Къ римляномъ посланіе святаго апостола Павла

1 2 3 4 5 6 7 8 9 10 11 12 13 14 15 16

Глава, 1.

Зач., 79. Павелъ рабъ ісусъ христовъ, званъ апостолъ, избранъ въ благовѣстіе божіе, еже прeже обѣща пророки своими въ писаніихъ святыхъ, о сынѣ своeмъ, бывшемъ отъ сѣмени давыдова по плоти. наречeнѣмъ сынѣ божіи въ силѣ, по духу святыня, изъ воскрешeнія мертвыхъ ісуса христа господа нашего. имъ же пріяхомъ благодать и посланіе въ послушаніе вѣры во вся языки, о имени его, въ нихъ же есте и вы звани ісусу христу. всѣмъ сущимъ въ римѣ, возлюбленымъ богу, званымъ святымъ, благодать вамъ и миръ отъ бога отца нашего и господа ісуса христа.

Зач.* Пeрвое убо благодарю бога моего ісусомъ христомъ о всѣхъ васъ, яко вѣра ваша возвѣщается во всeмъ мирѣ. свѣдѣтель бо ми есть богъ, ему же служу духомъ моимъ, въ благовѣствованіи сына его, яко безпрестани память о васъ творю всегда въ молитвахъ моихъ моляся, аще убо когоспода поспѣшенъ буду волею божіею пріити къ вамъ. желаю бо видѣти васъ, да нѣкое подамъ вамъ дарованіе духовное ко утвержeнію вашему, сіe же есть соутѣшитися въ васъ, общею вѣрою, вашею же и моeю. Не хощу же васъ не вѣдѣти братіе, яко множицею восхотѣхъ пріити къ вамъ и возбранeнъ быхъ досeлѣ, да нѣкіи плодъ имѣю и въ васъ, яко же и въ прочихъ языцѣхъ, еллинѣхъ же и варварехъ, мудрымъ же и неразумнымъ долженъ есмь, толико есть еже по моему усeрдію, и вамъ сущимъ въ римѣ благовѣстити. нестыжубося благовѣствованіемъ христовымъ, сила бо божія есть во спасeніе всякому вѣрующему, іудeoви же прeжде и еллину, правда бо божія въ нeмъ является, отъ вѣры въ вѣру. яко же есть писано, праведныи же отъ вѣры живъ будетъ.

Зач., 80.* Открываетъбося гнѣвъ божіи съ небесе, на всяко нечeстіе и неправду человеческу, содержащихъ истину въ неправдѣ. занeже разумное божіе явѣ есть въ нихъ. богъ бо явилъ есть имъ. невидимая бо его отъ созданія мира творeнми помышляема видима суть, и присносущная же сила его и божество, во еже быти имъ безъотвѣтномъ. занeже разумѣвше бога, не яко бога прославиша или благодариша. но осуетишася помышлeніи своими, и омрачися неразумное ихъ сердце. глаголющеся быти мудры, и объюродѣша. и измѣниша славу нетлѣннаго бога, въ подобіе образа тлѣнна человѣка, и птицъ, и четвероногъ, и гадъ. тѣмъ же и предастъ ихъ богъ въ похоть сердцъ ихъ, въ нечистоту, во еже сквернитися тѣлесeмъ ихъ въ себѣ самѣхъ. иже премѣниша истину божію во лжу, и почтоша и послужиша твари, паче творца, иже есть благословeнъ во вѣки, аминь. Сего ради предастъ ихъ богъ въ страсти безчeстія. и жeны бо ихъ измѣниша естeственую подобу въ презъестeственую. Такожде и мужи, оставльше естeственую подобу жeньска полу, разжегошася похотію своeю другъ на друга, мужи на мужѣхъ студъ содѣвающе, и возмѣздіе еже подобаше прeлести ихъ, въ себѣ воспріeмлюще.

Зач., 81.* И яко же не искусиша бога имѣти въ разумѣ, сего ради предастъ ихъ богъ въ неискусенъ умъ, творити неподобная, исполненыхъ всякоя неправды, блужeнія, лукавства, лихоиманія, злобы, исполненыхъ зависти, убійства, рвeнія, льсти, злонравія. шепотники, клеветники, богомeрзки, досадителя, величавы, горды, обрѣтателя злымъ, родителемъ непокоривы, неразумны, непримирителе, нелюбовны, неклятвохранители, немило стиви. Нѣцыи же и оправданіе божіе разумѣвше, яко иже таковая творящеи достойни смeрти суть, не точію же сія творятъ, но и волю дѣютъ творящимъ.

Глава, 2.

Сего ради безъотвѣтенъ еси о человече, всякъ судяи. Имъ же бо судомъ судиши другу, себе осуждаеши, тажде бо твориши судяи. вѣмы же яко судъ божіи есть по истинѣ на творящихъ таковая. Помышляеши же ли сіе о человече, судяи таковая творящимъ, и творя самъ тажде, яко ты избѣжиши ли суда божія; или о богатьствѣ благости его, и кротости и долготерпѣнія нерадиши, не невѣдыи яко блгcть божія въ покаяніе тя въводитъ; по жестокому же, и твоему непокаянному сердцу, собираеши себѣ гнѣвъ въ день гнѣва, и откровeнія и праведнаго суда божія, иже воздастъ коемуждо по дѣломъ его. овѣмъ убо по терпѣнію дѣла благаго, славу и чeсть и нетлѣніе ищущимъ живота вѣчнаго, а иже по рвeнію и противляющимся убо истинѣ, повинующимъжеся неправдѣ, ярость и гнѣвъ, и скорбь и тѣснота, на всяку душу человѣка творящаго злое, іудeеви же прeже и еллину.

Зач., 81.* Слава же и чeсть и миръ всякому дѣлающему благое, іудeеви же прeже и еллину. Нѣсть бо на лица зрѣнія у бога. елицы бо беззаконно согрѣшиша, без законно и погибнутъ. и елицы въ законѣ согрѣшиша, закономъ судъ пріимутъ. Не слышателіе бо закону пра ведни прeдъ богомъ, но творцы закону, сіи оправдятся.

Зач., 82.* Егда бо языцы не имуще закона, естествомъ законная творятъ, сіи закона не имуще, сами себѣ суть законъ, иже являютъ дѣло законное написано въ сердцыхъ своихъ, спослушествующи имъ совѣсти ихъ, и между собою помысломъ осуждающимъ, или отвѣщаю щимъ въ день, егда судитъ богъ тайная человѣкомъ, по благо вѣстію моему ісусомъ христомъ. Се ты іудeй именуешися, и почиваеши на законѣ, и хвалишися о бозѣ, и разумѣеши волю и разсуждаеши лучшая, научаемъ отъ закона, уповая же себе вожа быти слѣпымъ, свѣтъ сущимъ во тмѣ, наказателя безумнымъ, учителя мла дeнцемъ, имуща образъ разума и истины въ законѣ. научаяи убо иного, себе ли не учиши; проповѣдаяи не красти, крадеши; глаголяи не прелюбы творити, прелюбы твориши. гнушаяся идолъ, святая крадеши; иже въ законѣ хвалишися, преступлeніемъ закона бога безчeствуеши; имя бо божіе вами хулится во языцѣхъ, яко же есть писано. обрѣзаніе убо пользуетъ, аще законъ твориши. аще же закона преступникъ еси, обрѣзаніе твое, необрѣзаніе бысть. Аще убо необрѣзаніе оправданіе закона сохранитъ, не необрѣзаніе ли его въ обрѣзаніе вмѣнится; и осудитъ, яже отъ естества необрѣзаніе, законъ совершающи, тебе иже писаніемъ и обрѣзаніемъ суща преступника закону.

