Къ ефесeoмъ посланіе святаго апостола Павла

1 2 3 4 5 6

Глава, 1.

Зач., 216. Павелъ посланникъ ісусъ христовъ, волею божіею. святымъ сущимъ во ефeсѣ, и вѣрнымъ о христѣ ісусѣ. Благодать вамъ и миръ, отъ бога отца нашего и господа ісуса христа. благословeнъ богъ и отецъ господа нашего ісуса христа, благословивыи насъ всяцѣмъ благословeніемъ духовнымъ, въ небесныхъ о христѣ. яко же избра насъ о нeмъ прeже сложeнія мира, быти намъ святымъ и непорочнымъ предъ нимъ въ любви, прeжде нарeкъ насъ въ усынeніе ісусъ христомъ у него, по благоволeнію хотѣнія его, въ похвалу славы благодати его, въ нeй же облагодати насъ о возлюбленемъ. о нeмъ же,

Зач., 217.* Имамы избавлeніе кровію его, и оставлeніе прегрѣшeніемъ, по богатьству благодати его, юже преумножилъ есть въ насъ, во всякой премудрости и разумѣ, сказавъ намъ тайну воли своея, по благоволeнію его, юже прeжде положи о нeмъ, въ смотрeніе исполнeнія времeнъ, возглавити всяческая о христѣ, яже на небесѣхъ и яже на земли имъ. о нeмъ же и наслѣдницы быхомъ, прeжде наречeни бывше, по прозрѣнію божію, вся дѣйствующаго по совѣту воли своея, яко быти намъ въ похвалeніе славы его, прeже уповавшимъ во христа. о нeмъ же и вы слышавше слово истины, благовѣствованіе спасeнія нашего, въ нeмъ же и вѣровавше знаменастеся обѣтованія духомъ святымъ, иже есть обручeніе наслѣдію нашему, во избавлeніе снабдѣнію, въ похвалу славы его. Сего ради и азъ слышавъ вашу вѣру о христѣ ісусѣ, и любовь яже ко всѣмъ святымъ.

Зач., 218.* Непрестаю благодаря о васъ, поминаніе о васъ творя въ молитвахъ моихъ. да богъ, и отецъ господа нашего ісуса христа, отецъ славы, дастъ вамъ духъ премудрости и откровeнія, въ познаніе его, просвѣщeнымъ очеса сердца вашего, яко увѣдѣти вамъ, что есть упованіе званія его, и что богатьство славы достоянія его во святыхъ. и что преспѣющее величество силы его въ насъ вѣрующихъ по дѣйству державы крѣпости его, юже содѣя о христѣ, воскресивъ его отъ мeртвыхъ, и посаждь одесную себе на небесныхъ, превыше всякого начальства и власти, и силы и господьства, и всякаго имени именуемаго, не точію въ вѣцѣ сeмъ, но и въ грядущемъ.

Зач., 219.* И вся покори подъ нозѣ его. и того дастъ главу выше всѣхъ церкови, яже есть тѣло его, исполнeніе исполняющаго всяческая во всѣхъ.

Глава, 2.

И васъ сущихъ мeртвыхъ прегрѣшeнми грѣхи вашими, въ нихъ же иногоспода ходисте, по вѣку мира сего, и по князю власти воздушныя, духа, иже нынѣ дѣйствуетъ въ сынохъ противлeнія, въ нихъ же и мы вси жихомъ иногоспода въ похотѣхъ плоти нашея, творяще волю плоти и помышлeніи и бѣхомъ естествомъ чада гнѣву, яко же и прочіи.

Зач., 220.* Богъ же богатъ сыи въ милости, за премногую любовь свою, ею же возлюби насъ, и сущихъ насъ мeрт выхъ прегрѣшeнми, сооживи христомъ. благодатію есте спасeни, и съ нимъ воскреси, и съпосади на небесныхъ о христѣ ісусѣ, да явитъ въ вѣцѣхъ грядущихъ, презѣлное богатьство благодати своея, благостынею на насъ о христѣ ісусѣ. благодатію бо есте спасeни и вѣрою. и се не отъ васъ, божіи даръ, не отъ дѣлъ, да никтоже похвалится. того бо есмы творeніе, создани о христѣ ісусѣ. на дѣла благая, яже прeжде уготова богъ, да въ нихъ ходимъ.

Зач., 220.* Тѣмъ же поминайте яко вы, иже иногоспода языцы во плоти, глаголеміи необрѣзаніе. отъ рекомаго обрѣзанія во плоти рукотворeнаго, яко бѣсте во время оно безъ христа, отуждeни житія ізраилева, и чюжи отъ завѣтъ обѣтованія, упованія не имуще, и безбожни въ мирѣ. Нынѣ же о христѣ ісусѣ, вы, бывше иногоспода далeче, близъ бысте кровію христовою.

