Соборное посланіе Іаковле

1 2 3 4 5

Глава, 1.

Зач., 50. Іаковъ богу и господу ісусу христу рабъ, обѣма надесяте колѣ нома иже въ разсѣяніи радоватися. всяку радость имѣйте братіе моя, егда во искушeнія впадаете различна. вѣдяще яко искушeніе вашея вѣры, содѣло ваетъ терпѣніе. терпѣніе же дѣло совершeно да имать, яко да будете совершeни и всецѣли, и ничимъ же лишeни. аще кто отъ васъ лишeнъ есть премудрости, да проситъ отдающаго бога всѣмъ вкупѣ, и непоношающа, и дастся ему. да проситъ же вѣрою, ничтоже сумняся. сумняибося уподобися волнeнію морскому вѣтры возмѣтаему и развѣваему. да не мнитъ человѣкъ онъ яко пріиметъ что отъ бога. мужъ двоедушенъ, не устроенъ во всѣхъ путeхъ своихъ. да хвалитжеся братъ смирeныи, въ высотѣ своeй. богатыи же, въ смирeніи своeмъ, зане яко же цвѣтъ травныи мимо идетъ. восія бо солнце со зноемъ, и иссуши траву, и цвѣтъ ея отпаде, и благолѣпіе лица ея погибе. сице и богатыи въ хожeніи своeмъ увядаетъ. Блажeнъ мужъ иже претерпитъ искушeніе, зане искусенъ бывъ, пріиметъ вѣнeцъ жизни, его же обѣща богъ любящимъ его. Никтоже искушаемъ да глаголетъ яко отъ бога искушаемъ есмь. богъ бо нѣсть искуситель злымъ, не искушаетъ же той никогоже. Кождо же искушается отъ своея похоти влекомъ и прельщаемъ. таже похоть зачeнши ражаетъ грѣхъ, грѣхъ же содѣянъ ражаетъ смeрть. не льститеся братіе моя возлюбленая. всяко даяніе благо, и всякъ даръ совершeнъ свыше есть, сходя отъ отца свѣтомъ, у него же нѣсть премѣнeнія или преложeнію стѣнь. восхотѣвъ бо породи насъ словомъ истины во еже быти намъ, начатокъ нѣкіи созданіoмъ его.

Зач., 51.* Тѣмъ же братіе моя возлюбленая, да будетъ всякъ человѣкъ скоръ услышати, и косенъ глаголати, косенъ во гнѣвъ. гнѣвъ бо мужу, правду божію не содѣваетъ. сего ради отложьше всяку сквeрну и избытокъ злобы, въ кротости пріимите всаждeнное слово, могуще спасти душа ваша. бывайте же творцы слову, а не точію слышателе, прельщающе себе самѣхъ. зане аще кто есть слышатель слову а не творeцъ, таковыи уподобися мужу смотряю щу лице бытія своего въ зерцалѣ, усмотри бо себе, и отиде, и абіе забы каковъ бѣ. Приникіи же въ законъ совершeнъ свободѣ, и пребывъ, сeй не слышатель забытливъ бывъ, но творeцъ дѣлу, сeй блажeнъ въ дѣланіи своeмъ будетъ. Аще кто мнится добродѣтеленъ быти въ васъ, и не обуздаваетъ языка своего, но льститъ сердце свое, сего суетна есть добродѣтель. вѣра бо чиста и несквeрна прeдъ богомъ и отецeмъ сія есть, еже посѣщати сирыхъ и вдовицъ въ скорбѣхъ ихъ, и несквeрна себе соблюсти отъ мира.

Глава, 2.

Зач., 52.* Братіе моя, не на лица зряще имѣйте вѣру господа нашего ісуса христа славы. аще бо внидетъ въ сонмище ваше мужъ, златъ пeрстень нося и въ ризѣ свѣтлѣ. внидетъ же и нищъ въ худѣ одeжди, и возрите на носящего ризу свѣтлу, и речeте ему, ты сяди здѣ добрѣ. и нищему речeте, ты стани тамо, или сяди здѣ на подножіи моeмъ, и не расмотристе въ себѣ и бысте судія помышлeніемъ злымъ. слышите братіе моя возлюбленая, не богъ ли избра нищая мира сего, богатыхъ въ вѣрѣ, и наслѣдники царствію, еже обѣща любящимъ его; вы же укористе нищаго. не богатіи ли насилуютъ вамъ, и тіи влекутъ вы на судища; не тіи ли хулятъ доброе имя наречeнное на васъ; аще убо законъ совершаете церкіи по писанію, возлюбиши искреняго своего яко же самого себе, добрѣ творите. аще ли на лица зрите, то грѣхъ содѣваете, обличаеми отъ закона яко же преступницы. Иже бо вeсь законъ соблюдeтъ, согрѣшитъ же во единомъ, бысть всѣмъ повиненъ. рекіи бо не прелюбы сотвориши, рeклъ есть, и не убіeши. аще ли не прелюбы сотвориши, убиваеши же, бысть преступникъ закону. тако глаголите и тако творите, яко закономъ свободномъ хотяще судъ пріяти. судъ бо безъ милости не сотворшему милости. хвалится милость на судѣ.

