ученицы его нощію пришeдше украдоша его, намъ спящемъ. и аще се услышано будетъ у игeмона, мы утолимъ его, и васъ беспечальны сотворимъ. они же пріeмше срeбреникы, сотвориша яко же научeни быша. и промчeся слово се во Іудeехъ, даже до сего дне. Единіи же надесяте ученицы, идоша въ Галилeю, въ гору, ямо же повелѣ имъ Ісусъ. и видѣвше его, поклонишася ему. ови же усомнѣшася. И приступль Ісусъ, рече имъ, глаголя. дастъмися всяка власть, на небеси и на земли. шeдше убо научите вся языкы, крестяще ихъ, во имя Отца и Сына и святаго Духа, учаще ихъ блюсти вся елика заповѣдахъ вамъ. и се Азъ съ вами есмь вся дни до скончанія вѣка, аминь.

Деян.1:1-8

Зач., 1. Пeрвое убо слово сотворихъ о всѣхъ, о Ѳеофиле, о нихъ же начатъ Ісусъ, творити же и учити, до него же дне, заповѣдавъ апостоломъ Духомъ Святымъ, ихъ же избра, вознесeся. предъ ними же и постави себе жива, по страданіи своeмъ, во мнозѣхъ знаменіихъ, деньми четыредесятьми являяся имъ, и глаголя яже о Царствіи Божіи, и съ ними яды, повелѣваше имъ отъ Іерусалима не отлучатися, но ждати обѣтованіе отчее, еже слышасте отъ мене. Яко Іoаннъ убо крестилъ есть водою, вы же имате креститися Духомъ Святымъ, не по мнозѣхъ сихъ днeхъ. они же убо сошeдшеся, вопрашаху его, глаголюще. Господи, аще въ лѣто се устраяеши царствіе Ізраилево; речe же къ нимъ. нѣсть ваше разумѣти времена и лѣта, яже Отецъ положи своeю областію. Но пріимете силу нашeдшу Святому Духу на вы. и будете ми свидѣтеле, во Іерусалимѣ же, и во всeй Іудeи и самаріи, и даже до послѣднихъ земли.

Ин.1:1-17

Зач., 1. Въ началѣ бѣ Слово, и Слово бѣ у Бога, и Богъ бѣ Слово. се бѣ искони у Бога. Вся тѣмъ быша. и безъ него ничтоже бысть еже бысть. Въ томъ животъ бѣ, и животъ бѣ свѣтъ человѣкомъ. И свѣтъ во тмѣ свѣтится, и тма его не объятъ. Бысть человѣкъ посланъ отъ Бога, имя ему Іoаннъ. Сeй пріиде во свѣдѣтельство, да свѣдѣтельствуетъ о свѣтѣ, да вси вѣру имутъ ему. Не бѣ той свѣтъ, но да свѣдѣтельствуетъ о свѣтѣ. Бѣ свѣтъ истинныи, иже просвѣщаетъ всякаго человѣка грядущаго въ миръ. Въ мирѣ бѣ, и миръ тѣмъ бысть, и миръ его не позна. Во своя пріиде, и свои его не пріяша. Елици же пріяша его, дастъ имъ область чадомъ божіимъ быти, вѣрующимъ во имя его. Иже не отъ крови, ни отъ похоти плотьскыя, ни отъ похоти мужскыя, но отъ Бога родишася. И Слово плоть бысть, и вселися въ ны. И видѣхомъ славу его, славу яко единороднаго отъ отца, исполнь благодати и истины. Іoаннъ свѣдѣтельствуетъ о нeмъ, и возва глаголя. сeй бѣ его же рѣхъ, иже по мнѣ грядыи, предо мною бысть, яко пeрвѣе мене бѣ. И отъ исполнeнія его мы вси пріяхомъ, и благодать возблагодать. Яко законъ моисeoмъ данъ бысть. благодать же и истина Ісусъ Христомъ бысть.

Деян.1:12–17, 21–26

Зач., 2. Водни оны, возвратишася апостоли во Іерусалимъ, отъ горы нарицаемыя Елеонъ. яже есть близъ Іерусалима, суботѣ имущи путь. И егда внидоша, взыдоша на горницу, идѣже бяху пребывающе. Пeтръ же, и Іаковъ. и Іoаннъ, и Андрeя. Филиппъ, и Ѳома. Варфоломeй, и Матѳeй. и Іаковъ Алфeoвъ, и Симонъ Зилотъ. и Іюда Іаковль. сіи вси бяху, терпяще единодушно молитвою и молeніемъ. съ женами, и Маріею Матерію Ісусовою, и братіею его. И во дни сія, воставъ Пeтръ, посредѣ ученикъ, рече, бѣ же народъ имeнъ вкупѣ яко сто и двадесяте, мужіе братія, подобаше скончатися писанію сему, еже прeже рече духъ святыи усты Давыдовы о Іюдѣ бывшемъ вожди емшимъ Ісуса. яко причтeнъ бѣ съ нами, и пріятъ жрeбіи службы сея. Подобаетъ убо отъ сошeдшихся съ нами мужeй, во всяко лѣто въ нeже вниде и изыде въ насъ Господь Ісусъ. начeнъ отъ крещeнія Іoаннова, до него же дне вознесeся на небо отъ насъ, свидѣтеля воскреснію его быти съ нами единому отъ сихъ. И поставиша два. Іосифа нарицаемаго Варсаву. иже наречeнъ бысть Іустъ, и Матѳeя, и помолившеся рѣша. Ты Господи сердцевѣдче всѣхъ, покажи, его же избра отъ сею обою единого пріяти, жрeбіи служeнія сего и апостольства. изъ него же испаде Іюда, ити въ мѣсто свое. и даша жрeбія има. и паде жрeбіи на Матѳeя. и причтeнъ бысть ко единому надесяте апостолу.

Ин.1:18-28

Зач., 2. Бога никтоже видѣ нигдѣже. единородныи Сынъ, сыи въ лонѣ Отчи, той исповѣда. И се есть свѣдѣтельство Іoанново. егда послаша жидове отъ Іерусалима іерeя и левиты, да вопросятъ его, ты кто еси; и исповѣда, и не отвeржеся. и исповѣда, яко нѣсмь азъ Христосъ. И вопросиша его. что убо, Илія ли еси ты; и глагола, нѣсмь. пророкъ ли еси; и отвѣща, ни. рѣша же ему, кто еси, да отвѣтъ дамы пославшимъ ны. что глаголеши о тебѣ самомъ; рече, Азъ гласъ вопіющаго въ пустыни, исправите путь Господень, яко же рече Ісаія пророкъ. И посланіи, бѣху отъ фарисей. и вопросиша его и рѣша ему. что убо крещаеши, аще ты нѣси Христосъ. ни Илія, ни пророкъ; отвѣща имъ Іoаннъ, глаголя. Азъ крещаю водою, посредѣ же васъ стоитъ, его же вы не вѣсте. той есть грядыи по мнѣ, иже предо мною бысть. ему же нѣсмь азъ достоинъ, да отрѣшу ремeнь сапогу его. сія въ Виѳаварѣ быша, обонъ полъ Іoрдана. идѣже бѣ Іoаннъ крестя.

Во вторникъ Свѣтлыя Недѣли

Деян.2:14-21

Зач., 4. Водни оны, ставъ Пeтръ, со единѣмъ надесяте, воздвиже гласъ свой и рече имъ, мужіе Іудeйстіи, живущеи во Іерусалимѣ вси. се вамъ разумно да будетъ, и внушите глаголы моя. не бо яко же вы мните сіи пьяни суть, есть бо часъ трeтіи дне. но се есть речeнное пророкомъ Іоилемъ. И будетъ въ послѣдняя дни глаголетъ Господь. излѣю отъ Духа моего на всяку плоть. и прорекутъ сынове ваши, и дщeря ваша. и юноша ваша видѣнія узрятъ, и старцы ваши сонія видятъ. ибо на рабы моя и на рабыня моя во дни оны излѣю отъ Духа моего, и прорекутъ. и дамъ чюдеса на небеси горѣ, и знаменія на земли низу. кровь и огнь, и курeніе дыма. солнце преложится во тму, и луна въ кровь. Прeжде даже не пріити дню Господню великому и просвѣщeнному, и будетъ, всякъ иже аще призовeтъ имя Господне, спасeтся.

Лк.24:12-35

Зач., 113. Во время оно, Пeтръ воставъ тече ко гробу. и приникъ, видѣ ризы едины лежаща. отиде въ себѣ дивяся бывшему. И се два отъ нихъ бѣста идуща въ той же день, въ вeсь, отстоящу стадіи шестьдесятъ отъ Іерусалима, ей же имя Еммаусъ. и та бесѣдоваста къ себѣ о всѣхъ сихъ приключшихся. и бысть бесѣдующема има и совопрощающимася. И самъ Ісусъ приближися идяше съ нима, очи же ею держастася да его не познаета. речe же къ нима. что суть словеса сія, о нихъ же стязаетася къ себѣ идуща, и еста дряхла; отвѣщавъ же единъ, ему же имя Клеопа, рече къ нему. ты ли единъ пришeлецъ еси во Іерусалимъ, и не увѣдѣ бывшихъ въ нeмъ во дни сія; и рече има. кыихъ; она же рѣста ему, яже о Ісусѣ Назарянинѣ, иже бысть мужъ пророкъ, силенъ дѣломъ и словомъ, прeдъ Богомъ, и всѣми людми. Како предаша его архіерeе и князи наши на осуждeніе смeрти, и распяша его. мы же надѣяхомся, яко сeй есть хотя избавити Ізраиля. Но и надъ всѣми сими, трeтіи се день имать днeсь, отнeли же сія быша. Но и жены нѣкыя отъ насъ ужасиша ны, бывшая рано у гроба, и не обрѣтше тѣлесе его, пріидоша глаголюще. и явлeніе ангелъ видѣвша, иже глаголютъ его жива. и идоша нѣціи отъ насъ ко гробу, и обрѣтоша тако, яко же и жены рѣша, самого же не видѣша. и той рече къ нимъ. о несмысленая, и косная сердцемъ, еже вѣровати о всѣхъ, яже глаголаша пророцы. не сія ли подобаше пострадати Христу, и внити въ славу свою; и начeнъ отъ Моисeя, и отъ всѣхъ пророкъ, сказаяше има, отъ всѣхъ писаніи яже о нeмъ. и приближишася въ вeсь, въ нюже идяста. и той творяшеся далечайше ити. и нужаста его глаголюще. облязи съ нама. яко къ вeчеру есть, и преклонился есть день. и вниде съ нима облежти. и бысть яко возлеже съ нима. пріимъ хлѣбъ, благослови, и преломивъ даяше има. онѣма же отверзостася очи, и познаста его. и той невидимъ бысть има. и рекоста къ себѣ, не сердце ли наю горя бѣ въ наю. егда глаголаше нама на пути, и яко сказоваше нама писанія; и воставша въ той часъ, возвратистася во Іерусалимъ. и обрѣтоста съвокуплены единого надесяте, и иже бяху съ ними. глаголющихъ, яко воистину воста Господь, и явися Симону. и та повѣдаста яже быша на пути, и яко познася има въ преломлeніи хлѣба.

Въ среду Свѣтлыя Недѣли

Деян.2:22-36

Зач., 5. Водни оны, рече Петръ къ людемъ, мужіе Ізраильтестіи слышите словеса сія. Ісуса Назарeя, мужа отъ Бога извѣствованна въ васъ, силами и чюдесы и знаменіи, иже сотвори тѣмъ Богъ посредѣ васъ, яко же и сами вѣсте. сего нарекованнымъ совѣтомъ и проразумѣніемъ Божіимъ, продана пріeмше, рукама беззаконныхъ пригвождьше убисте. его же Богъ воскреси, раздрѣшь болѣзни смeртныя. яко же не бяше мощно держану быти ему отъ нея. Давидъ бо глаголетъ о нeмъ. предзрѣхъ Господа предо мною выну, яко одесную мене есть, дася не подвижу. сего ради возвеселися сердце мое и возрадовася языкъ мой. ещe же и плоть моя вселится на упованіе. яко не оставиши душу мою во адѣ, ни даси же прпдбному своему видѣти истлѣнія. сказалъ ми еси пути живота. и исполниши мя весeлія съ лицeмъ твоимъ. Мужіе братіе, достоитъ рещи съ дерзновeніемъ къ вамъ о патріарсѣ Давидѣ, яко умре и погребeнъ бысть, и гробъ его есть въ насъ даже до дне сего. пророкъ убо сыи и вѣдыи яко клятвою клятся ему Богъ, отъ плода чрeслъ его, по плоти воздвигнути Христа, и посадити его на престолѣ его, предвидѣвъ, глагола о воскресeніи Христовѣ. яко не оставися душа его во адѣ, ни плоть его видѣ истлѣнія. сего Ісуса воскреси Богъ. ему же вси мы есмы свидѣтеле. десницею убо божіею вознесeся, обѣтованіе же святаго Духа пріeмъ отъ Отца излія, се еже вы нынѣ видите и слышите. не бо Давидъ взыде на небеса. глаголетъ бо самъ. рече Господь Господеви моему, сѣди одесную мене, дондеже положу враги твоя подножіе ногама твоима. твeрдо убо да разумѣетъ вeсь домъ Ізраилевъ. яко и Господа и Христа его Богъ сотворилъ есть сего Ісуса, его же вы распясте.

Ин.1:35-51

Зач., 4. Во время оно, стояше Іoаннъ, и отъ ученикъ его два. и узрѣвъ Ісуса грядуща, глагола. се агнецъ Божіи. И слышаста его оба ученика глаголюща, и по Ісусѣ идоста. обращьжеся Ісусъ, и видѣвъ я по себѣ идуща, глагола има, чесо ищета; она же рѣста ему. Равви, еже глаголется сказаемо, Учителю, гдѣ живeши; и глагола има, пріидѣта и видѣта. Пріидоста же и видѣста гдѣ живяше, и у него пребыста день той. бѣ же часъ яко десятыи. Бѣ же Андрeя братъ Симона Петра, единъ отъ обою слышавшою отъ Іoанна, и по нeмъ шeдшею. обрѣте сeй прeжде брата своего Симона, и глагола ему. обрѣтохомъ Месію, еже есть сказаемо, Христосъ. и приведе его ко Ісусови. Возрѣвъ же нань Ісусъ, рече, ты еси Симонъ сынъ Іонинъ, ты наречeшися Кифа, еже сказается Пeтръ. Во утрѣи же восхотѣ изыти въ Галилeю, и обрѣте Филиппа. и глагола ему, гряди по мнѣ. бѣ же Филиппъ отъ Виѳсаиды, отъ града Андрeoва и Петрова. обрѣте Филиппъ Наѳанаила, и глагола ему. его же писа Моисeй въ законѣ, и пророцы, обрѣтохомъ Ісуса, сына Іосифова иже отъ Назарeѳа. И глагола ему Наѳанаилъ. отъ Назарeѳа можетъ ли что добро быти; глагола ему Филиппъ. пріиди и виждь. Видѣвъ же Ісусъ Наѳанаила грядуща къ себѣ, и глагола о нeмъ. се воистину Ізраильтянинъ, въ нeмъ же льсти нѣсть. Глагола ему Наѳанаилъ. како мя знаеши; отвѣща Ісусъ, и рече ему. прeжде даже не возгласи тебе Филиппъ, суща подъ смоковницею видѣхъ тя. отвѣща Наѳанаилъ, и глагола ему. Равви. ты еси Сынъ Божіи, ты еси Царь Ізраилевъ. отвѣща Ісусъ, и рече ему. зане рѣхъ ти, яко видѣхъ тя подъ смоковницею, вѣруеши. болша сихъ узриши. И глагола ему. аминь аминь глаголю вамъ. отсeлѣ узрите небо отвeрсто, и ангелы Божія восходяща, и низходяща надъ Сына Человеческаго.

Въ четвертокъ Свѣтлыя Недѣли

Деян.2:38-43

Зач., 6. Водни оны, рече Петръ къ людемъ, покайтеся и да крестится кождо васъ во имя Ісуса Христа, во оставлeніе грѣхомъ. и пріимете даръ святаго Духа. вамъ бо есть обѣтованіе, и чадомъ вашимъ. и всѣмъ далнимъ, елико аще призовeтъ Господь Богъ нашъ. Иными же словесы множайшими свѣдѣтельствоваше, и моляше я глаголя. спаситеся отъ рода строптиваго сего. они же убо любeзно пріяша слово его, и крестишася. и приложишася въ день той, душа яко три тысяща. Бяху же терпяще во учeніи апостолъ, и въ общeніи, и преломлeніи хлѣба, и въ молитвахъ. Бысть же на всякой души страхъ. многа бо чюдеса и знаменія отъ апостолъ быша во Іерусалимѣ.

Ин.3:1-15

Зач., 8. Во время оно, человѣкъ нѣкій бѣ отъ фарисей, никодимъ имя ему, князь жидовскыи, сeй пріиде ко Ісусу нощію, и рече ему. Равви, вѣмъ, яко отъ Бога пришeлъ еси учитель. никтоже бо можетъ знаменіи сихъ творити, ихъ же ты твориши, аще не будетъ Богъ съ нимъ. отвѣща Ісусъ, и рече ему. аминь аминь глаголю тебѣ. аще не кто родится свыше, не можетъ видѣти царствія Божія. Глагола къ нему никодимъ. како можетъ человѣкъ родитися старъ сыи; еда можетъ второе внити въ утробу матере своея, и родитися; отвѣща Ісусъ. аминь аминь глаголю тебѣ, аще кто не родится водою и Духомъ, не можетъ внити въ Царствіе Божіе. Рождeнное отъ плоти, плоть есть. и рождeнное отъ Духа, Духъ есть. Не дивися, яко рѣхъ ти, подобаетъ вамъ родитися свыше. Духъ, идѣже хощетъ, дышетъ, и гласъ его слышиши, но не вѣси откуду приходитъ, и камо идетъ. Тако есть всякъ человѣкъ рождeнныи отъ Духа. отвѣща никодимъ, и рече ему. како могутъ сія быти; отвѣща Ісусъ, и рече ему. ты еси учитель Ізраилевъ, и сихъ ли не вѣси; аминь аминь глаголю тебѣ, яко еже вѣмы, глаголемъ. и еже видѣхомъ, свѣдѣтельствуемъ, и свѣдѣтельства нашего не пріeмлете. Аще земная рекохъ вамъ, и не вѣруете. како аще реку вамъ небесная, вѣруете; И никтоже взыде на небо, токмо съшeдыи съ небесе, Сынъ Человеческіи, сыи на небеси. и яко же Моисeй вознесе змію въ пустыни, тако подобаетъ вознестися Сыну Человеческому, да всякъ вѣруяи вонь не погибнетъ, но имать животъ вѣчныи.

Въ пятокъ Свѣтлыя Недѣли

Деян.3:1-8

Зач., 7. Водни оны, Пeтръ и Іoаннъ восхожаста во святилище на молитву въ часъ девятыи. и нѣкіи мужъ хромъ отъ чрeва матере своея сыи носимъ бываше. его же полагаху по вся дни предъ двeрми церковными рекомыми красными, просити милостыня отъ входящихъ въ церковь. Иже видѣвъ Петра и Іoанна хотящихъ внити въ церковь, прошаше милостыня. возрѣвъ же Пeтръ нань со Іoанномъ, рече, возри на ны. онъ же прилежаше има, мня нѣчто отъ нихъ пріяти. речe же Пeтръ. сребра и злата нѣсть у мене, но еже имамъ, се ти дамъ. во имя Ісуса Христа Назарeя въстани и ходи. и емъ его за десную руку воздвиже. Абіе же утвердистеся ему плеснѣ и глeзнѣ. и вскочивъ, ста и хожаше. и вниде съ нима въ церковь, ходя и скача, и хваля Бога. И видѣша его вси людіе ходяща и хваляща Бога.

Ин.2:12-22

Зач., 7. Во время оно, сниде Ісусъ въ Капернаумъ, самъ и мати его, и братія его и ученицы его, и ту немногы дни пребыша. И близъ бѣ Пасха Іудeйска, и взыде во Іерусалимъ Ісусъ, и обрѣте въ церкови продающая овца и волы, и голуби, и пѣняжникы сѣдящая, и сотвори бичь отъ вeрвіи, вся изгна изъ церкви овца и волы. и торжникомъ рассыпа пѣнязя, и дскы опровeрже. и продающимъ голубы рече, возмѣте сія отсюду, и не творите дому Отца моего, дому купленаго. Помянуша же ученицы его, яко писано есть. жалость дому твоего снѣсть мя. отвѣщаша же Іудeе, и рѣша ему. кое знаменіе являеши, яко сія твориши; отвѣща Ісусъ, и рече имъ. разорите церковь сію, и трими деньми воздвигну ю. рѣша же Іудeе. четыридесять и шестію лѣтъ создана бысть церковь сія, и ты ли трими деньми воздвигнеши ю; онъ же глаголаше о церкови тѣла своего. Егда убо воста отъ мертвыхъ, помянуша ученицы, яко се глаголаше, и вѣроваша писанію, и словеси еже рече Ісусъ.

Въ суботу Свѣтлыя Недѣли

Деян.3:11-16

Зач., 8. Водни оны, держащуся исцѣлѣвшему хромому Петра и Іoанна. притекоша къ нимъ вси людіе въ притворъ нарицаемыи Соломоновъ, ужасни. Видѣвъ же Пeтръ, отвѣщеваше къ людемъ. Мужіе Ізраильтяне, что чюдитeся о сeмъ; или на ны что взираете, яко своeю ли силою или благочeстіемъ сотворихомъ его ходити; Богъ Авраамовъ, и Ісааковъ, и Іаковль, Богъ отецъ нашихъ, прослави отрока своего Ісуса, его же убо вы предасте, и отвергостеся его предъ лицeмъ Пилатовѣмъ, судившу оному пустити, вы же святаго и праведнаго отвергостеся, и испросисте мужа убійцу дати вамъ, начальника же жизни убисте, его же Богъ воскреси отъ мeртвыхъ, ему же мы свидѣтеле есмы, и о вѣрѣ имени его, сего его же видите и вѣсте, утверди имя его, и вѣра яже его ради, дастъ ему всю цѣлость сію, предъ всѣми вами.

Ин.3:22-33

Зач., 11. Во время оно, пріиде Ісусъ и ученицы его въ жидовскую зeмлю, и ту живяше съ ними, и крещаше. Бѣ же Іoаннъ крестя въ Енонѣ, близъ Салима, яко воды многы бѣху ту. и прихождаху, и крещахуся. Не у бо бѣ всажeнъ въ темницу Іoаннъ. Бысть же стязаніе отъ ученикъ Іoанновѣхъ со Іюдeи о очищeніи. и пріидоша ко Іoанну, и рекоша ему. Равви, иже бѣ съ тобою обонъ полъ Іoрдана, ему же ты свѣдѣтельствова, се сeй крещаетъ, и вси грядутъ къ нему. отвѣща Іoаннъ, и рече, не можетъ человѣкъ пріимати ничесоже, аще не будетъ дано ему съ небесе. вы сами мнѣ свѣдѣтельствуете, яко рѣхъ, нѣсмь Азъ Христосъ, но яко посланъ есмь предъ нимъ. Имѣяи невѣсту, женихъ есть. а другъ жениховъ стоя и послушая его, радостію радуется за гласъ жениховъ. Сія убо радость моя исполнися. оному подобаетъ расти, мнѣ же малитися. Грядыи свыше, надъ всѣми есть, сыи отъ земля, отъ земля есть, и отъ земля глаголетъ. Грядыи съ небесе, надъ всѣми есть. и еже видѣ и слыша, се свѣдѣтельствуетъ, и свѣдѣтельства его никтоже пріeмлетъ. Пріeмыи его свѣдѣтельство, вѣрова, яко Богъ истиненъ есть.

Деян.5:12-20

Зач., 14. Вoдни оны, рукaма апостольскама быша знаменія и чюдеса въ людехъ многа. и бяху единодушно вси въ притворѣ соломони. отъ прочихъ же никтоже смѣяше прилѣплятися имъ, но величаху ихъ людіе, паче же прилагахуся вѣрующіи господви множество мужeй и жeнъ. Яко и на распутіяхъ износити недужныя, и полагати на постeляхъ и на одрѣхъ, да грядущу Петру, поне сѣнь осѣнитъ нѣкоего отъ нихъ. схожашежеся множество, отъ окрeстныхъ градовъ во Іерусалимъ, приносяще недужныя, и страждущая отъ духъ нечистыхъ, иже исцѣлевахуся вси. Воставъ же архіерeй, и вси иже съ нимъ, сущая ересь саддукeйская, исполнишася зависти. и возложиша руки своя на апостолы, и послаша ихъ въ соблюдeніе общее. Ангелъ же Господень, нощію отвeрзе двeри темници. извeдъ же ихъ, рече. идѣте, и ставше глаголите въ церкови людемъ вся глаголы жизни сея.

Ин.20:19-31

Зач., 65. Сущу поздѣ въ день той, во едину отъ суботъ, и двeремъ затворeномъ, идѣже бѣху ученицы его собрани страха ради іудeйска. Пріиде Ісусъ, и ста посредѣ, и глагола имъ, миръ вамъ. и се рeкъ, показа имъ руцѣ, и нозѣ, и рeбра своя. Возрадовашажеся ученицы, видѣвше Господа. речe же имъ Ісусъ пакы, миръ вамъ. яко же посла мя Отецъ, и азъ посылаю вы. и се рeкъ дуну, и глагола имъ. пріимѣте Духъ Святъ. Имъ же отпустите грѣхы, отпустятся имъ. и имъ же держите, держатся. Ѳома же единъ отъ обоюнадесяте глаголемыи близнeцъ, не бѣ ту съ ними егда пріиде Ісусъ. Глаголаху же ему друзіи ученицы, видѣхомъ Господа. онъ же рече имъ. аще не вижу на руку его язвы гвоз динныя, и вложу пeрста моего въ язвы гвоздинныя, и вложу руку мою въ рeбра его, не иму вѣры. И по днехъ осмихъ, пакы бѣху внутрь ученицы его, и Ѳома съ ними. пріиде Ісусъ, двeремъ затворeномъ. и ста посредѣ ихъ, и рече, миръ вамъ. Потомъ глагола Ѳомѣ. принеси пeрстъ твой сѣмо, и виждь руцѣ мои, и принеси руку твою, и вложи въ рeбра моя. и не буди невѣренъ, но вѣренъ. отвѣща Ѳома, и рече ему. господь мой, и Богъ мой. Глагола ему Ісусъ, яко видѣвъ мя, вѣрова. блажeни невидѣвшеи, и вѣровавше. Многа же и ина знаменія сотвори Ісусъ, предъ ученикы своими, яже нѣсуть писана въ книгахъ сихъ. сія же писана быша, да вѣруете яко Ісусъ есть Христосъ Сынъ Божіи. И да вѣрующе, живота имате во имя его.

Деян.6:1-7

Зач., 16. Вoдни оны,умножившемся ученикомъ, бысть роптаніе еллиномъ ко еврeoмъ, яко презрими бываху въ служeніи повседнeвнѣмъ вдовица ихъ. Призвавше же дванадесятіи множество ученикъ, рѣша. не угодно есть намъ оставльшемъ слово божіе, служити трапeзамъ. усмотрите убо братіе мужа отъ васъ свидѣтельствованы сeдмь, исполнены Духа Свята и премудрости, ихъ же поставимъ надъ службою сею. мы же въ молитвѣ и служeніи слова пребудемъ. и угодно бысть слово се предъ всѣмъ народомъ. И избраша Стефана, мужа исполнена вѣры и Духа Свята, и Филиппа, и Прохора, и Никонора, и Тимона, и Пармeна, и Николая пришeлца Антіoхійскаго, ихъ же поставиша предъ апостолы, и помолившеся, возложиша на ня руцѣ. и слово Божіе растяше, и множашеся число ученикъ во Іерусалимѣ зѣло. и многъ народъ священникъ, послушаху вѣрою.

Мк.15:43-16:8

Зач., 69. Во время оно, пріиде Іосифъ, иже отъ Аримаѳeя, благообразенъ совѣтникъ. иже и той бѣ чая царствія Божія. дерзнувъ вниде къ Пилату, и проси тѣло Ісусово. Пилатъ же дивися, аще уже умре. и призвавъ сотника вопроси его, аще уже умре. и увѣдѣвъ отъ сотника, дастъ тѣло Іосифови. И купивъ плащаницу, и снeмъ его обвитъ плащаницею, и вложи его во гробъ, иже бѣ изсѣченъ отъ камене. И привали камень надъ двeри гробу. Марія же Магдалыни и Марія Іoсіева, зряста гдѣ его полагаху. И минувши суботѣ, Марія Магдалыни, и Марія Іаковля, и Саломи, купиша ароматы, да пришeдше помажутъ Ісуса. И зѣло заутра во едину отъ суботъ, пріидоша на гробъ восіявшу солнцу, и глаголаху къ себѣ. кто отвалитъ намъ камень отъ двeріи гроба; и возрѣвше видѣша яко отвалeнъ бѣ камень. бѣ бо вeліи зѣло. И влѣзше во гробъ, видѣша юношу сѣдяща въ десныхъ, одѣянъ въ одeжду бѣлу, и ужасошася. онъ же глагола имъ, не ужасайтеся. Ісуса ищете назарянина, пропятаго. Воста, нѣсть здѣ. се мѣсто идѣже положиша его. но идѣте, рцѣте ученикомъ его и Петрови, яко варяетъ вы въ Галилeи. тамо его видите, яко же рече вамъ. изшeдше, бѣжаша отъ гроба. имяше же ихъ трeпетъ и ужасъ, и никомуже ничесоже рѣша, бояхубося.

Деян.9:32-42

Зач., 23. Вoдни оны, бысть Петру посѣщающу всѣхъ, снити и ко святымъ живущимъ въ Лидѣ. обрѣте же ту человѣка нѣкоего, Энeя именемъ, отъ осми лѣтъ лежаща на одрѣ, иже бѣ разслабленъ. И рече ему Пeтръ. Энeя, исцѣляетъ тя Ісусъ Христосъ. востани съ постeля твоея. и абіе воста. и видѣша его вси живущеи въ Лидѣ и во Ассаронѣ иже обратишася ко Господу. Во Іoпіи же бѣ нѣкая ученица именемъ Тавиѳа, яже сказаема глаголется Сeрна. сія бяше исполнена благихъ дѣлъ и милостыня ихъ же творяше. бысть же во дни ты, болѣвши ей умрети. омывше же ю, положиша въ горницы. близъ же сущи лидѣ Іoпіи, ученицы же слышавше, яко Пeтръ есть въ нeй, послаша два мужа къ нему, моляще, не обленитися пріити до нихъ. воставъ же Пeтръ, иде съ ними. его же пришeдша возведоша въ горницу, и предсташа ему вся вдовица плачуще, и показующе ризы и одeжа елика творяше съ ними сущи Сeрна. изгнавъ же вонъ вся Пeтръ, и преклонь колѣнѣ помолися, и обращься къ тѣлу рече, Тавиѳа востани. она же отвeрзе очи свои, и видѣвши Петра, сѣде. подавъ же ей руку, востави ю, призвавъ же святыя и вдовица, постави ю живу. увѣдано же бысть се по всeй Іoпіи, и мнози вѣроваша въ Господа.