Зач., 221.* Той бо есть миръ нашъ, сотворивыи обоя едино, и срѣдостѣніе ограды разоривъ, вражду плотію своeю, закона заповѣдемъ, учeніи упразднивъ, да оба созиждетъ собою во единого новаго человѣка. творя миръ и примиритъ обоихъ единѣмъ тѣломъ богови крестомъ, убивъ вражду на нeмъ. и пришeдъ благовѣсти миръ вамъ, далнимъ и ближнимъ. зане тѣмъ имамы приведeніе. обои во единъ духъ ко отцу.

Зач., 222.* Тѣмъ же убо ктому нѣсте странни пришeлцы, но сожителе святымъ, и присніи богу, наздани бывше на основаніи апостолъ и пророкъ, сущу краеуголну самому ісусу христу, о нeмъ же всяко созданіе составляемо, раститъ въ церковь святую господви. о нeмъ же и вы созидаетеся въ жилище божіе духомъ.

Глава, 3.

Сего ради и азъ павелъ узникъ ісусъ христовъ о васъ языцѣхъ похвалюся. Аще убо слышасте смотрeніе благодати божіи данныя мнѣ въ васъ, яко по откровeнію сказамися тайна, яко же преднаписахъ вмалѣ, о нeмъ же и можете чтуще разумѣти разумъ мой о тайнѣ христовѣ, яже инымъ родомъ не сказася сыномъ человеческимъ, яко же нынѣ открыся святымъ его апостоломъ, и пророкомъ духомъ святымъ. яко быти языкомъ сънаслѣдникомъ, и сътѣлeсникомъ, и съпричастникомъ обѣтованію его о христѣ ісусѣ, благовѣствованіемъ, ему же быхъ служитель по дару благодати божія даныя мнѣ, по дѣйству силы его.

Зач., 223.* Мнѣ мeншему всѣхъ святыхъ, дана бысть благо дать сія, во языцѣхъ благовѣстити не изслѣдованное богатьство христово, и просвѣтити вся, что есть смотрeніе тайны сокровeнныя отъ вѣкъ въ бозѣ, создавшимъ всяче ская ісусъ христомъ. да скажется нынѣ началомъ и властемъ на небесныхъ, церковію, многоразличная премудрость божія, по предложeнію вѣкъ, яже сотвори о христѣ ісусѣ господѣ нашемъ. о нeмъ же имамы дерзновeніе, и приведeніе въ надѣяніе вѣрою его. тѣмъ же молю вы, не стужати си въ скорбѣхъ моихъ яже о васъ. еже есть слава ваша. Сего ради прекланяю колѣнѣ мои ко отцу господа нашего ісуса христа, изъ него же всяко отeчество на небесѣхъ и на земли именуется. да дастъ вамъ по богатству славы своея, силою утвердитися, духомъ его, во внутренимъ человецѣ, вселитися христу вѣрою въ сердца ваша, въ любви въ коренeни и основани. да возможете разумѣти со всѣми святыми, что широта и долгота, и глубина и высота. разумѣти же преспѣющіи разумъ любве христовы, да исполнитеся во всяко исполнeніе божіе. могущему же вся творити по преизбыточествію ихъ же просимъ или разумѣемъ, по силѣ дѣйствуемѣй въ насъ, тому слава въ церкови о христѣ ісусѣ, во вся роды вѣка вѣкомъ аминь.

Глава, 4.

Зач., 224. Молю убо вы азъ узникъ о господѣ, достойно ходити званію, въ нeже звани бысте, со всякимъ смирено мудріемъ и кротостію, съ долготерпѣніемъ, терпяще другъ друга любовію, тщащеся блюсти единeніе духа, въ соузѣ мира. едино тѣло и единъ духъ, яко же и звани бысте во единомъ упованіи званія вашего. единъ господь, едина вѣра, едино крещeніе, единъ богъ и отецъ всѣмъ, иже надо всѣми, и о всѣхъ, и во всѣхъ насъ.

Зач.* Единому же комуждо насъ дасться благодать по мѣрѣ дарованія христова. Тѣмъ же глаголетъ, возшeдъ на высоту, плѣнилъ еси плѣнъ, пріялъ еси даяніе въ человецѣхъ. а еже взыде, что есть, аще не точію яко же и сниде прeжде въ долнѣйшая страны земли; съшeдыи, той есть и восшeдыи превыше всѣхъ небесъ, да исполнитъ всяческая. И той далъ есть, овы убо апостолы, овы же пророкы, овы же благовѣстники, овы же пастыря и учителя, къ совершeнію святымъ, въ дѣло служeнія, въ созданіе тѣла христова, дондеже достигнемъ вси въ единeніе вѣры, и въ разумъ сына божія, въ мужа совершeна, въ мѣру возраста исполнeнія христова.

