Всемогій и вѣчный Боже, иже хощеши, да вси человѣцы спасутся и въ познаніе истины пріидутъ,
Ты, егоже Духъ освящаетъ и управляетъ всѣмъ Тѣломъ Святыя Церкве,
Ты, благоволивый да всяка благодать спасенія подается роду человѣческому чрезъ Посредницу и Ходатаицу Пресвятую
Богородицу и Приснодѣву Марію,
смиренно Тя молимъ, предстательствомъ Ея, призри на нужды Своея Церкве и излій на избранныя Твоя обилье Твоея благодати.
Да возсіяетъ въ нихъ твердость вѣры, чистота любве и миръ неложный.
Да утвердится слово ихъ и проповѣдь не въ хитрословесней человѣческой премудрости, но въ явленіи Духа и силы Божія.
Да, неутомими во внѣшнихъ трудехъ, сохранятъ въ себѣ ревность духа; да ненавидятъ гордыню, да любятъ смиреніе и
истину, никогда не предающе ея ни лукавствомъ похвалъ, ни страха ради.
Да не почитаютъ тьму свѣтомъ и свѣтъ тьмою; да не именуютъ зло добромъ и добро зломъ.
Да послужатъ премудрымъ и буимъ, ученымъ и невѣждомъ, да вси воспріимутъ плодъ преуспѣянія.
Умножи надъ ними Твое благословеніе и Твою благодать, да, исполнени Твоимъ даромъ благочестія, во всякое время
благоплодно умоляютъ Твое Божественное милосердіе.
Господемъ нашимъ Ісусомъ Христомъ, Сыномъ Твоимъ, иже съ Тобою живетъ и царствуетъ въ единствѣ Духа Святаго,
Богъ, во вѣки вѣковъ. Аминь.
℣. Святый Піе X.
℟. Моли Бога о насъ.