Ин.5:1-15

Зач., 14. Во время оно, взыде Ісусъ во Іерусалимъ. есть же во Іерусалимѣхъ на овчіи купѣли, яже глаголется еврeйскы, Виѳeзда, пять притворъ имущи. Въ тѣхъ слежаше множество болящихъ, слѣпыхъ, хромыхъ, сухихъ, чающихъ движeнія водѣ. Ангелъ бо Господень на всяко лѣто схождаше въ купѣль и возмущаше воду. И иже пeрвѣе влажаше по возмущeніи водѣ, здравъ бываше, яцѣмъ же недугомъ одержимъ бываше. Бѣ же ту нѣкіи человѣкъ, тридесяте и осмь лѣтъ имыи въ недузѣ своeмъ. Сего видѣвъ Ісусъ лежаща, и разумѣвъ яко многа лѣта уже имяше въ недузѣ, глагола ему. хощеши ли цѣлъ быти; отвѣща ему недужныи. ей господи, человѣка не имамъ да егда возмутится вода, ввeржетъ мя въ купѣль. Егда же прихожду азъ, инъ прeжде мене слазитъ. Глагола ему Ісусъ, востани, возми одръ твой, и ходи. И абіе здравъ бысть человѣкъ. и взeмъ одръ свой, и хождаше. бѣ же субота въ той день. Глаголаху же жидове исцѣлѣвшему. субота есть, и не достоитъ ти взяти одра своего. онъ же отвѣща имъ. иже мя сотвори цѣла, той мнѣ рече. возми одръ твой и ходи. Вопросиша же его, кто есть человѣкъ рекіи ти, возми одръ твой и ходи; Исцѣлѣвыи же не вѣдяше кто есть. Ісусъ бо уклонися народу сущу на мѣстѣ. Потомъ же обрѣте его Ісусъ въ церкови и рече ему. се здравъ бысть, ктому не согрѣшай, да не горе ти что будетъ. Иде же человѣкъ, и повѣда іудeoмъ, яко Ісусъ есть иже мя сотвори цѣла.

Деян.11:19-26, 29-30

Зач., 28. Вoдни оны, разсѣяни быша отъ скорби бывшая при Стефанѣ, проидоша до Финикія, и Кипра, и Антіoхія, ни единому же глаголюще слова, токмо единѣмъ іудeoмъ. Бяху же нѣцыи отъ нихъ мужіе кипрстіи, и киринeйстіи, иже вшeдше во Антіoхію, глаголаху къ еллиномъ, благовѣствующе господа Ісуса. и бѣ рука Господня съ ними, много же число вѣровавше, обратишася ко Господу. слышано же бысть слово во ушію церкове, сущей же во Іерусалимѣхъ о нихъ, и послаша Варнаву преити до антіoхія. иже пришeдъ, и видѣвъ благодать Божію, возрадовася, и моляше всѣхъ изволeніемъ сердца терпѣти о Господѣ, яко бѣ мужъ благъ, и исполнь Духа Свята и вѣры. и приложися народъ многъ Господви. Изыде же въ Тарсъ Варнава, взыскати Савла. и обрѣтъ его, приведе и во Антіoхію. бысть же имъ лѣто цѣло собиратися въ церкови, и учити народъ многъ, нарещи же прeжде во Антіoхіи ученикы христіаны. Ученикы же, аще имѣяше кто. повелѣша кождо ихъ на службу послати живущимъ во Іудeи братіямъ, еже и сотвориша, пославше къ старцемъ рукою Варнавлею и Савлею.

Ин.4:5-42

Зач., 12. Во время оно, пріиде Ісусъ во градъ Самарійскіи, глаголемыи Сихарь, близъ вeси ю же дастъ Іаковъ Іосифу сыну своему. Бѣ же ту источникъ Іаковль. Ісусъ же труждься отъ пути, сѣдяше тако на источницѣ, бѣ же яко часъ шестыи. Пріиде жена отъ самарія почерпати воду. Глагола ей Ісусъ, даждь ми пити. ученицы бо его отшли бѣху во градъ, да брашна купятъ. Глагола ему жена самаряныни. како ты жидовинъ сыи, отъ мене пити просиши жены самаряныни сущей; не прикасаютъбося жидове самарянѣхъ. отвѣща Ісусъ, рече ей. аще бы вѣдала даръ Божіи, и кто есть глаголяи ти, даждь ми пити, ты бы просила у него, и далъ ти бы воду живу. Глагола ему жена, господи ни почерпала имаши, и студенeцъ есть глубокъ. откуду убо имаши воду живу; еда ты боліи еси отца нашего Іакова, иже дастъ намъ студенeцъ сeй. и той изъ него питъ, и сынове его, и скоти его; отвѣща Ісусъ, и рече ей. всякъ піяи отъ воды сея, вжаждется пакы. а иже піeтъ отъ воды ю же азъ дамъ ему, не вжаждется во вѣкы. но вода ю же азъ дамъ ему, будетъ въ нeмъ источникъ воды текуща въ животъ вѣчныи. Глагола къ нему жена. господи, даждь ми сію воду, да ни жажду, ни прихожду сѣмо почерпати. глагола ей Ісусъ, иди пригласи мужа своего, и пріиди сѣмо. отвѣща жена, и рече ему. не имамъ мужа. Глагола ей Ісусъ. добрѣ рече, яко мужа не имамъ. пять бо мужіи имѣла еси, и нынѣ его же имаши, нѣсть ти мужъ. се воистину рекла еси. Глагола ему жена. господи, вижу яко пророкъ еси ты. отцы наши въ горѣ сeй поклонишася. и вы глаголете, яко во Іерусалимѣхъ есть мѣсто, идѣже кланятися подобаетъ. Глагола ей Ісусъ, жeно, вѣру ми ими, яко грядeтъ часъ, егда ни въ горѣ сeй, ни во Іерусалимѣхъ поклонитеся Отцу. вы кланяетеся, его же не вѣсте. мы кланяемся его же вѣмы. яко спасeніе отъ іудей есть. но грядeтъ часъ, и нынѣ есть, егда истинніи поклонницы поклонятся Отцу духомъ и истиною. ибо Отецъ, таковѣхъ ищетъ покланяющихся ему. Духъ есть Богъ, и иже кланяется ему, духомъ и истиною достоитъ кланятися. Глагола ему жена, вѣмы, яко Месія пріидетъ глаголемыи Христосъ, егда той пріидетъ, возвѣститъ намъ вся. Глагола ей Ісусъ. азъ есмь глаголяи съ тобою. И тогда пріидоша ученицы его, и чюждахуся яко съ женою глаголаше. никтоже бо рече чесо ищеши, или что глаголеши съ нeю; остави же водоносъ свой жена, и иде во градъ, и глагола человѣкомъ. пріидѣте, и видите человѣка, иже рече ми вся елика сотворихъ. еда той есть Христосъ; изыдоша же изъ града, и грядяху къ нему. Между же симъ, моляху его ученицы его, глаголюще, равви, яждь. онъ же рече имъ. азъ брашно имамъ ясти, его же вы не вѣсте. Глаголаху же ученицы къ себѣ. еда кто принесе ему ясти; глагола имъ Ісусъ. мое брашно есть, да сотворю волю пославшаго мя, и совершу дѣло его. не вы ли глаголете, яко еще четыри мѣсяци суть, и жатва пріидетъ; се глаголю вамъ, возведѣте очи ваши, и видите нивы, яко плавы суть къ жатвѣ уже. и жняи, мзду пріeмлетъ. и собираетъ плодъ въ животъ вѣчныи, да сѣяи вкупѣ радуется и жняи. о сeмъ бо слово есть истинное, яко инъ есть сѣяи, и инъ есть жняи. азъ послахъ вы жати, идѣже вы не трудистеся. иніи трудишася, и вы въ трудъ ихъ внидосте. отъ града же того мнози вѣроваша вонь отъ самарянъ, за слово женѣ свѣдѣтельствующи. яко рече ми вся елика сотворихъ. Егда же пріидоша къ нему самаряне, моляху его да бы пребылъ у нихъ. и пребысть ту два дни. и много паче вѣроваша за слово его. Женѣ же глаголаху, яко не ктому за твою бесѣду вѣруемъ. сами бо слышахомъ. и вѣмы, яко сeй есть воистину спасъ миру Христосъ.

Деян.16:16-34

Зач., 38. Водни оны, бысть идущимъ апостоломъ на молитву, рабыни нѣкая имущи духъ волховскіи срѣте насъ, яже дѣланіе много даяше господeмъ своимъ волхвующи. та послѣдовавши Павлу и намъ, взываше глаголющи. сіи человецы раби Бога Вышняго суть, иже возвѣщаютъ намъ путь спасeнія. се же творяше на многы дни, стуживъ же си Павелъ, и обращься, духови рече. запрѣщаю ти именемъ Ісуса Христа, изыди изъ нея. и изыде томъ часѣ. видѣвше же господіе ея, яко изыде надeжда дѣланія ихъ, поeмше Павла и Силу, привлекоша на торгъ ко княземъ, и вeдше ихъ къ воеводамъ, рѣша. сіи человецы возмущаютъ нашъ градъ іудeе суще, и завѣщаваютъ обычая, яже недостоитъ намъ пріимати, ни творити римляномъ сущемъ. и снидеся народъ на нихъ и воеводы растерзавше имъ ризы, веляху палицами бити ихъ. многы же давше имъ раны, всадиша въ темницу. завѣщавше темничному стражу твeрдо стрещи ихъ. онъ же завѣщаніе таково пріeмъ, всади ихъ во внутренюю темницу, и ногы ихъ заби въ кладѣ. въ полунощи же Павелъ и сила молящеся пояста Бога. послушаху же ихъ южницы. внезапу же трусъ бысть вeліи, яко поколѣбатися основанію темничному. отверзошажеся абіе двeри вся, и всѣмъ юзы ослабѣша. Возбуждьжеся темничныи стражъ, и видѣвъ отвeрсты двeри темници, извлeкъ ножъ хотяше себе убити, мня избѣгша южникы. возгласи же гласомъ великымъ Павелъ, глаголя. ничтоже сотвори себѣ зла, вси бо есмы здѣ. просивъ же свѣща, вскочи, и трeпетенъ бывъ, припаде къ Павлу и Силѣ. и извeдъ ихъ вонъ рече, господіе, что ми подобаетъ творити, да спасуся; она же рекоста, вѣруй въ Господа Ісуса Христа, спасeшися ты и вeсь домъ твой. И глаголаста ему слово Господне и всѣмъ иже въ дому его. и поeмъ ихъ въ той часъ нощію измы отъ ранъ. и крестися самъ, и свои ему вси абіе. ввeдъ же ихъ въ домъ свой, постави трапeзу. и возрадовася со всѣмъ домомъ своимъ, вѣровавъ Богу.

Ин.9:1-38

Зач., 34. Во время оно, мимо иды Ісусъ, видѣ человѣка слѣпа отъ рождества. и вопросиша его ученицы его глаголюще, равви, кто согрѣши, сeй ли или родителя его, да слѣпъ родися; отвѣща Ісусъ, ни сeй согрѣши, ни родителя его, но да явятся дѣла Божія на нeмъ. Мнѣ подобаетъ дѣлати дѣла пославшаго мя, дондеже день есть. пріидетъ нощь, егда никтоже можетъ дѣлати. егда въ мирѣ есмь, свѣтъ есмь миру. Сія рeкъ, плюну на землю, и сотвори брeніе отъ плюновeнія, и помаза очи брeніемъ слѣпому, и рече ему, иди умыйся въ купѣли Силоамстѣ. еже сказается посланъ. иде же и умыся, и пріиде видя. Сосѣди же, и иже бѣху видѣли его прeжде, яко слѣпъ бѣ, глаголаху. не сeй ли есть сѣдяи и прося; ови глаголаху, яко сeй есть, иніи же глаголаху, яко подобенъ ему есть, онъ же глаголаше, яко азъ есмь. Глаголаху же ему, како ти ся отверзостѣ очи; отвѣща онъ и рече. человѣкъ нарицаемыи Ісусъ, брeніе сотвори, и помаза очи мои, и рече ми, иди въ купѣль Силоамлю, и умыйся. шeдъ же и умывся прозрѣхъ. Рѣша же ему, кто есть; глагола, не вѣмъ. Ведоша же его къ фарисeoмъ, иже бѣ иногда слѣпъ. бѣ же субота егда сотвори брeніе Ісусъ, и отвeрзе ему очи. паки же вопрашаху его и фарисeе, како прозрѣ, онъ же рече имъ. брeніе положи мнѣ на очи. и умыхся, и вижу. Глаголаху же отъ фарисей нѣцыи, нѣсть сій отъ Бога человѣкъ, яко суботу не хранитъ. ови глаголаху, како можетъ человѣкъ грѣшенъ сицева знаменія творити; и распря бѣ въ нихъ. Глаголаху убо слѣпцу паки. ты что глаголеши о нeмъ, яко отвeрзе очи твои; онъ же рече яко пророкъ есть. Не яша убо вѣры іудeе о нeмъ, яко слѣпъ бѣ и прозрѣ, дондеже возгласиша родителя того прозрѣвшаго. И вопросиша я глаголюще, сeй ли есть сынъ ваю, его же вы глаголете яко слѣпъ родися, како убо нынѣ видитъ; отвѣщаста же има родителя его, и рѣста. вѣмы яко сeй есть сынъ наю, и яко слѣпъ родися. како же нынѣ видитъ, не вѣмы. или кто отвeрзе ему очи, мы не вѣмы. самъ возрастъ имать, самого вопросите, самъ о себѣ да глаголетъ. Си рекоста родителя его, яко боястася жидовъ. уже бо ся бѣху сложили жидове, да аще кто его исповѣсть Христа, отлучeнъ сонмища да будетъ. Сего ради родителя его рекоста, яко возрастъ имать, самого вопросите. Возгласиша же вторицею человѣка иже бѣ слѣпъ, и рѣша ему, даждь славу Богови. мы вѣмы, яко человѣкъ сeй грѣшенъ есть. отвѣща же онъ, и рече. аще грѣшникъ есть, не вѣде. едино вѣмъ, яко слѣпъ бѣхъ, нынѣ вижу. Рѣша же ему паки. что сотвори тебѣ, како отвeрзе очи твои; отвѣща имъ, рекохъ вамъ уже, и не слышасте; что пакы хощете слышати; еда и вы ученицы его хощете быти; они же укориша его, и рѣша ему. ты ученикъ еси того. мы же моисeoви есмы ученицы. мы вѣмы яко моисeoви глагола Богъ. сего же не вѣмы откуду есть. отвѣща человѣкъ, и рече имъ. о сeмъ бо дивно есть, яко вы не вѣсте откуду есть, и отвeрзе очи мои. вѣмы же, яко грѣшникы Богъ не послушаетъ, но аще кто богочтeцъ есть, и волю его творитъ, того послушаетъ. отъ вѣка нѣсть слышано, яко кто отвeрзе очи слѣпу рождeну. аще не бы былъ сeй отъ Бога, не моглъ бы творити ничесоже. отвѣщаша и рѣша ему. во грѣсѣхъ ты родился еси вeсь, и ты ли ны учиши; и изгнаша его вонъ. Услыша Ісусъ, яко изгнаша его вонъ. и обрѣтъ его рече ему. ты вѣруеши ли въ сына Божія; отвѣща онъ, и рече. и кто есть господи, да вѣрую въ него; речe же ему Ісусъ. и видѣлъ его еси, и глаголяи съ тобою, той есть. онъ же рече, вѣрую Господи. и поклонися ему.

Деян.1:1-12

Зач., 1. Пeрвое убо слово сотворихъ о всѣхъ, о Ѳеофиле, о нихъ же начатъ Ісусъ, творити же и учити, до него же дне, заповѣдавъ апостоломъ Духомъ Святымъ, ихъ же избра, вознесeся. предъ ними же и постави себе жива, по страданіи своeмъ, во мнозѣхъ знаменіихъ, деньми четыредесятьми являяся имъ, и глаголя яже о Царствіи Божіи, и съ ними яды, повелѣваше имъ отъ Іерусалима не отлучатися, но ждати обѣтованіе отчее, еже слышасте отъ мене. Яко Іoаннъ убо крестилъ есть водою, вы же имате креститися Духомъ Святымъ, не по мнозѣхъ сихъ днeхъ. они же убо сошeдшеся, вопрашаху его, глаголюще. Господи, аще въ лѣто се устраяеши царствіе Ізраилево; речe же къ нимъ. нѣсть ваше разумѣти времена и лѣта, яже Отецъ положи своeю областію. Но пріимете силу нашeдшу Святому Духу на вы. и будете ми свидѣтеле, во Іерусалимѣ же, и во всeй Іудeи и самаріи, и даже до послѣднихъ земли. И сія рeкъ. зрящемъ имъ, взятся, и облакъ подятъ его отъ очію ихъ. и яко взирающе бяху на небо идущу ему. и се мужа два стаста предъ ними въ одeжди бѣлѣ, яже и рекоста. мужіе галилeйстіи, что стоите зряще на небо; се Ісусъ, вознесыися отъ васъ на небо, такожде пріидетъ, имъ же образомъ видѣсте его идуща на небо. Тогда возвратишася во Іерусалимъ, отъ горы нарицаемыя Елеонъ. яже есть близъ Іерусалима, суботѣ имущи путь.

Лк.24:36-53

Зач., 114. Во время оно, воскресъ Ісусъ от мертвыхъ, стаа посредѣ ученикъ своихъ, и глагола имъ, миръ вамъ. убоявшежеся и пристрашни бывше, мняху духъ видяще. И рече имъ, что смущeни есте, и почто помышлeнія входятъ въ сердца ваша; Видите руцѣ мои и нозѣ мои, яко самъ азъ есмь. осяжите мя и видите, яко духъ плоти и кости не имать, яко же мене видите имуща. И се рeкъ, показа имъ руцѣ и нозѣ. ещe же не вѣрующемъ имъ, отъ радости и чюдящемся, рече имъ, имате ли что снѣдно здѣ; они же даша ему рыбы печeны часть, и отъ пчeлъ сотъ. и взeмъ предъ ними ястъ. Речe же имъ. си суть словеса, яже глаголахъ вамъ еще сыи съ вами. яко подобаетъ скон чатися всѣмъ написанымъ, въ законѣ Моисeoвѣ, и пророцѣхъ, и псалмѣхъ о мнѣ. Тогда отвeрзе имъ умъ, разумѣти писанія, и рече имъ. яко тако писано есть, и тако подобаше пострадати Христу, и воскреснути отъ мертвыхъ трeтіи день. и проповѣдатися во имя его покаянію, и отпущeнію грѣхомъ, во всѣхъ языцѣхъ, начeнше отъ Іерусалима. вы же есте свѣдѣтеліе симъ. И се азъ послю обѣтованіе Отца моего на вы. вы же сядѣте во градѣ Іерусалимстѣ, дондеже облечeтеся силою свыше. Извeдъ же ихъ вонъ, до Виѳанія. и воздвигъ руцѣ свои, благослови ихъ. и бысть егда благословяше ихъ, отступи отъ нихъ, и возношашеся на небо. и тіи поклонившася ему, и возвратишася во Іерусалимъ съ радостію великою. и бѣху выну въ церкови, хваляще и благословяще Бога. аминь.

Деян.20:16-18, 28-36

Зач., 44. Водни оны, суди Павелъ мимо ити Ефeсъ, яко да не будетъ ему закоснѣти во асіи. тщашебося аще воз можно будетъ ему въ день пятьдесятныи, быти во Іерусалимѣ. отъ милита же пославъ во Ефeсъ, призвати попы церковныя. и яко же пріидоша къ нему, рече къ нимъ. Внимайте убо себѣ, и всему стаду, въ нeмъ же васъ Духъ Святыи постави епcкопы, пасти церковь Господа и Бога, ея же снабдѣ кровію своeю. Азъ бо вѣмъ се, яко по отшeствіи моeмъ внидутъ волцы тяжцы въ васъ, не щадяще стада. И отъ васъ самѣхъ востанутъ мужіе глаголюще развращeнная, еже отторгати ученикы въ слѣдъ себе. Сего ради бдите поминающе, яко три лѣта нощь и день не престаяхъ уча со слезами единого когождо васъ. И нынѣ предаю васъ братіе Богови, и слову благодати его, могущему наздати и дати вамъ наслѣдіе въ освященныхъ всѣхъ. сребру или злату или ризамъ, ни единому вожделѣхъ. сами вѣсте, яко требованію моему и сущимъ со мною послужисте руцѣ мои сіи. вся сказахъ вамъ яко тако тружающимся, подобаетъ заступати немощныя. Поминайте же слово Господа Ісуса, яко самъ рече. блажeнѣе есть паче даяти, нeжели пріимати. и сія рeкъ, преклонь колѣнѣ свои со всѣми ими помолися.

Ин.17:1-13

Зач., 56. Во время оно, возведе Ісусъ очи свои на небо и рече. Отче, пріиде часъ, прослави Сына своего. да и Сынъ твой прославитъ тя. Яко же далъ еси ему власть всякоя плоти. да всяко еже далъ еси ему, дастъ имъ животъ вѣчныи. се же есть животъ вѣчныи, да знаютъ тебе единого истиннаго Бога. и его же посла Ісусъ Христа. азъ прославихъ тя на земли. дѣло совершихъ еже далъ еси мнѣ да сотворю. И нынѣ прослави мя ты Отче у тебе самого, славою ю же имѣхъ у тебе прeжде миръ не бысть. Явихъ имя твое человѣкомъ, ихъ же далъ еси мнѣ отъ мира. твои бѣша, и мнѣ ихъ далъ еси, и слово твое сохраниша. Нынѣ разумѣша яко вся елика далъ еси мнѣ, отъ тебе суть. яко глаголы ихъ же далъ еси мнѣ, дахъ имъ. и тіи пріяша. и разумѣша воистину, яко отъ тебе изыдохъ. и вѣроваша яко ты мя посла. Азъ о сихъ молю. не о всeмъ мирѣ молю, но о тѣхъ ихъ же далъ еси мнѣ, яко твои суть. И моя вся, твоя суть, и твоя моя, и прославихся въ нихъ. и ктому нѣсмь въ мирѣ, и сіи въ мирѣ суть, и азъ къ тебѣ гряду. отче святыи, соблюди ихъ во имя твое, ихъ же далъ еси мнѣ, да будутъ едино яко же и мы. егда бѣхъ съ ними въ мирѣ, азъ соблюдахъ ихъ во имя твое. ихъ же далъ еси мнѣ сохранихъ, и никтоже отъ нихъ погыбе, токмо сынъ погибельныи. да сбудется писаніе. Нынѣ же къ тебѣ гряду, и сія глаголю въ мирѣ, да имутъ радость мою исполнену въ себѣ.

Деян.2:1-11

Зач., 3. Водни оны, егда скончавашася день Пятьдесятницы, бѣша вси апостоли единодушно вкупѣ. и бысть внезапу съ небесе шумъ, яко носиму дыханію бурну, и исполни вeсь домъ идѣже бяху сѣдяще. И явишася имъ раздѣлeни языцы яко огнени. сѣде же на единомъ когождо ихъ. и исполнишася вси Духа Свята. И начаша глаголати инѣми языки, яко же Духъ даяше имъ провѣщевати. бяху же во Іерусалимѣ живущеи іудeе мужіе благоговѣйни, отъ всего языка иже подъ небесeмъ. бывшу же гласу сему, снидеся народъ, и изумѣся. яко слышаху единого когождо своимъ языкомъ глаголющемъ имъ. дивляхужеся вси и чужахуся глаголюще другъ ко другу, не се ли вси сіи суть глаголющеи галилeяне; и како мы слышимъ кождо своимъ языкомъ нашимъ, въ нeмъ же родихомся; парѳяне, и мидяне, и еламите, и живущеи между рѣкама. во Іудeи же, и Каппадокіи. въ Понтѣ, и во Асіи. во Фригіи же, и Памфиліи. во Египтѣ, и странахъ Ливійскахъ. иже по кириніи. и приходящеи римляне, іудeи же и пришeльцы критяне, и аравляне. слышимъ глаголющемъ имъ нашими языки величія Божія. дивляхужеся вси и недомышляху, единъ ко другому глаголюще. что убо хощетъ се быти; иніи же ругающеся глаголаху, яко виномъ исполнени суть.

Ин.7:37-52, 8:12

Зач., 27. Въ послѣдніи день великіи праздника, стояше Ісусъ, и зваше глаголя. аще кто жаждетъ, да пріидетъ ко мнѣ, и піeтъ. Вѣруяи въ мя, яко же рече писаніе, рѣкы отъ чрeва его истекутъ воды живы. Се же рече о Дусѣ, его же хотяху пріимати вѣрующеи во имя его. Не у бо бѣ Духъ Святыи, яко Ісусъ не у бѣ прославленъ. Мнозіи же отъ народа слышавше слово, глаголаху. сeй есть воистину пророкъ. друзіи глаголаху, сeй есть Христосъ. ови же глаголаху, еда отъ Галилeя Христосъ приходитъ; не писаніе ли рече, яко отъ сѣмене Давыдова, и отъ Виѳлеeмскыя вeси, идѣже бѣ Давидъ, Христосъ пріидетъ; распря же бысть въ народѣ его ради. нѣціи же отъ нихъ хотяху яти его, но никтоже возложи нань руцѣ. Пріидоша же слугы ко архіерeoмъ и фарисeoмъ. и рѣша имъ тіи, почто не приведосте его; отвѣщаша слугы. николиже тако глаголалъ человѣкъ, яко сeй человѣкъ. отвѣщаша убо имъ фарисeе, еда и вы прельщeни бысте; еда кто отъ князь вѣрова вонь, или отъ фарисей; но народъ сeй иже не вѣсть закона, прокляти суть. Глагола Никодимъ къ нимъ, иже пришeдыи къ нему нощію, единъ сыи отъ нихъ. еда законъ нашъ судитъ человѣку, аще не слышитъ отъ него прeжде, и разумѣетъ что творитъ; отвѣщаша, и рекоша ему, еда и ты отъ Галилeя еси; испытай и виждь, яко пророкъ отъ Галилeя не приходитъ. Пакы же имъ Ісусъ рече, глаголя. азъ есмь свѣтъ миру. ходяи по мнѣ, не имать ходити во тмѣ, но имать свѣтъ животныи.

Еф.5:9-19

Зач., 229. Брaтіе, яко чада свѣта ходите. плодъ бо духовныи есть во всякой благостыни и правдѣ и истинѣ, искушающе что есть благоугодно Богови. и не пріобщайтеся къ дѣломъ неподобнымъ и тeмнымъ, паче же и обличайте. бываемая бо отай отъ нихъ, срамно есть и глаголати. вся же обличаема отъ свѣта являются. всe бо являемо, свѣтъ есть. сего ради глаголетъ. востани спяи, и воскресни отъ мертвыхъ и освѣтитъ тя Христосъ. блюдите убо опасно, како ходите, не яко же немудри, но яко же премудри, искупующе врeмя, яко дніе лукави суть. сего ради не бывайте несмыслени, но разумѣвающе, что есть воля Божія. и не упивайтеся виномъ, въ нeмъ же есть блудъ. но паче исполняйтеся Духомъ, глаголюще себѣ во псалмѣхъ, и пѣніихъ и пѣснехъ духовныхъ, воспѣвающе и поюще въ сердцыхъ вашихъ Господеви.

Мф.18:10-20

Зач., 75. Рече Господь, блюдѣте, да не прeзрите единого отъ малыхъ сихъ. Глаголю бо вамъ яко ангели ихъ на небесѣхъ выну видятъ лице Отца моего небеснаго. Пріиде бо сынъ человеческіи взыскати и спасти погыбшаго. Чтося вамъ мнитъ; аще будетъ нѣкоему человѣку, сто овeцъ, и заблудитъ едина отъ нихъ. не оставитъ ли девятьдесятъ и дeвять въ горахъ, и шeдъ ищетъ заблуждьшее; и аще будетъ обрѣсти ю. аминь глаголю вамъ. яко радуется о нeй, паче, нeже о девятьдесятихъ и дeвять не заблуждшихъ. Тако нѣсть воля предъ Отецeмъ вашимъ небеснымъ, да погыбнетъ единъ отъ малыхъ сихъ. Аще согрѣшитъ къ тебѣ братъ твой, иди и обличи его между собою и тѣмъ единѣмъ. Аще тебе послушаетъ, пріобрѣлъ еси брата твоего. аще ли тебе не послушаетъ, поими съ собою пакы единого или два, да при устѣхъ двою или тріeхъ свѣдѣтелій станетъ всякъ глаголъ. Аще же не послушаетъ ихъ, повѣждь церкови. аще же и церковь преслушаетъ, буди ти яко язычникъ и мытарь. Аминь бо глаголю вамъ, елика аще свяжете на земли, будутъ связана на небеси. и елика аще разрѣшите на земли, будутъ разрѣшeна на небесѣхъ. Пакы аминь глаголю вамъ. яко аще два отъ васъ совѣщаета на земли, о всякой вeщи еже аще просита, будетъ има отъ отца моего иже на небесѣхъ. Идѣже бо еста два или тріе собрани во имя мое, ту есмь посредѣ ихъ.

Евр.11:33-12:2

Зач., 330. Брaтіе, святии вси иже вѣрою побѣдиша царствія, содѣяша правду, получиша обѣтованія, заградиша уста львомъ, угасиша силу огненую, избыша острія меча, возмогоша отъ нeмощи, быша крѣпцы во бранехъ, обратиша въ бѣгство полки чюжихъ. пріяша же и жены отъ воскресeнія мeртвыя своя. Иніи же избіeни быша не пріeмше избавлeнія, да лучшее воскресeніе улучатъ. друзіи же руганіемъ и ранами искушeніе пріяша, ещe же и узами темничными. каменіемъ побіeни быша, претрeни быша, искушeни быша, убійствомъ меча умроша. Проидоша въ милотѣхъ и въ козіяхъ кожахъ, лишeни скорбяще, озлоблeни, ихъ же не бѣ достоинъ миръ, въ пустыняхъ скитающеся, и горахъ, и въ вертeпахъ, и въ пропастехъ земныхъ. И сіи вси послушествовани бывше вѣрою, не пріяша обѣтованія. Богу лучше что о насъ предзрѣвшу, да не безъ насъ совершeнство пріимутъ. Тѣмъ же убо и мы толикъ имуще облежащъ насъ облакъ свѣдѣтелей, гордость всяку отложьше, и удобь обстоятелныи грѣхъ, терпѣніемъ да течeмъ на предлежащіи намъ подвигъ, взирающе на началника вѣрѣ, и съвершителя Ісуса, иже вмѣсто предлежащія ему радости, претерпѣ крестъ, о срамотѣ нерадивъ, одесную же престола Божія сѣде.