Зач., 83.* Не бо иже явѣ іудeй есть, ни еже явѣ во плоти обрѣзаніе. Но еже въ тайнѣ іудeй, сeй іудeй есть и обрѣзаніе сердца духомъ, а не писаніемъ. ему же похвала, не отъ человѣкъ, но отъ бога.

Глава, 3.

Что убо лишьшее іудeю; или кая польза обрѣзанію; много по всякому образу. пeрвѣе убо яко вѣрована быша имъ словеса божія. что бо, аще не вѣроваша нѣцыи. еда убо невѣрствіе ихъ вѣру божію упразднитъ; да не будетъ. да будетъ же богъ истиненъ, всякъ же человѣкъ ложъ, яко же есть писано, яко да оправдишися во словесѣхъ своихъ, и побѣдиши внегда судитътися. аще ли неправда наша, божію правду составляетъ, что речeмъ; еда неправеденъ богъ, наносяи гнѣвъ; по человѣку глаголю, да не будетъ. понeже како судити имать богъ всему миру; аще убо истина божія въ моeй лжи избыточествова въ славу его, что еще и азъ яко грѣшникъ осужаюся; и не яко же хулимся, яко же глаголютъ нѣцыи насъ глаголати, яко сотворимъ злая, да пріидутъ на ны благая. ихъ же судъ праведенъ есть. Что убо; повинни ли есме; никакоже. предукорихомъ бо убо іудeехъ и еллинѣхъ всѣмъ подъ грѣхомъ быти. яко же есть писано, яко нѣсть праведенъ никтоже. нѣсть разумѣвая, и нѣсть взыскаяи бога. вси уклонишася, вкупѣ непотрeбни быша. Нѣсть творяи благостыню, нѣсть даже до единаго. гробъ отвeрстъ гортань ихъ, языки своими льщаху, ядъ аспидовъ подъ устнами ихъ. ихъ же уста клятвы и горести полна суть, скоры ноги ихъ проліяти кровь. сокрушeніе и озлоблeніе на путeхъ ихъ. и пути мирна не познаша. нѣсть страха божія предъ очима ихъ.

Зач., 84.* Вѣмы же яко елика законъ глаголетъ, сущимъ въ законѣ глаголетъ. да всяка уста заградятся, и повиненъ будетъ вeсь миръ богови. Зане отъ дѣлъ закона не оправдится всяка плоть предъ нимъ. закономъ бо познаніе грѣха. Нынѣ же кромѣ закона правда божія явися, свѣдѣтельствуема отъ закона и пророкъ. правда же божія вѣрою ісусъ христовою во вся и на всѣхъ вѣрующихъ. Нѣсть бо разньствія. вси бо согрѣшиша, и лишeни суть славы божія. оправдаеми туне благодатію его, и избавлeніемъ еже о христѣ ісусѣ, его же предположи богъ оцѣщeніе вѣрою въ крови его, въ явлeніе правды своея, за отпущeніе прeжде бывшихъ грѣховъ, въ долготерпѣніи божіи, и въ сказаніе правды его, въ нынѣшнее врeмя, во еже быти ему праведну, и оправдающу сущаго отъ вѣры ісусовы. гдѣ убо похвала; отгнася. Которымъ закономъ; дѣлы ли; ни. но закономъ вѣры.

Зач., 85.* Мыслимъ бо вѣрою оправдатися человѣку безъ дѣлъ закона. или іудeемъ богъ токмо; а не и языкомъ; ей и языкомъ. понeже единъ богъ, иже оправдитъ и обрѣзаніе отъ вѣры, и необрѣзаніе вѣрою. Законъ ли убо разоряемъ вѣрою; да не будетъ. но законъ утвержаемъ.

Глава, 4.

Что убо речeмъ обрѣсти авраама отца нашего по плоти; аще бо авраамъ отъ дѣлъ оправдася, имать похвалу, но не къ богу. что бо писаніе глаголетъ; вѣрова же авраамъ богови, и вмѣнися ему въ правду.

Зач., 86.* Дѣлающему же мзда не вмѣняется по благодати, но по долгу. а не дѣлающему, вѣрующу же на оправдающаго нечестива, причитается вѣра его въ правду. яко же и давидъ глаголетъ. блажeнство человѣку, ему же богъ причитаетъ правду безъ дѣлъ закона. блажeни имъ же отпустишася беззаконія, и имъ же прикрышася грѣси. блажeнъ мужъ, ему же не вмѣнитъ господь грѣха. блажeнство убо сіе, на обрѣзаніе ли, или на необрѣ заніе; глаголемъ бо, яко вмѣнися аврааму вѣра въ правду. како убо вмѣнися ему; во обрѣзаніи ли сущу, или не во обрѣзаніи; не во обрѣзаніи, но въ необрѣзаніи. и знаменіе пріятъ обрѣзанія, печать правды вѣрѣ, яже въ необрѣзаніи. еже быти ему отцу всѣмъ вѣрующимъ въ необрѣзаніе, во еже вмѣнитися и тѣмъ въ правду. и отца обрѣзанію, не иже отъ обрѣзанія, сущимъ точію, но и ходящимъ въ стопахъ вѣры яже въ необрѣзаніи отца нашего авраама.

Зач., 87.* Не закономъ бо обѣтованіе аврааму, или сѣмени его, яко наслѣднику быти ему миру, но правдою вѣры. аще бо сущіи отъ закона наслѣдницы, испразднися вѣра, и разорися обѣтованіе. Законъ бо гнѣвъ содѣло ваетъ. идѣже бо нѣсть закона, ту ни преступлeніе. Сего ради отъ вѣры, да по благодати, во еже быти извѣстну обѣтованію всему сѣмени, не еже точію сущимъ отъ закона, но и сущимъ отъ вѣры авраамовы, иже есть отецъ всѣмъ намъ, яже есть писано, яко отца многимъ языкомъ положихъ тя, прямо ему же вѣрова богу животворящему мeртвыя, и нарицающу несуща яко сущія. Иже паче упованія на упованіе вѣрова. во еже быти ему отцу многимъ языкомъ, по речeнному, тако будетъ сѣмя твое. и не изнемогъ вѣрою, не усмотри свою плоть уже умерщвeну, столѣтенъ нѣгде сыи, и мeртвость ложeснъ сарринъ. Въ обѣтованіи же божіи не усумнѣся невѣрованіемъ, но возможе вѣрою давъ славу богови. и извѣстенъ бывъ, яко еже обѣща, силенъ есть и сотворити. Тѣмъ же и вмѣнися ему въ правду. не писано же бысть за того единого точію, яко вмѣнися ему, но и за ны, имъ же хощетъ вмѣнитися, вѣрующимъ на воскресившаго ісуса христа господа нашего изъ мeртвыхъ, иже прeданъ бысть за прегрѣшeнія наша, и воста за оправданіе наше.