Зач., 53.* Кая польза братіе моя, аще вѣру глаголетъ кто имѣти, дѣла же не имать, еда можетъ вѣра спасти его; аще же братъ или сестра нага будета, и лишeни будета дневныя пища, речeтъ же кто има отъ васъ, идѣта съ миромъ, грѣйтася и насыщайтася, не дастъ же има трeбованіе тѣлeсное, кая польза; тако и вѣра аще дѣлъ не имать, мeртва есть о себѣ. Но речeтъ кто, ты вѣру имаши, азъ же дѣла имамъ. покажи ми вѣру твою отъ дѣлъ твоихъ, и азъ покажу тебѣ отъ дѣлъ моихъ вѣру мою. ты вѣруеши яко богъ единъ есть; добрѣ твориши. и бѣси вѣруютъ и трепeщутъ. хощеши же ли разумѣти о человече суетне, яко вѣра безъ дѣлъ мeртва есть; авраамъ отецъ нашъ, не отъ дѣлъ ли оправдася. вознeсъ ісаака сына своего на олтарь; видиши ли, яко вѣра поспѣшествоваше дѣломъ его, и отъ дѣлъ вѣра совершися; и совершися писаніе глаголющее, вѣрова же авраамъ богови, и вмѣнися ему въ правду, и другъ божіи наречeтся. зрите ли убо яко отъ дѣлъ оправдается человѣкъ, а не отъ вѣры единыя; такожде же и раавь блудница не отъ дѣлъ ли оправдася, пріeмше сходники, и инымъ путeмъ извeдше ихъ. Яко же бо и тѣло безъ духа мeртво есть, тако и вѣра безъ дѣлъ мeртва есть.

Глава, 3.

Зач., 54.* Не мнози учители бывайте братіе моя, вѣдяще яко вящшее осуждeніе пріимемъ, много бо согрѣшаемъ вси. аще кто въ словѣ не согрѣшаетъ, сeй совершeнъ мужъ, силенъ обуздати и все тѣло. се бо и конемъ узды во уста влагаемъ, да повинуются намъ и все тѣло ихъ обращаемъ. се и корабли велицы суще, и отъ жестокихъ вѣтровъ затачаеми, обращаются малымъ кормилцемъ, ямо же аще стремлeніе правящаго хощетъ. такожде же и языкъ малъ удъ есть, и велми хвалится. се малъ огнь и коль велицы вeщи сожигаетъ. и языкъ огнь, лѣпота неправдѣ. сице и языкъ водворяется во удесѣхъ нашихъ, скверня все тѣло, и паля около твари нашея, и опаляяся отъ геeны. всяко бо естество звѣрeй же и птицъ, гадъ же и рыбъ, умучается и умучится естествомъ человеческимъ. языкъ же никтоже можетъ отъ человѣкъ умучити, не одержимо бо зло, исполнь яда смертоносна. тѣмъ благословляемъ бога и отца, и тѣмъ кленeмъ человѣки, иже по подобію божію бывшая. отъ тѣхъ же устъ исходитъ благословeніе и клятва. не подобаетъ братіе моя возлюбленая симъ тако бывати.

Зач., 55.* Еда убо источникъ отъ единого устія источаетъ сладкое и горкое; еда можетъ братіе моя, смоковница маслины творити, или виноградная лоза смоквы; такожде ни единъ источникъ слану и сладку творити воду. Кто премудръ и худогъ въ васъ; да покажетъ отъ добраго житія дѣла своя въ кротостнѣй премудрости. аще ли зависть горку имате и рвeніе въ сердцыхъ вашихъ, не хвалитеся ни лжите на истину. Нѣсть сія прему дрость свыше низходящи, но зeмна, душeвна, бѣсовска. Идѣже бо зависть и рвeнія, ту нестроeніе, и всяка зла вeщь. а яже свыше премудрость, пeрвѣе убо чиста есть, потомъ же мирна, кротка, благопокорлива, исполнь милости и плодовъ благыхъ. несумѣнна, и не лицемѣрна. Плодъ же правды смирeніемъ сѣется творящимъ миръ.

Глава, 4.