Мф.10:32-33, 37-38, 19:27-30

Зач., 38. Рече Господь своимъ ученикомъ, всякъ убо иже исповѣсть мя предъ человѣкы, исповѣмъ его и азъ предъ Отецeмъ моимъ, иже на небесѣхъ. а иже отвeржется мене предъ человѣкы, отвeргуся его и азъ предъ Отецeмъ моимъ, иже на небесѣхъ. Иже любитъ отца или матере паче мене, нѣсть мене достоинъ. и иже любитъ сына или дщeре паче мене, нѣсть мене достоинъ. и иже не пріиметъ креста своего, и въ слѣдъ мене грядетъ, нѣсть мене достоинъ. Тогда отвѣщавъ Пeтръ, рече ему. се мы оставихомъ вся, и въ слѣдъ тебе идохомъ. что убо будетъ намъ; Ісусъ же рече имъ. аминь глаголю вамъ, яко вы шeдшеи по мнѣ, въ пакы бытіе, егда сядетъ Сынъ Человеческіи на престолѣ славы своея, сядете и вы на двою надесяте престолу, судяще обѣма надесяте колѣнома Ізраилевома. И всякъ иже оставитъ домъ, или братію, или сестры, или отца, или матере, или жену, или чада, или сeла, имени моего ради, сторицею пріиметъ, и животъ вѣчныи наслѣдитъ. Мнози же будутъ пeрви, послѣдніи. и послѣдни, пeрвіи.

1 Кор.11:23-32

Зач., 149. Брaтіе, азъ пріяхъ отъ Господа, еже и предахъ вамъ. Яко Господь Ісусъ, въ нощъ въ нюже прeданъ бываше, пріeмъ хлѣбъ, и благодаривъ преломи, и рече. пріимите, ядите. се есть Тѣло мое еже за вы ломимое. се творите въ мое воспоминаніе. Такожде и чашу по вeчери глаголя. сія чаша Новыи Завѣтъ есть о моeй Крови. Сіе творите, елижды аще піeте, въ мое воспоминаніе. елижды бо аще ясте хлѣбъ сeй, и чашу сію піeте, смерть Господню возвѣщаете, дондеже да убо пріидетъ. Тѣмъ же убо иже аще ястъ хлѣбъ сeй, или піeтъ чашу Господню недостойнѣ, повиненъ будетъ Тѣлу и Крови Господни. искушаетъ же человѣкъ себе, и тако отъ хлѣба да ястъ, и отъ чаши да піeтъ. Ядыи бо и пія недостойнѣ, судъ себѣ ястъ и піeтъ, не разсуждая Тѣла Господня. сего ради въ васъ мнози нeмощни и недужливи, и спятъ доволни. Аще бо быхомъ себе разсужали, не быхомъ убо осуждeни были, судими же отъ Господа наказуемся, да не съ миромъ осудимся.

Ин.6:48-54

Зач., 23. Рече Господь ко пришедшымъ къ нему іюдеомъ, Азъ есмь Хлѣбъ животныи. отцы ваши ядоша манну въ пустыни, и умроша. Сeй есть Хлѣбъ сходяи съ небесе, да аще кто отъ него ястъ, не умретъ. Азъ есмь Хлѣбъ животныи, иже сшeдыи съ небесе. аще кто снѣсть отъ Хлѣба сего, живъ будетъ во вѣкы. и Хлѣбъ его же азъ дамъ, Плоть моя есть. юже азъ дахъ за животъ мира. пряхужеся между собою жидове глаголюще. како можетъ сeй намъ дати плоть свою ясти; речe же имъ Ісусъ, аминь аминь глаголю вамъ. аще не снѣсте Плоти Сына Человеческаго, и піeте Кровь его, живота не имате въ себѣ. Ядыи мою Плоть, и піяи мою Кровь, имать животъ вѣчныи. и азъ воскрешу его въ послѣдніи день.

Рим.2:10-16

Зач., 81. Брaтіе, слава и чeсть и миръ всякому дѣлающему благое, іудeеви же прeже и еллину. Нѣсть бо на лица зрѣнія у Бога. елицы бо беззаконно согрѣшиша, беззаконно и погибнутъ. и елицы въ законѣ согрѣшиша, закономъ судъ пріимутъ. Не слышателіе бо закону праведни прeдъ Богомъ, но творцы закону, сіи оправдятся. Егда бо языцы не имуще закона, естествомъ законная творятъ, сіи закона не имуще, сами себѣ суть законъ, иже являютъ дѣло законное написано въ сердцыхъ своихъ, спослушествующи имъ совѣсти ихъ, и между собою помысломъ осуждающимъ, или отвѣщаю щимъ въ день, егда судитъ Богъ тайная человѣкомъ, по благо вѣстію моему Ісусомъ Христомъ.

Мф.4:18-23

Зач., 9. Во время оно, ходя Ісусъ при мори Галилeйстѣмъ, видѣ два брата, Симона глаголемаго Петра, и Андрѣя брата его, вмѣтающа мрeжу въ море. бѣста бо рыбаря. И глагола има. грядѣта по мнѣ, и сотворю вы ловца человѣкомъ. она же абіе оставльша мрeжа, по нeмъ идоста. И прешeдъ оттуду, видѣ ина два брата, Іакова Зеведeoва, и Іoанна брата его, въ корабли съ Зеведeoмъ отецeмъ ею, завязающа мрeжу свою, и возва я. она же абіе оставльша корабль, и отца своего, по нeмъ идоста. и прохождаше всю Галилeю Ісусъ. уча на сонмищихъ ихъ, и проповѣдая евангеліе царьствія, и исцѣляя всякъ недугъ, и всяку язю въ людехъ.

Рим.5:1-10

Зач., 88. Брaтіе, оправдившеся убо вѣрою, миръ имамы къ Богу, Господемъ нашимъ Ісусомъ Христомъ. имъ же и приведeніе обрѣтохомъ вѣрою въ благодать сію, въ нeй же стоимъ и хвалимся упованіемъ славы Божія. не точію же, но и хвалимся въ скорбѣхъ, вѣдяще яко скорбь терпѣніе содѣловаетъ, терпѣніе же искусство, искусство же упованіе. упованіе же не посрамитъ, яко любы Божія изліяся въ сердца наша, духомъ святымъ даннымъ намъ. Ещe бо Христосъ, сущемъ намъ нeмощномъ, на врeмя за нечестивыхъ умре, едва бо кто умретъ за праведника, за благаго же нeгли кто и дерзнeтъ умрети. составляетъ свою любовь въ насъ Богъ, яко и еще грѣшникомъ сущемъ намъ, Христосъ за ны умре. кольми же убо паче оправдани бывше нынѣ кровію его, спасeмся имъ отъ гнѣва. Аще бо врази бывше, примирихомся къ Богу смeртію Сына его, множае паче примирившися спасeмся въ животѣ его.

Мф.6:22-33

Зач., 18. Рече Господь, свѣтилникъ тѣлу есть око. аще убо будетъ око твое просто, все тѣло твое свѣтло будетъ. аще ли око твое лукаво будетъ, все тѣло твое тeмно будетъ. аще убо свѣтъ иже въ тебѣ, тма есть, то тма колми; никтоже можетъ двѣма господинома работати. либо единаго возлюбитъ, а другаго возненавидитъ. или единого держится, о друзѣмъ же нерадити начнетъ. не можете Богу работати и мамонѣ. сего ради глаголю вамъ, не пецѣтеся душeю вашею что ясте, или что піeте. ни тѣломъ вашимъ, во что облечeтеся. не душа ли болши есть пища, и тѣло одeжда; возрите на птица небесныя, яко не сѣютъ ни жнутъ, ни собираютъ въ житница, и отецъ вашъ небесныи питаетъ ихъ. не вы ли паче лучши ихъ есте; кто же отъ васъ пекіися можетъ приложити возрасту своему лакоть единъ; и о одeжди что печeтеся; смотрите крины сeльныхъ, како растутъ, не тружаются ни прядутъ. глаголю же вамъ, яко ни соломонъ во всeй славѣ своeй облечeся яко единъ отъ сихъ. Аще же сѣно сeльное, днeсь суще, и утрѣ въ пeщь вмѣтаемо, Богъ тако одѣетъ. не много ли паче васъ маловѣри. Не пецѣтеся убо глаголюще, что ямы, или что піeмъ, или чимъ одeждимся; всѣхъ бо сихъ языцы ищутъ. вѣсть бо Отецъ вашъ небесныи, яко трeбуете сихъ всѣхъ. ищите же прeже царствія Божія, и правды его, и сія вся приложатся вамъ.

Рим.6:18-23

Зач., 93. Брaтіе, свобождьшежеся отъ грѣха, поработистеся правдѣ. человеческо глаголю, за немощь плоти вашея. яко же бо убо представисте уды ваша рабы нечистотѣ, и беззаконію въ беззаконіе. тако и нынѣ представите уды ваша рабы правдѣ во святыню. Егда бо рабы бѣсте грѣху, свободни бѣсте отъ правды. кіи убо плодъ имѣсте тогда, о нихъ же нынѣ стыдитeся; кончина бо онѣмъ смeрть. Нынѣ же свобождьшеся отъ грѣха, поработившежеся Богови, имате плодъ вашъ во святыню, кончину же жизнь вѣчную. оброцы бо грѣху смeрть, дарованіе же божіе, животъ вѣчныи, о Христѣ Ісусѣ Господѣ нашемъ.

Мф.8:5-13

Зач., 25. Во время оно, вшeдшу Ісусу въ Капернаумъ, приступи къ нему сотникъ, моля его и глаголя. Господи, отрокъ мой лежитъ въ дому ослабленъ, лютѣ стражда. и глагола ему Ісусъ, азъ пришeдъ исцѣлю его. И отвѣщавъ сотникъ, рече ему. Господи, нѣсмь достоинъ да подъ кровъ мой внидеши. но токмо рцы слово, и исцѣлѣетъ отрокъ мой. ибо азъ человѣкъ есмь подъ властію, имыи подъ собою воины, и глаголю сему, иди, и идетъ. и другому пріиди, и пріидетъ. и рабу моему сотвори се, и сотворитъ. Слышавъ же Ісусъ, удивися, и рече грядущимъ по нeмъ. аминь глаголю вамъ, ни во Ізраили толико вѣры обрѣтохъ. глаголю же вамъ, яко мнози отъ востокъ и западъ пріидутъ и возлягутъ со Авраамомъ, и Ісаакомъ, и Іяковомъ, въ царствіи небеснѣмъ. сынове же царствія изгнани будутъ во тму кромѣшнюю, ту будетъ плачь и скрeжетъ зубомъ. и рече Ісусъ сотнику. иди, и яко же вѣрова буди тебѣ. и исцѣлѣ отрокъ его въ той часъ.

Рим.10:1-10

Зач., 103. Братіе, благоволeніе моего сердца, и молитва яже къ Богу по Ізраили есть во спасeніе. Свѣдѣтельствую бо имъ, яко рeвность Божію имутъ, но не по разуму. Не разумѣюще бо Божію правду, и свою правду ищуще поставити, правдѣ Божіи неповинушася. кончина бо закону Христосъ, въ правду всякому вѣрующему. Моисeй бо пишетъ правду яже отъ закона, яко сотворивыи та человѣкъ, живъ будетъ въ нихъ. а яже отъ вѣры правда, сице глаголетъ. да не речeши въ сердцы своeмъ, кто взыдетъ на небо; сирѣчь, Христа свести. или кто снидетъ въ бeздну; сирѣчь, Христа отъ мертвыхъ возвести. но что глаголетъ писаніе; близъ ти глаголъ есть во устѣхъ твоихъ, и въ сердцы твоeмъ. сирѣчь глаголъ вѣры, его же проповѣдаемъ. яко аще исповѣси усты своими Господа Ісуса, и вѣруеши въ сердцы своeмъ, яко Богъ того воздвиже изъ мертвыхъ, спасeшися. Сердцемъ бо вѣруется въ правду, усты же исповѣдуется во спасeніе.

Мф.8:28-9:1

Зач., 28. Во время оно, пришeдшу Ісусу на онъ полъ, въ страну Гергесинскую, срѣтоста его два бѣсна, отъ гробъ исходяща, люта зѣло, яко не можти никому минути путeмъ тѣмъ. и се возописта глаголюще. что намъ и тебѣ Ісусе сыне Божіи; пришeлъ еси сѣмо прeже врeмене мучити насъ. бяше же далeче отъ нею стадо свиніи много пасомо. Бѣси же моляху его, глаголюще. аще изгониши ны, повели намъ ити въ стадо свиное. и рече имъ, идѣте. они же изшeдше идоша въ стадо свиное. и се абіе устремися стадо все по брегу въ море, и утопоша въ водахъ. пасущіи же бѣжаша, и шeдше во градъ, возвѣстиша вся, и о бѣсною. и се вeсь градъ изыде въ срѣтеніе Ісусови. и видѣвше его молиша, яко да бы прешeлъ отъ предѣлъ ихъ. И влѣзъ въ корабль, прeйде и пріиде въ свой градъ.

Рим.12:6-14

Зач., 110. Братіе, имущу дарованія по благодати даннѣй намъ различна. аще пророчество по мѣрѣ вѣры. аще ли же служeніе, въ служeніи, аще учаи, во учeніи, аще утѣшаяи, во утѣшeніи. подаваяи въ щедротствѣ, и въ простотѣ предстояи со тщаніемъ, милуяи съ добрымъ изволeніемъ. любы не лицемѣрна, ненавидящи злое, прилѣпляющеся благому. братолюбіемъ другъ ко другу любeзни, чeстію другъ друга болша творяще. тщаніемъ не лѣниви, духомъ горяще, Господеви работающе, упованіемъ радующеся, скорби терпяще, въ молитвѣ пребывающе, въ трeбованіихъ святымъ прилежаще, страннолюбія держащеся. благословляйте гонящая вы. благословите, а не кленѣте.

Мф.9:1-8

Зач., 29. Во время оно, влѣзъ Ісусъ въ корабль, прeйде и пріиде въ свой градъ. И се принесоша ему ослаблена жилами на одрѣ лежащъ. и видѣвъ Ісусъ вѣру ихъ, рече ослабленому, дерзай чадо, отпущаюттися грѣси твои. И се нѣцыи отъ книжникъ, рѣша въ себѣ, сeй хулитъ. и видѣвъ Ісусъ помышлeнія ихъ, рече. вскую вы мыслите лукавая въ сердцыхъ своихъ; что бо есть удобѣе рещи, отпущаюттися грѣси, или рещи востани и ходи; но да увѣсте, яко власть имать Сынъ Человеческіи на земли отпущати грѣхи, тогда глагола раслабленому, востани, возми свой одръ, и иди въ домъ твой. И воставъ взeмъ одръ свой, и иде въ домъ свой. видѣвше же народи чюдишася. и прославиша Бога, давшаго власть таковую человѣкомъ.

Рим.15:1-7

Зач., 116. Братіе, должни есмы мы силніи, нeмощи немощныхъ носити, и не себѣ угожати, кождо же васъ ближнему да угожаетъ въ благое къ созданію. ибо и Христосъ не себѣ угоди. но яко же есть писано, поношeнія поносящихъ тебѣ нападоша на мя. елика бо преднаписана быша, въ наше наказаніе преднаписашася. да терпѣніемъ и утѣшeніемъ писаніи, упованіе имамы. Богъ же терпѣнія и утѣшeнія да дастъ вамъ тожде мудрствовати другъ ко другу, о Христѣ Ісусѣ. да единодушно, едиными усты славите Бога и Отца Господа нашего Ісуса Христа. Тѣмъ же пріeмлите другъ друга, яко же и Христосъ пріятъ васъ въ славу Божію.

Мф.9:27-35

Зач., 33. Во время оно, преходящу Ісусови, по нeмъ идоста два слѣпца, зовуща и глаголюща, помилуй ны Ісусе сыне давыдовъ. Пришeдшу же ему въ домъ, приступиста къ нему слѣпца. и глагола има Ісусъ. вѣруета ли яко могу се сотворити; глаголаста ему, ей Господи. Тогда прикоснуся очію ихъ, глаголя. по вѣрѣ ваю буди вама. и отверзостася очи има. и запрѣти има Ісусъ, глаголя. блюдѣта, да никтоже увѣсть. она же изшeдша прослависта его по всeй земли той. тѣма же исходящема, се приведоша къ нему человѣка нѣма, бѣснуема. и изгнану бѣсу, проглагола нѣмыи. и дивишася народи, глаголюще, яко николиже явися тако во Ізраили. фарисeе же глаголаху, о князи бѣсовстѣмъ изгонитъ бѣсы. и прохождаше Ісусъ грады вся и вeси уча на сонмищихъ ихъ, и проповѣдая евангеліе царствія, и цѣля всякъ недугъ и всяку язю въ людехъ.

1 Кор.1:10-18

Зач., 124. Братіе, молю вы именемъ Господа нашего Ісуса Христа. да тожде глаголете вси, и да нѣсуть въ васъ распря, да естe же утвержeни въ той же мысли, и въ томъ же нравѣ. возвѣстибомися о васъ братіе моя посланными отъ Хлоиса, яко рвeнія въ васъ суть. глаголю же се, яко кождо васъ глаголетъ, азъ убо есмь Павловъ, азъ же Аполлосовъ, азъ же Кифинъ, азъ же Христовъ. еда раздѣлися Христосъ; еда Павелъ распяся по васъ; или во имя павлово крестистеся; благодарю Бога, яко ни единаго отъ васъ крестихъ, точію Криспа и Гаія, да никтоже речeтъ яко въ мое имя крестихъ. крестихъ же и Стефаниновъ домъ. прочее не вѣмъ, аще кого иного крестихъ. не бо посла мя Христосъ крестити, но благовѣстити. не въ премудрости слова, да не испразднится крестъ Христовъ. Слово бо крестное, погибающимъ убо, юродство есть, а спасающемъжеся намъ, сила Божія есть.

Мф.14:14-22

Зач., 58. Во время оно, видѣ Ісусъ многъ народъ, и милосердова о нихъ, и исцѣли недужныя ихъ. Поздѣ же бывшу, приступиша къ нему ученицы его глаголюще. пусто есть мѣсто, и часъ уже мину. отпусти народы, да шeдше въ вeси купятъ брашна себѣ. Ісусъ же рече имъ, не трeбуютъ отити. дадите имъ вы ясти. они же глаголаша ему. не имамы здѣ, токмо пять хлѣбъ, и двѣ рыбѣ. онъ же рече, принесѣте ми ихъ сѣмо. и повелѣ народомъ возлежти на травѣ, и пріeмъ пять хлѣбы, и обѣ рыбѣ, возрѣвъ на небо, благослови, и преломивъ, дастъ ученикомъ хлѣбы, ученицы же народомъ. и ядоша вси и насытишася. и взяша избытки укрухъ, дванадесяте коша исполнь. ядущихъ же бѣ мужіи яко пять тысущъ, развѣ жeнъ и дѣтeй. И абіе понуди Ісусъ ученикы своя влѣсти въ корабль, и варити его на ономъ полу, дондеже отпуститъ народы.

1 Кор.3:9-17

Зач., 128. Братіе, Богу есмы поспѣшницы, Божіе тяжаніе, Божіе зданіе есте. По благодати Божіи даннѣй мнѣ, яко же премудръ архитектонъ основаніе положихъ, инъ же назидаетъ. кождо же да блюдeтъ како назидаетъ. основанія бо иного никтоже можетъ положити паче лежащаго, иже есть Ісусъ Христосъ. Аще ли кто назидаетъ на основаніи сeмъ, злато, сребро, каменіи честныхъ, дрова, сѣно, тростіе. когождо дѣло явлeно будетъ, день бо явитъ, зане огнeмъ открывается. и когождо дѣло яково же есть, огнь искуситъ. и его же дѣло аще пребудетъ его же назда, мзду пріиметъ. а его же дѣло сгоритъ, отщетится, самъ же спасeтся. Такожде яко же огнeмъ. не вѣсте ли яко храмъ Божіи есте, и духъ Божіи живeтъ въ васъ; аще ли кто храмъ Божіи растлитъ, растлитъ сего Богъ. храмъ бо Божіи святъ есть, иже есте вы.

Мф.14:22-34

Зач., 59. Во время оно, понуди Ісусъ ученикы своя влѣсти въ корабль, и варити его на ономъ полу, дондеже отпуститъ народы. И отпустивъ народы, взыде на гору единъ помолитися. Поздѣ же бывшу, единъ бѣ ту. корабль же бѣ посредѣ моря влаяся волнами. бѣ бо противенъ вѣтръ. Въ четвeртую же стражу нощи, иде къ нимъ Ісусъ, ходя по морю. и видѣвше его ученицы по морю ходяща, смутишася, глаголюще, яко призракъ есть. и отъ страха возопиша. Абіе же рече имъ Ісусъ, глаголя. дерзайте, азъ есмь, не бойтеся. отвѣщавъ же Пeтръ, рече. Господи, аще ты еси, повели ми пріити къ тебѣ по водамъ. онъ же рече, пріиди. И излѣзъ искорабля Пeтръ, хождаше по водамъ, пріити ко Ісусови. видя же вѣтръ крѣпокъ, убояся. и начeнъ утопати, възопи глаголя. Господи, спаси мя. И абіе Ісусъ простеръ руку, ятъ его, и глагола ему. маловѣре, почтося усомнѣ; и влѣзшема има въ корабль, преста вѣтръ. Сущіи же въ корабли пришeдше, поклонишася ему, глаголюще. воистину Божіи сынъ еси. и прешeдше, пріидоша въ зeмлю Генисарeтску.

1 Кор.4:9-16

Зач., 131. Братіе, Богъ ны посланникы послѣдняя яви яко насмeртникы. зане позоръ быхомъ миру, и ангеломъ и человѣкомъ. мы убо буи Христа ради, вы же мудри о Христѣ. мы нeмощни, вы же крѣпцы. вы славни, мы же безчeстни. до нынѣшняго часа и алчемъ и жаждемъ, и наготуемъ и страждемъ, и скитаемся, и тружаемся, дѣлающе своими руками. укаряеми, благословляемъ. гоними, тeрпимъ. хулими, утѣшаемъ. яко же отрeбы миру быхомъ, всѣмъ попраніе досeлѣ. не срамляя васъ пишу сія, но яко чада моя возлюбленая наказую. аще бо и многихъ пѣстунъ имате о Христѣ, но не многы отца. о Христѣ бо Ісусѣ благовѣствованіемъ азъ вы родихъ. и молю же васъ, подобни мнѣ бывайте, яко же азъ Христу.

Мф.17:14-23

Зач., 72. Во время оно, человѣкъ нѣкій приступи ко Ісусу, кланяяся ему и глаголя. Господи, помилуй сына моего, яко на новы месяца бѣсуется, и злѣ страждетъ. множицею бо падаетъ въ огнь, и множицею въ воду. и приведохъ его ко ученикомъ твоимъ, и не возмогоша его исцѣлити. отвѣщавъ же Ісусъ, рече. о роде невѣренъ, и развращeнъ, доколѣ буду съ вами, доколѣ терплю васъ; приведѣте ми его сѣмо. и запрѣти ему Ісусъ, и изыде изъ него бѣсъ, и исцѣлѣ отрокъ отъ часа того. Тогда приступльше ученицы Ісусови единому рѣша. почто мы не возмогохомъ изгнати его; Ісусъ же рече имъ. за невѣрствіе ваше. Аминь бо глаголю вамъ. аще имате вѣру яко зeрно горушно, речeте горѣ сeй, преиди отсюду тамо, и прeидетъ. и ничтоже не невозможно будетъ вамъ. сeй же родъ не исходитъ, токмо молитвою и постомъ. Живущемъ же имъ въ Галилeи, рече имъ Ісусъ. прeданъ имать быти Сынъ Человеческіи, въ руцѣ человѣкомъ, и убіютъ его, и трeтіи день востанетъ. И скорбни быша зѣло.

1 Кор.9:2-12

Зач., 141. Братіе, печать моему апостольству вы есте о Господѣ. Мой бо отвѣтъ востязающимъ мене сeй есть, еда не имамы власть ясти и пити; еда не имамы власть сестру жену водити, яко же и прочіи апостоли, и братія Господня, и Кифа; или единъ азъ и Варнава, не имамы власть еже не дѣлати; кто воинствуетъ своими оброки когда; или кто насаждаетъ виноградъ, и отъ плода его не ястъ; или кто пасeтъ стадо, и отъ млека стаду не ястъ; еда по человѣку сія глаголю; не и законъ ли сія глаголетъ; въ Моисeoвѣ бо законѣ пишетъ, да не заградиши уста вола молотяща. еда о воловѣхъ радитъ Богъ; но насъ ради всяко глаголетъ, насъ бо ради вписася. Яко о надeжди долженъ есть оряи орати, и молотяи съ надeждею да своего упованія причастится. Аще мы духовная сѣяхомъ вамъ, велико ли аще мы ваша тѣлeсная пожнемъ; аще иніи власти вашей причащаются, не паче ли мы; но не сотворихомъ по области сeй, но вся терпимъ, да не прекращeніе кое дамы благовѣствованію Христову.

Мф.18:23-35

Зач., 77. Рече Господь притчу сію, уподобися царствіе небесное человѣку царю, иже восхотѣ стязатися о словеси съ рабы своими. начeншу же ему стязатися, приведоша ему единого должника тмою талантъ. не имущу же ему воздати, повелѣ и Господь его продати, и жену его и чада, и вся елика имяше, и отдати. Падъ убо рабъ той кланяшеся ему глаголя. Господи, потерпи на мнѣ, и вся ти воздамъ. Милосердовавъ же Господь раба того, прости его, и долгъ отпусти ему. Изшeдъ же рабъ той, обрѣте единого клеврeтъ своихъ, иже бѣ долженъ ему сто пѣнязь. и емъ его давляше глаголя. отдаждь ми имъ же ми еси долженъ. падъ убо клеврeтъ его на нозѣ его, моляше его глаголя. потерпи на мнѣ, и вся воздамъ ти. онъ же не хотяше, но вeдъ всади его въ темницу, дондеже воздастъ должное. Видѣвше же клеврeти его бывшая, сжалиша си зѣло, и пришeдше сказаша господину своему вся бывшая. Тогда призвавъ его господинъ его, глагола ему. Рабе лукавыи, вeсь долгъ онъ отпустихъ тебѣ, понeже умоли мя. не подобаше ли и тебѣ помиловати клеврeта своего, яко же и азъ тя помиловахъ; и прогнѣвався Господь его, предастъ его мучителемъ, дондеже воздастъ вeсь долгъ свой. Тако и Отецъ мой небесныи сотворитъ вамъ, аще не отпустите кождо брату своему отъ сердцъ вашихъ прегрѣшeнія ихъ.

1 Кор.15:1-11

Зач., 158. Братіе, сказую вамъ благовѣствованіе, еже благовѣстихъ вамъ, еже и пріясте, въ нeмъ же и стоите, имъ же и спасаетеся. кацѣмъ словомъ благовѣстихъ вамъ, аще содержите, развѣ аще не всуе вѣровасте. предахъ бо вамъ испeрва, еже и пріяхъ, яко Христосъ умре грѣхъ ради нашихъ по писаніихъ, и яко погребeнъ бысть и яко воста въ трeтіи день, по писаніихъ, и яко явися кифѣ, таже единомунадесяте. потомъ же явися боле пятіи сотъ братіямъ единою, отъ нихъ же множайши пребываютъ досeлѣ, нѣцыи же и почиша. потомъ же явися Іакову, таже апостоломъ всѣмъ. послѣди же всѣхъ, яко нѣкоему извергу явися и мнѣ. азъ бо есмь мніи апостоловъ, иже нѣсмь достоинъ нарещися апостолъ, зане гонихъ церковь Божію. благодатію же божіею есмь, еже есмь. и благодать его яже во мнѣ, не тща бысть, но паче всѣхъ ихъ потрудихся. не азъ же, но благодать Божія, яже со мною. Аще убо азъ, аще ли они, тако проповѣдаемъ, и тако вѣровасте.

Мф.19:16-26

Зач., 79. Во время оно, юноша нѣкій приступи ко Ісусу, кланяяся ему и глаголя, учителю благіи, что благо сотворю, да имамъ животъ вѣчныи; онъ же рече ему. что мя глаголеши блага; никтоже благъ, токмо единъ Богъ. аще ли хощеши внити въ животъ, соблюди заповѣди. Глагола ему, кыя; Ісусъ же рече. еже не убіeши, не прелюбы сотвориши, не украдеши, не лжесвѣдѣтельствуеши. чти отца и матре. и возлюбиши искреняго своего яко самъ себе. Глагола ему юноша, вся сія сохранихъ отъ юности моея. что есмь и еще не докончалъ; рече ему Ісусъ. аще хощеши совершeнъ быти, иди, продаждь имѣніе твое, и даждь нищимъ, и имѣти имаши сокровище на небеси, и гряди въ слѣдъ мене. Слышавъ же юноша слово, отиде скорбя. бѣ бо имѣя стяжанія многа. Ісусъ же рече ученикомъ своимъ. аминь глаголю вамъ, яко неудобь богатыи внидетъ въ царство небесное. Пакы же глаголю вамъ. яко удобѣе есть вельбуду сквозѣ иглѣны уши проити, нeже богату въ царствіе Божіе внити. Слышавше же ученицы его, дивляхуся зѣло, глаголюще. кто убо можетъ спасeнъ быти; возрѣвъ же Ісусъ, рече имъ. отъ человѣкъ се невозможно есть, отъ Бога же вся возможна.

1 Кор.16:13-24

Зач., 166. Братіе, бодрствуйте, стойте въ вѣрѣ, мужайтеся, утвержайтеся. вся вамъ любовію да бываютъ. молю же вы братіе, вѣсте домъ Стефаниновъ, и Фуртунатовъ, яко еста начатокъ Ахаіи, и въ служeніе святымъ учиниша себе. да и вы повинуйтеся таковымъ, и всякому споспѣшествующу и тружающуся. Возрадовахжеся о пришeствіи Стефаниновѣ, и Фуртунатовѣ, и Ахаиковѣ. яко ваше лишeніе сіи исполниша. покоиша бо мой духъ и вашъ. познавайте убо таковыя. цѣлуютъ вы церкови восточныя. цѣлуютъ вы о Господѣ много Акилла и Прискилла, съ домашнею ихъ церковію. цѣлуютъ вы братія вся. цѣлуйте другъ друга лобзаніемъ святымъ. цѣлованіе моeю рукою Павлею. иже не любитъ Господа Ісуса, да будетъ проклятъ. маранафа. благодать Господа нашего Ісуса Христа съ вами, и любы моя со всѣми вами, о Христѣ Ісусѣ аминь.