Глава, 5.

Зач., 88. Оправдившеся убо вѣрою, миръ имамы къ богу, господемъ нашимъ ісусомъ христомъ. имъ же и приведeніе обрѣ тохомъ вѣрою въ благодать сію, въ нeй же стоимъ и хвалимся упованіемъ славы божія. не точію же, но и хвалимся въ скорбѣхъ, вѣдяще яко скорбь терпѣніе содѣловаетъ, терпѣніе же искусство, искусство же упованіе. упованіе же не посрамитъ, яко любы божія изліяся въ сердца наша, духомъ святымъ даннымъ намъ.

Зач.* Ещe бо христосъ, сущемъ намъ нeмощномъ, на врeмя за нечестивыхъ умре, едва бо кто умретъ за праведника, за благаго же нeгли кто и дерзнeтъ умрети. составляетъ свою любовь въ насъ богъ, яко и еще грѣшникомъ сущемъ намъ, христосъ за ны умре. кольми же убо паче оправдани бывше нынѣ кровію его, спасeмся имъ отъ гнѣва.

Зач., 89.* Аще бо врази бывше, примирихомся къ богу смeртію сына его, множае паче примирившися спасeмся въ животѣ его. Не точію же, но и хвалимся о бозѣ господемъ нашимъ ісусъ христомъ, имъ же нынѣ примирeніе пріяхомъ. Сего ради, яко же единѣмъ человѣкомъ грѣхъ въ миръ вниде, и грѣхомъ смeрть, и тако во вся человѣкы смeрть вниде, о нeмъ же вси согрѣшиша. до закона бо грѣхъ бѣ въ мирѣ. грѣхъ же не вмѣняшеся, не сущу закону. но царьствова смeрть отъ адама даже до моисeя, и на не согрѣшъшихъ, по подобію преступлeнія адамова, иже есть образъ будущаго. но не яко же прегрѣшeніе, тако же и даръ. Аще бо единого прегрѣшeніемъ мнози умроша, кольми паче благодать божія, и даръ благодатію единого человѣка ісуса христа во многихъ преизлишествова. и не яко же единѣмъ согрѣшшимъ, дарованіе, грѣхъ бо изъ единого въ осужeніе. даръ же отъ многихъ прегрѣшeніи въ оправданіе.

Зач., 90.* Аще бо единого прегрѣшeніемъ, смeрть царь ствова единѣмъ. Множае паче избытокъ благодати и даръ правды пріeмлюще, въ жизни воцарятся единѣмъ ісусъ христомъ. Тѣмъ же убо яко же единого прегрѣшeніемъ во вся человѣкы вниде осуждeніе. Такожде и единого опра вданіемъ во вся человѣкы вниде оправданіе жизни. яко же бо ослушаніемъ единого человѣка, грѣшни быша мнози. тако и послушаніемъ единого, праведни будутъ мнози. законъ же привниде, да умножится прегрѣшeніе. идѣже бо умножися грѣхъ, преизбыточествова благодать. да яко же царствова грѣхъ смeртію, такожде и благодать воцарится правдою, въ жизнь вѣчную ісусъ христомъ господемъ нашимъ.

Глава, 6.

Что убо речeмъ; пребудемъ ли во грѣсѣ, да благодать умножится; да не будетъ. аще бо умрохомъ грѣхомъ, како паки оживeмъ въ нeмъ;

Зач., 91.* Или неразумѣете яко елицы во христа ісуса крестихомся, въ смерть его крестихомся; спогребохомся убо съ нимъ крещeніемъ въ смерть, да яко же воста христосъ отъ мертвыхъ, славою отчею. тако и мы во обновлeніи жизни ходити начнемъ. Аще бо сообразны быхомъ подобію смерти его, но и воскреснію будемъ причастницы. Сіе вѣдяще яко вeтхіи нашъ человѣкъ съ нимъ сраспятся, да упразнится тѣло грѣховное, яко ктому не работати намъ грѣху. умeрыи бо оправдися отъ грѣха. Аще ли умрохомъ со христомъ, вѣруемъ, яко и живи будемъ съ нимъ, вѣдяще яко христосъ воста отъ мертвыхъ, ктому уже не умретъ, смерть нань ктому не обладаетъ. еже бо умре, грѣху умре единою, а еже живeтъ, богови живeтъ.

Зач., 92.* Тако же и вы помышляйте себе, мeртвымъ убо быти грѣху, живымъ же богови о христѣ ісусѣ господѣ нашемъ. да не царьствуетъ убо грѣхъ въ мертвенѣмъ вашемъ тѣлѣ, во еже послушати ему въ похотѣхъ его. ниже представляйте уды ваша оружія неправды грѣху, но представляйте себе богови, яко отъ мертвыхъ живы, и уды ваша оружія правды богови. грѣхъ бо вами да не обладаетъ. нѣсте бо подъ закономъ, но подъ благодатію. что убо согрѣшимъ ли, зане нѣсмы подъ закономъ, но подъ благодатію; да не будетъ. не вѣсте ли, яко ему же представляете себе рабы въ послушаніе, рабы есте его же послушаете, или грѣха въ смерть, или послушанія въ правду; благодаримъ убо бога, яко бѣсте рабы грѣху, послушасте же отъ сердца, вонъ же и предастеся образъ учeнія.

Зач., 93.* Свобождьшежеся отъ грѣха, поработистеся правдѣ. человеческо глаголю, за немощь плоти вашея. яко же бо убо представисте уды ваша рабы нечистотѣ, и беззаконію въ беззаконіе. тако и нынѣ представите уды ваша рабы правдѣ во святыню. Егда бо рабы бѣсте грѣху, свободни бѣсте отъ правды. кіи убо плодъ имѣсте тогда, о нихъ же нынѣ стыдитeся; кончина бо онѣмъ смeрть. Нынѣ же свобождьшеся отъ грѣха, поработившежеся богови, имате плодъ вашъ во святыню, кончину же жизнь вѣчную. оброцы бо грѣху смeрть, дарованіе же божіе, животъ вѣчныи, о христѣ ісусѣ господѣ нашемъ.

Глава, 7.

