Catechismus Catholicus Petri Cardinalis Gasparri

Præcipua omnibus scitu necessaria vel valde utilia

epub mobi

I. — Signum Sanctæ Crucis.

✝ In nomine Patris et Filii et Spiritus Sancti. Amen.

II. — Oratio dominica.

Pater noster qui es in cælis,

sanctificetur nomen tuum,

adveniat regnum tuum,

fiat voluntas tua sicut in cælo et in terra.

Panem nostrum quotidianum da nobis hodie;

et dimitte nobis debita nostra, sicut et nos dimittimus debitoribus nostris,

et ne nos inducas in tentationem,

sed libera nos a malo. Amen.

III. — Salutatio angelica.

Ave, Maria, gratia plena, Dominus tecum; benedicta tu in mulieribus, et benedictus fructus ventris tui, Iesus.

Sancta Maria, mater Dei, ora pro nobis peccatoribus, nunc et in hora mortis nostræ. Amen.

IV. — Symbolum Apostolorum.

1° Credo in Deum Patrem omnipotentem, creatorem cæli et terræ;

2° et in Iesum Christum, Filium eius unicum, Dominum nostrum;

3° qui conceptus est de Spiritu Sancto, natus ex Maria Virgine;

4° passus sub Pontio Pilato, crucifixus, mortuus et sepultus;

5° descendit ad inferos; tertia die resurrexit a mortuis;

6° ascendit ad cælos, sedet ad dexteram Dei Patris omnipotentis;

7° inde venturus est iudicare vivos et mortuos.

8° Credo in Spiritum Sanctum;

9° sanctam Ecclesiam catholicam, Sanctorum communionem;

10° remissionem peccatorum;

11° carnis resurrectionem;

12° vitam æternam. Amen.

V. — Salve Regina.

Salve, Regina, mater misericordiæ; vita, dulcedo et spes nostra, salve. Ad te clamamus, exsules filii Hevæ. Ad te suspiramus gementes et flentes in hac lacrimarum valle. Eia ergo, advocata nostra, illos tuos misericordes oculos ad nos converte. Et Iesum, benedictum fructum ventris tui, nobis post hoc exsilium ostende. O clemens, o pia, o dulcis Virgo Maria.

VI. — Doxologia in honorem Sanctissimæ Trinitatis.

Gloria Patri et Filio et Spiritui Sancto, sicut erat in principio et nunc et semper et in sæcula sæculorum. Amen.

VII. — Oratio ad Angelum custodem.

Angele Dei, qui custos es mei, me, tibi commissum pietate superna, illumina, custodi, rege et guberna. Amen.

VIII. — Oratio pro fidelibus defunctis.

Requiem æternam dona eis, Domine, et lux perpetua luceat eis. Requiescant in pace. Amen.

IX. — Præcipua Fidei mysteria.

1° Mysterium unius Dei in tribus distinctis Personis, Patre, Filio et Spiritu Sancto;

2° mysterium humanæ Redemptionis per incarnationem, passionem et mortem Domini Nostri Iesu Christi, Filii Dei.

X. — Decalogus seu Dei mandata.

Ego sum Dominus Deus tuus:

1° non habebis deos alios coram me;

2° non assumes nomen Domini Dei tui in vanum;

3° memento ut dies festos sanctifices;

4° honora patrem tuum et matrem tuam;

5° non occides;

6° non mœchaberis;

7° non furtum facies;

8° non loqueris contra proximum tuum falsum testimonium;

9° non desiderabis uxorem eius;

10° non concupisces eius bona.

XI. — Præcepta Ecclesiæ.

1° Diebus dominicis aliisque festis de præcepto Missam audire et ab operibus servilibus vacare;

2° diebus ab Ecclesia statutis ab esu carnium abstinere et ieiunium servare;

3° peccata saltem semel in anno confiteri;

4° Eucharistiæ sacramentum saltem in Paschate recipere;

5° Ecclesiæ clerique necessitatibus subvenire.

XII. — Sacramenta.

1° Baptismus;

2° Confirmatio;

3° Eucharistia;

4° Pœnitentia;

5° Extrema Unctio;

6° Ordo;

7° Matrimonium.

XIII. — Actus Fidei.

Deus meus, firmiter credo Te esse unum Deum in tribus distinctis Personis, Patre, Filio et Spiritu Sancto; et Filium propter nostram salutem incarnatum, passum et mortuum esse, resurrexisse a mortuis, et unicuique pro meritis retribuere aut præmium in Paradiso aut pœnam in Inferno. Hæc ceteraque omnia quæ credit et docet catholica Ecclesia, credo quia Tu ea revelasti, qui nec ipse falli nec nos fallere potes.

XIV. — Actus Spei.

Deus meus, cum sis omnipotens, infinite misericors et fidelis, spero Te mihi daturum, ob merita Iesu Christi, vitam æternam et gratias necessarias ad eam consequendam, quam Tu promisisti iis qui bona opera facient, quemadmodum, Te adiuvante, facere constituo.

XV. — Actus Caritatis.

Deus meus, ex toto corde amo Te super omnia, quia es infinite bonus et infinite amabilis; et ob amorem Tui proximum meum diligo sicut meipsum, eique, si quid in me offendit, ignosco.

XVI. — Actus Contritionis.

Deus meus, ex toto corde pœnitet me omnium meorum peccatorum, eaque detestor, quia peccando, non solum pœnas a Te iuste statutas promeritus sumi sed præsertim quia offendi Te, summum bonum, ac dignum qui super omnia diligaris. Ideo firmiter propono, adiuvante gratia Tua, de cetero me non peccaturum peccandique occasiones proximas fugiturum.

XVII. — Mysteria Sacratissimi Rosarii.

Mysteria gaudiorum.

1° B. Maria Virgo ab Angelo salutatur.

2° B. Maria Virgo Elisabeth visitat.

3° Iesus Christus in Bethlehem nascitur.

4° Iesus infans in templo præsentatur.

5° Iesus puer in templo inter doctores invenitur.

Mysteria dolorum.

1° Iesus Christus, in horto orans, sanguinem sudat.

2° Iesus Christus ad columnam flagellis cæditur.

3° Iesus Christus spinis coronatur.

4° Iesus Christus, morte condemnatus, Calvariæ locum, crucem baiulans, petit.

5° Iesus Christus, cruci affixus, coram Matre sua moritur.

Mysteria gloriæ.

1° Resurrectio Iesu Christi.

2° Ascensio Iesu Christi.

3° Spiritus Sancti supra beatam Mariam Virginem et discipulos descensus.

4° Assumptio beatæ Mariæ Virginis in cælum.

5° Beatæ Mariæ Virginis coronatio itemque Angelorum et Sanctorum gloria.

Salve Regina.

Salve, Regina, mater misericordiæ....

Litaniæ Lauretanæ.

Kyrie, eleison.

Christe, eleison...