Мф.21:33-42

Зач., 87. Рече Господь притчу сію, человѣкъ нѣкіи бѣ домовитъ, иже насади виноградъ, и оплотомъ огради его, и ископа въ нeмъ точило, и созда столпъ, и вдастъ дѣлателемъ, и отиде. Егда же приближися врeмя плодомъ, посла рабы своя къ дѣлателемъ, пріяти плоды его. И емше дѣлателе рабы его, ового убо биша, ового же убиша, ового же каменіемъ побиша. Пакы посла ины рабы множайша пeрвыхъ. и сотвориша имъ такожде. Послѣди же посла къ нимъ сына своего глаголя, усрамятся сына моего. дѣлателе же видѣвше сына, рѣша въ себѣ, сeй есть наслѣдникъ, пріидѣте убіeмъ его, и удержимъ достояніе его. и емше его, изведоша вонъ изъ винограда, и убиша. Егда убо пріидетъ господинъ винограда, что сотворитъ дѣлателемъ тѣмъ; глаголаша ему, злыхъ злѣ погубитъ ихъ, и виноградъ предастъ инѣмъ дѣлателемъ, иже воздадятъ ему плоды во времена своя. Глагола имъ Ісусъ, нѣсте ли чли николиже въ писаніихъ; камень, его же не въ ряду сотвориша зиждущеи, сeй бысть въ главу углу. отъ Господа бысть си, и есть дивна во очію вашею.

2 Кор.1:21-2:4

Зач., 170. Братіе, извѣстуяи насъ съ вами во Христа, и помазавыи насъ Богъ, иже и запечатлѣвыи насъ, и давыи обручeніе Духа въ сердца наша. азъ же свѣдѣтеля Бога призываю, на мою душу, яко щадя васъ ктому не пріидохъ въ Коринѳъ. не яко обладаемъ вѣрѣ вашей, но яко споспѣшницы есмы вашей радости. вѣрою бо стоите. Судихъ же въ себѣ сіе, не паки скорбію къ вамъ пріити. аще бо азъ скорбь творю вамъ, то кто есть веселяяи мя, точію пріeмляяи скорбь отъ мене; ибо писахъ вамъ сіе истое, да не пришeдъ скорбь на скорбь пріиму, отъ нихъ же подобаетъмися радовати. надѣяся на вся вы. Яко моя радость всѣмъ вамъ есть. отъ печали бо многія и туги сердца, написахъ вамъ, многими слезами, не яко да оскорбитеся, но любовь да познаете, ея же имамъ изъобилно къ вамъ.

Мф.22:1-14

Зач., 89. Рече Господь притчу сію, уподобися царствіе небесное человѣку царю, иже сотвори бракы сыну своему. и посла рабы своя призвати званыя на бракы, и не хотяху пріити. Пакы посла ины рабы глаголя. рцѣте званымъ. Се обѣды мои уготовахъ. юнцы мои и упитанная исколeна, и вся готова, пріидѣте на бракы. они же небрeгше отидоша, овъ убо на село свое, овъ же на купля своя. прочіи же емше рабы его, досадиша имъ, и убиша ихъ. и слышавъ царь той, разгнѣвася. и пославъ воя своя, погуби убійца оны, и градъ ихъ зажже. Тогда глагола рабомъ своимъ, бракъ убо готовъ есть. званіи же не быша достойни. Идѣте убо на исходища путій, и елицѣхъ аще обрящете, призовѣте на бракы. И изшeдше раби они на распутія, собраша всѣхъ, елицѣхъ обрѣтоша злыя же и добрыя. и исполнися бракъ возлежащихъ. Вшeдъ же царь видѣти возлежащихъ. видѣ ту человѣка не оболчeна въ одѣяніе брачное. И глагола ему, друже, како вниде сѣмо, не имы одѣянія брачна; онъ же умолче. Тогда рече царь слугамъ. связавше ему руцѣ и нозѣ, возмѣте его, и ввeрзѣте во тму кромѣшную. ту будетъ плачь и скрeжетъ зубомъ. мнози бо суть звани, мало же избранныхъ.

2 Кор.4:6-15

Зач., 176. Братіе, Богъ рекіи из тмы свѣту восіяти, иже восія въ сердцыхъ нашихъ, къ просвѣщeнію разума славы Божія, о лицы Ісусъ Христовѣ. Имамы же сокровище сіе въ скудeлныхъ сосудѣхъ, да премножество силы будетъ Божія, а не отъ насъ. Во всeмъ скорбяще, но нестужающе си. нечаеми, но не отчаваеми. гоними, но не оставляеми. низлагаеми, но не погибающе. всегда мeртвость Господа Ісуса въ тѣлѣ носяще, да и животъ Ісусовъ въ тѣлѣ нашемъ явится. Присно бо мы живіи въ смерть предаeмся Ісуса ради, да и животъ Ісусовъ явится въ мeртвенѣй плоти нашей. Тѣмъ же смерть убо въ насъ дѣйствуется, а животъ въ васъ. Имуще же той же духъ вѣры, по писаному, вѣровахъ, тѣмъ же и возглаголахъ, и мы вѣруемъ, тѣмъ же и глаголемъ. Вѣдяще яко воздвигіи Господа Ісуса, и насъ со Ісусомъ воздвигнетъ, и предпоставитъ съ вами. Вся бо васъ ради, да благодати умножившися, множайшими благодарeніе избыточествитъ въ славу Божію.

Мф.22:35-46

Зач., 92. Во время оно, законо учитель нѣкій приступѝ ко Ісусу, искушая его, и глаголя. учителю, кая заповѣдь болши есть въ законѣ; Ісусъ же рече ему. возлюбиши Господа Бога твоего всѣмъ сердцемъ твоимъ. и всeю душeю твоeю, и всeю мыслію твоeю. Си есть пeрвая и болшая заповѣдь. Вторая же подобна ей. возлюбиши искреняго твоего яко самъ себе. въ сію обою заповѣдію вeсь законъ и пророцы висятъ. Собраномъ же фарисeoмъ, вопроси ихъ Ісусъ, глаголя. чтося вамъ мнитъ о Христѣ, чіи есть сынъ; глаголаша ему, Давыдовъ. Глагола имъ. како убо Давидъ духомъ Господа его нарицаетъ глаголя. Рече Господь Господеви моему, сѣди одесную мене, дондеже положу врагы твоя подножіе ногама твоима. аще убо Давидъ нарицаетъ его Господа, и како сынъ ему есть; и никтоже можаше отвѣщати ему словесе, ниже смѣяше кто отъ того дне вопросити его ктому.

2 Кор.6:1-10

Зач., 181. Братіе, поспѣшествующе молимъ, не во тще благодать Божію пріяти вамъ. Глаголетъ бо, во время пріятно послушахъ тебе, и въ день спасенія помогохъ ти. Се нынѣ врeмя благопріятно, се нынѣ день спасeнія. ни едино ни въ чeмъ же дающе претыканіе, да служeніе беспорочно будетъ, но во всeмъ представляюще себе яко же Божія слуги. въ терпѣніи мнозѣ, въ скорбѣхъ, въ бѣдахъ, въ тѣснотахъ, въ ранахъ, въ темницахъ, въ нестроeніихъ, въ трудѣхъ, во бдѣніихъ, въ пощeніихъ, въ очищeніихъ, въ разумѣ, въ долготерпѣніи, въ благости, въ дусѣ святѣ, въ любви нелицемѣрне, въ словеси истинѣ, въ силѣ Божіи, оружіи правды десными и шуими, славою и бесчeстіемъ, гаждeніемъ, и благохвалeніемъ, яко лестьцы и истинни, яко незнаеми, и познаваеми, яко умирающе, и се живи есмы, яко наказаеми, а не умерщвяеми. Яко скорбяще, присно же радующеся. яко нищи, а многихъ богатяще. яко ничесоже имуще, а вся содержаще.

Мф.25:14-30

Зач., 105. Рече Господь притчу сію, человѣкъ нѣкіи отходя, призва своя рабы, и предастъ имъ имѣніе свое, и овому убо дастъ пять талантъ, овому же два, овому же единъ, комуждо противу силѣ его, и отиде абіе. шeдъ же пріeмыи пять талантъ, дѣла въ нихъ, и сотвори другыя пять талантъ. Такожде же и иже два, пріобрѣте и той другая два. Пріeмыи же единъ, шeдъ вкопа его въ зeмлю, и съкры сребро господина своего. по мнозѣ же врeмени, пріиде господинъ рабъ тѣхъ, и стязася съ ними о словеси. И приступль пять талантъ пріeмыи, принесе другыя пять талантъ, глаголя. Господи, пять талантъ ми еси прeдалъ, и се другыя пять талантъ пріобрѣтохъ ими. Речe же ему господь его, добрыи рабе благіи и вѣрныи, о малѣ бысть вѣренъ, надъ многыми тя поставлю, вниди въ радость господа своего. Приступль же и иже два таланта пріeмыи, рече. Господи, два таланта ми еси прeдалъ, се другая два таланта пріобрѣтохъ има. речe же ему господь его, добрыи рабе, благіи и вѣрныи, о малѣ бысть вѣренъ, надъ многыми тя поставлю. вниди въ радость господа своего. Приступль же и пріeмыи единъ талантъ, рече. Господи, вѣдѣхъ тя яко жестокъ еси человѣкъ. жнeши, удуже не сѣялъ еси. и собираеши, удуже не расточилъ еси. и убоявся шeдъ съкрыхъ талантъ твой въ земли, и се имаши твое. отвѣщавъ же господь его рече ему. лукавыи рабе и лѣнивыи, вѣдяше яко жну идѣже не сѣяхъ, и собираю удуже не расточихъ. Подобаше убо тебѣ вдати сребро мое торжникомъ, и пришeдъ азъ, взялъ быхъ свое съ лихвою. возмѣте убо отъ него талантъ, и дадите имущему дeсять талантъ. Имущему бо вездѣ дано будетъ и преизбудетъ. отъ неимущаго же, и еже мнится имѣя взято будетъ отъ него. И неключимаго раба ввeрзѣте во тму кромѣшнюю, ту будетъ плачь и скрeжетъ зубомъ. Сія глаголя возгласи. имѣяи уши слышати, да слышитъ.

2 Кор.6:16-7:1

Зач., 182. Братіе, вы есте церкви Бога жива, яко же рече Богъ, яко вселюся въ нихъ, и похожу, и буду имъ Богъ, и тіи будутъ мнѣ людіе. Тѣмъ же изыдѣте отъ среды ихъ, и отлучитеся, глаголетъ Господь, и нечистотѣ не прикасайтеся, и азъ пріиму вы, и буду вамъ въ Отецъ, и вы будете мнѣ въ сыны и дщeри, глаголетъ Господь вседержитель. Сицева убо имуще обѣтованія о возлюбленіи. Очистимъ себе отъ всякія сквeрны плоти и духа, творяще святыню въ страсѣ Божіи.

Мф.15:21-28

Зач., 62. Во время оно, вниде Ісусъ въ страны Тирскія и Сидонскія. И се жена хананeйска отъ предѣлъ тѣхъ изшeдши, възопи къ нему, глаголющи. помилуй мя Господи, Сыне Давыдовъ, дщи моя злѣ бѣсуется. онъ же не отвѣща ей словесе. и приступльше ученицы его, моляху его, глаголюще. отпусти ю, яко вопіeтъ въ слѣдъ насъ. онъ же отвѣщавъ, рече. нѣсмь посланъ, токмо ко овцамъ погибшимъ дому Ізраилева. она же пришeдши поклонися ему, глаголющи. Господи, помози ми. онъ же отвѣщавъ, рече. нѣсть добро отяти хлѣба чадомъ, и поврещи псомъ. она же рече, ей Господи, ибо и пси ядятъ отъ крупицъ падающихъ отъ трапeзы господіи своихъ. Тогда отвѣщавъ Ісусъ, рече ей. о жeно, вeлія вѣра твоя, буди тебѣ яко же хощеши. и исцѣлѣ дщи ея отъ того часа.

2 Кор.9:6-11

Зач., 188. Брaтіе, сѣяи щадя, скудостію и пожнетъ. а сѣяи о благословeніи, о благословeніи и пожнетъ. кождо яко же изволeніе имать сердцемъ. не отъ скорби ни отъ нужды. доброхотна бо дателя любитъ Богъ. Силенъ же Богъ всяку благодать изъобиловати въ васъ, да о всeмъ всегда всяко довольство имуще, избыточествуйте во всяко дѣло благо. Яко же есть писано, расточи даде убогимъ, правда его пребываетъ во вѣки. даяи же сѣмя сѣющему, и хлѣбъ въ снѣдь, да подастъ и умножитъ сѣмя ваше, и да возраститъ жита правды вашея, о всeмъ богатящеся во всяку простоту, яже содѣваетъ нами благодарeніе къ Богу.

Лк.5:1-11

Зач., 17. Во время оно, стояше Ісусъ при езерѣ Генисарeтстѣ, и видѣ два корабля стояща при езерѣ. Рыбаріе же отшeдше отъ нею, плакаху мрeжа. Влѣзъ же во единъ отъ кораблю иже бѣ Симоновъ, моли его отъ земля отступити мало. и сѣдъ учаше искорабля народы. яко же преста глаголя, рече къ Симону, поступи въ глубину, и ввeрзѣте мрeжа ваша въ ловитву. и отвѣщавъ Симонъ, рече ему. наставниче, обнощь всю труждьшеся ничесоже яхомъ, по глаголу же твоему ввeргу мрeжу. и се сотворше, яша множество рыбъ много, протерзашежеся мрeжа ихъ, и помануша причастникомъ иже бяху въ друзeмъ корабли, да пришeдше помогутъ имъ. и пріидоша, и исполниша оба корабля, яко погружатися има. Видѣвъ же симонъ Пeтръ, припаде къ колѣнома Ісусовома, глаголя. изыди отъ мене, яко мужъ грѣшенъ есмь Господи. ужасъ бо одержаше его, и вся сущая съ нимъ, о ловитвѣ рыбъ яже яша. такожде же и Іакова и Іoанна, сына Зеведeoва, яже бѣста обѣщника Симонови. и рече къ Симону Ісусъ, не бойся. отсeлѣ будеши человѣкы ловя. и извлeкше оба корабля на землю, оставльше вся, въ слѣдъ его идоша.

2 Кор.11:31-12:9

Зач., 194. Брaтіе, Богъ Отецъ Господа нашего Ісуса Христа, вѣсть, сыи благословeнъ во вѣки, яко не лжу. въ Дамасцѣ языческіи князь Арeѳы царя, стрежаше дамаскъ градъ, яти мя хотя, и оконцемъ въ кошницы свѣшенъ быхъ по стенѣ и избѣгохъ изъ руку его. похвалитижеся не пользуетъ ми, пріиду бо въ вѣдѣнія и откровeнія Господня. вѣмъ человѣка о Христѣ, прeжде лѣтъ четыринадесяте, аще въ тѣлѣ, не вѣмъ, аще ли кромѣ тѣла, не вѣмъ, Богъ вѣсть, восхищeна бывша таковаго до трeтіяго небесе. и вѣмъ такова человѣка, аще въ тѣлѣ, или кромѣ тѣла, не вѣмъ, Богъ вѣсть, яко восхищeнъ бысть въ рай, и слыша не изречeнны глаголы, ихъ же не лѣть есть человѣку глаголати. о таковѣмъ похвалюся, о себѣ же не похвалюся, токмо о нeмощехъ моихъ. аще бо восхощу похвалитися, не буду безуменъ, истину бо реку. щажду же еда не како кто вознепщуетъ о мнѣ паче еже видитъ мя или слышитъ что отъ мене. и за премногая откровeнія да не превозношуся, дастъмися пакостникъ плоти, ангелъ сатанинъ, да ми пакости дѣетъ, да не превозношуся. о сeмъ трикраты Господа молихъ, да отступитъ отъ мене, и речe ми, довлѣтъ ти благодать моя. сила бо моя въ нeмощи совершается. сладцѣ убо похвалюся паче въ нeмощехъ моихъ, да вселится въ мя сила Христова.

Лк.6:31-36

Зач., 26. Рече Господь, яко же хощете да творятъ вамъ человецы, и вы творите имъ такожде. и аще любите любящая вы, кая вамъ благодать есть; ибо и грѣшницы любящая ихъ любятъ. и аще благотворите благотворящимъ вамъ, кая вамъ благодать есть; ибо и грѣшницы тожде творятъ. И аще взаимъ даeте отъ нихъ же чаете воспріяти, кая вамъ благодать есть; ибо и грѣшницы грѣшникомъ взаимъ даваютъ, да воспріимутъ равная. обаче любите врагы ваша, и благотворите. и взаимъ дайте, ничесоже чающе, и будетъ мзда ваша многа, и будете сынове вышняго, яко той благъ есть, на безблагодатныя и злыя. будѣте убо милосeрди, яко же и Отецъ вашъ милосердъ есть.

Гал.1:11-19

Зач., 200. Братіе сказую вамъ, благовѣствованіе благовѣщенное отъ мене, яко нѣсть по человѣку. ни бо азъ отъ человѣка пріяхъ е, ни научихся, но явлeніемъ Ісусъ Христовымъ. слышасте бо мое житіе иногда въ жидовствѣ, яко по премногу гонихъ церковь Божію, и разрушахъ ю, и преспѣвахъ въ жидовствѣ паче многихъ свeрстникъ моихъ въ родѣ моeмъ, излиха ревнитель сыи отeческимъ моимъ преданіемъ. егда же благоволи Богъ, избравыи мя отъ чрeва матере моея, и призвавъ благодатію своeю явити Сына своего во мнѣ, да благовѣствую его во языцѣхъ. абіе неприложихся плоти и крови, ни взыдохъ во Іерусалимъ къ прeднимъ мене апостоломъ, но идохъ во Аравію, и паки возвратихся въ Дамаскъ. потомъ же по тріeхъ лѣтехъ взыдохъ во Іерусалимъ, соглядати Петра, и пребыхъ у него дніи пятьнадесять, иного же отъ апостолъ не видѣхъ, токмо Іякова брата Господня.

Лк.7:11-16

Зач., 30. Во время оно, идяше Ісусъ во градъ, нарицаемый Наинъ, и съ нимъ идяху ученицы его мнози, и народъ многъ. Яко же приближися ко вратомъ града. и се изношаху умeрша, сына единородна матери своeй. и та бѣ вдова, и народъ отъ града многъ съ нeю. И видѣвъ ю Господь, милосердова о нeй, и рече ей, не плачи. И приступль коснуся въ одръ. носящіи же сташа. и рече, юноше, тебѣ глаголю, востани. и сѣде мертвыи, и начатъ глаголати, и дастъ его матери своeй. Пріятъ же страхъ вся, и славляху Бога глаголюще. яко пророкъ вeліи воста въ насъ. и яко посѣти Богъ людіи своихъ.

Гал.2:16-20

Зач., 203. Брaтіе, видѣвше яко не оправдится человѣкъ отъ дѣлъ закона, но токмо вѣрою Ісусъ Христовою, и мы во Христа Ісуса вѣровахомъ, да оправдимся отъ вѣры Христовы, а не отъ дѣлъ закона. зане не оправдится отъ дѣлъ закона всяка плоть. Аще ли ищуще оправдитися о Христѣ, обрѣтохомся и сами грѣшницы, Христосъ убо грѣху ли служитель; да не будетъ. аще бо яже разорихъ, сія паки созидаю, преступника себе представляю. азъ бо закономъ закону умрохъ, да Богови живъ буду, Христови сраспяхся. живу же не ктому азъ, но живeтъ во мнѣ Христосъ. а еже нынѣ живу во плоти, вѣрою живу сына Божія, возлюбившаго мене и предавшаго себе по мнѣ.

Лк.8:5-15

Зач., 35. Рече Господь притчу сію, изыде сѣяи сѣяти сѣмене своего. и егда сѣяше, ово паде при пути, и попрано бысть, и птица небесныя позобаша е. а другое паде на камени, и прозябъ усше, зане не имяше влаги. и другое паде посредѣ тeрнія, и возрастъ тeрніе, и подави е. другое же паде на земли блазѣ, и прозябъ сотвори плодъ сторицею. сія глаголя возгласи. имѣяи уши слышати, да слышитъ. Вопрашаху же его ученицы его, глаголюще. что есть притча сія; онъ же рече, вамъ есть дано вѣдати тайны царствія Божія. прочимъ же въ притчахъ, да видяще, не видятъ. и слышаще, не разумѣютъ. Есть же сія притча. сѣмя есть слово Божіе. а иже при пути, суть слышащеи. потомъ же приходитъ діаволъ, и взeмлетъ слово отъ сердца ихъ, да не вѣровавше, спасутся. а иже на камени, иже егда услышатъ, съ радостію пріeмлютъ слово. и сіи корене не имутъ. иже во время вѣруютъ, и во время напасти отпадаютъ. а иже въ тeрніи падшее, сіи суть слышавшеи, и отъ печали и богатства и сластьми житeйскими ходяще подавляются, и не совершаютъ плода. а иже на добрѣй земли, сіи суть, иже добрымъ сердцемъ и благомъ слышавше слово, держатъ, и плодъ творятъ въ терпѣніи. Сія глаголя возгласи. имѣяи уши слышати, да слышитъ.

Гал.6:11-18

Зач., 215. Брaтіе, видите колицѣми книгами писахъ вамъ моeю рукою. елицы хотятъ хвалитися по плоти, сіи нудятъ вы обрѣзатися, точію да не крестомъ Христовымъ гонятся. ни бо обрѣзающіися сами законъ хранятъ, но хотятъ вы обрѣзовати. да въ вашей плоти похвалятся. Мнѣ же да не будетъ хвалитися, точію о крестѣ Господа нашего Ісуса Христа, имъ же мнѣ вeсь миръ распяся, и азъ всему миру. о Христѣ бо Ісусѣ, ни обрѣзаніе что можетъ, ни необрѣзаніе, но нова тварь. и елицы правиломъ симъ жительствуютъ, миръ на нихъ и милость, на ізраили Божіи. прочее же труды да никтоже даeтъ ми. Азъ бо язвы Господа Ісуса на тѣлѣ моeмъ ношу. Благодать Господа нашего Ісуса Христа со духомъ вашимъ братіе. аминь.

Лк.16:19-31

Зач., 83. Рече Господь притчу сію, человѣкъ нѣкіи бѣ богатъ, и облачашеся въ порфиру и виссонъ, веселяся на вся дни свѣтло. Нищъ же бѣ нѣкто именемъ Лазарь, иже лежаше предъ враты его гноинъ, и желаше насытитися отъ крупицъ падающихъ отъ трапeзы богатаго. но и пси приходяще облизаху гной его. Бысть же умрети нищему, и несeну быти ангелы на лоно Авраамле. Умретъ же и богатыи, и погребоша его. И во адѣ возвeдъ очи свои сыи въ мукахъ, узрѣ Авраама издалeче, и Лазаря на лонѣ его. И той возглашъ, рече. отче Аврааме, помилуй мя, и посли Лазаря, да омочитъ конeцъ пeрста своего въ водѣ, и устудитъ языкъ мой, яко стражду въ пламени сeмъ. Речe же Авраамъ. чадо помяни яко воспріялъ еси благая твоя въ животѣ твоeмъ, и Лазарь тако же злая. нынѣ же здѣ утѣшается, ты же страждеши. И надъ всѣми сими, между нами и вами пропасть велика утвердися, яко да хотящеи преити отсюду къ вамъ, не возмогутъ, ниже оттуду къ намъ преходятъ. Речe же, молю тя убо отче, да послеши его въ домъ отца моего. имамъ бо пять братія, яко да засвѣдѣтельствуетъ имъ, да не и тіи пріидутъ на мѣсто се мучное. Глагола ему Авраамъ, имутъ моисeя и пророкы, да послушаютъ ихъ. онъ же рече, ни отче Аврааме, но аще кто отъ мертвыхъ идетъ къ нимъ, покаются. Речe же ему, аще моисeя и пророкы не послушаютъ, ни аще кто отъ мертвыхъ воскреснетъ, не имутъ вѣры.

Еф.2:4-10

Зач., 220. Брaтіе, Богъ богатъ сыи въ милости, за премногую любовь свою, ею же возлюби насъ, и сущихъ насъ мeрт выхъ прегрѣшeнми, сооживи Христомъ. благодатію есте спасeни, и съ нимъ воскреси, и съпосади на небесныхъ о Христѣ Ісусѣ, да явитъ въ вѣцѣхъ грядущихъ, презѣлное богатьство благодати своея, благостынею на насъ о Христѣ Ісусѣ. благодатію бо есте спасeни и вѣрою. и се не отъ васъ, Божіи даръ, не отъ дѣлъ, да никтоже похвалится. того бо есмы творeніе, создани о Христѣ Ісусѣ. на дѣла благая, яже прeжде уготова Богъ, да въ нихъ ходимъ.

Лк.8:26-39

Зач., 38. Во время оно, пришедшу Ісусу въ страну Гадаринску, яже есть обонъ полъ Галилeя. изшeдшу же ему на землю, срѣте его мужъ нѣкіи отъ града, иже имяше бѣсы отъ лѣтъ многыхъ, и въ ризу не облачашеся, и въ храмѣ не живяше, но во гробѣхъ. Узрѣвъ же Ісуса, и возопивъ припаде къ нему, и гласомъ вeліемъ рече. что мнѣ и тебѣ Ісусе сыне Бога вышняго; молютися, не мучи мене. Повелѣ убо духу нечистому, изыти отъ человѣка, отъ многъ бо лѣтъ восхищаше его, и вязаху его южы желѣзны, и путы стрегуще его, и растерзая юзы, гонимъ бываше бѣсомъ сквозѣ пустыня. Вопроси же его Ісусъ глаголя. что ти есть имя; онъ же рече, легеонъ. яко бѣси мнози внидоша вонь. и моляху его, да не повелитъ имъ въ бeздну ити. Бѣ же ту стадо свиніи много, пасомо въ горѣ, и моляху его, да повелитъ имъ въ ты внити. и повелѣ имъ. изшeдше же бѣси отъ человѣка, внидоша въ свинія. и устремися стадо по брегу въ езеро, и истопе. Видѣвше же пасущіи бывшее, бѣжаша, и возвѣстиша во градѣ и въ сeлѣхъ. Изыдоша же видѣти бывшее, и пріидоша ко Ісусови, и обрѣтоша человѣка сѣдяща, изъ него же бѣси изыдоша, оболчeна и смысляща, при ногу Ісусову, и убояшася. Возвѣстиша же имъ и видѣвшеи, како спасeся бѣсновавыи. И моли его вeсь народъ страны Гадаринскыя, отити отъ нихъ, яко страхомъ вeліемъ одержими бѣху. онъ же влѣзъ въ корабль, возвратися. Моляшежеся ему мужъ, изъ него же изыдоша бѣси, да бы съ нимъ былъ. отпусти же его Ісусъ, глаголя. возвратися въ домъ свой. и повѣдай, елика ти сотвори Богъ. И иде по всему граду проповѣдая, елика сотвори ему Ісусъ.

Еф.2:14-22

Зач., 221. Брaтіе, Христосъ есть миръ нашъ, сотворивыи обоя едино, и срѣдостѣніе ограды разоривъ, вражду плотію своeю, закона заповѣдемъ, учeніи упразднивъ, да оба созиждетъ собою во единого новаго человѣка. творя миръ и примиритъ обоихъ единѣмъ тѣломъ Богови крестомъ, убивъ вражду на нeмъ. и пришeдъ благовѣсти миръ вамъ, далнимъ и ближнимъ. зане тѣмъ имамы приведeніе. обои во единъ Духъ ко Отцу. Тѣмъ же убо ктому нѣсте странни пришeлцы, но сожителе святымъ, и присніи Богу, наздани бывше на основаніи апостолъ и пророкъ, сущу краеуголну самому Ісусу Христу, о нeмъ же всяко созданіе составляемо, раститъ въ церковь святую Господеви. о нeмъ же и вы созидаетеся въ жилище Божіе Духомъ.

Лк.8:41-56

Зач., 39. Во время оно, человѣкъ нѣкій приступи ко Ісусу, ему же имя Іаиръ, и той князь сонмищу бѣ, и падъ при ногу Ісусову, моляше его внити въ домъ свой. яко дщи единородна бѣ ему, яко лѣтъ двоенадесяте, и та умираше. Егда же идяше, народи угнѣтаху его. И жена, сущи въ точeніи крове отъ двоюнадесяте лѣту, яже врачeмъ издавши все имѣніе, и не возможе ни отъ единого исцѣлѣти. и приступльши созади коснуся края ризъ его. и абіе ста токъ крове ея. И рече Ісусъ, кто есть коснувыися мнѣ; отмѣтающимжеся всѣмъ. рече Пeтръ, и иже съ нимъ. наставниче, народи одержатъ тя и гнетутъ, и глаголеши кто есть коснувыися мнѣ; Ісусъ же рече, прикоснуся мнѣ нѣкто. азъ бо чюхъ силу изшeдшую изъ мене. Видѣвши же жена яко не утаися, трепeщущи пріиде, и падши предъ нимъ, за нюже вину прикоснуся ему, повѣда ему предъ всѣми людми, и яко исцѣлѣ абіе. онъ же рече ей, дерзай дщи, вѣра твоя спасе тя, иди въ миръ. Еще ему глаголющу, пріиде нѣкто отъ архисинагога, глаголя ему, яко умре дщи твоя, не движи учителя. Ісусъ же слышавъ, отвѣща ему глаголя. не бойся, токмо вѣруй, и спасeна будетъ. Пришeдъ же въ домъ, не остави ни единого внити, токмо петра и Іoанна и Іакова, и отца отроковица и матере. Плакахужеся вси, и рыдаху ея. онъ же рече, не плачитеся, не умре бо, но спитъ. И ругахуся ему, вѣдяще яко умре. онъ же изгнавъ вонъ всѣхъ, и емъ за руку ея, возгласи глаголя. отроковице востани. И возвратися духъ ея, и воскрeсе абіе. и повелѣ дати ей ясти. и дивистася родителя ея. онъ же повелѣ има, никомуже повѣдати бывшее.

Еф.4:1-6

Зач., 224. Брaтіе, молю вы азъ узникъ о Господѣ, достойно ходити званію, въ нeже звани бысте, со всякимъ смирено мудріемъ и кротостію, съ долготерпѣніемъ, терпяще другъ друга любовію, тщащеся блюсти единeніе духа, въ соузѣ мира. едино тѣло и единъ духъ, яко же и звани бысте во единомъ упованіи званія вашего. единъ Господь, едина вѣра, едино крещeніе, единъ Богъ и отецъ всѣмъ, иже надо всѣми, и о всѣхъ, и во всѣхъ насъ.