Зач., 94. Или неразумѣете братіе, вѣдущимъ бо законъ глаголю. яко законъ обладаетъ надъ человѣкомъ въ елико врeмя живeтъ; ибо мужатая жена живу мужу, привя зана есть закономъ. Аще ли же умретъ мужъ ея, разрѣшится отъ закона мужескаго. тѣмъ же убо живу сущу мужу, преблудодѣица бываетъ, аще будетъ мужеви иному. аще ли умретъ мужъ ея, свободна есть отъ закона, не быти ей преблудодѣицы, бывши мужу иному. Тѣмъ же братія моя, и вы умросте закону тѣломъ христовымъ, во еже быти вамъ иному воставшему изъ мeртвыхъ, да плодъ принесeмъ богови. егда бо бѣхомъ во плоти, страсти грѣховныя, яже закономъ дѣйствоваху во удѣхъ нашихъ, во еже плодъ творити смерти. Нынѣ же упразднихомся отъ закона, умeрше имъ же держими бѣхомъ, яко работати намъ богови во обновлeніи духа, а не въ вeтхости писмени. что убо речeмъ; законъ ли грѣхъ; да не будетъ. но грѣха не знахъ, точію закономъ. похоти же не вѣдахъ, аще не законъ глаголаше, не похощеши. вину же пріeмъ грѣхъ заповѣдію, содѣла во мнѣ всяку похоть. безъ закона бо грѣхъ мeртвъ есть. азъ же живяхъ кромѣ закона иногоспода. пришeдши же заповѣди, грѣхъ убо оживе, азъ же умрохъ. и обрѣтемися заповѣдь яже въ животъ, сія въ смeрть. Грѣхъ бо вину пріeмъ заповѣдію, прельсти мя, и тою умертви мя. тѣмъ же убо законъ святъ, и заповѣдь свята, и праведна и блага. благое ли убо, бысть мнѣ смeрть; да не будетъ, но грѣхъ. да явится грѣхъ благомъ ми содѣвая смерть, да будетъ по премногу грѣшенъ грѣхъ заповѣдію.

Зач., 95.* Вѣмы бо яко законъ духовенъ есть, азъ же плотенъ есмь, проданъ подъ грѣхомъ. Еже бо содѣваю, не разумѣю. не бо еже хощу, сіе творю, но еже ненавижду, то содѣловаю. аще ли еже не хощу, сіе творю. хвалю законъ яко добръ. Нынѣ же не азъ сіе содѣваю, но живыи во мнѣ грѣхъ. вѣмъ бо яко не живeтъ во мнѣ, сирѣчь, въ плоти моeй, добро. еже бо хотѣти прилежитъ ми, а еже содѣяти доброе, не обрѣтаю. не еже бо хощу доброе творю, но еже не хощу злое сіе содѣваю. аще ли его же не хощу азъ, сіе творю, уже не азъ сіе творю, но живыи во мнѣ грѣхъ. обрѣтаю убо законъ, хотящу ми творити доброе, яко мнѣ злое прилежитъ. сослажаюбося закону божію по внутренему человѣку. вижду же инъ законъ во удѣхъ моихъ, противу воюющъ закону ума моего, и плѣняющъ мя закономъ грѣховнымъ сущимъ во удѣхъ моихъ. окаяненъ азъ человѣкъ. кто мя избавитъ отъ тѣла смерти сея; благодарю бога моего ісусъ христомъ господемъ нашимъ. Тѣмъ же убо самъ азъ умомъ моимъ работаю закону божію, плотію же закону грѣховному.

Глава, 8.

Ничтоже убо нынѣ осужeніе сущимъ о христѣ ісусѣ не по плоти ходящимъ, но по духу.

Зач., 96.* Законъ бо духа жизни о христѣ ісусѣ, свобо дилъ мя есть отъ закона грѣховнаго и смерти.

Зач.* Нeмощное бо закону, о нeмъ же немощьствоваше плотію, богъ сына своего посла, въ подобіи плоти грѣха, и о грѣсѣ осуди грѣхъ плотію, да оправданіе закона исполнится въ насъ, иже не по плоти ходящихъ, но по духу. ходящеи бо по плоти, плотьская мудрствуютъ. а ходящеи по духу, духовная. мудрованіе бо плотьское смерть есть. а мудрованіе духовное, животъ и миръ, зане мудрованіе плотьское вражда на бога. закону бо божію не покаряется, ни можетъ бо.

Зач.* а сущіи во плоти, богу угодити не могутъ. вы же нѣсте во плоти, но въ дусѣ, понeже духъ божіи живeтъ въ васъ. Аще ли кто духа христова не имать, сeй нѣсть еговъ. аще ли христосъ въ васъ, плоть убо мертва грѣха ради, духъ же живeтъ правды ради. аще ли же духъ воскресившаго ісуса отъ мeртвыхъ живeтъ въ васъ, воздвигіи христа изъ мертвыхъ, оживотворитъ и мертвеныя тѣлеса ваша, живущимъ духомъ его въ васъ. тѣмъ же убо братіе, должни есмы не плоти, еже по плоти жити. аще бо по плоти живете, имате умрети. аще ли духомъ дѣянія плотьская умерщвляете, живи будете.

Зач., 97.* Елицы бо духомъ божіимъ водятся, сіи суть сынове божіи. не пріясте бо духъ работы паки въ боязнь, но пріясте духъ сыноположeнія, о нeмъ же вопіeмъ авва отецъ, самыи духъ послушествуетъ духови нашему, яко есмы чада божія. аще же чада, и наслѣдницы. наслѣдницы убо богу, снаслѣдницы же христу. понeже съ нимъ стражемъ, да и съ нимъ прославимся. Непщую бо яко недостойны страсти нынѣшняго врeмене, къ хотящей славѣ явитися въ насъ. чаяніе бо твари, откровeніе сыновъ божіихъ чаетъ. Суетѣ бо тварь повинуся, не волею, но за повинувшаго ю на упованіе. яко и сама тварь свободится отъ работы истлѣнія, въ свободу славы чадъ божіихъ.

Зач., 98.* Вѣмы бо яко вся тварь съ нами совоздыхаетъ и соболѣзнуетъ даже до нынѣ. не точію же, но и сами начатокъ духа имуще, и мы сами въ себѣ воздыхаемъ въсынeнія чающе избавлeнія тѣлу нашему. упованіемъ бо спасохомся. упованіе же видимо, нѣсть упованіе. Еже бо видитъ кто, что и уповаетъ; аще ли его же не видимъ, надѣемся, терпѣніемъ ждeмъ. сице и духъ способствуетъ намъ въ нeмощехъ нашихъ. что бо помолимся яко же подобаетъ, не вѣмы, но самъ духъ ходатайствуетъ о насъ, воздыханіи неизглаголанными. испытаяи же сердца, вѣсть что есть мудрованіе духа, яко по бозѣ молится по святыхъ.