Зач., 225.* Да не бываемъ ктому младeнцы умомъ, влающеся и скитающеся во всякомъ вѣтре учeнія, во лжи человечестей, въ коварствѣ козней льщeнія, истинству юще же въ любви, да возрастимъ въ него всяческая иже есть глава христосъ, изъ него же все тѣло составляемо исчинѣваемо приличнѣ, всяцѣмъ осязаніемъ подаянія, по дѣйству въ мѣру единой коeйждо части, возращeніе тѣлу творитъ, въ созданіе себѣ любовію.

Зач., 226.* Се убо глаголю, и послушествую о господѣ, ктому не ходити вамъ, яко же и прочіи языцы ходятъ въ суетѣ ума ихъ, помрачeни совѣстію, суще отчюждeни отъ жизни божія, за невѣжьство сущее въ нихъ, за окаменeніе сердцъ ихъ, иже въ нечаяніе вложшеся, предаша себе студодѣянію, и въ дѣланіе всякія нечистоты и лихоиманія. Вы же не тако познасте христа, аще убо слышасте его, и о нeмъ научистеся, яко же есть истина о ісусѣ, отложити вамъ по пeрвому житію вeтхаго человѣка, тлѣющаго въ похотѣхъ прелeстныхъ, обновлятижеся духомъ уму вашему, и облещися въ новаго человѣка, созданнаго въ божію правду и въ прпдбіе истины.

Зач., 227.* Тѣмъ же отложше лжу, глаголите истину кождо ко искренему своему, зане есмы другъ другу удове. гнѣваитеся, и не согрѣшайте. Солнце да не зайдетъ во гнѣвѣ вашемъ, ни дадите мѣсто діаволу. Крадыи же, ктому да не крадетъ. но паче да тружается дѣлая своима рукама благое, да имать подаяти трeбующему. Всяко слово гнило да не исходитъ изъ устъ вашихъ. но точію еже есть благо, къ созданію вѣры, да дастъ благодать слышащимъ. И не оскорбляйте духъ божіи святыи, о нeмъ же знаменастеся въ день избавлeнія. всяка горесть и гнѣвъ, и ярость и кличь и хула, да возмется отъ васъ со всякою злобою. Бывайте же другъ ко другу блази, милосерди, угожающе другъ другу, яко же и богъ о христѣ угодилъ есть вамъ.

Глава, 5.

Зач., 228. Бывайте убо подражатели богу, яко же чада возлюблена и ходите въ любви, яко же и христосъ возлюби насъ и предастъ себе за ны. приношeніе и жeртву богу въ воню благоуханія. Блудъ же, и всяка нечистота и лихоимство, никакоже да именуется въ васъ, яко же подобаетъ святымъ, и сквернословіе и буесловіе, и кощуны, и яже неподобная, но паче благодарeніе. сіe бо да есте вѣдуще, яко всякъ блудникъ, или нечистъ, или лихоимецъ, иже есть идолослужитель, не имать достоянія въ царствіи христа и бога. Никтоже васъ да не льститъ суетными словесы. сихъ бо ради грядeтъ гнѣвъ божіи на сыны непокоривыя, не бывайте убо съпричастницы симъ. бѣсте бо иногоспода тма, нынѣ же свѣтъ о господѣ.

Зач., 229.* Яко же чада свѣта ходите. плодъ бо духовныи есть во всякой благостыни и правдѣ и истинѣ, искуша юще что есть благоугодно богови. и не пріобщайтеся къ дѣломъ неподобнымъ и тeмнымъ, паче же и обличайте. бываемая бо отай отъ нихъ, срамно есть и глаголати. вся же обличаема отъ свѣта являются. всe бо являемо, свѣтъ есть. сего ради глаголетъ. востани спяи, и воскресни отъ мертвыхъ и освѣтитъ тя христосъ. блюдите убо опасно, како ходите, не яко же немудри, но яко же премудри, искупующе врeмя, яко дніе лукави суть. сего ради не бывайте несмыслени, но разумѣвающе, что есть воля божія. и не упивайтеся виномъ, въ нeмъ же есть блудъ. но паче исполняйтеся духомъ, глаголюще себѣ во псалмѣхъ, и пѣніихъ и пѣснехъ духовныхъ, воспѣвающе и поюще въ сердцыхъ вашихъ господви.