Лк.10:25-37

Зач., 53. Во время оно,е законникъ нѣкіи воста, искушая его и глаголя. учителю, что сотворивъ животъ вѣчныи наслѣдую; онъ же рече къ нему. въ законѣ что писано есть; како чтeши; онъ же отвѣщавъ рече. возлюбиши Господа Бога твоего отъ всего сердца твоего, и отъ всея душа твоея, и всeю крѣпостію твоeю, и всѣмъ помышлeніемъ твоимъ. и ближняго своего яко самъ себе. Речe же ему. право отвѣща, се сотвори, и живъ будеши. онъ же хотя оправдитися самъ, рече ко Ісусу. и кто есть ближніи мой; отвѣщавъ же Ісусъ, рече. Человѣкъ нѣкіи схождаше отъ Іерусалима во іерихонъ, и въ разбойникы впаде, иже совлeкше его, и язвы возложивше отидоша, оставльше елѣ жива суща. по случаю же священникъ нѣкіи схождаше путeмъ тѣмъ, и видѣвъ его, мимо иде. Такожде же и левитъ бывъ на томъ мѣстѣ, пришeдъ и видѣвъ, мимо иде. Самарянинъ же нѣкто грядыи пріиде надъ него, и видѣвъ его милосердова. и приступль обяза струпы его, возливая масло и вино. всадивъ же его на свой скотъ, приведе его въ гостинницу, и прилежа емъ. И на утрія изшeдъ, изeмъ два срeбреника дастъ гостиннику. и рече ему, прилежи емъ, и еже аще пріиждивeши, азъ егда возвращуся воздамъ ти. Кто убо отъ тѣхъ тріeхъ ближніи мнитътися быти впадшему въ разбойникы; онъ же рече, сотворивыи милость съ нимъ. Речe же ему Ісусъ. иди и ты твори такожде.

Еф.5:9-19

Зач., 229. Брaтіе, яко чада свѣта ходите. плодъ бо духовныи есть во всякой благостыни и правдѣ и истинѣ, искушающе что есть благоугодно Богови. и не пріобщайтеся къ дѣломъ неподобнымъ и тeмнымъ, паче же и обличайте. бываемая бо отай отъ нихъ, срамно есть и глаголати. вся же обличаема отъ свѣта являются. всe бо являемо, свѣтъ есть. сего ради глаголетъ. востани спяи, и воскресни отъ мертвыхъ и освѣтитъ тя Христосъ. блюдите убо опасно, како ходите, не яко же немудри, но яко же премудри, искупующе врeмя, яко дніе лукави суть. сего ради не бывайте несмыслени, но разумѣвающе, что есть воля Божія. и не упивайтеся виномъ, въ нeмъ же есть блудъ. но паче исполняйтеся Духомъ, глаголюще себѣ во псалмѣхъ, и пѣніихъ и пѣснехъ духовныхъ, воспѣвающе и поюще въ сердцыхъ вашихъ Господеви.

Лк.12:16-21

Зач., 66. Рече Господь притчу сію, человѣку нѣкоему богату угобзися нива, и мышляше въ себѣ глаголя. что сотворю, яко не имамъ гдѣ собрати плодовъ моихъ; и рече, се сотворю. разорю житница моя, и болша созижду. и соберу ту вся жита моя и благая моя. и реку души моeй. душе, имаши многа блага, лежаща на лѣта многа. почивай, яждь, пій, веселися. Речe же ему Богъ. безумне, въ сію нощь душу твою истяжутъ отъ тебе. а яже уготова, кому будетъ; тако собираяй себѣ, а не въ Бога богатѣя.

Еф.6:10-17

Зач., 233. Братіе, возмогайте о Господѣ, и въ державѣ крѣпости его. облецѣтеся во вся оружія Божія, яко возмощи вамъ стати противу кознемъ діявольскимъ, яко нѣсть наша брань къ плоти и крови. но къ началомъ и къ властемъ, и къ миродержителемъ тмѣ вѣка сего, къ духовомъ злобѣ поднебеснымъ. Сего ради пріимѣте вся оружія Божія, да возможете про тивитися въ день лютъ, и вся содѣявше стати. станете убо препоясани чрeсла ваша истиною, и оболъкшеся въ броня правды, и обувше нозѣ во уготованіе благовѣствованія миру. надо всѣми же воспріимше щитъ вѣры, въ нeмъ же возможете вся стрѣлы лукаваго раждежeныя угасити, и шлeмъ спасeнія воспріимите, и мeчь духовныи, еже есть глаголъ Божіи.

Лк.13:10-17

Зач., 71. Во время оно, бѣ учя Ісусъ на единомъ отъ сонмищъ въ суботы. И се жена бѣ имущи духъ недуженъ, лѣтъ осмьнадесять, и бѣ сляка. и не могущися восклонити отнудъ. Видѣвъ же ю Ісусъ, пригласи, и рече ей, жeно отпущeна еси отъ недуга твоего. и возложи на ню руцѣ, и абіе простреся, и славляше Бога. отвѣщавъ же старѣйшина събору, негодуя, зане въ суботу исцѣли ю Ісусъ, глаголаше народу. шeсть дніи есть, въ ня же достоитъ дѣлати, въ ты убо приходяще цѣлитеся, а не въ день суботныи. отвѣщавъ же убо ему Господь, и рече. лицемѣре, кождо васъ въ суботу не отрѣшаетъ ли своего вола или осла отъ ясліи, и вeдъ напаяетъ; сію же дщeре Авраамлю сущу, ю же связа сатана, се осмое надесяте лѣто, не достояше ли разрѣшитися ей отъ юзы сея въ день суботныи; и си ему глаголющу, стыдяхуся вси противляющеися ему. и вси людіе радовахуся, о всѣхъ славныхъ бывающихъ отъ него.

Кол.1:12-18

Зач., 250. Братіе, благодаряще Бога и Отца, призвавшаго васъ въ причастіе наслѣдія святыхъ во свѣтѣ, иже избави насъ отъ власти тeмныя, и престави въ царство сына любве своея, о нeмъ же имамы избавлeніе кровію его, и оставлeніе грѣхомъ, иже есть образъ Бога невидимаго перворожeнъ всея твари. Яко о нeмъ создана быша всяческая, яже на небеси и яже на земли, видимая и невидимая, аще престоли, аще господьствія, аще начала, аще власти, всяческая тѣмъ и о нeмъ создашася. и той есть прeжде всѣхъ, и всяческая о нeмъ состоятся. И той есть глава тѣлу церкви, иже есть начатокъ, перворожeнъ изъ мертвыхъ, яко да будетъ во всѣхъ той пeрвенствуя.

Лк.14:16-24

Зач., 76. Рече Господь притчу сію. человѣкъ нѣкіи сотвори вeчерю вeлію, и зва многы. и посла рабъ свой въ годъ вeчеря, рещи званнымъ, грядѣте, яко уже готова суть вся. и начаша вкупѣ отрицатися вси. Пeрвыи рече ему. село купихъ, и имамъ нужду изыти и видѣти е. молютися имѣй мя отречeна. И другіи рече. супругъ воловныхъ купихъ пять, и гряду искусити ихъ. молю тя имѣй мя отречeна. И другіи рече. жену пояхъ, и сего ради не могу пріити. И пришeдъ рабъ той, повѣда господину своему сія. Тогда разгнѣвався дому владыка, рече рабу своему. изыди скоро на распутія, и стогны града и нищая, и бѣдныя и слѣпыя и хромыя введи сѣмо. и рече рабъ. Господи, бысть яко же повелѣ, и еще мѣсто есть. и рече господинъ къ рабу. изыди на пути и халугы, и убѣди внити, да наполнится домъ мой. Глаголю бо вамъ, яко ни единъ мужіи тѣхъ званыхъ вкуситъ моя вeчеря. мнози бо суть звани, мало же избранныхъ.

Кол.3:4-11

Зач., 257. Братіе, егда Христосъ явится животъ вашъ, тогда и вы съ нимъ явитеся въ славѣ. умертвите убо уды ваша яже на земли, блудъ, нечистоту, страсть, похоть злую, и лихоиманіе еже есть идолослужeніе, ихъ же ради грядeтъ гнѣвъ Божіи на сыны противлeнія, въ нихъ же и вы иногда ходисте, егда живясте въ нихъ. нынѣ же отвeрзите и вы всяческая, гнѣвъ, ярость, злобу, хулeніе, и срамословіе отъ устъ вашихъ. Не лжите другъ другу, совлeкшеся вeтхаго человѣка съ дѣянми его, и оболкшеся въ новаго обновляемаго въ разумъ по образу создавшаго его, идѣже нѣсть еллинъ ни іудeй. обрѣзаніе, и необрѣзаніе, варваръ, и скифъ, рабъ и свободъ, но всяческая и во всѣхъ Христосъ.

Лк.17:12-19

Зач., 85. Во время оно, входящу Ісусови въ нѣкую вeсь, срѣтоша его дeсять прокажeнѣхъ мужіи, иже сташа издалeче, и тіи вознесоша гласъ глаголюще. Ісусе наставниче помилуй ны. И видѣвъ, рече имъ. шeдше покажитеся священникомъ. И бысть идущемъ имъ, очcтишася. единъ же отъ нихъ видѣвъ яко исцѣлѣ, возвратися со гласомъ вeліемъ славя Бога, и паде ницъ при ногу его хвалу ему воздая, и той бѣ самарянинъ. отвѣщавъ же Ісусъ, рече. не дeсять ли очcтишася. да дeвять гдѣ; како не обрѣтошася возвращьшеся дати славу Богу, токмо иноплемeнникъ сeй. и рече ему, воставъ иди, вѣра твоя спасе тя.

Кол.3:12-16

Зач., 258. Братіе, облецѣтеся убо яко же избранніи Богу, святи и возлюблени, въ милость щедротъ, и благость, въ смиреномудріе, кротость, и долготерпѣніе, пріeмлюще другъ друга, и угожающе себѣ, аще кто на кого имать поречeніе, яко же и Христосъ угодилъ есть вамъ, такоже и вы. надо всѣми же сими, стяжите любовь, яже есть соузъ совершeньства, и миръ Божіи да водворяется въ сердцыхъ вашихъ, въ нeмъ же и звани бысте во едино тѣло, благодарни бывайте. слово Христово да вселяется въ васъ богатно, во всякой премудрости, учаще и вразумляюще себе самѣхъ, въ псалмѣхъ, и пѣніихъ, и пѣснехъ духовныхъ, о благодати поюще въ сердцыхъ вашихъ Господеви.

Лк.18:18-27

Зач., 91. Во время оно, человѣкъ нѣкій приступи ко Ісусу искушая его и глаголя. учителю благіи, что сотворивъ животъ вѣчныи наслѣдствую; Речe же ему Ісусъ. что мя глаголеши блага; никтоже благъ, токмо единъ Богъ. заповѣди вѣси; не прелюбы твори. не убій. не укради. не лжесвѣдѣтельствуй. чти отца твоего и матере твою. онъ же рече, вся сія сохранихъ отъ юности моея. Слышавъ же сія Ісусъ, рече ему. еще единого не докончалъ еси. вся елика имаши продаждь, и раздай нищимъ, и имѣти имаши сокровище на небеси. и гряди въ слѣдъ мене. онъ же слышавъ се, прискорбенъ бысть, бѣ бо богатъ зѣло. видѣвъ же его Ісусъ прискорбна бывша, рече. како не удобь имущеи богатство, въ царствіе Божіе внидутъ. Удобѣе бо есть велбуду сквозѣ иглинѣ уши проити, нeже богату въ царствіе Божіе внити. Рѣша же слышавшеи, то кто можетъ спасeнъ быти; онъ же рече. невозможная отъ человѣкъ, возможна суть отъ Бога.

1 Тим.1:15-17

Зач., 280. Чадо Тимоѳeе, вѣрно слово, и всякому пріятію достойно, яко Христосъ Ісусъ пріиде въ миръ грѣшники спасти, отъ нихъ же пeрвыи есмь азъ. Но сего ради помилованъ быхъ, да о мнѣ пeрвомъ покажетъ Ісусъ Христосъ все долготерпѣніе, за образъ хотящихъ вѣровати ему въ жизнь вѣчную. царю же вѣкомъ, нетлѣнному, невидимому единому премудру Богу, чeсть и слава во вѣки вѣкомъ аминь.

Лк.18:35-43

Зач., 93. Во время оно, егда приближися Ісусъ во Іерихонъ, слѣпeцъ нѣкіи сѣдяше при пути, прося. слышавъ же народъ мимо ходящъ, вопрашаше что убо есть се. Повѣдаша же ему, яко Ісусъ назарянинъ мимо ходитъ. И возопи глаголя. Ісусе Сыне Давыдовъ помилуй мя. И предидущеи прещаху ему, да умолчитъ. онъ же паче множае вопіяше, Сыне Давыдовъ, помилуй мя. Ставъ же Ісусъ, повелѣ привести его къ себѣ. Приближшужеся ему къ нему. вопроси его глаголя. что хощеши да ти сотворю; онъ же рече. Господи, да прозрю. Ісусъ же рече ему, прозри, вѣра твоя спасе тя. и абіе прозрѣ. и въ слѣдъ его идяше, славля Бога. И вси людіе видѣвше, воздаша хвалу Богови.

1 Тим.4:9-15

Зач., 285. Чадо Тимоѳeе, вѣрно слово и всякому пріятію достойно. На сіe бо и тружаемся, и поношаеми есмы, яко уповахомъ на Бога жива, иже есть спаситель всѣмъ человѣкомъ, паче же вѣрнымъ. завѣщавай сія и учи. Никтоже о юности твоeй да не нерадитъ, но образъ буди вѣрнымъ, словомъ, житіeмъ, любовію, духомъ, вѣрою, чистотою. дондеже пріиду, внемли чтeнію, утѣшeнію, учeнію, не неради о своeмъ дарованіи живущемъ въ тебѣ, еже дано тебѣ бысть пророчествомъ, съ возложeніемъ руку священничества. въ сихъ поучайся, въ сихъ пребывай, въ сихъ разумѣвай. да предспѣяніе твое явлeно будетъ во всѣхъ.

Лк.19:1-10

Зач., 94. Во время оно, пріиде Ісусъ во Іерихонъ. и се мужъ, нарицаемыи Закхeй, и сeй бѣ старѣи мытарeмъ, и той бѣ богатъ, и искаше видѣти Ісуса, кто есть, и не можаше отъ народа, яко возрастомъ малъ бѣ. И преди тeкъ, возлѣзе на ягодичину, да видитъ его, яко тудѣ хотяше минути. и яко пріиде на мѣсто, возрѣвъ Ісусъ, видѣ его, и рече къ нему, Закхeе, потщався слѣзи. днeсь бо въ дому твоeмъ подобаетъ ми быти. И потщався слѣзе, и пріятъ его радуяся. И видѣвше вси, роптаху глаголюще, яко къ грѣшному мужу вниде витати. Ставъ же Закхeй рече ко Господу. се полъ имѣнія моего Господи дамъ нищимъ. и аще кого чимъ обидѣхъ, возвращу четверицею. Речe же къ нему Ісусъ. яко днeсь спасeніе дому сему бысть, зане и сeй сынъ Авраамль есть. пріиде бо сынъ человечь взыскати и спасти погибшаго.

2 Тим.3:10-15

Зач., 296. Чадо Тимоѳeе, послѣдовалъ ми еси учeнію, житію, привѣту, вѣрѣ, долготерпѣнію, любви, терпѣнію, изгна ніемъ, страданіемъ, якова же ми быша во антіoхіи, и во иконіи, и въ листрехъ. и якова изгнанія пріяхъ и отъ всѣхъ мя избавилъ есть Господь. и вси хотящеи благо вѣрно жити о Христѣ Ісусѣ гоними будутъ. лукавіи же человецы, и чародѣе преуспѣютъ на горшее, прельщающе и прельщаеми. Ты же пребывай въ нихъ же научeнъ еси и вѣренъ бысть, вѣдыи отъ кого научился. и яко измлада священная писанія умѣеши, могущая тя умудрити во спасеніе, вѣрою яже о Христѣ Ісусѣ.

Лк.18:10-14

Зач., 89. Рече Господь притчу сію. человѣка два внидоста въ церковь помолитися. единъ фарисeй, а другіи мытарь. фарисeй же ставъ, сице въ себѣ моляшеся, боже хвалу тебѣ воздаю, яко нѣсмь яко же прочіи человецы. хищницы неправедницы, прелюбодѣе, или яко же сeй мытарь. пощуся два краты въ суботу, десятину даю всего елика притяжу. Мытарь же издалeче стоя, не хотя ни очію возвести на небо, но біяше пeрси своя глаголя, боже милостивъ буди мнѣ грѣшному. Глаголю вамъ, яко сниде сeй оправданъ въ домъ свой, паче оного. Яко всякъ возносяися смирится. смиряяи же себе, вознесeтся.

1 Кор.6:12-20

Зач., 135. Братіе, вся ми лѣть суть, но не вся на ползу. и вся ми лѣть суть, но не азъ обладанъ буду отъ кого. брашна чрeву, и чрeво брашномъ. Богъ же и сія да упразнитъ. тѣло же не блужeнію, но Господеви, и Господь тѣлу. Богъ же и Господа воздвиже, и насъ съ нимъ воздвигнетъ силою своeю. Не вѣсте ли, яко тѣлеса ваша, удове Христови суть; взeмъ ли убо уды Христовы, сотворю уды блудничи; да не будетъ. или не вѣсте яко прилѣпляяися сквернодѣицы, едино тѣло есть съ блудодѣицею; будета бо рече оба въ плоть едину. прилѣпляяижеся Господеви, единъ духъ есть съ Господемъ. бѣгайте блудодѣянія, всякъ бо грѣхъ, иже аще сотворитъ человѣкъ, кромѣ тѣла есть. а блудяи, въ свое тѣло согрѣшаетъ. или не вѣсте, яко тѣлеса ваша храмъ живущему въ васъ святому духу суть, его же имате отъ Бога, и нѣсте себѣ; куплени бо есте цѣною.

Лк.15:11-32

Зач., 79. Рече Господь притчу сію. человѣкъ нѣкіи имѣ два сына. и рече юнѣйшіи ею отцу. отче, даждь ми достойную часть имѣнія. и раздѣли има имѣніе. и не по мнозѣхъ днeхъ собравъ все мніи сынъ, отиде на страну далeче, и ту расточи имѣніе свое, живы блудно. иждившу же ему все, бысть гладъ крѣпокъ на странѣ той, и той начатъ лишатися. и шeдъ прилѣпися единому отъ житель тоя страны. и посла его на сeла своя пасти свинія. и желаше насытити чрeво свое отъ рожeцъ, яже ядяху свинія. и никтоже даяше ему. въ себe же пришeдъ, рече. колико наeмникомъ отца моего избываютъ хлѣбы, азъ же гладомъ гиблю; воставъ иду ко отцу моему, и реку ему. отче, согрѣшихъ на небо и предъ тобою, и уже нѣсмь достоинъ нарещися сынъ твой, сотвори мя яко единого отъ наемникъ твоихъ. и воставъ иде ко отцу своему. Ещe же ему далeче сущу, узрѣ его отецъ его, и милъ ему бысть. и тeкъ нападе на выю его, и облобыза его. Речe же ему сынъ. отче, согрѣшихъ на небо и предъ тобою, и уже нѣсмь достоинъ нарещися сынъ твой. Речe же отецъ къ рабомъ своимъ. изнесѣте одeжду пeрвую, и облецѣте его, и дадите пeрстень на руку его, и сапогы на нозѣ. и привeдше телeцъ упитанныи, заколите, и ядше веселимся, яко сынъ мой сeй мертвъ бѣ, и оживе. и изгиблъ бѣ, и обрѣтеся. и начаша веселитися. Бѣ же сынъ его старѣи на селѣ. и яко гряды приближися къ дому, слыша пѣнія и ликы. и призвавъ единого отъ отрокъ, вопрашаше, что убо сія суть. онъ же рече ему. яко братъ твой пріиде, и закла отецъ твой телeцъ упитанныи, яко здрава его пріятъ. Разгнѣвавъжеся, и не хотяше внити. отецъ же его изшeдъ моляше его. онъ же отвѣщавъ, рече отцу. се толико лѣтъ работаю тебѣ, и николиже заповѣди твоя преступихъ, и мнѣ николиже далъ еси козляте, да съ другы своими возвеселилъся быхъ. Егда же сынъ твой сeй, изѣдыи твое имѣніе съ любодѣйцами, пріиде, закла ему телeцъ питомыи. онъ же рече ему, чадо, ты всегда со мною еси, и вся моя, твоя суть. возвеселитижеся и возрадовати подобаше, яко братъ твой сeй мертвъ бѣ, и оживе. и изгиблъ бѣ, и обрѣтеся.

1 Кор.8:8-9:2

Зач., 140. Братіе, брашно насъ не поставитъ прeдъ Богомъ, нижe бо аще ямы, избыточествуемъ. Ниже аще не ямы, лишимся. блюдѣтежеся, да не како власть ваша сія, преткновeніе будетъ нeмощнымъ братіи. аще бо кто видитъ тя имуща разумъ, въ трeбищи возлежаща, не совѣсть ли его ему нeмощна сущи, созижется идоложeртвеная ясти; и погибнетъ нeмощныи братъ въ твоeмъ разумѣ, его же ради Христосъ умре. Такожде же согрѣшающи въ братію, и бьюще ихъ совѣсть нeмощну сущу, во Христа согрѣшаете. Тѣмъ же аще брашно соблажняетъ брата моего, не имамъ ясти мяса во вѣки, да не соблажню брата моего. Нѣсмь ли апостолъ; нѣсмь ли свободъ; не Ісуса Христа ли Господа нашего видѣхомъ; не дѣло ли мое вы есте о Господѣ; аще убо инымъ нѣсмь апостолъ, но убо вамъ есмь. Печать бо моему апостольству вы есте о Господѣ.

Мф.25:31-46

Зач., 106. Рече Господь, егда же пріидетъ Сынъ Человеческіи въ славѣ своeй, и вси святіи ангели съ нимъ, тогда сядетъ на престолѣ славы своея. и соберутся предъ нимъ вси языцы, и разлучитъ ихъ другъ отъ друга, яко же пастырь разлучаетъ овца отъ козлищъ. и поставитъ овца одесную себе, а козлища ошуюю. Тогда речeтъ царь сущимъ одесную его. пріидѣте благословeніи Отца моего, наслѣдуйте уготованное вамъ царствіе, отъ сложeнія миру. възалкахъбося, и дасте ми ясти. возжадахся, и напоисте мя. Страненъ бѣхъ, и введосте мене. нагъ, и одѣясте мя. боленъ, и посѣтисте мене. въ темници бѣхъ, и пріидосте ко мнѣ. тогда отвѣ щаютъ ему праведници глаголюще. Господи, когда тя видѣхомъ алчуща, и напитахомъ; или жаждуща, и напоихомъ; когда же тя видѣхомъ странна, и введохомъ; или нага, и одѣяхомъ; когда же тя видѣхомъ боляща, или въ темници, и пріидохомъ къ тебѣ; и отвѣщавъ царь, речeтъ имъ. аминь глаголю вамъ. понeже сотвористе единому сихъ братіи моихъ мeншихъ, мнѣ сотвористе. Тогда речeтъ и сущимъ ошую его. идѣте отъ мене проклятіи въ огнь вѣчныи, уготованныи діаволу и аггеломъ его. възалкахбося, и не дасте ми ясти. возжадахся, и не напоисте мене. Страненъ бѣхъ, и не введосте мене. нагъ, и не одѣясте мене. Боленъ, и въ темници, и не посѣтисте мене. Тогда отвѣщаютъ ему и тіи глаголюще. Господи, когда тя видѣхомъ алчуща, или жаждуща, или странна, или нага, или больна, или въ темници, и не послужихомъ тебѣ; тогда отвѣщаетъ имъ, глаголя. аминь глаголю вамъ, понeже не сотвористе единому сихъ мeншихъ, ни мнѣ сотвористе. и идутъ сіи въ муку вѣчную. праведници же въ животъ вѣчныи.

Рим.13:11-14:4

Зач., 112. Брaтіе, ближе нaсъ спасeніе, нeжели егда вѣровахомъ. Нощь убо прeиде, а день приближися. отложимъ убо дѣла тeмная, и облечeмся въ оружіе свѣта. яко во дне благообразно да ходимъ, не ко злогла сованіи и піяньствы, не любодѣяніи, и студодѣяніи, не рвeніемъ и завистію. но облецѣтеся Господемъ нашимъ Ісусъ Христомъ. и плоти угодія не творите въ похоти. Изнемогающаго же о вѣрѣ утвержайте, не въ сомнѣніе помышлeніи. овъ бо вѣруетъ ясти вся, а изнемогаяи, зeліе да ястъ. Ядыи, не ядущаго да не укоряетъ. и не ядыи, ядущаго да не осуждаетъ. Богъ бо его пріятъ, ты кто еси судяи чюждeму рабу; своему Господеви стоитъ, или падаетъ, станетъ же. силенъ бо есть Богъ поставити его.

Мф.6:14-21

Зач., 17. Рече Господь, аще бо отпущаете человѣкомъ согрѣшeнія ихъ, отпуститъ и вамъ Отецъ вашъ небесныи. Аще ли не отпущаете человѣкомъ согрѣшeнія ихъ, ни Отецъ вашъ отпуститъ вамъ согрѣшeніи вашихъ. Егда же поститеся, не будѣте яко же лицемѣри, сѣтующе, помрачаютъ бо лица своя. яко да явятся человѣкомъ постящеся. аминь глаголю вамъ яко воспріимутъ мзду свою. Ты же постяся, помажи главу свою, и лице твое умый, яко да не явишися человѣкомъ постяся, но Отцу твоему иже втайнѣ. и Отецъ твой видяи втайнѣ, воздастъ тебѣ явѣ. Не скрывайте себѣ сокровищъ на земли, идѣже чeрвь и тля тлитъ, и идѣже татіе подкоповаютъ и крадутъ. Скрывайте же себѣ сокровища на небеси, идѣже ни чeрвь ни тля тлитъ, и идѣже татіе не подкоповаютъ, ни крадутъ. идѣже бо есть сокровище ваше, ту будетъ и сердце ваше.

Евр.11:24-26, 32-12:2

Зач., 329. Вѣрою Моисeй великъ бывъ, отвeржеся нарицатися сынъ дщeри фараоновы, паче же изволи страдати съ людьми божіими, нeжели имѣти врeменнаго грѣха сладость. болшее богатьство вмѣнивъ Египетскихъ сокровищъ, поношeніе Христово, взираше бо на мздовоздаяніе. Иже вѣрою побѣдиша царствія, содѣяша правду, получиша обѣтованія, заградиша уста львомъ, угасиша силу огненую, избыша острія меча, возмогоша отъ нeмощи, быша крѣпцы во бранехъ, обратиша въ бѣгство полки чюжихъ. пріяша же и жены отъ воскресeнія мeртвыя своя. Иніи же избіeни быша не пріeмше избавлeнія, да лучшее воскресeніе улучатъ. друзіи же руганіемъ и ранами искушeніе пріяша, ещe же и узами темничными. каменіемъ побіeни быша, претрeни быша, искушeни быша, убійствомъ меча умроша. Проидоша въ милотѣхъ и въ козіяхъ кожахъ, лишeни скорбяще, озлоблeни, ихъ же не бѣ достоинъ миръ, въ пустыняхъ скитающеся, и горахъ, и въ вертeпахъ, и въ пропастехъ земныхъ. И сіи вси послушествовани бывше вѣрою, не пріяша обѣтованія. Богу лучше что о насъ предзрѣвшу, да не безъ насъ совершeнство пріимутъ. Тѣмъ же убо и мы толикъ имуще облежащъ насъ облакъ свѣдѣтелей, гордость всяку отложьше, и удобь обстоятелныи грѣхъ, терпѣніемъ да течeмъ на предлежащіи намъ подвигъ, взирающе на началника вѣрѣ, и съвершителя Ісуса.

Ин.1:43-51

Зач., 5. Во время оно, восхотѣ Ісусъ изыти въ Галилeю, и обрѣте Филиппа. и глагола ему, гряди по мнѣ. бѣ же Филиппъ отъ Виѳсаиды, отъ града Андрeoва и Петрова. обрѣте Филиппъ Наѳанаила, и глагола ему. его же писа Моисeй въ законѣ, и пророцы, обрѣтохомъ Ісуса, сына Іосифова иже отъ Назарeѳа. И глагола ему Наѳанаилъ. отъ Назарeѳа можетъ ли что добро быти; глагола ему Филиппъ. пріиди и виждь. Видѣвъ же Ісусъ Наѳанаила грядуща къ себѣ, и глагола о нeмъ. се воистину ізраильтянинъ, въ нeмъ же льсти нѣсть. Глагола ему Наѳанаилъ. како мя знаеши; отвѣща Ісусъ, и рече ему. прeжде даже не возгласи тебе Филиппъ, суща подъ смоковницею видѣхъ тя. отвѣща Наѳанаилъ, и глагола ему. равви. ты еси сынъ Божіи, ты еси царь Ізраилевъ. отвѣща Ісусъ, и рече ему. зане рѣхъ ти, яко видѣхъ тя подъ смоковницею, вѣруеши. болша сихъ узриши. И глагола ему. аминь аминь глаголю вамъ. отсeлѣ узрите небо отвeрсто, и ангелы Божія восходяща, и низходяща надъ Сына Человеческаго.

Евр.1:10-2:3

Зач., 304. Въ началѣ ты Господи зeмлю основа, и дѣла руку твоихъ суть небеса. та погибнутъ, ты же пребываеши. и вся яко же риза обетшаютъ, и яко одeжду свіеши ихъ, и измѣнятся. ты же тожде еси и лѣта твоя не оскудѣютъ. Кому же отъ ангелъ рече когда, сѣди одесную мене дондеже положу враги твоя подножіе ногама твоима; не вси ли суть служeбніи дуси, въ служeніе посылаеми за хотящихъ наслѣдовати спасeніе. Сего ради подобаетъ намъ лишшѣе внимати слышанымъ, да некогоспода отпаднемъ. Аще бо глаголанное ангелы слово бысть извѣ стно, и всяко преступлeніе и ослушаніе, праведно пріятъ мздовозданіе, како мы убѣжимъ о селицѣ нерадивше спасеніи, еже зачало пріeмше глаголатися отъ Господа, слышавшими въ насъ извѣстися.

и Богородицѣ​: Евр.9:1-7

Зач., 320. Братіе, имѣяше пeрвая скинія оправданія службы, святое же людское. скинія бо сооружeна бысть пeрвая, въ нeй же свѣтилникъ и трапeза и предложeніе хлѣбомъ, яже глаголется святая. по вторѣй же завѣсѣ, скинія глаголемая святая святыхъ, злату имущи кадилницу, и ковчeгъ завѣту, окованъ всюду златомъ, въ нeмъ же стамна злата имущія манну, и жeзлъ Аароновъ прозябшіи, и скрижали завѣта, превыше же ея, херувими славы, осѣняющіи олтарь, о нихъ же нѣсть нынѣ глаголати подробну. симъ же тако устроеномъ, въ пeрвую убо скинію выну вхожаху священницы, службы совершающе, во вторую же единою въ лѣто, единъ архіерeй, не бeскрове, юже приноситъ за себе, и о людскихъ согрѣшeніи.