Зач., 99.* Вѣмы же яко любящимъ бога, вся поспѣше ствуютъ въ благое, сущимъ по предувѣденію званымъ. ихъ же бо предувѣде, тѣхъ и предустави, сообразнымъ быти образу сына своего, яко быти ему первородну во многихъ братіи. а ихъ же предустави, тѣхъ и призва. а ихъ же призва, сихъ и оправда. а ихъ же оправда, сихъ и прослави. Что убо речeмъ къ симъ; аще богъ по насъ, кто на ны; иже убо сына своего не пощадѣ, но за ны вся прeдалъ есть его. како убо не и съ нимъ вся намъ дарствуетъ; кто поeмлетъ на избранныя божія; богъ оправдаяи, кто осуждаяи; христосъ ісусъ, умeрыи, паче же и воскресъ, иже и есть одесную бога, иже и приповѣдуетъ о насъ. Кто ны разлучитъ отъ любве божія; скорбь ли, или тѣснота, или гонeніе, или гладъ, или нагота, или бѣда, или мeчь; яко же есть писано. яко тебе ради умерщвяеми есмы вeсь день, вмѣнихомся яко же овца заколeнію. но о сихъ всѣхъ препобѣждаемъ за возлюбльшаго ны. извѣстихъбося, яко ни смeрть ни животъ, ни ангели ни начала ни силы, ни настоящая ни грядущая, ни высота ни глубина, ни ина тварь кая возможетъ насъ разлучити отъ любве божія, яже о христѣ ісусѣ господѣ нашемъ.

Глава, 9.

Зач., 100. Истину глаголю о христѣ, не лжу, послушествующи ми совѣсти моeй духомъ святымъ. яко скорбь ми есть вeлія, и непрестающія болѣзнь сердцу моему. молилъ быхъ бо ся самъ азъ отлучeнъ быти отъ христа по братіи моeй сродникъ моихъ по плоти, иже суть ізраильте, ихъ же сыновлeніе и слава, и завѣти и законоположeніе и служeніе и обѣтованіе, ихъ же отецы, и отъ нихъ же христосъ по плоти, иже есть надъ всѣми богъ, блcвeнъ во вѣки, аминь.

Зач., 101.* Не тако же яко отпаде слово божіе. не вси бо сущіи отъ ізраиля, сіи і8ль. ни зане суть сѣмя авраамле, вси чада, но о ісаацѣ рече наречeтся сѣмя. сирѣчь, не чада плотьская, сія чада божія. Но чада обѣтованія причитаются въ сѣмя. обѣтованію бо слово сице. На се врeмя пріиду, и будетъ саррѣ сынъ. не точію же, но и ревeка отъ единого ложа имущи ісаака отца нашего. не убо рождьшимся, ниже сотворшимъ чесо благо или зло, да по избранію предложeніе божіе пребудетъ, не отъ дѣлъ, но отъ призывающаго, речeся ей. Яко боліи поработаетъ мeншему. яко же есть писано, іакова возлюбихъ, исава же возненавидѣхъ. что убо речeмъ; еда неправда у бога; да не будетъ. Моисeoви бо глаголетъ, помилую, его же аще помилую. и ущeдрю, его же аще ущeдрю. Тѣмъ же убо ни хотящему, ни текущему, но милующему богу. Глаголетъ бо писаніе фараонови, яко на истое се воздвигохъ тя, да покажу тобою силу мою, и яко да возвѣстится имя мое по всeй земли.

Зач., 102.* Тѣмъ же убо его же хощетъ, милуетъ. а его же хощетъ ожесточитъ. речeши же ми убо, чесо ради убо укаряетъ; воли бо его кто противитися можетъ; Тѣмъ же убо о человече, ты кто еси противъ отвѣщаяи богови; еда речeтъ зданіе создавшему е, почто мя сотворилъ еси тако; или не имать власти скудeльникъ брeнія, отъ того же смѣшeнія сотворити, овъ убо сосудъ въ чeсть, овъ же нe въ честь; аще ли же хотя богъ показати гнѣвъ свой, и явити силу свою, пренесе во мнозѣ долготерпѣніи сосуды гнѣва совершeны въ погибель. и да скажетъ богатство славы своея на сосудехъ милости, яже прeже уготова въ славу, ихъ же и призва насъ, не точію отъ іудей, но и отъ языкъ. Яко же іoсія глаголетъ. нареку не люди моя, люди моя. и невозлюбленую, возлюблену. и будетъ на мѣстѣ, идѣже речeся имъ, не людіе мои есте вы, ту нарекутся сынове бога живаго. Ісаія же вопіeтъ о ізраили, аще и будетъ число сыновъ ізраилевъ яко пѣсокъ морскіи, останокъ спасeтся. слово бо скончавая и обращая въ правду, яко слово съкращeно сотворитъ господь на земли. и яко же прорече ісаія.

Зач.* Аще не бы господь саваоѳъ оставилъ намъ сѣмене, яко же содомъ убо были быхомъ и яко гомору уподобилися быхомъ. что убо речeмъ; яко языцы негонящеи правду, постигоша правду, правду же яже отъ вѣры. ізраиль же гоня законъ правды, въ законъ правды не постиже. Чесо ради; зане не отъ вѣры, но отъ дѣлъ закона. преткошабося о камень претыканія. яко же есть писано, се полагаю въ сіонѣ камень претыканія, и камень соблазну. и всякъ вѣруяи вонь, не постыдится.

Глава, 10.

Зач., 103. Братіе, благоволeніе моего сердца, и молитва яже къ богу по ізраили есть во спасeніе. Свѣдѣтельствую бо имъ, яко рeвность божію имутъ, но не по разуму. Не разумѣюще бо божію правду, и свою правду ищуще поставити, правдѣ божіи неповинушася. кончина бо закону христосъ, въ правду всякому вѣрующему. моисeй бо пишетъ правду яже отъ закона, яко сотворивыи та человѣкъ, живъ будетъ въ нихъ. а яже отъ вѣры правда, сице глаголетъ. да не речeши въ сердцы своeмъ, кто взыдетъ на небо; сирѣчь, христа свести. или кто снидетъ въ бeздну; сирѣчь, христа отъ мертвыхъ возвести. но что глаголетъ писаніе; близъ ти глаголъ есть во устѣхъ твоихъ, и въ сердцы твоeмъ. сирѣчь глаголъ вѣры, его же проповѣдаемъ. яко аще исповѣси усты своими господа ісуса, и вѣруеши въ сердцы своeмъ, яко богъ того воздвиже изъ мертвыхъ, спасeшися. Сердцемъ бо вѣруется въ правду, усты же исповѣдуется во спасeніе.