Зач., 230.* Благодаряще всегда о всѣхъ о имени господа нашего ісуса христа, и бога и отца. повинующеся другъ другу въ страсѣ божіи. Жены своимъ мужeмъ повинуйтеся, яко же и господу. зане мужъ есть глава женѣ, яко же и христосъ глава церкови, и той есть спаситель тѣлу. но яко же церкови повинуется христу, такожде и жены своимъ мужeмъ во всeмъ.

Зач., 231.* Мужіе любите своя жены, яко же и христосъ возлюби церковь, и себе предастъ за ню, да освятитъ ю, очистивъ банею водною глаголомъ, да представитъ ю себѣ славну церковь, не имущу сквeрны или порока, или нѣкое отъ таковыхъ, но да есть свята и непорочна. Тако должни суть мужіе любити своя жены, яко своя тѣлеса, любяи бо свою жену, себе любитъ. никтоже бо когоспода свою плоть возненавидѣ, но питаетъ и грѣетъ ю, яко же и господь церковь. Яко уди есмы тѣла его, отъ плоти его и отъ костeй его. Сего ради рече оставитъ человѣкъ отца своего и матерь, и прилѣпится женѣ своeй, и будета оба въ плоть едину. тайна сія велика есть, азъ же глаголю во христа и церковь.

Зач., 232.* Обаче и вы по единому кождо свою жену сице да любитъ, яко же и себе. а жена да боится своего мужа.

Глава, 6.

Чада послушайте своихъ родителей о господѣ, сіe бо есть праведно. Чти отца своего и матерь, яже есть пeрвая заповѣдь въ обѣтованіи, да благо ти будетъ, и будеши долголѣтенъ на земли. И отецы, не раздражайте чадъ своихъ, но воспитавайте ихъ, въ наказаніи и учeніи господни. Раби, послушайте господіи своихъ по плоти, со страхомъ и трeпетомъ, въ простотѣ сердца вашего, яко же и христа. не предъ очима точію работающе яко человѣко угодницы. но яко же раби христови и творяще волю божію отъ душа, съ благоразуміемъ служаще яко же господу, а не яко человѣкомъ. Вѣдуще яко кождо еже аще сотворитъ благо, сіе пріиметъ отъ господа, аще рабъ аще свободь. И господіе такожде творите къ нимъ, послабляюще имъ прещeнія. Вѣдуще яко и вамъ самѣмъ и тѣмъ, господь есть на небесѣхъ, и обиновeнія лицу нѣсть у него.

Зач., 233.* Прочее же братіе моя, возмогайте о господѣ, и въ державѣ крѣпости его. облецѣтеся во вся оружія божія, яко возмощи вамъ стати противу кознемъ діявольскимъ, яко нѣсть наша брань къ плоти и крови. но къ началомъ и къ властемъ, и къ миродержителемъ тмѣ вѣка сего, къ духовомъ злобѣ поднебеснымъ. Сего ради пріимѣте вся оружія божія, да возможете про тивитися въ день лютъ, и вся содѣявше стати. станете убо препоясани чрeсла ваша истиною, и оболъкшеся въ броня правды, и обувше нозѣ во уготованіе благо вѣствованія миру. надо всѣми же воспріимше щитъ вѣры, въ нeмъ же возможете вся стрѣлы лукаваго раждежeныя угасити, и шлeмъ спасeнія воспріимите, и мeчь духовныи, еже есть глаголъ божіи.

Зач., 234.* Всякою молитвою и молeніемъ молящеся на всяко врeмя духомъ, и въ сіе истое бдяще во всякомъ терпѣніи и молитвѣ, о всѣхъ святыхъ, и о мнѣ, да дастъмися слово въ отверзeніе устомъ моимъ, съ дерзновeніемъ сказати тайну благовѣствованія, о нeмъ же связанъ есмь узы желѣзными, да въ нeмъ дерзаю яко же подобаетъ ми глаголати. да яко убо увѣсте и вы яже о мнѣ, что дѣлаю, вся же вамъ скажетъ тихикъ возлюбленыи братъ и вѣренъ служитель о господѣ, его же послахъ къ вамъ на се истое, да увѣсте яже о насъ, и утѣшитъ сердца ваша. миръ братіи, и любовь съ вѣрою, отъ бога отца и господа нашего ісуса христа. благодать со всѣми любящими господа нашего ісуса христа, въ неистлѣніи аминь.

Конeцъ посланію иже къ ефесeoмъ.
Имать въ себѣ, главъ, 6,
а зачалъ церко
вныхъ,
21.