Мк.2:1-12

Зач., 7. Во время оно вниде Ісусъ въ Капернаумъ по днехъ, и слышано бысть, яко въ дому есть. и абіе собрашася мнози, яко же ктому не вмѣщатися ни при двeрехъ. и глаголаше имъ слово. И пріидоша къ нему носяще раслаблена жилами, носима четырми. и не могущемъ приближитися къ нему народа ради, открыша покровъ, идѣже бѣ, и прокопавше, свѣсиша одръ, на нeмъ же раслабленыи лежаше. Видѣвъ же Ісусъ вѣру ихъ, глагола раслабленому. чадо, отпущаютътися грѣси твои. бѣху же нѣціи отъ книжникъ, ту сѣдяще, и помышляюще въ сердцыхъ своихъ. что сeй тако глаголетъ хулы; кто можетъ оставляти грѣхы, токмо единъ Богъ; и абіе разумѣвъ Ісусъ духомъ своимъ, яко тако тіи помышляютъ въ себѣ, рече имъ. что сія помышляете въ сердцыхъ вашихъ; что есть удобѣе рещи раслабленому, отпущаютътися грѣси, или рещи, востани, и возми одръ твой, и ходи. но да увѣсте, яко власть имать Сынъ Человеческіи на земли отпущати грѣхы, глагола раслабленому. тебѣ глаголю, востани и возми одръ твой, и иди въ домъ твой. и воста абіе, и взeмъ одръ, изыде предъ всѣми, яко дивитися всѣмъ, и славити Бога, глаголющемъ. яко николиже тако видѣхомъ.

и Богородицѣ​: Лк.10:38-42, 11:27-28

Зач., 54. Во время оно, вниде Ісусъ въ вeсь нѣкую. жена же нѣкая именемъ Марѳа пріятъ его въ домъ свой. и сестра ей бѣ нарицаемая Марія, яже и сѣдши при ногу Ісусову, слышаше слово его. Марѳа же молвяше о мнозѣ службѣ. ставши же рече. Господи, небрежeши ли, яко сестра моя едину мя остави служити; рцы убо ей, да ми поможетъ. отвѣщавъ же Ісусъ, рече ей. Марѳа Марѳа печeшися, и молвиши о мнозѣ. едино же есть на потрeбу. Марія же благую часть избра, яже не отимется отъ нея. Бысть же егда глаголаше сія. воздвигши нѣкая жена гласъ отъ народа, рече ему. блажeно чрeво носившее тя, и сосца, яже еси ссалъ. онъ же рече. тѣмъ же убо блажeни слышащеи слово Божіе, и храняще е.

Евр.4:14-5:6

Зач., 311. Брaтіе, имуще первосвятителя велика, прошeдшаго небеса, Ісуса Сына Божія, да держимся исповѣданія. не имамы бо архіерeя немогуща спострадати нeмощемъ нашимъ, но искушeна по всяческихъ, по подобію, развѣ грѣха. да приступаемъ убо со дерзновeніемъ къ престолу благодати, яко да пріимемъ милость и благодать обрящемъ въ благоврeменную помощь. Всякъ бо первосвященникъ, отъ человѣкъ пріeмлемъ, за человѣки поставляется на службы яже къ Богу, да приноситъ дары же и жeртвы о грѣсѣхъ. равно смирeніемъ спострадати могіи о невѣжъствующихъ и заблуждаю щихъ, понeже и той нeмощію обложeнъ есть. и сего ради долженъ есть яко же о людехъ, тако же и себе ради приносити о грѣсѣхъ. И никтоже собою пріeмлетъ чeсть, но званныи отъ Бога, яко же и Ааронъ. Тако и Христосъ не себе прослави быти первосвященнику, но глаголавыи къ нему. Сынъ мой еси ты, азъ днeсь родихъ тя. Яко же и инде глаголетъ, ты еси священникъ во вѣкы по чину Мелхиседeкову.

Мк.8:34-9:1

Зач., 37. Рече Господь, иже хощетъ по мнѣ ити, да отвeржется себе, и возметъ крестъ свой, и по мнѣ грядeтъ. Иже бо аще хощетъ душу свою спасти, погубитъ ю. а иже погубитъ душу свою мене ради, и евангелія, той спасeтъ ю. Кая бо польза человѣку, аще пріобрящетъ миръ вeсь, и отщетитъ душу свою; или что дастъ человѣкъ измѣну на души своeй; иже бо аще постыдится мене, и моихъ словeсъ, въ родѣ сeмъ прелюбодѣйнемъ и грѣшнемъ, и Сынъ Человеческіи постыдится его, егда пріидетъ въ славѣ отца своего, со ангелы святыми. И глаголаше имъ. аминь глаголю вамъ, яко суть нѣціи отъ здѣ стоящихъ, иже не имутъ вкусити смерти, дондеже видятъ царствіе Божіе пришeдшее въ силѣ.

Евр.6:13-20

Зач., 314. Брaтіе, Аврааму обѣтова Богъ, понeже ни единѣмъ имяше болшимъ клятися, клялся собою, глаголя, истинною благословствуя благословлю тя, и множа умножу тя. и тако долготерпѣвъ, получи обѣтованія. человецы же болшимъ кленутся. и всякому ихъ прекословію кончина во извѣщeніе клятва есть. о нeмъ же лишше хотя Богъ показати наслѣдникомъ обѣтованія, непреложное совѣта своего, исходатаи клятвы. яко да двѣма вeщма непреложнома, понeже невозможно солгати Богу, крѣпко утѣшeніе имамы, прибѣгшеи держатися за предлежащее упованіе, еже яко основаніе имамы души, твeрдо же и извѣстно, и входящее во внутренее завѣсѣ, идѣже предтeча о насъ вниде Христосъ. по чину Мелхиседeкову, первосвященникъ бывъ во вѣки.

и святому: Еф.5:9-19

Зач., 229. Брaтіе, яко чада свѣта ходите. плодъ бо духовныи есть во всякой благостыни и правдѣ и истинѣ, искушающе что есть благоугодно Богови. и не пріобщайтеся къ дѣломъ неподобнымъ и тeмнымъ, паче же и обличайте. бываемая бо отай отъ нихъ, срамно есть и глаголати. вся же обличаема отъ свѣта являются. всe бо являемо, свѣтъ есть. сего ради глаголетъ. востани спяи, и воскресни отъ мертвыхъ и освѣтитъ тя Христосъ. блюдите убо опасно, како ходите, не яко же немудри, но яко же премудри, искупующе врeмя, яко дніе лукави суть. сего ради не бывайте несмыслени, но разумѣвающе, что есть воля Божія. и не упивайтеся виномъ, въ нeмъ же есть блудъ. но паче исполняйтеся духомъ, глаголюще себѣ во псалмѣхъ, и пѣніихъ и пѣснехъ духовныхъ, воспѣвающе и поюще въ сердцыхъ вашихъ Господеви.

Мк.9:17-31

Зач., 40. Во время оно, человѣкъ нѣкій пріиде ко Ісусови, кланяяся ему и глаголѧ. учителю, приведохъ сына моего къ тебѣ, имущь духъ нѣмъ. и идѣже колиждо иметъ его, разбиваетъ его, и пѣны тѣщитъ, и скрежeщетъ зубы своими, и оцѣпѣнѣваетъ. и рѣхъ ученикомъ твоимъ, да ижденутъ его, и не возмогоша. онъ же отвѣщавъ глагола ему. о роде невѣренъ, доколѣ въ васъ буду; доколѣ терплю вы; приведѣте его ко мнѣ. И приведоша его къ нему. и видѣвъ его, абіе духъ сотрясе его. и падъ на земли валяшеся, пѣны тѣща. и вопроси отца его, колико лѣтъ есть, отнeли же се бысть ему; онъ же рече, изъ дѣтска. и многажды въ огнь ввeрже его, и въ воды, да погубитъ его. но аще что можеши, помози намъ милосердовавъ о насъ. Ісусъ же рече ему. еже аще что можеши вѣровати, вся возможна вѣрующему. И абіе возопи отецъ отрочате, со слезами глаголаше. вѣрую Господи, помози моему невѣрію. Видѣвъ же Ісусъ, яко срище тся народъ, запрѣти духу нечистому, глаголя ему. душе нѣмыи и глухіи, азъ ти повелѣваю, изыди изъ него, и ктому не вниди въ него. И возопивъ, и много пружався, изыде. И бысть яко мертвъ, яко же мнозѣмъ глаголати, яко умретъ. Ісусъ же емъ его за руку, воздвиже его, и воста. И вшeдшу ему въ домъ, ученицы его вопрашаху его единого, яко мы не возмогохомъ изгнати его; и рече имъ. сeй родъ ничимъ же можетъ изыти, токмо молитвою и постомъ. и оттуду изшeдше, идяху сквозѣ Галилeю, и не хотяше да кто увѣсть. учаше бо ученикы своя, и глаголаше имъ. яко Сынъ Человеческіи прeданъ будетъ въ руцѣ человечестѣ, и убіютъ его, и убіeнъ бывъ, въ трeтіи день воскреснетъ.

и преподобному: Мф.4:25-5,12

Зач., 10. Во время оно, по Ісусѣ идоша народи мнози отъ Галилeя, и десяти градъ, и отъ Іерусалима, Іудeя, и со оного полу Іoрдана. Узрѣвъ же народы, взыде на гору. и сѣдшу ему, при ступиша къ нему ученицы его. и отвeрзъ уста своя, учаше ихъ глаголя. Блажeни нищіи духомъ, яко тѣхъ есть царствіе небесное. блажeни плачущеи, яко тіи утѣшатся. блажeни кротеціи, яко тіи наслѣдятъ зeмлю. блажeни алчущеи и жаждущеи правды, яко тіи насытятся. Блажeни милостивіи, яко тіи помиловани будутъ. Блажeни чистіи сердцемъ, яко тіи Бога узрятъ. блажeни миротворцы, яко тіи сынове Божіи нарекутся. Блажeни изгнани правды ради, яко тѣхъ есть царство небесное. Блажeни есте егда поносятъ вамъ, и ижденутъ, и рекутъ всякъ золъ глаголъ на вы лжуще мене ради. радуйтеся и веселитеся, яко мзда ваша многа на небесѣхъ.

Евр.9:11-14

Зач., 321. Брaтіе, Христосъ пришeдъ архіерeй грядущихъ благъ, болшею и совершeнѣйшею скиніею, нерукотворeною, сирѣчь не сeю тварію, ни кровію козлію ни тeлчею, но своeю кровію, вниде единою во святая, вѣчное избавлeніе сотворивъ. аще бо кровь козлія и тeлчая, и пeпелъ юнчіи кропящіи, осквернeныя освящаетъ къ плотнѣй чистотѣ, колми паче кровь Христова, иже духомъ святымъ себе принесе непорочна Богу, не очиститъ ли совѣсть нашу отъ мертвыхъ дѣлъ, во еже служити намъ Богу живу и истинну.

и преподобной: Гал.3:23-29

Зач., 208. Брaтіе, прeжде пришeствія вѣры, подъ закономъ стрегоми бѣхомъ, затворeни въ хотящую вѣру откры тися. Тѣмъ же законъ пѣстунъ намъ бысть во Христа, да отъ вѣры оправдимся. пришeдши же вѣрѣ, уже не подъ пѣстуномъ есмы. вси бо вы сынове Божіи есте, вѣрою о Христѣ Ісусѣ. Елицы бо во Христа крестистеся, во Христа облекостеся. нѣсть іудeй, ни еллинъ. нѣсть рабъ, ни свободь. нѣсть мужескіи полъ, ни жeнскіи. вси бо вы едино есте о Христѣ Ісусѣ. Аще ли же вы Христови, то убо Авраамле сѣмя есте, и по обѣтованію наслѣдницы.

Мк.10:32-45

Зач., 47. Во время оно, поятъ Ісусъ обанадесяте, начатъ имъ глаголати яже хотяху ему быти. яко се восходимъ во Іерусалимъ, и Сынъ Человеческіи прeданъ будетъ архіерeoмъ и книжникомъ, и осудятъ его на смерть, и предадятъ его языкомъ, и поругаются ему, и уязвятъ его, и оплюютъ его, и убіютъ его. и трeтіи день воскреснетъ. И предъ нимъ пріидоста, Іаковъ и Іoаннъ, сына Зеведeoва, глаголюща. учителю, хощевѣ, да еже аще просивѣ, сотвориши нама. онъ же рече има, что хощета да сотворю вама; она же рѣста ему. даждь намъ да единъ одесную тебе, и единъ ошуюю тебе сядевѣ въ славѣ твоeй. Ісусъ же рече има, не вѣста чесо просита. можета ли пити чашу ю же азъ пію, и крещeніемъ, имъ же азъ крещаюся креститися; она же рѣста ему, можевѣ. Ісусъ же рече има. чашу убо ю же азъ пію испіeта. и крещeніемъ, имъ же азъ крещаюся креститася. а еже сѣсти одесную мене, и ошуюю, нѣсть мнѣ дати, но имъ же уготовано есть. И слышавше дeсять, начаша негодовати о Іаковѣ и Іoаннѣ. Ісусъ же призвавъ ихъ, глагола имъ. Вѣсте, яко мнящеися владати языкы, съодолѣваютъ имъ. и велиціи ихъ, обладаютъ ими. Не тако же будетъ въ васъ. но иже аще хощетъ въ васъ вящшіи быти, да будетъ вамъ слуга. и иже аще хощетъ въ васъ быти старѣи, да будетъ всѣмъ рабъ. Ибо и сынъ человечь не пріиде да послужатъ ему, но да послужитъ, и дати душу свою избавлeніе за многы.

и преподобной: Лк.7:36-50

Зач., 33. Во время оно, моляше Ісуса нѣкіи отъ фарисей, да бы ялъ съ нимъ. И вшeдъ въ домъ фарисeoвъ, возлеже. И се жена во градѣ яже бѣ грѣшница, и увѣдѣвши яко возлежитъ въ храминѣ фарисeoвѣ, принeсши алавастръ мира, и ставши при ногу его созади, плачущися начатъ умывати нозѣ его слезами, и власы главы своея отираше, и облобызаше нозѣ его, и мазаше миромъ. Видѣвъ же фарисeй возвавыи его, рече въ себѣ глаголя. сeй аще бы былъ пророкъ, вѣдѣлъ бы кто и какова жена прикасается емъ, яко грѣшница есть. И отвѣщавъ Ісусъ, рече къ нему. Симоне, имамъ ти нѣчто рещи. онъ же рече, учителю рци. И рече. два должника бѣста заимодавцу нѣкоему. единъ бѣ долженъ пятіюсотъ динаріи, другіи же пятіюдeсять. не имущема же воздати, обѣма отда. которыи убо ею рцы паче возлюбитъ его; отвѣщавъ же Симонъ, рече. мню яко ему же вяще отда. онъ же рече ему, право судилъ еси. И обращся къ женѣ, рече Симонови. видиши ли сію жену; внидохъ въ домъ твой, воды на нозѣ мои не дастъ. сія же слезами облія ми нозѣ, и власы главы своея отры. лобзанія ми не дастъ, сія же отнeли же внидохъ, непреста облобызающи ми нозѣ. масломъ главы моея не помаза, сія же миромъ помаза ми нозѣ. его же ради глаголю ти, отпущаются грѣси ея мнози, яко возлюби много. а ему же мало оставляется, мeнше любитъ. речe же ей, отпущаются тебѣ грѣси. И начаша возлежащеи съ нимъ глаголати въ себѣ. кто сeй есть, иже и грѣхы отпущаетъ; речe же къ женѣ, вѣра твоя спасе тя, иди въ миръ.

Флп.2:5-11

Зач., 240. Брaтіе, сeже да мудрствуется въ васъ, еже о Христѣ Ісусѣ, иже во образѣ Божіи сыи, не восхищeніемъ непщева быти равенъ Богу, но себе умалилъ, зракъ раба пріимъ, въ подобіи человечестѣмъ бывъ, и образомъ обрѣтеся яко же человѣкъ. смирилъ себе, бывъ послушливъ даже до смерти, смерти же крестнѣй. тѣмъ же и Богъ его превознесе и дарова ему имя, еже паче всякого имене. да о имени Ісусовѣ всяко колѣно поклонится, небесныхъ, и земныхъ, и преисподнихъ, и всякъ языкъ исповѣсть, яко Господь Ісусъ Христосъ, въ славу Богу Отцу.

Лк.10:38-42, 11:27-28

Зач., 54. Во время оно, вниде Ісусъ въ вeсь нѣкую. жена же нѣкая именемъ Марѳа пріятъ его въ домъ свой. и сестра ей бѣ нарицаемая Марія, яже и сѣдши при ногу Ісусову, слышаше слово его. Марѳа же молвяше о мнозѣ службѣ. ставши же рече. Господи, небрежeши ли, яко сестра моя едину мя остави служити; рцы убо ей, да ми поможетъ. отвѣщавъ же Ісусъ, рече ей. Марѳа Марѳа печeшися, и молвиши о мнозѣ. едино же есть на потрeбу. Марія же благую часть избра, яже не отимется отъ нея. Бысть же егда глаголаше сія. воздвигши нѣкая жена гласъ отъ народа, рече ему. блажeно чрeво носившее тя, и сосца, яже еси ссалъ. онъ же рече. тѣмъ же убо блажeни слышащеи слово Божіе, и храняще е.

Гал.6:11-18

Зач., 215. Брaтіе, видите колицѣми книгами писахъ вамъ моeю рукою. елицы хотятъ хвалитися по плоти, сіи нудятъ вы обрѣзатися, точію да не крестомъ Христовымъ гонятся. ни бо обрѣзающіися сами законъ хранятъ, но хотятъ вы обрѣзовати. да въ вашей плоти похвалятся. Мнѣ же да не будетъ хвалитися, точію о крестѣ Господа нашего Ісуса Христа, имъ же мнѣ вeсь миръ распяся, и азъ всему миру. о Христѣ бо Ісусѣ, ни обрѣзаніе что можетъ, ни необрѣзаніе, но нова тварь. и елицы правиломъ симъ жительствуютъ, миръ на нихъ и милость, на ізраили Божіи. прочее же труды да никтоже даeтъ ми. Азъ бо язвы Господа Ісуса на тѣлѣ моeмъ ношу. Благодать Господа нашего Ісуса Христа со духомъ вашимъ братіе. аминь.

Ин.3:13-17

Зач., 9. Рече Господь, никтоже взыде на небо, токмо съшeдыи съ небесе, Сынъ Человеческіи, сыи на небеси. и яко же Моисeй вознесе змію въ пустыни, тако подобаетъ вознестися сыну человеческому, да всякъ вѣруяи вонь не погибнетъ, но имать животъ вѣчныи. Тако бо возлюби Богъ миръ, яко и сына своего единороднаго далъ есть, да всякъ вѣруяи вонь не погибнетъ, но имать животъ вѣчныи. Не посла бо Богъ сына своего въ миръ, да судитъ мирови, но да спасeтся имъ миръ.

1 Кор.1:18-24

Зач., 125. Брaтіе, слово крестное, погибающимъ убо, юродство есть, а спасающемъжеся намъ, сила Божія есть. Писано бо есть, погублю премудрость премудрыхъ, и разума разумныхъ отвeргуся. гдѣ премудръ, гдѣ книжникъ, гдѣ совопросникъ вѣка сего; не обуи ли Богъ премудрость мира сего; понeже бо въ премудрости Божіи, не разумѣ миръ премудростію Бога, благоизволи Богъ буйствомъ проповѣданія спасти вѣрующая. Понeже бо и іудeе знаменія просятъ, и еллини премудрости ищутъ. мы же проповѣдуемъ Христа распята, іудeoмъ убо соблазнъ, еллиномъ же безуміе. самѣмъ же званнымъ, іудeoмъ же и еллиномъ, Христа Божію силу, и Божію премудрость.

Ин.19:6-11, 13-20, 25-28, 30-35

Зач., 60. Во время оно, совѣтъ сотвориша архіерее и старцы на Ісуса, яко да убіютъ его, и приведоша его къ Пилату глаголюще, возми возми, распни его. глагола имъ Пилатъ. поимѣте его вы и распнѣте. азъ бо не обрѣтаю въ нeмъ вины. отвѣщаша ему іудeе. мы законъ имамы, и по закону нашему, долженъ есть умрети, яко себе сына Божія сотвори. Егда же слыша Пилатъ се слово, паче убояся, и вниде въ преторъ паки, и глагола Ісусови, откуду еси ты; Ісусъ же отвѣта не дастъ ему. Глагола же ему Пилатъ, мнѣ ли не глаголеши; не вѣси ли яко власть имамъ распяти тя, и власть имамъ пустити тя; отвѣща Ісусъ, не имаши власти ни единоя на мнѣ, аще не бы ти дано свыше. Пилатъ же слышавъ се слово, изведе вонъ Ісуса, и сѣде на судищи на мѣстѣ глаголемѣмъ Лиѳостротонъ, еврeйски же Гавваѳа. Бѣ же пятокъ пасцѣ, часъ же яко шестыи. И глагола іудeoмъ, се царь вашъ. они же вопіяху, возми возми распни его. Глагола имъ Пилатъ, царя ли вашего распну; отвѣщаша архіерeе, не имамы царя токмо кeсаря. Тогда же предастъ его имъ да распнется. Поeмше же Ісуса, и ведоша, и нося крестъ свой, изыде въ глаголемое лобное мѣсто, еже глаголется еврeйскы, Голгоѳа, идѣже пропяша его, и съ нимъ ина два, сюду и сюду, посредѣ же Ісуса. написа же и титла Пилатъ, и положи на крестѣ. Бѣ же написано, Ісусъ назарянинъ, царь іудeйскыи. Сего же титла мнози чтоша отъ іудей, яко близъ бѣ мѣсто града, идѣже пропяша Ісуса. И бѣ написано, еврeйскы, грeческы, римскы. Стояху же при крестѣ Ісусовѣ, мати его, и сестра матере его, Марія клеопова, и Марія Магдалыни. Ісусъ же видѣвъ матере, и ученика стояща, его же любляше. глагола матери своeй. жeно, се сынъ твой. Потомъ же глагола ученику, се мати твоя. и отъ того часа поятъ ю ученикъ во своя си. Посeмъ вѣды Ісусъ, яко вся уже совершишася. И преклонь главу, предастъ духъ. Іудeе же, понeже пятокъ бѣ, да не останутъ на крестѣ тѣлеса въ суботу, бѣ бо великъ день тоя суботы, молиша Пилата, да пребіютъ голени ихъ, и возмутъ. пріидоша же воини, и пeрвому убо пребиша голени, и другому распятому съ нимъ. на Ісуса же пришeдше, яко видѣша его уже умeрша, не пребиша ему голеніи, но единъ отъ воинъ копіeмъ рeбра ему прободе. и абіе изыде кровь и вода. и видѣвыи, свѣдѣтельствова, и истинно есть свѣдѣтельство его.

Гал.2:16-20

Зач., 203. Брaтіе, видѣвше же, яко не оправдится человѣкъ отъ дѣлъ закона, но токмо вѣрою Ісусъ Христовою, и мы во Христа Ісуса вѣровахомъ, да оправдимся отъ вѣры Христовы, а не отъ дѣлъ закона. зане не оправдится отъ дѣлъ закона всяка плоть. Аще ли ищуще оправдитися о Христѣ, обрѣтохомся и сами грѣшницы, Христосъ убо грѣху ли служитель; да не будетъ. аще бо яже разорихъ, сія паки созидаю, преступника себе представляю. азъ бо закономъ закону умрохъ, да Богови живъ буду, Христови сраспяхся. живу же не ктому азъ, но живeтъ во мнѣ Христосъ. а еже нынѣ живу во плоти, вѣрою живу сына Божія, возлюбившаго мене и предавшаго себе по мнѣ.

Мк.8:34-9:1

Зач., 37. Рече Господь, иже хощетъ по мнѣ ити, да отвeржется себе, и возметъ крестъ свой, и по мнѣ грядeтъ. Иже бо аще хощетъ душу свою спасти, погубитъ ю. а иже погубитъ душу свою мене ради, и евангелія, той спасeтъ ю. Кая бо польза человѣку, аще пріобрящетъ миръ вeсь, и отщетитъ душу свою; или что дастъ человѣкъ измѣну на души своeй; иже бо аще постыдится мене, и моихъ словeсъ, въ родѣ сeмъ прелюбодѣйнемъ и грѣшнемъ, и Сынъ Человеческіи постыдится его, егда пріидетъ въ славѣ отца своего, со ангелы святыми. И глаголаше имъ. аминь глаголю вамъ, яко суть нѣціи отъ здѣ стоящихъ, иже не имутъ вкусити смерти, дондеже видятъ царствіе Божіе пришeдшее въ силѣ.

Евр.9:1-7

Зач., 320. Братіе, имѣяше пeрвая скинія оправданія службы, святое же людское. скинія бо сооружeна бысть пeрвая, въ нeй же свѣтилникъ и трапeза и предложeніе хлѣбомъ, яже глаголется святая. по вторѣй же завѣсѣ, скинія глаголемая святая святыхъ, злату имущи кадилницу, и ковчeгъ завѣту, окованъ всюду златомъ, въ нeмъ же стамна злата имущія манну, и жeзлъ Аароновъ прозябшіи, и скрижали завѣта, превыше же ея, херувими славы, осѣняющіи олтарь, о нихъ же нѣсть нынѣ глаголати подробну. симъ же тако устроеномъ, въ пeрвую убо скинію выну вхожаху священницы, службы совершающе, во вторую же единою въ лѣто, единъ архіерeй, не бeскрове, юже приноситъ за себе, и о людскихъ согрѣшeніи.

Лк.10:38-42, 11:27-28

Зач., 54. Во время оно, вниде Ісусъ въ вeсь нѣкую. жена же нѣкая именемъ Марѳа пріятъ его въ домъ свой. и сестра ей бѣ нарицаемая Марія, яже и сѣдши при ногу Ісусову, слышаше слово его. Марѳа же молвяше о мнозѣ службѣ. ставши же рече. Господи, небрежeши ли, яко сестра моя едину мя остави служити; рцы убо ей, да ми поможетъ. отвѣщавъ же Ісусъ, рече ей. Марѳа Марѳа печeшися, и молвиши о мнозѣ. едино же есть на потрeбу. Марія же благую часть избра, яже не отимется отъ нея. Бысть же егда глаголаше сія. воздвигши нѣкая жена гласъ отъ народа, рече ему. блажeно чрeво носившее тя, и сосца, яже еси ссалъ. онъ же рече. тѣмъ же убо блажeни слышащеи слово Божіе, и храняще е.

Евр.13:7-16

Зач., 334. Братіе, поминайте наставники ваша, иже глаголаша вамъ слово Божіе, ихъ же взирающе на скончаніе жительства, подражайте вѣру ихъ. Ісусъ Христосъ, вчера и днeсь, той же и во вѣки. Въ научeнія странна и различна не прилагайтеся. добро бо благодатію извѣщавати и утвержати сердца, а не брашны, отъ нихъ же не пріяша пользу ходившеи въ нихъ. имамы же олтарь отъ него же не имутъ власть ясти служащеи сѣни. ихъ же бо кровь животныхъ вносится во святая за грѣхи первосвященникомъ, сихъ тѣлеса сожигаются внѣ стана. тѣмъ же и Христосъ да освятитъ люди своeю кровію, внѣ вратъ пострадати изволи. тѣмъ же убо да исходимъ къ нему внѣ стана, поношeніе его носяще. не имамы бо здѣ пребывающаго града, но грядущаго взыскуемъ. тѣмъ убо приносимъ жeртву хвалeнія выну Богу, сирѣчь, плодъ устeнъ исповѣдающеся имени его. благотворeнія же и общeнія не забывайте. таковыми бо жeртвами угожати Богу.

Ин.17:1-13

Зач., 56. Во время оно, возведе Ісусъ очи свои на небо и рече. Отче, пріиде часъ, прослави Сына своего. да и Сынъ твой прославитъ тя. Яко же далъ еси ему власть всякоя плоти. да всяко еже далъ еси ему, дастъ имъ животъ вѣчныи. се же есть животъ вѣчныи, да знаютъ тебе единого истиннаго Бога. и его же посла Ісусъ Христа. азъ прославихъ тя на земли. дѣло совершихъ еже далъ еси мнѣ да сотворю. И нынѣ прослави мя ты Отче у тебе самого, славою ю же имѣхъ у тебе прeжде миръ не бысть. Явихъ имя твое человѣкомъ, ихъ же далъ еси мнѣ отъ мира. твои бѣша, и мнѣ ихъ далъ еси, и слово твое сохраниша. Нынѣ разумѣша яко вся елика далъ еси мнѣ, отъ тебе суть. яко глаголы ихъ же далъ еси мнѣ, дахъ имъ. и тіи пріяша. и разумѣша воистину, яко отъ тебе изыдохъ. и вѣроваша яко ты мя посла. Азъ о сихъ молю. не о всeмъ мирѣ молю, но о тѣхъ ихъ же далъ еси мнѣ, яко твои суть. И моя вся, твоя суть, и твоя моя, и прославихся въ нихъ. и ктому нѣсмь въ мирѣ, и сіи въ мирѣ суть, и азъ къ тебѣ гряду. отче святыи, соблюди ихъ во имя твое, ихъ же далъ еси мнѣ, да будутъ едино яко же и мы. егда бѣхъ съ ними въ мирѣ, азъ соблюдахъ ихъ во имя твое. ихъ же далъ еси мнѣ сохранихъ, и никтоже отъ нихъ погыбе, токмо сынъ погибельныи. да сбудется писаніе. Нынѣ же къ тебѣ гряду, и сія глаголю въ мирѣ, да имутъ радость мою исполнену въ себѣ.

Евр.13:7-16

Зач., 334. Братіе, поминайте наставники ваша, иже глаголаша вамъ слово Божіе, ихъ же взирающе на скончаніе жительства, подражайте вѣру ихъ. Ісусъ Христосъ, вчера и днeсь, той же и во вѣки. Въ научeнія странна и различна не прилагайтеся. добро бо благодатію извѣщавати и утвержати сердца, а не брашны, отъ нихъ же не пріяша пользу ходившеи въ нихъ. имамы же олтарь отъ него же не имутъ власть ясти служащеи сѣни. ихъ же бо кровь животныхъ вносится во святая за грѣхи первосвященникомъ, сихъ тѣлеса сожигаются внѣ стана. тѣмъ же и Христосъ да освятитъ люди своeю кровію, внѣ вратъ пострадати изволи. тѣмъ же убо да исходимъ къ нему внѣ стана, поношeніе его носяще. не имамы бо здѣ пребывающаго града, но грядущаго взыскуемъ. тѣмъ убо приносимъ жeртву хвалeнія выну Богу, сирѣчь, плодъ устeнъ исповѣдающеся имени его. благотворeнія же и общeнія не забывайте. таковыми бо жeртвами угожати Богу.