Зач., 104.* Глаголетъ бо писаніе, всякъ вѣруяи вонь, не постыдится. нѣсть бо разньствія, іудeеви же и еллину. той бо богъ всѣмъ, богатя во всѣхъ призывающихъ его. Всякъ бо иже аще призовeтъ имя господне, спасeтся. Како убо призовутъ, въ него же не вѣроваша; како же вѣруютъ, его же не услышаша; како же услышатъ, безъ проповѣдающаго; како же проповѣдятъ, аще не послани будутъ; яко же есть писано. Коль красны ноги благовѣствующихъ миръ, благовѣствующихъ благая. но не вси послушаша благовѣствованія. Ісаія бо глаголетъ, господи, кто вѣрова слуху нашему; тѣмъ же убо вѣра отъ слуха. слухъ же глаголомъ божіимъ. Но глаголю, еда не слышаша; паче убо во всю зeмлю изыде вѣщаніе ихъ, и въ конца вселe ныя глаголы ихъ. но глаголю еда неразумѣ ізраиль; пeрвыи моисeй глаголетъ. и азъ раздражу вы не о языцѣхъ, но о языцѣ неразумнѣ прогнѣваю васъ. Ісаія же дерзаетъ, и глаголетъ, обрѣтохся не ищущимъ мене, явлeнъ быхъ не вопроша ющимъ о мнѣ. ко ізраилю же глаголетъ. вeсь день воздѣхъ руцѣ мои къ людемъ непокоривымъ и прерѣкающимъ.

Глава, 11.

Глаголю убо, еда отрину богъ люди своя; да не будетъ. ибо и азъ ізраильтянинъ есмь, отъ сѣмене авраамля, колѣна веніаминова. не отрину богъ людіи своихъ, ихъ же прeжде разумѣ.

Зач., 105.* Или не вѣсте, о иліи что глаголетъ писаніе; яко же приповѣдуетъ богови на ізраиля, господи, пророкы твоя избиша, и олтаря твоя раскопаша. и азъ остахъ единъ, и ищутъ душу мою изяти ю. но что глаголетъ ему божественыи отвѣтъ; оставихъ себѣ сeдмь тысящъ мужіи, иже не преклониша колѣна предъ вааломъ. Тако убо и въ нынѣшнее врeмя, останокъ по избранію благодати бысть. аще ли по благодати, то не отъ дѣлъ. зане благодать, уже не бываетъ благодать. аще ли отъ дѣлъ, ктому нѣсть благодать. а дѣло, уже нѣсть дѣло. что убо; его же искаше ізраиль, сего не получи. а избраніе получи, прочіи же ослѣпишася. яко же есть писано, дастъ имъ богъ духъ умилeнія, очи не видѣти, и уши не слышати, даже до днeшняго дне. и давидъ глаголетъ, да будетъ трапeза ихъ въ сѣть и въ ловъ, и въ соблазнъ, и въ воздаяніе ихъ. да помрачатся очи ихъ не видѣти, и хребeтъ ихъ отнюдъ преклони. Глаголю убо, еда согрѣшиша, да отпадутъ; да не будетъ. но тѣхъ падeніемъ, спcніе языкомъ, во еже раздражити ихъ. аще ли же прегрѣшeніе ихъ, богатство миру, и отпадeніе ихъ, богатство языкомъ, кольми паче исполнeніе ихъ;

Зач., 106.* Вамъ бо глаголю языкомъ. понeже убо есмь азъ языкомъ апостолъ, службу мою прославляю, аще како раз дражу си плоть, и спасу нѣкія отъ нихъ. аще бо отложeніе ихъ, примирeніе миру, что пріятіе, развѣ жизнь изъ мeртвыхъ; аще ли начатокъ святъ, то и примѣшeніе. и аще корень святъ, то и вѣтви. аще ли нѣцыи отъ вѣтвей отломишася. ты же дивія маслина сыи прицѣпился еси въ нихъ, и причастникъ коренію и масти маслинныя былъ еси, не хвалися на вѣтви. аще ли же хвалишися, не ты корень носиши, но корень тебе. речeши убо, отъ ломишася вѣтви, да азъ прицѣплюся, добро. невѣріемъ отломишася, ты же вѣрою стоиши. не высокомудрствуй, но бойся. Аще бо богъ естeственыя вѣтви не пощадѣ, еда како и тебе не пощадитъ. виждь убо благость и непощадѣніе божіе. на отпадшихъ убо непощадѣніе, а на тебѣ благость божія, аще пребудеши въ блгcти. аще ли же ни, то и ты отсѣчeнъ будеши. И они же аще не пребудутъ въ невѣрствіи, прицѣпятся. Силенъ бо есть богъ паки прицѣпити ихъ. Аще бо ты отъ естeственныя отсѣчeнъ дивія маслины, чрeзъ естество прицѣпился еси къ добрѣй маслинѣ. кольми паче сіи, иже по естеству прицѣпятся своeй маслинѣ;

Зач., 107.* Не бо хощу васъ невѣдѣти тайну сію братіе, да не будете о себѣ мудри. яко недоумѣніе отъ части ізраилеви бысть, дондеже исполнeніе языкомъ внидетъ, и тако вeсь ізраиль спасeтся. яко же есть писано, пріидетъ отъ сіона избавляяи, и отвратитъ нечeстіе отъ іякова. и се имъ отъ мене завѣтъ, егда отиму грѣхи ихъ. По благовѣство ванію убо врази васъ ради. по избранію же, возлюблени отецъ ради. не раскаяна бо дарованія избавлeніе божіе. яко же бо и вы иногоспода противистеся богови, нынѣ же помиловани бысте сихъ противлeніемъ. тако же и сіи нынѣ противишася вашей милости, да и тіи помиловани будутъ. затвори бо богъ всѣхъ въ противлeніе, да всѣхъ помилуетъ. о глубина богатества и премудрости и разума божія. яко не испытани судове его, и не изслѣ довани путіе его. кто бо разумѣ умъ господень; или кто совѣтникъ ему бысть; или кто прeжде дастъ ему, и воздастся ему; яко истого, и тѣмъ, и въ нeмъ всяческая. тому слава во вѣки аминь.

Глава, 12.

Зач., 108.* Молю убо васъ братіе щедротами божіими, представите тѣлеса ваша жeртву живу, святу, благоугодну богови, словeсное служeніе ваше. и не сообразуйтеся вѣку сему, но преобразуйтеся обновлeніемъ ума вашего, во еже искушати вамъ, что есть воля божія, благая и угодна и совершeна. Глаголю убо благодатію давшеюмися, всякому сущему въ васъ, не мудрствовати паче, еже по добаетъ мудрствовати, но мудрствовати въ цѣломудріи, комуждо яко же богъ раздѣлилъ есть мѣру вѣры.

Зач., 109.* Яко же бо во единомъ тѣлеси, многи уды имамы, уды же вси не тожде имутъ дѣланіе. такожде и мнози едино тѣло есмы о христѣ, а по единому другъ другу уди.

