St. Škutāns, M.I.C.

Katōļticeibas vēsture un katekisms

DASMYTAIS „ES TYCU“ PUNKTS

„Grāku atlaisšonu.“

1. Kū myusus mōca dasmytais „Es tycu“ gobols?

Tys myusus mōca, ka katōļu Bazneicā, caur Kristus nupalnim, mes varim dabōt grāku pīdušonu un strōpu atlaisšonu par tim.

„Lai slavāts Dīvs myusu Kunga Jezus Kristus Tāvs ... tymā mums pesteišona caur Jō asni, grāku pīdūšona saskaņā ar Jō žēlesteibas bogōteibu“ (Ef. 1:3., 7).

2. Kaidi grāki var byut pīdūti katōļu Bazneicā?

Vysi grāki, bez kaida izjāmuma.

3. Kas grēcinīkam ir jōdora, lai sajimtu grāku pīdūšonu?

1. Jam nūpītni ir jōnūžālōj, kai Kristus soka: „Jo jyus par grākim nagondarēsit, vysi taipat aizīsit būjā“ (Lk. 13:3) un 2. cīneigi ir jōpījam grāku pīdūšonai Kristus īstōdeitī sakramenti.

4. Kaidus sakramentus grāku pīdūšonai Kristus ir īstōdejis?

Tam nūlyukam Kristus ir īstōdejis kristeibas un gondareišonas (paenitentiae) sakramentus.

5. Kam ir vara atlaist grākus gondareišonas sakramentā?

Taida vara ir katōļu Bazneicas veiskupim un jūs pylnvarōtim prīsterim, jo tikai jim Kristus ir sacejis: „Kam jyus grākus pīdūsit, tim tī byus pīdūti“ (Jņ. 20:23).

NB: Mums sirsneigi ir jōpasateic Dīvam par apsūleišonu atlaist grākus gondareišonas sakramentā. Lai labprōt un bīži izmontōjam šū žēlesteibu, vīnmār ryupeigi uz tū sasagatavojūt, lai ari uz ik kotru nu mums Kristus varatu pasaceit: „Uzatic, dals, (meita), tovi grāki tev pīdūti“ (Mt. 9:2).