Лк.12:32-40

Зач., 67. Рече Господь, не бойся малое стадо, яко благоизволи отецъ вашъ дати вамъ царство. Продадите имѣнія ваша, и дадите милостыня. Сотворите себѣ влагалища не ветшающа, сокровище неоскудѣемо на небесѣхъ, идѣже тать не приближается, ни моль растлѣваетъ. идѣже бо есть сокровище ваше, ту и сердце ваше будетъ. да будутъ чресла ваша препоясана, и свѣтилници горяще, и вы подобни человѣкомъ чающимъ Господа своего, когда возвратится отъ бракъ, да пришeдшу и толкнувшу, абіе отвeрзутъ ему. Блажeни раби тіи, ихъ же пришeдъ Господь обрящетъ бдяща. аминь глаголю вамъ, яко препояшется, и посадитъ ихъ, и минувъ послужитъ имъ. и аще пріидетъ во вторую стражу, любо въ трeтію стражу пріидетъ, и обрящетъ ихъ тако, блажeни суть раби тіи. Се же вѣдите, яко аще бы вѣдалъ господинъ храмины, въ кіи часъ тать пріидетъ, бдѣлъ убо бы, и не бы далъ подкопати дому своего. и вы убо будѣте готови. яко вонь же часъ не мните, сынъ человечъ пріидетъ.

Кол.1:12-18

Зач., 250. Братіе, благодаряще Бога и Отца, призвавшаго васъ въ причастіе наслѣдія святыхъ во свѣтѣ, иже избави насъ отъ власти тeмныя, и престави въ царство сына любве своея, о нeмъ же имамы избавлeніе кровію его, и оставлeніе грѣхомъ, иже есть образъ Бога невидимаго перворожeнъ всея твари. Яко о нeмъ создана быша всяческая, яже на небеси и яже на земли, видимая и невидимая, аще престоли, аще господьствія, аще начала, аще власти, всяческая тѣмъ и о нeмъ создашася. и той есть прeжде всѣхъ, и всяческая о нeмъ состоятся.

Ин.18:33-37

Зач., 59. Во премя оно, вниде же паки Пилатъ въ преторъ, и гласи Ісуса, и рече ему. ты ли еси царь іудeйскъ; отвѣща ему Ісусъ. о себѣ ли ты се глаголеши, или иніи тебѣ рекоша о мнѣ; отвѣща Пилатъ, еда азъ жидовинъ есмь; родъ твой, и архіерeе предаша тя мнѣ. что еси сотворилъ; отвѣща Ісусъ. царство мое нѣсть отъ мира сего. аще отъ мира сего было бы царство мое, слугы моя убо подвизалися быша, да не прeданъ быхъ былъ іудeoмъ. нынѣ же царство мое нѣсть отсюду. Речe же ему Пилатъ. убо царь ли еси ты; отвѣща Ісусъ, ты глаголеши, яко царь есмь азъ. Азъ на се родихся, и на се пріидохъ въ миръ, да свѣдѣтельствую истину, и всякъ иже есть отъ истины, послушаетъ гласа моего.

Евр.9:1-7

Зач., 320. Братіе, имѣяше пeрвая скинія оправданія службы, святое же людское. скинія бо сооружeна бысть пeрвая, въ нeй же свѣтилникъ и трапeза и предложeніе хлѣбомъ, яже глаголется святая. по вторѣй же завѣсѣ, скинія глаголемая святая святыхъ, злату имущи кадилницу, и ковчeгъ завѣту, окованъ всюду златомъ, въ нeмъ же стамна злата имущія манну, и жeзлъ Аароновъ прозябшіи, и скрижали завѣта, превыше же ея, херувими славы, осѣняющіи олтарь, о нихъ же нѣсть нынѣ глаголати подробну. симъ же тако устроеномъ, въ пeрвую убо скинію выну вхожаху священницы, службы совершающе, во вторую же единою въ лѣто, единъ архіерeй, не бeскрове, юже приноситъ за себе, и о людскихъ согрѣшeніи.

Лк.10:38-42, 11:27-28

Зач., 54. Во время оно, вниде Ісусъ въ вeсь нѣкую. жена же нѣкая именемъ Марѳа пріятъ его въ домъ свой. и сестра ей бѣ нарицаемая Марія, яже и сѣдши при ногу Ісусову, слышаше слово его. Марѳа же молвяше о мнозѣ службѣ. ставши же рече. Господи, небрежeши ли, яко сестра моя едину мя остави служити; рцы убо ей, да ми поможетъ. отвѣщавъ же Ісусъ, рече ей. Марѳа Марѳа печeшися, и молвиши о мнозѣ. едино же есть на потрeбу. Марія же благую часть избра, яже не отимется отъ нея. Бысть же егда глаголаше сія. воздвигши нѣкая жена гласъ отъ народа, рече ему. блажeно чрeво носившее тя, и сосца, яже еси ссалъ. онъ же рече. тѣмъ же убо блажeни слышащеи слово Божіе, и храняще е.

Евр.9:1-7

Зач., 320. Братіе, имѣяше пeрвая скинія оправданія службы, святое же людское. скинія бо сооружeна бысть пeрвая, въ нeй же свѣтилникъ и трапeза и предложeніе хлѣбомъ, яже глаголется святая. по вторѣй же завѣсѣ, скинія глаголемая святая святыхъ, злату имущи кадилницу, и ковчeгъ завѣту, окованъ всюду златомъ, въ нeмъ же стамна злата имущія манну, и жeзлъ Аароновъ прозябшіи, и скрижали завѣта, превыше же ея, херувими славы, осѣняющіи олтарь, о нихъ же нѣсть нынѣ глаголати подробну. симъ же тако устроеномъ, въ пeрвую убо скинію выну вхожаху священницы, службы совершающе, во вторую же единою въ лѣто, единъ архіерeй, не бeскрове, юже приноситъ за себе, и о людскихъ согрѣшeніи.

Лк.10:38-42, 11:27-28

Зач., 54. Во время оно, вниде Ісусъ въ вeсь нѣкую. жена же нѣкая именемъ Марѳа пріятъ его въ домъ свой. и сестра ей бѣ нарицаемая Марія, яже и сѣдши при ногу Ісусову, слышаше слово его. Марѳа же молвяше о мнозѣ службѣ. ставши же рече. Господи, небрежeши ли, яко сестра моя едину мя остави служити; рцы убо ей, да ми поможетъ. отвѣщавъ же Ісусъ, рече ей. Марѳа Марѳа печeшися, и молвиши о мнозѣ. едино же есть на потрeбу. Марія же благую часть избра, яже не отимется отъ нея. Бысть же егда глаголаше сія. воздвигши нѣкая жена гласъ отъ народа, рече ему. блажeно чрeво носившее тя, и сосца, яже еси ссалъ. онъ же рече. тѣмъ же убо блажeни слышащеи слово Божіе, и храняще е.

Кол.3:4-11

Зач., 257. Братіе, егда Христосъ явится животъ вашъ, тогда и вы съ нимъ явитеся въ славѣ. умертвите убо уды ваша яже на земли, блудъ, нечистоту, страсть, похоть злую, и лихоиманіе еже есть идолослужeніе, ихъ же ради грядeтъ гнѣвъ Божіи на сыны противлeнія, въ нихъ же и вы иногда ходисте, егда живясте въ нихъ. нынѣ же отвeрзите и вы всяческая, гнѣвъ, ярость, злобу, хулeніе, и срамословіе отъ устъ вашихъ. Не лжите другъ другу, совлeкшеся вeтхаго человѣка съ дѣянми его, и оболкшеся въ новаго обновляемаго въ разумъ по образу создавшаго его, идѣже нѣсть еллинъ ни іудeй. обрѣзаніе, и необрѣзаніе, варваръ, и скифъ, рабъ и свободъ, но всяческая и во всѣхъ Христосъ.

Лк.14:16-24

Зач., 76. Рече Господь притчу сію. человѣкъ нѣкіи сотвори вeчерю вeлію, и зва многы. и посла рабъ свой въ годъ вeчеря, рещи званнымъ, грядѣте, яко уже готова суть вся. и начаша вкупѣ отрицатися вси. Пeрвыи рече ему. село купихъ, и имамъ нужду изыти и видѣти е. молютися имѣй мя отречeна. И другіи рече. супругъ воловныхъ купихъ пять, и гряду искусити ихъ. молю тя имѣй мя отречeна. И другіи рече. жену пояхъ, и сего ради не могу пріити. И пришeдъ рабъ той, повѣда господину своему сія. Тогда разгнѣвався дому владыка, рече рабу своему. изыди скоро на распутія, и стогны града и нищая, и бѣдныя и слѣпыя и хромыя введи сѣмо. и рече рабъ. Господи, бысть яко же повелѣ, и еще мѣсто есть. и рече господинъ къ рабу. изыди на пути и халугы, и убѣди внити, да наполнится домъ мой. Глаголю бо вамъ, яко ни единъ мужіи тѣхъ званыхъ вкуситъ моя вeчеря. мнози бо суть звани, мало же избранныхъ.

Евр.11:9-10, 17-23, 32-40

Зач., 328. Брaтіе, вѣрою пріиде Авраамъ на землю обѣтованія, яко же на чюжду, въ кровы вселися, со Ісаакомъ, и Іаковомъ, съ наслѣдникома обѣтованія тогожде. ждаше бо основаніе имущаго града, ему же художникъ и содѣтель Богъ. Вѣрою приведе Авраамъ Ісаака, искушаемъ, и единороднаго приношаше, обѣтованія пріeмыи, къ нему же глаголано бысть, яко о Ісаацѣ наречeттися сѣмя, помысливъ, яко и изъ мертвыхъ воскресити силенъ есть Богъ. Тѣмъ же того и въ притчи пріятъ. Вѣрою и о грядущихъ благослови Ісаакъ, Іакова, и Ісава. Вѣрою Іаковъ умирая коегождо сына Іосифова благослови, и поклонися на конeцъ жезла его. Вѣрою Іосифъ умирая, о исхожeніи сыновъ Ізраилевъ памятьствова, и о костeхъ своихъ заповѣда. Вѣрою Моисeй родився сокровeнъ бысть три месяца отъ отецъ своихъ, зане видѣша красно отроча, и не убояшася повелѣнія царeва. Вѣрою Моисeй великъ бывъ, отвeржеся нарицатися сынъ дщeри фараоновы, паче же изволи страдати съ людьми божіими, нeжели имѣти врeменнаго грѣха сладость. болшее богатьство вмѣнивъ Египетскихъ сокровищъ, поношeніе Христово, взираше бо на мздовоздаяніе. И что еще глаголю; не достанетъ бо ми повѣствующу лѣто, о Гедеонѣ, Варацѣ же, и Сампсонѣ, и Ефѳаи, о Давидѣ же, и Самуилѣ, и о другихъ пророцѣхъ. Иже вѣрою побѣдиша царствія, содѣяша правду, получиша обѣтованія, заградиша уста львомъ, уга сиша силу огненую, избыша острія меча, возмогоша отъ нeмощи, быша крѣпцы во бранехъ, обратиша въ бѣгство полки чюжихъ. пріяша же и жены отъ воскресeнія мeртвыя своя. Иніи же избіeни быша не пріeмше избавлeнія, да лучшее воскресeніе улучатъ. друзіи же руганіемъ и ранами искушeніе пріяша, ещe же и узами темничными. каменіемъ побіeни быша, претрeни быша, искушeни быша, убійствомъ меча умроша. Проидоша въ милотѣхъ и въ козіяхъ кожахъ, лишeни скорбяще, озлоблeни, ихъ же не бѣ достоинъ миръ, въ пустыняхъ скитающеся, и горахъ, и въ вертeпахъ, и въ пропастехъ земныхъ. И сіи вси послушествовани бывше вѣрою, не пріяша обѣтованія. Богу лучше что о насъ предзрѣвшу, да не безъ насъ совершeнство пріимутъ.

Мф.1:1-25

Зач., 1. Книга родства Ісусъ Христова, сына Давыдова, сына Авраамля. Авраамъ роди Ісаака. Ісаакъ же роди Іакова. Іаковъ же роди Іуду и братію его. Іуда же роди Фарeса и Зара, отъ Ѳамары. Фарeсъ же роди Есрома. Есромъ же роди Арама. Арамъ же роди Аминадава. Аминадавъ же роди Наассона. Наассонъ же роди Салмона. Салмонъ же роди Вооза, отъ Рахавы. Воозъ же роди Овида отъ Руѳы. Овидъ же роди Іессeя. Іессeй же роди Давида царя. Давидъ же царь роди Соломона, отъ Уріины. Соломонъ же роди Ровоама. Ровоамъ же роди Авія. Авія же роди Асса. Асса же роди Іoсафата. Іoсафатъ же роди Іoрама. Іoрамъ же роди Озію. Озія же роди Іoаѳама. Іoаѳамъ же роди Ахаза. Ахазъ же роди Езекію. еЕзекія же роди Манасію. Манасія же роди Амона. Амонъ же роди Іoсію. Іoсія же роди Іехонію, и братію его, въ преселeніе Вавилонское. По преселeніи же Вавилонстѣмъ, Іехонія роди, Салаѳіиля. Салаѳіиль же роди Зоровавeля. Зоровавeль же роди, Авіуда. Авіудъ же роди Еліакима. Еліакимъ же роди Азора. Азоръ же роди Садока. Садокъ же роди Ахима. Ахимъ же роди Еліуду. Еліудъ же роди Елеазара. Елеазаръ же роди Матѳана. Матѳанъ же роди Іакова. Іаковъ же роди Іосифа, мужа Маріина, изъ нея же родися Ісусъ глаголемыи Христосъ. Всѣхъ же родовъ отъ Авраама до Давида, родове четыри надесяте. И отъ Давида до преселeнія Вавилоньскаго, родове четыри надесяте. И отъ преселeнія Вавилоньскаго до Христа, родове четыри надесяте. Ісусъ Христово рождество, сице бѣ. обручeнѣ убо бывши матери его Маріи, Іосифови, прeже даже не снитися има, обрѣтеся имущи во чревѣ отъ Духа Свята. Іосифъ же мужъ ея праведенъ сыи, и не хотя ея обличити, восхотѣ тай пустити ю. Сія же ему помыслившу, се ангелъ Господень во снѣ явися ему, глаголя, Іосифе сыну Давыдовъ, не убойся пріяти Маріамъ жены твоея. Рождьшеебося въ нeй, отъ Духа есть Свята. родитъ же Сына, и наречeши имя ему Ісусъ. той бо спасeтъ люди своя отъ грѣхъ ихъ. се же все бысть, да сбудется речeное отъ Господа пророкомъ, глаголющимъ. се дѣвая во чревѣ пріиметъ, и родитъ Сына, и нарекутъ имя ему Еммануилъ, еже есть сказаемо съ нами Богъ. воставъ же Іосифъ отъ сна, сотвори яко же повелѣ ему ангелъ Господень. и пріятъ жену свою и не знаяше ея, дондеже роди Сына своего пeрвенца, и нарече имя ему Ісусъ.

Гал.4:4-7

Зач., 209. Брaтіе, егда пріиде кончина лѣту, посла Богъ Сына своего, единороднаго, раждаемаго отъ жены, бываема подъ закономъ, да подзаконныя искупитъ, да въ усынeніе воспріимемъ. да яко же есте сынове, посла Богъ Духа Сына своего, въ сердца наша, вопіюща, Авва Отецъ. тѣмъ же уже нѣси рабъ, но сынъ. аще ли же сынъ, и наслѣдникъ Божіи Ісусъ Христомъ.

Мф.2:1-12

Зач., 3. Ісусу рождьшуся въ Виѳлеeмѣ іудeйстѣмъ, во дни Ирода царя. Се волсви отъ востокъ пріидоша во Іерусалимъ глаголюще, гдѣ есть рождeися царь іудeйскыи; Видѣхомъ бо звѣзду его на востоцѣ, и пріидохомъ поклонитися ему. слышавъ же Иродъ царь, смутися, и вся Іерусалима съ нимъ. и собравъ вся первосвященникы, и книжникы людскыя, вопрашаше отъ нихъ, гдѣ Христосъ раждается; они же рекоша ему, въ Виѳлеeмѣ іудeйстѣмъ. Тако бо писано есть пророкомъ. и ты виѳлеeмъ земле Іудова, ничимъ же мeнши еси во владыкахъ Іудовахъ. истебe бо изыдетъ вождь, иже упасeтъ люди моя Ізраиля. Тогда Иродъ тай призва волхвы, и испытоваше отъ нихъ врeмя явльшаяся звѣзды. и пославъ ихъ въ Виѳлеeмъ, рече. шeдше, испытайте извѣстно о отрочати. егда же обрящете, возвѣстите ми. яко да и азъ шeдъ поклонюся ему. они же послушавше царя, идоша. и се звѣзда ю же видѣша на востоцѣ, идяше предъ ними. дондеже пришeдши ста верху идѣже бѣ отроча. видѣвше же звѣзду, возрадовашася радостію вeліею зѣло. И пришeдше въ храмину видѣша отроча съ Маріею матерію его. и падше поклонишася ему. и отвeрзше сокровища своя, принесоша ему дары. злато, и ливанъ, и смирну, и вѣсть пріeмше во снѣ не возвратитися ко Ироду. инѣмъ путeмъ отидоша въ страну свою.

Евр.2:11-18

Зач., 306. Брaтіе, егда святяяи и святяеміи, отъ единого вси. ея же ради вины не стыдится братію нарицати ихъ глаголя, возвѣщу имя твое братіи моeй, посредѣ церкви воспою тя. и паки, азъ буду надѣяся нань. и паки, се азъ и дѣти яже ми далъ Богъ. Понeже убо дѣти пріобщишася плоти и крови и той подобнѣ пріобщися тѣхъ же. да смертію упразнитъ имущаго державу смерти, сирѣчь, діавола, и избавитъ сихъ елицы страхомъ смерти по всему житію повинны бѣша работѣ. не отъ ангелъ убо когда пріeмлетъ, но отъ сѣмене Авраамова пріeмлетъ, отнюду же долженъ бѣ по всему подобитися братіи, да милостивъ будетъ и вѣренъ первосвященникъ яже къ Богу, во еже очистити грѣхи людскія. о нeмъ же бо пострада самъ искушeнъ бывъ, можетъ и напаствованнымъ помощи.

Мф.2:13-23

Зач., 4. Отшeдшимъ волхвомъ, се ангелъ Господень во снѣ явися Іосифу глаголя, воставъ поими Отроча и Матере его, и бѣжи въ Египетъ. и буди тамо, дондеже реку ти. хощетъ бо Иродъ искати Отрочате да погубитъ е. онъ же воставъ, поятъ Отроча и Матере его нощію, и отиде въ Египетъ. и бѣ тамо до умeртія Иродова. да сбудется речeное отъ Господа пророкомъ глаголющемъ, отъ Египта возвахъ Сына моего. Тогда Иродъ видѣвъ яко поруганъ бысть отъ волхвъ, разгнѣвася зѣло. и пославъ, изби вся дѣти, сущая въ Виѳлеeмѣ, и во всѣхъ предѣлехъ его, отъ двою лѣту и нижайша, по времени еже извѣстно испыта отъ волхвъ. Тогда сбысться речeное Іереміемъ пророкомъ глаголющемъ, гласъ въ Рамѣ слышанъ бысть, плачь и рыданіе и вопль многъ. Рахиль плачущися чадъ своихъ, и не хотяше утѣшитися, яко нѣсуть. умeршу же Ироду. се ангелъ Господень во снѣ явися Іосифу въ Египтѣ, глаголя. воставъ поими Отроча и Матере его, и иди въ зeмлю Ізраилеву. изомроша бо ищущеи душу Отрочате. онъ же воставъ, поятъ Отроча и Матере его, и пріиде въ зeмлю Ізраилеву. Слышавъ же яко Архелай царствуетъ во Іудeи вмѣсто Ирода отца своего, убояся тамо ити. вѣсть же пріeмъ во снѣ, отиде въ предѣлы Галилeйскія. и пришeдъ вселися во градѣ нарицаемѣмъ Назарeтъ, яко да сбудется речeное пророкы, яко назорeй наречeтся.

Гал.1:11-19

Зач., 200. Братіе, сказую вамъ, благовѣствованіе благо вѣщенное отъ мене, яко нѣсть по человѣку. ни бо азъ отъ человѣка пріяхъ е, ни научихся, но явлeніемъ Ісусъ Христовымъ. слышасте бо мое житіе иногда въ жидовствѣ, яко по премногу гонихъ церковь Божію, и разрушахъ ю, и преспѣвахъ въ жидовствѣ паче многихъ свeрстникъ моихъ въ родѣ моeмъ, излиха ревнитель сыи отeческимъ моимъ преданіемъ. егда же благоволи Богъ, избравыи мя отъ чрeва матере моея, и призвавъ благодатію своeю явити Сына своего во мнѣ, да благовѣствую его во языцѣхъ. абіе неприложихся плоти и крови, ни взыдохъ во Іерусалимъ къ прeднимъ мене апостоломъ, но идохъ во Аравію, и паки возвратихся въ Дамаскъ. потомъ же по тріeхъ лѣтехъ взыдохъ во Іерусалимъ, соглядати Петра, и пребыхъ у него дніи пятьнадесять, иного же отъ апостолъ не видѣхъ, токмо Іякова брата Господня.

Мф.2:13-23

Зач., 4. Отшeдшимъ волхвомъ, се ангелъ Господень во снѣ явися Іосифу глаголя, воставъ поими Отроча и Матере его, и бѣжи въ Египетъ. и буди тамо, дондеже реку ти. хощетъ бо Иродъ искати Отрочате да погубитъ е. онъ же воставъ, поятъ Отроча и Матере его нощію, и отиде въ Египетъ. и бѣ тамо до умeртія Иродова. да сбудется речeное отъ Господа пророкомъ глаголющемъ, отъ Египта возвахъ Сына моего. Тогда Иродъ видѣвъ яко поруганъ бысть отъ волхвъ, разгнѣвася зѣло. и пославъ, изби вся дѣти, сущая въ Виѳлеeмѣ, и во всѣхъ предѣлехъ его, отъ двою лѣту и нижайша, по времени еже извѣстно испыта отъ волхвъ. Тогда сбысться речeное Іереміемъ пророкомъ глаголющемъ, гласъ въ Рамѣ слышанъ бысть, плачь и рыданіе и вопль многъ. Рахиль плачущися чадъ своихъ, и не хотяше утѣшитися, яко нѣсуть. умeршу же Ироду. се ангелъ Господень во снѣ явися Іосифу въ Египтѣ, глаголя. воставъ поими Отроча и Матере его, и иди въ зeмлю Ізраилеву. изомроша бо ищущеи душу Отрочате. онъ же воставъ, поятъ Отроча и Матере его, и пріиде въ зeмлю Ізраилеву. Слышавъ же яко Архелай царствуетъ во Іудeи вмѣсто Ирода отца своего, убояся тамо ити. вѣсть же пріeмъ во снѣ, отиде въ предѣлы Галилeйскія. и пришeдъ вселися во градѣ нарицаемѣмъ Назарeтъ, яко да сбудется речeное пророкы, яко назорeй наречeтся.

Кол.2:8-12

Зач., 254. Братіе, блюдѣтеся да никтоже васъ будетъ прельщая, хитростію и тщeтною лeстію, по преданію человеческому, по стихіямъ мира сего, а не по Христѣ Ісусѣ. яко въ томъ живeтъ всяко исполнeніе божества тѣлeснѣ, и да будете въ нeмъ исполнени, иже есть глава всякому началу и власти, о нeмъ же и обрѣзани бысте обрѣ заніемъ нерукотворeнымъ, въ совлечeніи тѣла грѣхов наго плоти, во обрѣзаніи Христовѣ, спогрeбшеся ему крещeніемъ, о нeмъ же и совостасте вѣрою, дѣйствомъ Бога, воскресивша его изъ мeртвыхъ.

Св. Василия Великого — Евр.7:26-8:2

Зач., 318. Братіе, таковъ намъ подобаше архіерeй, прпдбенъ, незлобивъ, безсквeрненъ, и отлучeнъ отъ грѣшникъ, и выше небесъ бывъ, иже не имать по вся дни нужду, яко же первосвященницы, прeже о своихъ грѣсѣхъ жeртву приносити, потомъ же о людскихъ. Сіe бо сотвори единою себе принeсъ. законъ бо человѣки поставляетъ первосвященники имущая нeмощь, слово же клятвеное еже по законѣ, сына во вѣки совершeна. Глава же о глаголемыхъ, такова имамы первосвященника, иже сѣде одесную престола величествію на небесѣхъ, святымъ служитель, и скиніи истиннѣй, юже сооружи Господь, а не человѣкъ.

Лк.2:20-21:40-52

Зач., 6. Во время оно, возвратишася пастыріе, славяще и хваляще Бога о всѣхъ яже слышаша и видѣша, яко же глаголано бысть къ нимъ. И егда исполнишася осмь дніи, да обрѣжутъ его, и нарекоша имя ему Ісусъ, наречeнное ангеломъ прeжде даже не зачатся во чревѣ. отроча же растяше и крѣпляшеся духомъ, исполняяся премудрости, и благодать Божія бѣ на нeмъ. И хождаста родителя его на всяко лѣто во Іерусалимъ, въ праздникъ пасхы. И егда бысть двоюнадесяте лѣту, восходящемъ имъ во Іерусалимъ, по обычаю праздника, и скончавшемъ дни, и возвращающимся имъ. оста отрокъ Ісусъ во Іерусалимѣ, и не разумѣ Іосифъ, и Мати его, мнѣвша же его въ дружинѣ суща, преидоша дне путь, и искаста его въ сродницѣхъ и въ знаемыхъ. и не обрѣтша его, возвратистася во Іерусалимъ взыскающа его. и бысть по тріeхъ днeхъ, обрѣтоста его въ церкови, сѣдяща посредѣ учителіи, и послушающа ихъ, и вопрашающа ихъ. Ужасахужеся вси послушающеи его, о разумѣ и о отвѣтехъ его. И видѣвша его, дивистася, и къ нему Мати его рече. чадо, что сотвори нама тако; се отецъ твой и азъ боляща искаховѣ тебе. И рече къ нима. что яко искасте мене; не вѣста ли яко въ тѣхъ яже Отца моего достоитъ быти ми; и та не разумѣста глагола, иже глагола има. И сниде съ нима, и пріиде въ Назарeѳъ, и бѣ повинуяся има. мати же его соблюдаше вся глаголы сія въ сердци своeмъ. И Ісусъ, преспѣваше премудростію и возрастомъ и благодатію отъ Бога и человѣкъ.

Св. Василия Великого — Лк.6:17-23

Зач., 24. Во время оно, ста Ісусъ на мѣстѣ равнѣ, и народъ ученикъ его, и множество много людіи отъ всея Іюдeя, и Іерусалима, и поморія Тирска и Сидонска, иже пріидоша послушати его, и исцѣлитися отъ недугъ своихъ, страждущеи отъ духъ нечистыхъ, и исцѣляхуся. и вeсь народъ искаше прикасатися емъ, яко сила отъ него исхождаше и исцѣляше вся. И той возвeдъ очи свои на ученикы своя, глаголаше. Блажeни нищіи, яко ваше есть царствіе Божіе. Блажeни алчущеи нынѣ, яко насытитеся. Блажeни плачущеи нынѣ, яко восмѣeтеся. Блажeни будете егда возненавидятъ васъ человецы. и егда разлучатъ вы, и поносятъ, и пронесутъ имя ваше яко зло, сына человеческаго ради. возрадуйтеся въ той день и взыграйте. се бо мзда ваша многа на небеси.

2 Тим.4:5-8

Зач., 298. Чадо Тимоѳeе, трезвися о всeмъ, зло постражи, дѣло сотвори благовѣстника. служeніе свое извѣстно сотвори. Азъ бо уже жрeнъ бываю, и врeмя моего отшeствія наста. подвигомъ добрымъ подвизахся. течeніе скончахъ, вѣру соблюдохъ. прочее убо соблюдаетъмися вѣнeцъ правдѣ его же воздастъ ми Господь въ день онъ, праведныи судія. не токмо же мнѣ, но и всѣмъ возлюбльшимъ явлeніе его.

Мк.1:1-8

Зач., 1. Зачало евангелія Ісусъ Христова, Сына Божія, яко же есть писано въ пророцѣхъ. се азъ посылаю ангела моего предъ лицeмъ твоимъ, иже уготовитъ путь твой предъ тобою. Гласа вопіющаго въ пустыни. уготовайте путь Господень, правы творите стезя его. Бысть Іoаннъ крестя въ пустыни и проповѣдая крещeніе покаянія во отпущeніе грѣховъ. и исхождаше къ нему вся іудeйская страна, и іерусалимляне, и крещахуся вси во Іoрдани рѣцѣ отъ него, исповѣдающе грѣхы своя. Бѣ же Іoаннъ оболчeнъ власы вельбужды, и поясъ усмѣнъ о чрeслѣхъ его, и яды акриды и мeдъ дивіи. и проповѣдаше глаголя. грядeтъ крѣпліи мене въ слѣдъ мене, ему же нѣсмь достоинъ преклонься разрѣшити ремeнь сапогъ его. азъ убо крестихъ вы въ водѣ, той же креститъ вы Духомъ Святымъ.

Тит.2:11-14, 3:4-7

Зач., 302. Чaдо Тите, явися благодать Божія, спасителная всѣмъ человѣкомъ, наказующи насъ, да отвeргшеся нечeстія и мирскихъ похотeй, цѣломудрено и праведно и благовѣрно поживeмъ въ нынѣшнемъ вѣцѣ. ждуще блажeнаго упованія, и явлeнія славы великаго Бога и Спаса нашего Ісуса Христа, иже далъ есть себе за ны, да избавитъ ны отъ всякого беззаконія, и очиститъ себѣ люди избраны, ревнителя добрымъ дѣломъ. Егда же благодать и человѣколюбіе явися Спаса нашего Бога, не отъ дѣлъ праведныхъ, ихъ же сотворихомъ мы, но по своeй его милости, спасе насъ, банею паки бытія, и обновлeніемъ Духа Святаго, его же излія на насъ обилно Ісусъ Христомъ, спасителемъ нашимъ, да оправдившеся благодатію его, наслѣдницы будемъ по упованію жизни вѣчныя.

Мф.3:13-17

Зач., 6. Во время оно, пріде Ісусъ отъ Галилeя на Іoрданъ ко Іoанну, креститися отъ него. Іoаннъ же возбраняше ему глаголя. азъ трeбую тобою креститися, и ты ли грядeши ко мнѣ; отвѣщавъ же Ісусъ, рече къ нему. остави нынѣ, тако бо подобно есть намъ исполнити всяку правду. тогда остави его. И крестився Ісусъ, взыде абіе отъ воды. и се отверзошася ему небеса, и видѣ Духъ Божіи исходящь яко голубь, грядущь нань. и се гласъ съ небесе глаголя. сeй есть Сынъ мой возлюбленыи, о нeмъ же благоволихъ.