Зач., 110.* Имущу же дарованія по благодати даннѣй намъ различна. аще пророчество по мѣрѣ вѣры. аще ли же служeніе, въ служeніи, аще учаи, во учeніи, аще утѣшаяи, во утѣшeніи. подаваяи въ щедротствѣ, и въ простотѣ предстояи со тщаніемъ, милуяи съ добрымъ изволeніемъ. любы не лицемѣрна, ненавидящи злое, прилѣпляющеся благому. братолюбіемъ другъ ко другу любeзни, чeстію другъ друга болша творяще. тщаніемъ не лѣниви, духомъ горяще, господви работающе, упованіемъ радующеся, скорби терпяще, въ молитвѣ пребывающе, въ трeбованіихъ святымъ прилежаще, страннолюбія держащеся. благословляйте гонящая вы. благословите, а не кленѣте. Радоватися съ радующимися, и плакати съ плачущими, тожде другъ ко другу мудрствующе, не высокая мудрствующе, но смирeными ведущеся. Не бывайте мудри о себѣ, ни единому же зло за зло воз дающе, промышляюще добрая предъ всѣми человѣкы. Аще возможно еже отъ васъ со всѣми человѣкы миръ имѣйте. не себе отмщающе возлюбленіи, но дадите мѣсто гнѣву. Писано бо есть, мнѣ отмщeніе, азъ воздамъ, глаголетъ господь. Аще убо алчетъ врагъ твой, ухлѣби его. аще ли жаждетъ, напой его, сіe бо творя угліе огнено собираеши на главу его. не побѣждeнъ бывай отъ зла, но побѣждай благимъ злое.

Глава, 13.

Зач., 111.* Всяка душа властемъ предержащимъ да повинуется. нѣсть бо власть, аще не отъ бога. сущи яже власти отъ бога учинeны суть. Тѣмъ же противляяися власти, божію повелѣнію противляется. противляющеижеся, себѣ грѣхъ пріeмлютъ. князи бо нѣсуть боязнь добрымъ дѣломъ, но злымъ. хощеши же ли не боятися власти; благое твори, и имѣти будеши похвалу отъ него. божіи бо слуга есть тебѣ въ благое. аще ли злое твориши, бойся. не бо безума мeчь носитъ. божіи бо слуга есть, отмститель въ гнѣвъ злое творящему. тѣмъ же потрeба повиноватися, не токмо за гнѣвъ, но и за совѣсть. сего бо ради и дани даeте. служители бо божіи суть въ истое се пребывающе. воздадите убо всѣмъ должная. ему же убо урокъ, урокъ. а ему же дань, дань. а ему же страхъ, страхъ. И ему же чeсть, чeсть. ни единому же ничимъ же должни бывайте. точію еже любити другъ друга. Любяи бо друга, законъ сконча. еже бо не прелюбы сотвориши, не убіeши, не украдеши, не лжесвѣдѣтельствуеши, не похощеши, и аще ина запо вѣдь, въ сeмъ словеси совершается, во еже возлюбиши искреняго своего яко же самъ себе. любы искренему зло не творитъ, исполнeніе убо закону, любы есть. И сіе вѣдяще врeмя, яко часъ уже намъ отъ сна востати.

Зач., 112.* Нынѣ убо ближайшее намъ спасeніе, нeжели егда вѣровахомъ. Нощь убо прeиде, а день приближися. отложимъ убо дѣла тeмная, и облечeмся въ оружіе свѣта. яко во дне благообразно да ходимъ, не ко злогла сованіи и піяньствы, не любодѣяніи, и студодѣяніи, не рвeніемъ и завистію. но облецѣтеся господемъ нашимъ ісусъ христомъ. и плоти угодія не творите въ похоти.

Глава, 14.

Изнемогающаго же о вѣрѣ утвержайте, не въ сомнѣніе помышлeніи. овъ бо вѣруетъ ясти вся, а изнемогаяи, зeліе да ястъ. Ядыи, не ядущаго да не укоряетъ. и не ядыи, ядущаго да не осуждаетъ. богъ бо его пріятъ, ты кто еси судяи чюждeму рабу; своему господви стоитъ, или падаетъ, станетъ же. силенъ бо есть богъ поставити его. овъ убо разсуждаетъ день чрeзъ день, овъ же судитъ на всякъ день. кождо своeю мыслію да извѣствуется.

Зач., 113.* Мудрствуяи день, господви мудрствуетъ. и не мудрствуяи день, господви не мудрствуетъ. и ядыи, господви ястъ, и благодаритъ бога. и не ядыи, господви не ястъ, и благо даритъ бога. никтоже бо насъ себѣ живeтъ, и никтоже себѣ умираетъ. аще убо живeмъ, господви живeмъ. аще умираемъ, господви умираемъ. Аще убо живeмъ, аще ли умираемъ господви есмы.

Зач., 112.* На се бо христосъ и умре и воскресе и оживе, да мeртвыми и живыми обладаетъ. Ты же почто осуждаеши брата своего; Или ты что уничижаеши брата своего; вси бо предстанемъ судищу христову. писано бо есть, живу азъ глаголетъ господь, яко мнѣ поклонится всяко колѣно, и всякъ языкъ исповѣсться господви. Тѣмъ же убо кождо насъ о себѣ слово дастъ господви. не ктому убо другъ друга осуждаемъ, но сіе паче судите, еже не полагати притыканіе брату въ соблазнъ. Вѣмъ, и извѣ щeнъ есмь о христѣ ісусѣ, яко ничтоже сквeрно его ради. точію помышляющему что сквeрно быти, оному сквeрно есть. аще убо брашна ради братъ твой скорбитъ, уже не по любви ходиши. не брашномъ своимъ того погубляи, за него же христосъ умре. да не хулится убо ваше благое. Нѣсть бо царство божіе, брашно и питіе, но правда и миръ, и радость о дусѣ святѣ. иже бо сими служитъ христови, благоугоденъ есть богови, и искусенъ человѣкомъ.

Зач., 115.* Тѣмъ же убо миръ возлюбимъ, и яже къ созданію другъ ко другу. не брашна ради, разаряи дѣло божіе. Вся бо чиста, но зло человѣку притыканіемъ ядущему. добро не ясти мясъ, ни пити вина, ни о нeмъ же братъ твой притыкается, или соблажняется, или изнемогаетъ. ты вѣру имаши, о себѣ самъ имѣй прeдъ богомъ. блажeнъ не осуждаяи себе, о нeмъ же искушается. а сомняися аще ястъ, осуждается, зане не отъ вѣры, всяко же еже не отъ вѣры, грѣхъ есть. могущему же васъ утвердити, по благовѣствованію моему, и проповѣданію ісусъ христову, по откровeнію тайны, лѣты вѣчными умолчанѣ, явльшижеся нынѣ писаніи пророческими, по повелѣнію вѣчнаго бога, въ послушаніе вѣры, во всѣхъ языцѣхъ познавшися, единѣмъ премудрымъ богомъ ісусъ христомъ, ему же слава во вѣки аминь.

Глава, 15.

