Psalmi chapter 147 tag:/fsspx-fsipd.lv,2026-04-25:20260425 2026-04-25T00:04:42+03:00 tag:/fsspx-fsipd.lv,2026-04-25:20260425 2026-04-25T00:04:42+03:00

alleluia laudate Dominum quoniam bonum est canticum Dei nostri quoniam decorum est pulchra laudatio aedificabit Hierusalem Dominus eiectos Israhel congregabit qui sanat contritos corde et alligat plagas eorum qui numerat multitudinem stellarum et omnes nomine suo vocat magnus Dominus noster et multus fortitudine prudentiae eius non est numerus suscipiens mansuetos Dominus humilians impios usque ad terram canite Domino in confessione canite Deo nostro in cithara qui operit caelos nubibus et praebet terrae pluviam et oriri facit in montibus germen qui dat iumentis panem suum filiis corvi clamantibus non est in fortitudine equi voluntas eius neque in tibiis viri placetur ei placetur Domino in his qui timent eum et expectant misericordiam eius lauda Hierusalem Dominum cane Deum tuum Sion quia confortavit vectes portarum tuarum benedixit filiis tuis in medio tui qui posuit terminum tuum pacem adipe frumenti saturavit te qui emittit eloquium suum terrae velociter curret verbum eius qui dat nivem quasi lanam pruinas quasi cinerem spargit proicit glaciem suam quasi buccellas ante faciem frigoris eius quis stabit mittet verbum suum et solvet illa spirabit spiritu suo et fluent aquae qui adnuntiat verbum suum Iacob praecepta sua et iudicia sua Israhel non fecit similiter omni genti et iudicia eius non cognoscent alleluia

Pro Hereditate Catholica admin@/fsspx-fsipd.lv