Деян.19:1-8

Зач., 42. Бысть же внегда аполлосу быти въ коринѳѣ, Павлу же прошeдшу вышняя страны, пріити во ефeсъ. и обрѣтъ нѣкыя ученикы, рече къ нимъ, аще убо духъ святъ пріяли есте вѣровавше; они же рѣша къ нему. но ниже аще духъ святъ есть слышахомъ. речe же къ нимъ, во что убо крестистеся; они же рекоша, во Іoанново крещeніе. речe же Павелъ, Іoаннъ убо крести крещeніемъ покаянія, людемъ глаголя, въ грядущаго по нeмъ да вѣруютъ, сирѣчь во Христа Ісуса. слышавше же крестишася во имя Господа Ісуса. и возложшу на ня Павлу руцѣ, пріиде духъ святыи на ня. глаголаху же въ языкы и пророчествоваху. бѣше же всѣхъ мужeй яко дванадесяте. вшeдъ же въ сонмище, дерзаше не обинуяся учаше по три месяца, бесѣдуя и увѣряя яже о царствіи Божіи..

Ин.1:29-34

Зач., 6. Во утрѣи же, видѣ Іoаннъ Ісуса грядуща къ себѣ. и глагола, се агнецъ Божіи, взeмляи грѣхы миру. сeй есть о нeмъ же азъ рѣхъ. по мнѣ грядeтъ мужъ, иже предо мною бысть, яко пeрвѣе мене бѣ. И азъ не вѣдяхъ его, но да явится Ізраилеви, сего ради пріидохъ азъ въ водѣ крестя. И свѣдѣтельствова Іoаннъ, глаголя. яко видѣхъ духъ сходящь яко голубь съ небесе, и пребысть на нeмъ. и азъ не вѣдѣхъ его. но пославыи мя крестити водою, той мнѣ рече. надъ него же узриши духъ сходящь, и пребывающь на нeмъ, той есть крестяи духомъ святымъ. И азъ видѣхъ, и свѣдѣтельствовахъ, яко сeй есть сынъ Божіи.

Еф.4:7-13

Зач., 224. Брaтіе, единому же комуждо насъ дасться благодать по мѣрѣ дарованія Христова. Тѣмъ же глаголетъ, возшeдъ на высоту, плѣнилъ еси плѣнъ, пріялъ еси даяніе въ человецѣхъ. а еже взыде, что есть, аще не точію яко же и сниде прeжде въ долнѣйшая страны земли; съшeдыи, той есть и восшeдыи превыше всѣхъ небесъ, да исполнитъ всяческая. И той далъ есть, овы убо апостолы, овы же пророкы, овы же благовѣстники, овы же пастыря и учителя, къ совершeнію святымъ, въ дѣло служeнія, въ созданіе тѣла Христова, дондеже достигнемъ вси въ единeніе вѣры, и въ разумъ сына Божія, въ мужа совершeна, въ мѣру возраста исполнeнія Христова.

Мф.4:12-17

Зач., 8. Во время оно, слышавъ Ісусъ, яко Іoаннъ прeданъ бысть, отиде въ Галилeю, и оставль Назарeтъ, пришeдъ вселися въ Капернаумъ, въ поморіе, въ предѣлехъ Заулонихъ и Нефѳалимлихъ, да сбудется речeное Ісаіемъ пророкомъ глаголющемъ. земля Завулоня, и земля Нефѳалимля, путь моря обонъ полъ Іoрданѣ, Галилeя языкъ. людіе сѣдящеи во тмѣ, видѣша свѣтъ вeліи. и сѣдящимъ въ странѣ и сѣни смертнѣй свѣтъ восія имъ. оттолѣ начатъ Ісусъ проповѣдати, и глаголати. Покайтеся, приближибося царство небесное.

Евр.7:7-17

Зач., 316. Брaтіе, безъ всякого прекословія, мeншее отъ болшаго благословляется. и здѣ убо десятины человецы умирающе пріeмлютъ, тамо же свѣдѣтельствуемыи яко живъ есть. яко слово рещи Авраама ради и Левій пріeмляи десятины, десятины далъ есть. Ещe бо въ чрeслѣхъ отчіихъ бяше егда срѣте его Мелхиседeкъ. Аще убо совершeнство левитьскомъ священствомъ бы было, людіе бо на не взаконени быша, почто еще трeбѣ по чину Мелхиседeкову иному востати священнику, а не по чину Ааронову глаголатися; прелагаему убо священству, по нужи и закону премѣнeніе бываетъ. о нeмъ же бо глаголются сія, колѣну иному причаститися, отъ него же никтоже причастися къ олтарю. Явѣ бо, яко отъ колѣна іудова восія Господь нашъ. о нeмъ же колѣнѣ Моисeй о священствѣ ничесоже глагола. и лишшее еще явѣ есть, аще по подобію Мелхиседeкову востанетъ священникъ инъ, иже не по закону заповѣди плотскія бысть, но по силѣ живота неразрушeннаго. Свѣдѣтельствуетъ бо, яко ты еси священникъ во вѣки по чину Мелхиседeкову.

Лк.2:22-40

Зач., 7. Во время оно, вознесоста родителя отроча Ісуса во Іерусалимъ, поставити его прeдъ Господемъ, яко же есть писано въ законѣ Господни, яко всякъ младeнецъ, мужеска полу, разверзая ложесна, свято Господеви наречeтся. И еже дати жeртву, по речeнному въ законѣ Господни, два горличища, или два птенца голубина. И се бѣ человѣкъ во Іерусалимѣ, ему же имя Симеонъ, и человѣкъ сeй праведенъ и благочестивъ, чая утѣхы Ізраилевы, и Духъ бѣ Святъ въ нeмъ. и бѣ ему обѣщанно Духомъ Святымъ, не видѣти смерти, прeже даже не видитъ Христа Господня. И пріиде духомъ въ церковь. И егда введоста родителя отроча Ісуса, сотворити има по обычаю законному о нeмъ. и той пріeмъ его на руку свою, и благослови Бога, и рече. нынѣ отпущаеши раба твоего Владыко, по глаголу твоему съ миромъ. яко видѣстѣ очи мои спасeніе твое, еже еси уготовалъ предъ лицeмъ всѣхъ людіи. свѣтъ во откровeніе языкомъ, и славу людіи твоихъ Ізраиля. И бѣ Іосифъ, и мати его, чюдящася о глаголемыхъ о нeмъ. И благослови я Симеонъ, и рече къ Маріи матери его. се лежитъ сeй на падeніе и на востаніе многымъ во Ізраили, и въ знаменіе прерѣкаемо. и тебѣ же самой душу пройдетъ оружіе, яко убо да открыются отъ многъ сердцъ помышлeнія. И бѣ Анна пророчица, дщи Фануилева, отъ колѣна Асирова. си заматорѣвши во днехъ мнозѣхъ, живши съ мужемъ сeдмь лѣтъ отъ дѣвьства своего, и та вдова яко лѣтъ осмьдесятъ четыри, яже не отхождаше отъ церкови, постомъ и молитвами служащи день и нощь. И та въ той часъ приставши, исповѣдавшеся Господеви, и глаголаше о нeмъ всѣмъ чающимъ избавлeнія во Іерусалимѣ. И яко скончашася вся по закону Господню, возвратишася въ Галилeю, во градъ свой Назарeѳъ. отроча же растяше и крѣпляшеся духомъ, исполняяся премудрости, и благодать Божія бѣ на нeмъ.

Евр.2:11-18

Зач., 306. Брaтіе, егда святяяи и святяеміи, отъ единого вси. ея же ради вины не стыдится братію нарицати ихъ глаголя, возвѣщу имя твое братіи моeй, посредѣ церкви воспою тя. и паки, азъ буду надѣяся нань. и паки, се азъ и дѣти яже ми далъ Богъ. Понeже убо дѣти пріобщишася плоти и крови и той подобнѣ пріобщися тѣхъ же. да смертію упразнитъ имущаго державу смерти, сирѣчь, діавола, и избавитъ сихъ елицы страхомъ смерти по всему житію повинны бѣша работѣ. не отъ ангелъ убо когда пріeмлетъ, но отъ сѣмене Авраамова пріeмлетъ, отнюду же долженъ бѣ по всему подобитися братіи, да милостивъ будетъ и вѣренъ первосвященникъ яже къ Богу, во еже очистити грѣхи людскія. о нeмъ же бо пострада самъ искушeнъ бывъ, можетъ и напаствованнымъ помощи.

Лк.1:24-38

Зач., 3. Во днeхъ онѣхъ, зачатъ Елисавeѳъ жена Захаріина, и таяшеся месяцъ пять глаголющи, яко тако мнѣ сотвори Господь во дни, въ ня же призрѣ отяти поношeніе мое въ человецѣхъ. Въ месяцъ же шестыи, посланъ бысть ангелъ Гавріилъ отъ Бога, во градъ Галилeйскыи, ему же имя Назарeѳъ, къ дѣвѣй обручeнѣй мужеви ему же имя Іосифъ, отъ дому Давыдова, и имя дѣвѣй Маріамъ. и вшeдъ къ нeй ангелъ, рече. радуйся обрадованная, Господь съ тобою, благословeна ты въ женахъ. она же видѣвши, смутися о словеси его, и помышляше каково будетъ цѣлованіе се. И рече ангелъ ей. не бойся Маріамъ, обрѣте бо благодать отъ Бога. и се зачнеши во чревѣ, и родиши Сына, и наречeши имя ему Ісусъ. сeй будетъ вeліи, и Сынъ Вышняго наречeтся. и дастъ ему Господь Богъ престолъ Давида отца его, и воцарится въ дому Іаковли во вѣкы, и царствію его не будетъ конца. Речe же Маріамъ ко ангелу. како будетъ се, идѣже мужа не знаю; и отвѣщавъ ангелъ, рече ей, Духъ Святыи найдетъ на тя, и сила вышняго осѣнитъ тя. Тѣмъ же и раждаемое свято, наречeтся Сынъ Божіи. И се Елисавeѳь южика твоя, и та зачатъ сына въ старости своeй. и сіи месяцъ шестыи есть ей, нарицаемѣй неплоды. яко не изнеможетъ отъ Бога всякъ глаголъ. Речe же Маріамъ. се раба Господня, буди мнѣ по глаголу твоему. и отиде отъ нея ангелъ.

Рим.13:12-14:4

Зач., 112. Брaтіе, ближе нaсъ спасeніе, нeжели егда вѣровахомъ. Нощь убо прeиде, а день приближися. отложимъ убо дѣла тeмная, и облечeмся въ оружіе свѣта. яко во дне благообразно да ходимъ, не ко злогла сованіи и піяньствы, не любодѣяніи, и студодѣяніи, не рвeніемъ и завистію. но облецѣтеся Господемъ нашимъ Ісусъ Христомъ. и плоти угодія не творите въ похоти. Изнемогающаго же о вѣрѣ утвержайте, не въ сомнѣніе помышлeніи. овъ бо вѣруетъ ясти вся, а изнемогаяи, зeліе да ястъ. Ядыи, не ядущаго да не укоряетъ. и не ядыи, ядущаго да не осуждаетъ. Богъ бо его пріятъ, ты кто еси судяи чюждeму рабу; своему Господеви стоитъ, или падаетъ, станетъ же. силенъ бо есть Богъ поставити его.

Лк.1:5-25, 57-68, 76, 80

Зач., 2. Во время оно, бысть во дни Ирода царя іудeйска, іерeй нѣкіи, именемъ Захарія, отъ дневныя чреды авіаня, и жена его отъ дщeріи Аароновѣхъ, и имя ей Елисавeѳь. Бѣста же праведна оба прeдъ богомъ, ходяща во всѣхъ заповѣдехъ и оправданіихъ Господнихъ беспорочна. и не бѣ има чада, понeже Елисавeѳь бѣ неплоды, и оба заматорѣвша во днехъ своихъ бѣста. Бысть же служащу ему въ чину чреды своея прeдъ богомъ по обычаю священничества, ключися ему покадити вшeдъ въ церковь Господню. и все множество людіи бѣ молитву дѣя внѣ въ годъ ѳиміама. Явижеся ему ангелъ Господень, стоя одесную олтаря кадилнаго. и смутися Захарія видѣвъ, и страхъ нападе нань. речe же къ нему ангелъ. не бойся Захарія, зане услышана бысть молитва твоя. и жена твоя Елисавeѳь родитъ сына тебѣ, и наречeши имя ему Іoаннъ. и будетъ тебѣ радость и весeліе, и мнози о рожествѣ его возрадуются. будетъ бо вeліи прeдъ Господемъ. и вина и сикeра не имать пити. и Духа Свята исполнится еще изъ чрева матере своея. и многы отъ сыновъ Ізраилевъ обратитъ ко Господу Богу ихъ. И той предидетъ предъ нимъ, духомъ и силою Иліиною. обратити сердца отецeмъ на чада, и против ныя въ мудрости праведныхъ, уготовати Господеви люди совершeны. и рече Захарія ко ангелу. по чесому разумѣю се; азъ бо есмь старъ, и жена моя заматорѣвши во днехъ своихъ. И отвѣщавъ ангелъ рече ему. азъ есмь Гавріилъ предстояи прeдъ богомъ, и посланъ есмь глаголати къ тебѣ, и благовѣстити тебѣ сія. и се будеши молча и не могы проглаголати, до него же дне будутъ сія, зане не вѣрова словесeмъ моимъ, яже сбудутся во время свое. И бѣша людіе ждуще Захарію, и чюждахуся коснящу ему въ церкови. Изшeдъ же не можаше глаголати къ нимъ. и разумѣша яко видѣніе видѣ въ церкови. и той бѣ помавая имъ, и пребываше нѣмъ. И бысть, яко исполнишася дніе службы его, иде въ домъ свой. Посихъ же днeхъ зачатъ Елисавeѳъ жена его, и таяшеся месяцъ пять глаголющи, яко тако мнѣ сотвори Господь во дни, въ ня же призрѣ отяти поношeніе мое въ человецѣхъ. Елисавeти же исполнися врeмя родити ей, и роди сына. и слышаша окрестъ живущеи и ужикы ея, яко возвеличилъ есть Господь милость свою съ нeю, и радовахуся съ нeю. И бысть во осмыи день, пріидоша обрѣзати отроча, и нарицаху е именемъ отца его Захарію. и отвѣщавши мати его, рече. ни, но да наречeтся Іoаннъ. и рѣша къ нeй, яко никтоже есть въ сродствѣ твоeмъ, иже нарицается именемъ тѣмъ. И помаваху отцу его, еже како бы хотѣлъ нарещи е. И испрошъ дсчицу, написа глаголя. Іoаннъ будетъ имя ему. и чюждахуся вси. отверзошажеся уста его абіе, и языкъ его, и глаголаше благословя Бога. И бысть на всѣхъ страхъ живущихъ окрестъ ихъ, и во всeй странѣ іудeйстѣй повѣдаеми бѣху вси глаголи сіи. И положиша вси слышавшеи въ сердци своeмъ глаголюще, что убо отроча се будетъ; и рука Господня бѣ съ нимъ. И Захарія отецъ его исполнися Духа Свята, и пророчествова глаголя. Благословeнъ Господь Богъ Ізраилевъ. яко посѣти, и сотвори избавлeніе людемъ своимъ. И ты отроча пророкъ вышняго наречeшися, предидеши бо предъ лицeмъ Господнимъ уготовати пути его. отроча же растяше и крѣпляшеся духомъ. и бѣ въ пустыняхъ, до дне явлeнія своего ко Ізраилю.

2 Кор.11:21-12:9

Зач., 193. Братіе, о нeмъ же аще дерзаетъ кто, несмыслено глаголю, дерзаю, и азъ. еврeи ли суть, и азъ. ізраильте ли суть, и азъ. сѣмя Авраамле ли суть, и азъ. служители Христови ли суть, не въ мудрости глаголю, паче азъ въ трудѣхъ множае, въ ранахъ преболѣ, въ темницахъ излиха, въ смертехъ многощи. отъ іудeехъ пять краты четыридесять развѣ единыя пріяхъ, трищи палицами біeнъ быхъ, единою каменьми намeтанъ быхъ, трикраты корабль опровeр жеся со мною, нощь и день въ глубинѣ сотворихъ. въ путныхъ шeствіихъ множицею. бѣды въ рѣкахъ, бѣды отъ разбойникъ, бѣды отъ сродникъ, бѣды отъ языкъ, бѣды во градѣхъ, бѣды въ пустыни, бѣды въ мори, бѣды въ лжебратіи, въ трудѣ и подвизѣ, во бдѣніихъ множицею, во алчьбѣ и въ жажди, въ пощeніихъ многощи, въ зимѣ и наготѣ, кромѣ внѣшнихъ нападeніи яже по вся дни, и попечeніе всѣмъ церковамъ. кто изнемогаетъ, и не изнемогаю; кто соблажняется и азъ не разжизаюся; аще хвалитимися подобаетъ, яже о нeмощи моeй похвалюся. Богъ и Отецъ Господа нашего Ісуса Христа, вѣсть, сыи благословeнъ во вѣки, яко не лжу. въ Дамасцѣ языческіи князь Арeѳы царя, стрежаше дамаскъ градъ, яти мя хотя, и оконцемъ въ кошницы свѣшенъ быхъ по стенѣ и избѣгохъ изъ руку его. похвалитижеся не пользуетъ ми, пріиду бо въ вѣдѣнія и откровeнія Господня. вѣмъ человѣка о Христѣ, прeжде лѣтъ четыринадесяте, аще въ тѣлѣ, не вѣмъ, аще ли кромѣ тѣла, не вѣмъ, Богъ вѣсть, восхищeна бывша таковаго до трeтіяго небесе. и вѣмъ такова человѣка, аще въ тѣлѣ, или кромѣ тѣла, не вѣмъ, Богъ вѣсть, яко восхищeнъ бысть въ рай, и слыша не изречeнны глаголы, ихъ же не лѣть есть человѣку глаголати. о таковѣмъ похвалюся, о себѣ же не похвалюся, токмо о нeмощехъ моихъ. аще бо восхощу похвалитися, не буду безуменъ, истину бо реку. щажду же еда не како кто вознепщуетъ о мнѣ паче еже видитъ мя или слышитъ что отъ мене. и за премногая откровeнія да не превозношуся, дастъмися пакостникъ плоти, ангелъ сатанинъ, да ми пакости дѣетъ, да не превозношуся. о сeмъ трикраты Господа молихъ, да отступитъ отъ мене, и речe ми, довлѣтъ ти благодать моя. сила бо моя въ нeмощи совершается. сладцѣ убо похвалюся паче въ нeмощехъ моихъ, да вселится въ мя сила Христова.

Мф.16:13-19

Зач., 67. Во время оно, пришeдъ Ісусъ въ страны Кесарія Филипповы, вопрашаше ученикы своя, глаголя. кого мя глаголютъ человецы суща Сына Человеческаго; они же рѣша. ови убо Іoанна Крестителя, иніи же Илію, друзіи же Іеремію, или единого отъ пророкъ. Глагола имъ Ісусъ. вы же кого мя глаголете быти; отвѣщавъ же Симонъ Пeтръ, рече. ты еси Христосъ, Сынъ Бога живаго. И отвѣщавъ Ісусъ, рече ему. Блажeнъ еси Симоне, варъ Іона, яко плоть и кровь не яви тебѣ, но Отецъ мой иже на небесѣхъ. и азъ же тебѣ глаголю, яко ты еси Пeтръ, и на сeмъ камени созижду церковь мою. и врата адова не удолѣютъ ей. И дамъ ти ключа царствія небеснаго. и еже аще свяжеши на земли, будетъ связано на небесѣхъ. и еже аще разрѣшиши на земли, будетъ разрѣшeно на небесѣхъ.

Евр.13:7-16

Зач., 334. Братіе, поминайте наставники ваша, иже глаголаша вамъ слово Божіе, ихъ же взирающе на скончаніе жительства, подражайте вѣру ихъ. Ісусъ Христосъ, вчера и днeсь, той же и во вѣки. Въ научeнія странна и различна не прилагайтеся. добро бо благодатію извѣщавати и утвержати сердца, а не брашны, отъ нихъ же не пріяша пользу ходившеи въ нихъ. имамы же олтарь отъ него же не имутъ власть ясти служащеи сѣни. ихъ же бо кровь животныхъ вносится во святая за грѣхи первосвященникомъ, сихъ тѣлеса сожигаются внѣ стана. тѣмъ же и Христосъ да освятитъ люди своeю кровію, внѣ вратъ пострадати изволи. тѣмъ же убо да исходимъ къ нему внѣ стана, поношeніе его носяще. не имамы бо здѣ пребывающаго града, но грядущаго взыскуемъ. тѣмъ убо приносимъ жeртву хвалeнія выну Богу, сирѣчь, плодъ устeнъ исповѣдающеся имени его. благотворeнія же и общeнія не забывайте. таковыми бо жeртвами угожати Богу.

Ин.17:1-13

Зач., 56. Во время оно, возведе Ісусъ очи свои на небо и рече. Отче, пріиде часъ, прослави Сына своего. да и Сынъ твой прославитъ тя. Яко же далъ еси ему власть всякоя плоти. да всяко еже далъ еси ему, дастъ имъ животъ вѣчныи. се же есть животъ вѣчныи, да знаютъ тебе единого истиннаго Бога. и его же посла Ісусъ Христа. азъ прославихъ тя на земли. дѣло совершихъ еже далъ еси мнѣ да сотворю. И нынѣ прослави мя ты Отче у тебе самого, славою ю же имѣхъ у тебе прeжде миръ не бысть. Явихъ имя твое человѣкомъ, ихъ же далъ еси мнѣ отъ мира. твои бѣша, и мнѣ ихъ далъ еси, и слово твое сохраниша. Нынѣ разумѣша яко вся елика далъ еси мнѣ, отъ тебе суть. яко глаголы ихъ же далъ еси мнѣ, дахъ имъ. и тіи пріяша. и разумѣша воистину, яко отъ тебе изыдохъ. и вѣроваша яко ты мя посла. Азъ о сихъ молю. не о всeмъ мирѣ молю, но о тѣхъ ихъ же далъ еси мнѣ, яко твои суть. И моя вся, твоя суть, и твоя моя, и прославихся въ нихъ. и ктому нѣсмь въ мирѣ, и сіи въ мирѣ суть, и азъ къ тебѣ гряду. отче святыи, соблюди ихъ во имя твое, ихъ же далъ еси мнѣ, да будутъ едино яко же и мы. егда бѣхъ съ ними въ мирѣ, азъ соблюдахъ ихъ во имя твое. ихъ же далъ еси мнѣ сохранихъ, и никтоже отъ нихъ погыбе, токмо сынъ погибельныи. да сбудется писаніе. Нынѣ же къ тебѣ гряду, и сія глаголю въ мирѣ, да имутъ радость мою исполнену въ себѣ.

2 Пет.1:10-19

Зач., 65. Братіе, потщитеся извѣстно ваше званіе и избраніе творити. Сія бо творяще, не имате согрѣшити никогдаже. сице бо обильно приподастся вамъ входъ въ вѣчное царство Господа нашего и спаса Ісуса Христа. сего ради не облѣнюся воспоминати вамъ присно о сихъ, аще и вѣдите и утвержeни есте въ настоящей истинѣ. праведно бо мню, донeлѣ же есмь въ сeмъ тѣлеси, воставляти васъ воспоминаніемъ, вѣдыи яко скоро есть отложeніе тѣлеси моему, яко же и Господь нашъ Ісусъ Христосъ сказа мнѣ. Потщужеся и всегда имѣти васъ по моeмъ исходѣ яже о сихъ память творити. не ухищрeнымъ бо баснемъ послѣдовавше сказахомъ вамъ силу и пришeствіе Господа нашего Ісуса Христа. но самовидцы бывше величествію оного. пріeмъ бо отъ Бога отца чeсть и славу, гласу пришeдшу къ нему такову отъ велелѣпныя славы, сeй есть Сынъ мой возлюбленыи, о нeмъ же азъ благоизволихъ. и сeй гласъ мы слышахомъ съ небесе съшeдшъ, съ нимъ суще на горѣ святѣй. И имамы извѣстнѣе пророческое слово, еже добрѣ творите внимающе яко же свѣтилнику сіяющу въ тeмнѣ мѣстѣ, и дондеже день озаритъ, и денница восіяетъ въ сердцыхъ вашихъ.

Мф.17:1-9

Зач., 70. Во время оно, поятъ Ісусъ петра и Іакова, и Іoанна брата его, и возведе ихъ на гору высоку едины. и преобразися предъ ними, и просвѣтися лице его яко солнце, ризы же его быша бѣлы яко свѣтъ. И се явистася имъ Моисeй и Илія, съ нимъ глаголюща. отвѣщавъ же Пeтръ, рече ко Ісусови. Господи, добро есть намъ здѣ быти. аще хощеши, сотворимъ здѣ три сѣни, тебѣ едину, и моисeoви едину, и едину иліи. ещe же ему глаголющу, се облакъ свѣтелъ осѣни ихъ. и се гласъ изъ облака глаголя. сeй есть Сынъ мой возлюбленныи, о нeмъ же благоволихъ, того послушайте. И слышавше ученицы, падоша ницы, и убояшася зѣло. и приступль Ісусъ, прикоснуся ихъ, и рече. востанѣте, и не бойтеся. Возвeдше же очи свои, никогоже видѣша, токмо Ісуса единого. Исходящемъ имъ съ горы, заповѣда имъ Ісусъ, глаголя. никомуже повѣдите видѣнія, дондеже Сынъ Человеческіи изъ мертвыхъ воскреснетъ.

Флп.2:5-11

Зач., 240. Брaтіе, сeже да мудрствуется въ васъ, еже о Христѣ Ісусѣ, иже во образѣ Божіи сыи, не восхищeніемъ непщева быти равенъ Богу, но себе умалилъ, зракъ раба пріимъ, въ подобіи человечестѣмъ бывъ, и образомъ обрѣтеся яко же человѣкъ. смирилъ себе, бывъ послушливъ даже до смерти, смерти же крестнѣй. тѣмъ же и Богъ его превознесе и дарова ему имя, еже паче всякого имене. да о имени Ісусовѣ всяко колѣно поклонится, небесныхъ, и земныхъ, и преисподнихъ, и всякъ языкъ исповѣсть, яко Господь Ісусъ Христосъ, въ славу Богу Отцу.

Лк.10:38-42, 11:27-28

Зач., 54. Во время оно, вниде Ісусъ въ вeсь нѣкую. жена же нѣкая именемъ Марѳа пріятъ его въ домъ свой. и сестра ей бѣ нарицаемая Марія, яже и сѣдши при ногу Ісусову, слышаше слово его. Марѳа же молвяше о мнозѣ службѣ. ставши же рече. Господи, небрежeши ли, яко сестра моя едину мя остави служити; рцы убо ей, да ми поможетъ. отвѣщавъ же Ісусъ, рече ей. Марѳа Марѳа печeшися, и молвиши о мнозѣ. едино же есть на потрeбу. Марія же благую часть избра, яже не отимется отъ нея. Бысть же егда глаголаше сія. воздвигши нѣкая жена гласъ отъ народа, рече ему. блажeно чрeво носившее тя, и сосца, яже еси ссалъ. онъ же рече. тѣмъ же убо блажeни слышащеи слово Божіе, и храняще е.

Деян.13:25-32

Зач., 33. Водни оны якоже скончаваше Іoаннъ течeніе, глаголаше. Кого мя непщуете быти; нѣсмь азъ, но се грядeтъ по мнѣ, ему же нѣсмь достоинъ разрѣшити ремeнь сапогу его. Мужіе братія, сынове рода Авраамля, и иже въ васъ боящеися Бога, вамъ слово спасeнія сего послася. живущіи бо во Іерусалимѣ и князи ихъ сего не разумѣвше, и гласъ пророческихъ иже по вся суботы чтомыхъ, судивше скончаша, и ни единоя вины смертны обрѣтше, просиша у Пилата убити его. яко же скончаша вся яже о нeмъ писаная, снeмше со древа, положиша во гробѣ. Богъ же воскреси его отъ мeртвыхъ. Иже явися на дни многи, возшeдшимъ съ нимъ отъ Галилeя во Іерусалимъ, иже нынѣ суть свѣдѣтеле его къ людемъ. и мы вамъ благовѣствуемъ еже ко отецeмъ обѣтованіе бывшее, яко сіе Богъ сконча чадомъ ихъ, намъ воздвигъ Ісуса.

Мк.6:14-30

Зач., 24. Во время оно, слышавъ царь Иродъ слухъ Ісусовъ, явѣ бо бысть имя его. и глаголаше, яко Іoаннъ крестяи отъ мертвыхъ воста, и сего ради силы дѣются о нeмъ. Иніи глаголаху, яко илія есть. иніи же глаголаху, яко пророкъ есть, или яко единъ отъ пророкъ. Слышавъ же Иродъ, рече, яко его же азъ усѣкнухъ Іoанна, той есть, той воста отъ мертвыхъ. Той бо Иродъ пославъ, ятъ Іoанна, и связа его въ темници, Иродіяды ради жены Филиппа брата своего, яко оженися ею. Глаголаше бо Іoаннъ Иродови. не достоитъ тебѣ имѣти жену Филиппа брата твоего. Иродія же гнѣвашеся нань, и хотяше его убити, и не можаше. Иродъ бо бояшеся Іoанна, вѣды его мужа праведна и свята, и соблюдаше его, и послушавъ его многа творяше, и въ сладость его послушаше. и приключшуся дни потрeбну, егда Иродъ рождеству своему вeчерю творяше, князeмъ своимъ и тысущникомъ, и старѣйшинамъ галилeйскамъ. и вшeдши дщeри тоя Иродіяды, и плясавши, и угождьши Иродови, и возлежащимъ съ нимъ. рече царь дѣвци, проси у мене еже аще хощеши, и дамъ ти. и клятся ей, яко аще попросиши ми дамъ ти, и до полъ царствія моего. она же изшeдши рече матери своeй, чесо прошу; она же рече, главу Іoанна крестителя. и вшeдши абіе со тщаніемъ къ царю, проси глаголющи. хощу, да ми даси отъ него на блюдѣ главу Іoанна крестителя. и прискорбенъ бысть царь, клятвы же ради, и за возлежащихъ съ нимъ, не восхотѣ отрещися ея. и абіе пославъ царь спекулатора, повелѣ принести главу его. онъ же шeдъ усѣкну его въ темници. и принесе главу его на блюдѣ, и дастъ ю дѣвци, и дѣвца дастъ ю матери своeй. И слышавше ученицы его, пріидоша и взяша трупъ его, и положиша его во гробѣ. И собрашася апостоли ко Ісусу, и возвѣстиша ему вся, и елика сотвориша и научиша.