Откуду брани и свары въ васъ; не отсюду ли отъ сластeй вашихъ воюющихъ во удесѣхъ вашихъ; желаете, и не имате. Убиваете и завидите, и не можете улучити. сваряетеся и борете, и не имате, зане не просите. Просите, и не пріeмлете, зане злѣ просите, да въ сластехъ вашихъ иждивeте. Прелюбодѣицы и прелюбодѣица, не вѣсте ли яко любы мира сего, вражда богу есть; иже бо восхощетъ другъ быти миру, врагъ божіи бываетъ. Или мните яко всуе писаніе глаголетъ, къ зависти желаетъ духъ, иже вселися въ ны; болшую же даeтъ благодать. Тѣмъ же глаголетъ, господь гордымъ противится, смирeнымъ же даeтъ благодать.

Зач., 56.* Повинитеся убо богу, противитежеся діаволу, и бѣжитъ отъ васъ. приближитеся богу, и приближится вамъ. очистите руцѣ грѣшницы, исправите сердца ваша двоедушніи. Постражите и слезите и плачитеся, смѣхъ вашъ въ плачь да обратится, и радость въ сѣтованіе. смиритеся прeдъ богомъ, и вознесeтъ вы. Не оклеветайте другъ друга братіе. оклеветаяи бо брата, или осужаяи брата своего, оклеветаетъ законъ, и осужаетъ законъ. аще ли законъ осужаеши, нѣси творeцъ закону, но судіи. Единъ есть законоположникъ, и судіи, могіи спасти и погубити. Ты же кто еси осужаяи друга; слышите нынѣ глаголющеи, днeсь и утрѣ пойдемъ въ сeй градъ, и сотворимъ ту лѣто едино, и куплю дѣемъ и пріобрѣтеніе. иже не вѣсте что утрѣ случится. Кая бо жизнь ваша; пара убо есть, иже вмалѣ является, потомъ же исчезаетъ. вмѣсто еже бы глаголати вамъ, аще господь восхощетъ, и живи будемъ и сотворимъ сіе или оно. нынѣ же хвалитеся въ гордыняхъ вашихъ. всяка хвала такова, зла есть. вѣдящему же убо добро творити, и не творящу, грѣхъ ему есть.

Глава, 5.

Пріидѣте нынѣ богатіи плачитеся и рыдайте о лютыхъ скорбѣхъ вашихъ грядущихъ на вы. Богатство ваше изгни, и ризы ваша моліе поядоша, злато ваше и сребро изоржавѣ, и ржа ихъ въ послушество на васъ будетъ, и снѣсть плоти ваша аки огнь, его же снискасте въ послѣдняя дни. Се мзда дѣлателіи, дѣлавшихъ нивы ваша лишeни отъ васъ, вопіeтъ, и вопіeнія жавшихъ во уши господа саваоѳа внидоша. Возвеселистеся на земли, и насладистеся. упитасте сердца ваша аки въ день заколeнія. осудисте, убисте праведнаго, не противится вамъ. долготерпите убо братіе моя до пришeствія господня. се земледѣлецъ ждeтъ чcтныи плодъ отъ земля долготерпя о нeмъ, дондеже пріиметъ дождь ранъ и позденъ. долготерпите убо и вы. утвердите сердца ваша, яко пришeствіе господне приближися. Не воздыхайте другъ на друга братіе, да не осуждeни будете. се судія предъ двeрми стоитъ.

Зач., 57.* Образъ пріимѣте братіе моя, злострастію и долготерпѣнію, пророкы, иже глаголаша именемъ господнимъ. се блажимъ терпящая. Терпѣніе јoвово слышасте, и кончину господню видѣсте, яко многомилостивъ есть господь, и щeдръ. Прeжде всѣхъ братіе моя, не кленѣтеся, ни небомъ ни землeю, ниже иною клятвою коею. Буди же вамъ, еже ей, ей. и еже ни, ни. да не въ лицемѣріе впадeте. Злостражетъ ли кто въ васъ; да молитву дѣетъ. благодушествуетъ ли кто; да поeтъ. болитъ ли кто въ васъ; да призовeтъ попы церковныя, и да молитву сотворятъ надъ нимъ, помазавше его масломъ во имя господне. И молитва вѣры, спасeтъ болящаго, и воздвигнетъ его, господь. И аще грѣхи будетъ сотворилъ, отпустятся ему. Исповѣдайте убо другъ другу согрѣшeнія, и молитеся другъ за друга, яко да исцѣлѣете. много бо можетъ молитва праведнаго поспѣшествуема. Илія человѣкъ бѣ подобострастенъ намъ, и молитвою помолися, да не будетъ дождь, и не одожди по земли лѣта три, и месяцъ шeсть. и паки помолися, и небо дождь дастъ, и земля прозябе плодъ свой. Братіе, аще кто въ васъ заблудитъ отъ пути истинны, и обратитъ кто его, да вѣсть, яко обративыи грѣшника отъ заблужeнія пути его, и спасeтъ душу отъ смeрти, и покрыетъ множество грѣховъ.

Конeцъ іаковлю соборному посланію.
Имать въ себѣ, главъ, 5.
а зачалъ церков
ныхъ,
8.