Зач., 116.* Должни же есмы мы силніи, нeмощи немощныхъ носити, и не себѣ угожати, кождо же васъ ближнему да угожаетъ въ благое къ созданію. ибо и христосъ не себѣ угоди. но яко же есть писано, поношeнія поносящихъ тебѣ нападоша на мя. елика бо преднаписана быша, въ наше наказаніе преднаписа шася. да терпѣніемъ и утѣшeніемъ писаніи, упованіе имамы. богъ же терпѣнія и утѣшeнія да дастъ вамъ тожде мудрствовати другъ ко другу, о христѣ ісусѣ. да единодушно, едиными усты славите бога и отца господа нашего ісуса христа.

Зач., 117.* Тѣмъ же пріeмлите другъ друга, яко же и христосъ пріятъ васъ въ славу божію. Глаголю же христа ісуса служителя бывша обрѣзанію по истинѣ божіи, во еже утвердити обѣтованія божія отецeмъ. а языкомъ по милости прославити бога. яко же есть писано, сего ради исповѣмся тебѣ во языцѣхъ господи, и имени твоему пою. И паки глаголетъ, возвеселитеся языцы, съ людми его. И паки, хвалите господа вси языцы, похвалите его вси людіе. И паки ісаія глаголетъ, будетъ корень іессeoвъ, и востаяи владѣти надъ языки, на того языцы уповаютъ. богъ же упованія, да исполнитъ васъ всякоя радости и мира, въ вѣрѣ избыточествовати вамъ во упованіи, силою духа святаго. Извѣщeнъ есмь братіе моя и самъ азъ о васъ, яко и сами вы полни есте благости, и исполнени всякого разума, могуще и инѣхъ научити. дeрзѣе же писахъ вамъ братіе моя отчасти, яко воспоминая вамъ, за благодать данную ми отъ бога, во еже быти ми служителю ісусъ христову во языцѣхъ, священнодѣйствующа благовѣствованіе божіе. да будетъ приношeніе, еже отъ языкъ благопріятно, и освященно духомъ святымъ.

Зач., 118.* Имамъ убо похвалу о христѣ ісусѣ яже къ богу. не смѣю бо глаголати что, ихъ же не содѣя христосъ мною, въ послушаніе языкомъ, словомъ и дѣломъ, въ силѣ и знаменіихъ и чюдесѣхъ, силою духа божія. Яко же ми отъ іерусалима и окрестъ даже до иллирика исполнити благо вѣствованіе христово. сице же потщався благовѣстити, не идѣже именовася христосъ, да не на чюжeмъ основаніи созижду. Но яко же есть писано, имъ же не возвѣстися о нeмъ, тіи узрятъ. и иже не услышаша, уразумѣютъ. Тѣмъ же и возбранeнъ быхъ многажды пріити къ вамъ. нынѣ же ктому мѣста не имыи въ странахъ сихъ, желаніе же имыи пріити къ вамъ отъ многъ лѣтъ, яко аще поиду во испанію, пріиду къ вамъ. уповаю бо мимо грядыи видѣти васъ, и вами проводитися тамо, аще васъ прeжде отчасти насыщуся. нынѣ же гряду во іерусалимъ въ служeніе святымъ. благоволиша бо македонія и ахаія общeніе нѣкое сотворити, къ нищимъ святымъ живущимъ во іерусалимѣ. Благоволиша бо, и должни имъ суть. аще бо въ духов ныхъ ихъ причастникы быша языцы, должни суть и въ плотьскихъ послужити имъ. сіе убо скончавъ и запечатлѣвъ имъ плодъ сeй, пойду вами во испанію. вѣмъ же яко грядыи къ вамъ, во исполнeніе благословeнія, благовѣстія христова пріиду.

Зач., 119.* Молю же вы братіе, господемъ нашимъ ісусъ христомъ, и любовію духа, споспѣшествуйте ми въ молитвахъ о мнѣ къ богу, да избавлюся отъ противлящихмися во іудeи. да служба моя яже во іерусалимѣ благопріятна будетъ святымъ, да съ радостію пріиду къ вамъ, волею божіею, и упокоюся съ вами. богъ же мира со всѣми вами. аминь.

Глава, 16.

Зач., 120.* Вручаю же вамъ ѳивeю сестру нашу, сущу служитель ницу церкови яже въ кегхрeихъ, да пріимете ю о господѣ достойнѣ святымъ, и поспѣшествуйте ей, о нeй же аще отъ васъ потрeбуетъ вeщи. Ибо и сія заступница многимъ бысть, и самому мнѣ. цѣлуйте прискиллу и акилу, споспѣшника моя о христѣ ісусѣ, иже по души моeй своя выя положиша, ихъ же не азъ единъ благодарю, но и вся церкови языческія, и домашнюю ихъ церковь. цѣлуйте епенeта возлюбленаго ми, иже есть начатокъ ахаіи во христа. цѣлуйте маріамъ, яже много трудися о насъ. цѣлуйте андроника и іунію, сродники моя и соплѣнники моя, иже суть нарочиты во апостолѣхъ, иже и прeжде мене вѣроваша во христа. цѣлуйте амплія возлюбленнаго ми о господѣ. цѣлуйте урвана, споспѣшника нашего о христѣ, и стахія возлюбленнаго ми о гдcѣ. цѣлуйте апeлея искусна о христѣ, цѣлуйте сущихъ отъ аристовула. цѣлуйте иродіона сродника моего. цѣлуйте иже отъ наркисса сущая о господѣ. цѣлуйте трифeна и трифоса, тружающихся о господѣ. цѣлуйте персиду возлюбленную, яже много трудися о господѣ, цѣлуйте руфа, избраннаго о господѣ, и матерь его и мою. цѣлуйте асигкрита, флегонта, ерма, и патрова, ермина, и сущую съ ними братію. цѣлуйте филолога, и іулію, нирeя, и сестру его, и олимпана, и суща съ ними вся святыя. цѣлуйте другъ друга лобзаніемъ святымъ. цѣлуютъ вы вся церкови христовы.

Зач., 121.* Молю же вы братіе блюдитеся отъ творящихъ распря и раздоры, чрeзъ учeнія ему же вы научистеся, и уклонитеся отъ нихъ. таковіи бо господви нашему ісусу христу не работаютъ, но своему чрeву, иже благими словесы и благословeніемъ прельщаютъ сердца незлобивыхъ. ваше бо послушаніе, ко всѣмъ достиже. радуюжеся еже о васъ. хощу же васъ мудрымъ убо быти въ благое, кроткомъ же въ злое. богъ же мира, да сокрушитъ сатану подъ ноги ваша вскорѣ. Благодать господа нашего ісуса христа съ вами. цѣлуетъ вы тимоѳeй споспѣшникъ мой, и лукіе, и іассонъ, и сосипатръ сродники мои. цѣлую вы и азъ тeртіе, написавыи посланіе сіе о господѣ. цѣлуетъ вы гаіе страннопріимецъ мой, и церкове всея. цѣлуетъ вы ерастъ строитель градскіи, и куартъ братъ. благодать господа нашего ісуса христа со всѣми вами, аминь.

Конeцъ посланію къ римляномъ.
имать въ себѣ главъ 16.
а зачалъ церко
вныхъ,
44.